西塘花記 (Closed)

今晚去銅鑼灣睇戲, 睇戲前來個速食~~好友帶我黎到西塘花記食餃子，估唔到又幾靚WOR, 而且價錢係合理.我地叫左個作招牌五福水餃，一共有５種顏色既水餃，白、黃、紅、綠、黑，每隻都飽滿漲卜卜，賣相真係好吸引！最中意既係紅色蕃茄牛肉餃，佢外皮混入左火龍果汁，入面仲爆汁，唔錯！另一個特別既黑色，係海三鮮水餃，外皮係墨魚汁，餡料由蟹肉、元貝和蝦仁組成，味道豐富。我地仲SHARE 左個小食, 花雕醉雞, 雞肉嫩滑~~我地叫左一碗麵SHARE, 我要蒜香雞翼湯麵, 雞翼好脆.另要左個生菜, 清清地好健康, 仲叫左個紅棗水, 好暖胃養生.overall 好抵食, d 野又上得快, 下次上堂前都可以黎個速食!…查看更多

收工後，我同男朋友行過灣仔天樂里一帶見到窗口內的店員拎住唔同顏色的餃子所吸引，我又勁肚餓之濟，就來到西唐花記食晚餐。招牌五福水餃（$78），這款五福水較可以一次過食到五款口味，我地又左至右開始食，每隻餃子都脹卜卜，不同顏色用上不同的蔬菜汁製成，餃子倍惑營養，建議食前前先咬一口，先試原汁原味的感覺，再點醋食。水餃餐附上老火雞湯都煲得好夠火候。綠色—- 翡翠三鮮水餃，綠色的皮是同菠菜汁製成，入面是鮮蝦仁和韮菜，非常之爆餡。黃色— 皮是採用了南瓜汁，餡料是冬菇和豬肉，肉汁好香甜。白色— 剁椒魚水餃，本以為白色是原味，餡料是用了新鮮的淡水魚和辣椒，有魚的鮮甜味，辣味很刺激味蕾，很惹味，絕對帶點驚喜。紅色— 蕃茄牛肉水餃，蕃茄味濃郁，皮是紅莧菜火龍果汁，而且一咬就爆哂汁，好Juicy、肉汁很好飲，的確唔錯。黑色— 皮用了墨魚汁，有少少意想不到，而餡料用上蟹肉、元貝、蝦仁，很好食，而且好有創意。紅燒牛肉湯麵（$56），牛肉麵湯底牛味十足，而一塊塊牛展的肉質鬆化，整碗味道都不俗。鹽酥雞（$42），炸得香酥可口，不會好咸，如果喜愛吃濃味可點旁邊的特製的醋醬料，酸酸味味亦是唔錯的選擇。花雕醉雞（$48），醉雞啖啖肉，而醉雞汁的花雕味好濃的酒味，連同粒粒的杞子，是款幾好的冷盤。土多啤梨梳打（$26），唔會好甜，上面放了薄河葉，帶點清新的味道。鮮柞南瓜露（$28），相信是這裡的特色推介飲品，用南瓜鮮柞不用落糖已覺得好好飲了，而且感覺是健康的。…查看更多

裝修採用既現代化又復古中式庭院設計西塘花記餃子店，主打五顏六色花色餃子🥟餃皮100%以天然蔬菜汁製作，不加任何色素想試齊多款口味，可試五福水餃，一盤包括：剁椒魚、番茄牛肉、冬菇豬肉、海三鮮（蟹柳、元貝、蝦仁）、素三鮮（雞蛋、韭菜、蝦仁） ，五款口味！個人私心推介海三鮮，墨汁皮配元貝、蟹柳、蝦仁切碎，有口感，很鮮味。😍叫水餃附送紅棗雪耳燉雞湯，都幾鮮甜，飲完唔會口乾，證明冇加味精😉至於小吃質素尚算中規中矩吧，既然係餃子店下次都會點返餃子好🙂…查看更多

