西環冰室 (Closed)

約咗幾個朋友食飯，火鍋撚無位，見到呢間有啲小炒諗住試下，坐低冇耐，就有個女職員主動行過嚟落單。個女職員態度好好，又介紹菜又推薦啤酒優惠😍我哋都叫咗4-5樣+幾支啤酒。點知有個懷疑係老闆嘅男人，態度勁差，無啦啦搶住落單+話個女職員使咩介紹咁多野，落單又唔耐煩😐嗰陣6點幾，得1,2枱客，上菜都算慢，食物質素就可接受，正常偏咸少少，不過送酒都ok，啤酒買一送一確實好抵。如果老闆肯以身作則會更加好🫢…Read More

近期石塘咀好多茶餐廳都執笠，冇乜得選擇就入咗呢間開咗唔係好長時間嘅茶餐廳，有點戰戰兢兢因為知道石塘咀好食嘅餐廳真係唔多。價錢又相對貴， CP值極低。咁坐低睇個早餐餐牌，有幾款野揀，最後點左圖中那份。以前屈地街潮苑未執笠嘅時候都會去食早餐，價錢平啲，質素都OK。咁就講返個早餐，蕃茄排骨意粉。個湯好水，都唔算係咩蕃茄湯，排骨有幾粒，冇乜太特別。兩舊勁大嘅薯仔最後我都冇食。餐包係凍嘅連放落微波爐都冇丁丁，炒蛋OK。問我會唔會再去食，我諗我唔會。只可以講蜀中無大將 廖化作先鋒！…Read More

呢間餐廳日間主力提供早餐、常餐、午餐、特餐同下午茶🍳而晚間就做小菜，食客仲可以自己買海鮮交俾佢地加工，非常方便🤩💗避風塘雞翼($78)雞翼炸至金黃香脆，食落嫩滑有肉汁🐥加入椒鹽、炸蒜同辣椒爆炒，味道辛辣惹味🧄💗豉汁煮白鱔($138)白鱔肉質結實爽彈，魚骨分明，食落冇魚腥味🦈加入豆豉、蒜蓉同蔥花一齊蒸，醬汁香濃入味🥢💗頭抽豉油皇蝦($138)大蝦爽彈牙鮮甜，充滿濃郁嘅醬油香，蝦頭仲有少量甘香嘅蝦膏🦐💗水煮牛肉($118)湯底以青椒、花椒、乾辣椒、豆瓣醬等材料炒香後煮成，味道麻辣鮮香，紅油鋪面🌶牛肉片份量十足，食落軟腍入味🐂配料嘅豆卜吸汁力強💗咕嚕肉($78)半肥瘦豬肉塊炸至外層香脆，內裡肉質彈牙鬆化🐖 醬汁酸甜開胃，茄汁味突出🍅另外加入菠蘿🍍、彩椒🫑同洋蔥🧅…Read More

去冰室食嘢通常都係茶餐多🙆‍♀️朋友介紹話呢度可以買海鮮🦞加工又近佢，就試試佢座位唔太多但都坐得舒服同企理😎一坐低有例湯飲，唔味精，夠味，掂💪🏻先上咗個上湯龍蝦🦞先，（自己買嚟加工）個汁味道好夾好恰當，唔太重味又好夾到個龍蝦肉質、鮮甜😋配煎米粉都係第一次試，相對配伊麵底感覺較輕盈冇咁滯，龍蝦功夫多又考功夫，感覺拍得住中高檔酒家水準💪🏻再蒸埋個扇貝（自己買嚟加工）😜除咗本身材料要新鮮都要蒸嘅時間拿捏得準確好鮮甜唔韌，尖椒好夾個扇貝😋有海鮮又點少得試吓啲雞呢，雞一啲都唔膠，口感實在同似返隻雞，夾埋蔥油同剁椒一齊食好好味😋豉油好香，好耐有食過好食嘅雞🥺再嚟煎藕餅，好香脆唔算油膩，蓮藕同蓮藕之間有層肉夾實，賣相好吸引，口感好豐富好惹味，份量剛好！咕嚕肉😜呢樣都好考功夫，都相當夠水準外脆内裡都夠腍夠入味，肥瘦適中，甜酸適中好開胃😋到簡單清淡嘅嘢，炒個西蘭花🥦，要炒得好其實都唔簡單🙈都好爽口又夠蒜香炒得好，水準睇嚟都好穩定豉油皇炒麵做完結，夠晒滿足😍鑊氣夠，唔會好多油🤪好多芽菜好味！今晚呢餐好滿足，冰室嚟講水準算相當高，份量同價錢都好合理，員工有禮貌、服務ok😚有機會會再嚟😋唔太記得每人呢餐夾幾錢，但各樣餸菜同海鮮加工收費都非常合理，開心嘅晚上☺️…Read More