西貢星越泰風味館 (Closed)

我住響第一城隔離所以一得閒都過黎食野其實本人幾欣賞佢一D食物如：生牛肉湯河、春卷、泰色生蝦、泰色豬頸肉...不過好食還好食呢間野好似真係以為野好食大晒咁D員工服務態度真係差到嘔囉...好似我食生牛肉河指明要分牛肉上...因為我一定食生既牛肉...但佢都聽完話好就算數...到黎既時候D牛肉熟晒既...大佬...咁就唔叫生牛肉湯河啦...D 人又冇禮貌成日好似要趕客走咁...連我眼見最有禮貌0個個員工都冇做喇...我都唔明...俾少少錢食你D野都要受你氣...有冇搞錯先...=_=又好似之前去食佢個咖喱羊腩煲一黎到見入面一大堆支竹D咖喱仲浠好似水咁D羊腩又得番D骨成煲野好似X 水咁叫人點食先！！！我問個侍應點解會咁佢淨係答我D羊腩汁黎既跟住就走左去我當堂嬲到震好心佢個老細就教導下D員工啦...

一班同事lunch,久不久就嚟幫親！講真,食物唔算好好,但亦都唔可以話太差既,一句講晒"一般啦"！炒粉麵太油;而啲檬粉&香矛豬扒、雞翼都OK既！但論服務就真係麻麻啦,明天lunch時間係好多人,但佢地安排座位就真係唔掂。我地一行六人,等左好耐,佢地竟可以叫我地坐一張細細既四人桌！喂,大佬呀,一睇就知迫住咁坐得落去都食唔到野啦,我地話等有六人位先,佢竟然話"d學生都係咁坐啦",真係唔知咩態度呀！另外,佢地d伙計非常"眼明手快"囉,一見你放低筷子唔夠兩秒就立刻收晒你d野,,,,,,食飽諗住慢慢飲杯野,但起碼有四正個人不停睥實晒！喂,就係見無人再等位,慢慢飲杯野都唔得,勁催人走咁,好唔掂呀！！

一班人去食lunch，我叫左碗特式牛丸檬粉($25)，我不想食其他豬頸肉炒粉或炸豬排飯，太heavy!食物很快上枱，很大碗，牛丸和檬粉好多，另有芽菜和蘿白，同出面粉麵檔一樣，凍飲加2蚊，ok la~炒粉，飯都是碟頭，一般.

佢地d服務態度一般..好惡但係野都幾好味!

晚上2個人去食dinner:1) 生蝦刺身- 做緊特價, $24有8隻, 點埋佢個汁食都唔錯2) 墨魚丸串- 一碟三串(一串有2粒), 炸完加d沙爹之類既醬汁, 味道一般3) 越南炒飯- 味道幾好, 份量頗大4) 椒絲腐乳通菜- 合格, 但腐乳味唔夠濃整體ok, 價錢尚算合理.

會去食TEA 囉~~$20....有埋杯野飲...算係咁啦~味道唔算差囉~

今晚同家人黎開飯. 水準一般. 推介只有香茅豬肉撈檬Only. 其他的例如辣通菜. 沙爹牛肉湯粉絲. 春卷.蒸粉包.小巴黎做得好過佢地. 冇乜特別. 今晚搭. 因為場內大多大. 二人及四人比較少數量. 所以坐得唔舒服.

今次叫了一個星加坡炒貴刁,一個泰式炒濛粉,一個蝦球豬肉撈濛,一個湯粉,個貴刁都辣辣地,不過唔係好特別,ok啦,我個friend話炒濛粉好重味精,個撈濛和湯粉都麻麻地.overall,一般啦,可以好點.

廚房整野食唔掂,我諗剛入行1.湯,怪味,清潔精味,香葉應該最後先加,發覺完全煮爛,個煲底晒,明顯太大火煮太耐2.炒烏冬,過咸太油3.佢地是日推介,魚,腥,唔新鮮,炸粉太多未食過一間咁差泰式野,又唔平

呢間餐廳就o係我樓下,我都成日幫襯唔知點解d濛汁好鬼辣,相較小巴黎果d,真係辣好多差唔多所有食物都油淋淋又落好多味精侍應成日都唔幫人斟茶,隻茶杯又細到乜咁...明知食得多味精會口乾架嘛不過d食物都唔錯推介豬頸肉炒紅飯同埋咖喱煲加蒜蓉包蝦醬炒通菜都幾好侍應都幾有禮貌既比起法日餐廳果d趕客的侍應.....@@"呢間好好多

好多人等這間店以為好正,故試下. 但其實不是太抵,二十五元才一碗豬肉粉加drink,凍飲仲要加二元,特飲又要加五元.泰式炒濛粉加drink要二十八元,食物都ok,但沒有特別,味也不是太好,一點也沒有泰式feel.drink:三色冰也ok,但龍眼冰簡直是不知所謂,幾顆龍眼不是新鮮的,是龍眼乾,加上糖水就算,杯o野原價17元,都唔好咁唔見得人呀.