好中意彩虹的我, 上網見到有間好靚既花色餃子,佢既顏色色素係採用天然蔬菜汁 , 全天然~仲有前冷盤、小菜、飯麵、甜品、飲品供應。 當然要黎試下啦~位置位於銅鑼灣同灣仔交界, 依道真係丁丁最方便環境餐廳整潔, 仲有部電視機不停放著餃子的製作過程, 好似你都跟佢地師傅整緊餃子咁近入口處係廚房, 可以睇到製作餃子過程牆身有荷花圖畫, 餐廳以亭園設計, 屋頂仲掛左櫻花佈置襯番個餐廳名---西塘花記好! 叫野食招牌五福水餃五福水餃分別係剁椒魚水餃, 蕃茄牛肉餃, 冬菇豬肉餃, 海三鮮水餃同翡翠三鮮水餃剁椒魚食落辣辣地, 好似魚蛋係水餃入面咁 蕃茄牛肉蕃茄味重, 一咬開好juicy  冬菇豬肉 黃色皮用南瓜汁做, 味道較淡味 黑色墨魚汁, 餡料係蟹肉, 元貝, 蝦仁, 十分鮮味 綠色 內饀有蝦仁, 雞蛋, 韭菜, 都係好juicy, 蝦仁, 雞蛋, 韭菜又幾match------------------------------雨花石水餃彩虹邊邊顏色既水餃皮, 睇見都流口水紅色邊邊係用左紅莧菜火龍果汁, 綠色係用左菠菜汁而黃色係南瓜汁幾款水餃入面都係包馬蹄豬肉, 老老豆豆味道其實唔係話好唔同, 但顏色真係好靚, 吃得到的彩虹是也~~雞絲拌粉皮 叫左個小食開胃, 白色粉皮上面有雞絲, 青瓜同埋花生碎, 醬汁用埋酸辣, 食落好惹味啊~鮮榨紫薯露紫薯露紫薯味超級濃, 熱飲同唔甜, 只有紫薯天然甜味, 好健康水蜜桃soda當然要叫埋杯唔健康既沖淡下haha~ 水蜜桃清新, 不過略甜不得不提, 水餃餐會附送紅棗雪耳燉雞湯, 地方的孩子需要湯水岩哂我依d 媽媽係無飯主婦ge 朋友仔~蒜頭豉油配餃子好過癮, 岩哂重口味寶寶…查看更多

因為最近在港島區返工關係，所以lunch time相約朋友都這間餃子店試一試。這間店鋪面比較闊落，中間位置有2排卡位，旁邊有粉紅櫻花佈置😎我和友人安排到卡位坐😌午飯時間人流不算太多，我們叫了五福水餃及煎鍋貼。店員很快即上了水餃同鍋貼，因為是蒸餃，所以更可以食到原材料的原汁原味，值得推介的是海三鮮水餃，墨汁餃子皮配上帶子加上鮮蝦分外鮮甜🤤煎鍋貼，外脆內軟😋非常香口😎餡料方面係鮮豬肉，外皮不像上海鍋貼比較像台灣鍋貼。…查看更多

今天帶小米到鵝頸街市，來一個＜街市遊樂團＞。過後轉出主要馬路坐叮叮，到另一區的大型遊樂場。坐叮叮前，要先食飽飽。小米看到這家粉紅色花花餐廳，加上門前的餃子餐牌，就嚷著要食餃子。　小米果然遺傳了＜喜歡餃子＞的基因！　自己喜歡食餃子，小米自小就常常接觸餃子。這種飲食習慣變成小米的＜味蕾的記憶＞，所以＜味蕾的記憶＞可以遺傳給下一代！　而餃子的結構，很適合懶人用餐。密封的外皮包著餡料，鎖住餡料的精。一口一件，保証原汁原味，一滴不漏。這就是自己喜歡餃子的主因。就座後，要煩惱選菜的問題！幸好有餃子大拼盤／雜崩冷，我倆可以嚐試不同款式的餃子。　　　　　　雨花石水餃　　　餐牌這樣寫：彩色餃皮是以紅莧菜火龍果汁，菠菜汁，南瓜汁　　餡料：馬蹄豬肉　　色彩繽紛餃子上枱了！小米看到七彩餃子，馬上舉箸來搶。先要小米來計算一下：八隻餃子二人分享，平均每人四隻。　　　　　口感＆味道：先嚐原味不沾醬。真係好似好似用餃子皮包著一堆馬蹄蒸肉餅。　不過馬蹄蒸肉餅跟蒜蓉加醋感覺唔多夾，屋企蒸肉餅也未曾試過加蒜蓉和醋，所以其他雨花石水餃，都維持品嚐原味。招牌五福水餃　五隻顏色的水餃，每色各二件，剛好每人一款。但小米不食黑色色物，又怕蕃茄餃子帶酸，最後選了二黃二綠一白。　自己被迫接受紅色和黑色水餃。　　翡翠三鮮水餃　青ＢＢ的波菜汁餃子皮，其實內裡有蔬菜的餡料：雞蛋，蝦仁，韮菜　　　小米在不察覺情況下，攝取蔬菜。終於肯食菜，心感安慰。　　　　冬菇豬肉餃　　黃色的南瓜汁餃子皮　餡料之中，有小米喜歡的冬菇。　　　　　剁椒魚水餃　　餡料：淡水魚，秘制辣椒醬　跟小米一人一隻。　米白色的餃子皮，內裡包著辣辣剁椒魚。可是小米嚐到剁椒的辣餃子，竟然毫無反應，原隻照吞囉！只怪剁椒魚不夠辣！　　蕃茄牛肉餃　　紅色皮料：紅莧菜火龍果汁　餡料：蕃茄及牛肉粒　　口感和味道：清新的蕃茄味比牛肉更突出。　　　海三鮮水餃　　黑色皮料：墨魚汁　餡料：蟹柳元貝蝦仁　真係有火鍋配料蟹柳，也有元貝蝦仁的味道。　　二組水餃各配燉湯一碗。　小米把紅棗雪耳燉雞湯一飲而盡，但百香果梳打卻遺下一半份量。　　看來燉湯比梳打美味。韮菜蝦肉煎餃即係鍋貼，餃子另一種的烹調方式。把二盤彩色餃子消滅後，意猶未盡，要再來一碟。　這個煎餃，有菜有蝦，可以令小米食菜，夠健康。自己喜歡沾上蒜蓉醋的醬汁，可消除煎餃的油膩。蒜蓉味強度中等，醋不夠酸。最好加入枱面調味盤的醋。另外以優惠價加配二款小食。　　　　　鮮花拌木耳　木耳軟綿綿，似貓耳朵。黑醋偏甜，酸味不太突出。　　鹽酥雞　　　炸雞件配甜酸汁。完成午餐後，馬上去坐叮叮，向大型遊樂場出發。…查看更多

灣仔開左間花色水餃，五顏六色好繽紛好開心見到好好想食五福水餃~5隻口味！多剁椒魚水餃，蕃茄牛肉水餃，冬菇豬肉餃，海三鮮水餃，翡翠三鮮水餃，水餃皮做顏色就做蔬菜色素提取！所以非常健康還有碗老火湯跟埋，紅棗雪耳燉雞湯精華所在！好飲海三鮮有蟹肉，元貝，蝦仁！幾爽口彈牙翡翠三鮮餃就有蝦仁，雞蛋，韭菜。味道都幾香濃剁椒魚水餃就幾驚喜！味道都幾香辣，夠哂惹味仲有叫左海蜇頭，夠哂口感，爽爽彈彈食出香醋味道口水雞份量都幾大份，唔會過辣，雞肉嫩滑幾入味！夏天食都幾爽…查看更多

近日在電視機📺上見到食物介紹節目🗣️，剛巧見到這家餐廳介紹的特色水餃頗為吸引🌈，尤其七彩繽紛的雨花石水餃✨，真係想一嚐一餃多色的味道。😋相約朋友🤝來到舖頭已見喺門面有師父👩🏻‍🍳包緊餃子十分忙碌💦，舖內佈置舒適❣️，牆上的荷蓮☘️正好配合店舖名稱，清雅脫俗👀。雨花石水餃🌈🥟Menu有介紹每種餃子嘅成分，好似呢一款餃子皮分別紅莧菜⭕、菠菜汁🌿、火龍果♦️、南瓜汁🔶而成，不是色素夠天然👈，餡料以豬肉同馬碲為主☝️，外表吸引似繽紛嘅彩虹🌈，size一口一隻😋，欣賞那碟生蒜蓉汁👅，夠晒刺激🔥，提升口感層次💢。四小福水餃👫👫分別有素三鮮水餃🌱、南瓜蝦肉餃🦐、泡菜豬肉餃🐖、紫菜豬肉餃🐽， 當中以泡菜豬肉餃較為惹味同出眾🗣️，如果不想食得太過搶味則以素三鮮水餃稍為平和🙏，整體嚟講質素平均，不錯🥢。酥炸排骨飯🐖🍚驚喜是排骨炸得鬆脆💥，咬落去脆卜卜就知道係啱啱炸起嘅🧡，本身是白飯可以另外加八蚊轉為菜飯🥢，菜飯更加香膩😋，當中有一些臘腸肉是提升口感嘅主因吧👈。剁椒皮蛋🥚剁椒提升❗皮蛋更加惹味⬆️。巨峰提子梳打 🍇🥤酸酸甜甜，很開胃。百香果酸奶⭐百香果酸奶酸酸甜甜，幼滑口感，不錯。💕整體食物唔錯，尤其是餃子別具心思🥰，可以相約朋友再來品嚐🤩。🥢🥟🥢🥟🥢🥟🥢🥟🥢…查看更多

我認，我很膚淺。當看見造型靚靚的食物時，未試其味，已即時顯現心心眼，二話不說，立即掏出手機來拍照。最近筆者就被一款彩虹水餃洗腦，其繽紛耀目的色彩，實在令人心花怒放，嘴角不其然微微向上翹。今午趁出灣仔辦事，順道過來朝聖。餐廳門面簡潔，近入口處設有廚房，可透過玻璃窗窺見製作餃子的過程。店子名字詩情畫意，室內裝修如出一轍，牆壁繪有荷花圖畫，座位仿照亭園設計，屋頂又以櫻花作佈置，優雅脫俗。除餃子外，這兒還有前冷盤、小菜、飯麵、甜品、飲品供應。專誠為雨花石水餃($72/8粒)而來，瞥見餐牌寫著「每天限量發售」，立即舉手落單，如果沒得吃的話，一定會大失所望。嘩！成品確如彩虹般夢幻，斑斕的色彩乃是火龍果汁、菠菜汁和南瓜汁，並非人工色素，絕對天然，大家可以吃得放心。咬開暖笠笠的餃子，外皮厚薄適中，煙煙韌韌，蔬菜汁味道清淡，相信主要用來添色而已。餡料是馬蹄豬肉，豬肉肥瘦比例恰好，沒有膩感；馬蹄可說是神來之筆，平均分佈在每個位置，清新爽脆，令餃子毫不單調。重口味者必蘸蒜蓉醋，濃香惹味。隨餃子附送的紅棗雪耳燉雞湯(單點：$20)，齋聽已覺滋潤。想不到湯頭幾濃郁喎，又沒有煲到油淋淋，碗內還有幾夥杞子和一些肉絲。紅棗甜味出眾，入口順喉、健康有益。最近睡眠不足皮膚乾涸，此時有啖湯水補一補，感覺真幸福。店子另一成名作招牌五福水餃($78/10粒)同樣迷惑人心。白、黃、紅、綠、黑，五種顏色的水餃，隻隻脹卜卜很飽滿，全部整齊排列，向食客展現最美的姿態。一時之間花多眼亂，不知先從那裏開始。白色的刴椒魚水餃以紮實Q彈的魚肉製作，並加入秘製辣椒醬，激刺味蕾，特別適合悶熱的夏天。紅色的蕃茄牛肉餃外皮混入火龍果汁，非常吸睛。筆者稍不留神，一咬便爆出大量肉汁，有點狼狽。蕃茄酸甜但始終不及芫茜香突出，與牛肉很匹配。黃色的冬菇豬肉餃外皮加了南瓜汁，餡料則是坊間常見，驚喜不大。反而黑色的海三鮮水餃較特別，墨魚汁外皮已夠型格，餡料由蟹肉、元貝和蝦仁組成，味道豐富、滿載鹹鮮，口味頗新穎的。至於綠色的翡翠三鮮水餃，結合韮菜、雞蛋和蝦仁，恰似一道家常小菜。焦點放在水餃身上，差點冷落了涼菜鮮花拌木耳($28)。選這道冷盤的原因很簡單，就是「鮮花」二字，我都話我好膚淺㗎啦！黑黝黝的木耳非常爽口，涼涼的可降溫，配上紅白花瓣，靚晒。醬汁是酸咪咪的醋加大量蒜粒，極香，吃罷會有口氣㗎。今日胃口超佳，於是再點山東秘製手撕雞($48)，免得五臟廟投訴。成品份量慷慨，堆得有如小山。雞件尚算嫩滑，不過較我預期大片，稍嫌未夠細緻；部份連著雞皮和脂肪，邪惡甘香。如想平衡一下，可以吃些青瓜消膩。醬汁微酸，完全不辣。除普通飲品外，店子還有一些養生之選。鮮榨紫薯露($28)色澤亮麗，原來這是原條紫薯榨汁而成，沒加入任何糖份，說得上是真材實料，味道超濃。至於山渣雪梨水($16)清新自然，喝時喉嚨很舒服，有開胃消滯之效，無論飯前飯後享用也很合適。…查看更多

天氣越來越熱，氣溫不斷飆升，搞到冇乜胃口，所以唔係好想食飯，朋友約今晚飯局， 知道我胃口麻麻，就建議嚟呢間主打食餃子嘅餐廳。朋友話呢間餐廳提供唔同款式嘅餃子，總有一款啱我食。招牌五福水餃想每款餃都食所以叫了五福水餃，每款2隻，有剁椒魚水餃 、番茄牛肉餃、冬菇豬肉餃、海三鮮水餃、翡翠三鮮水餃，每款餃子各有特色，需要慢慢細嘗才能體會到每款餃子的分別 ，此外還配上雞湯，可以將餃子放在湯中一起吃另有風味。泡菜豬肉煎餃子煎的當然香口，泡菜本身很夠味，點醋酸酸辣辣，好味。手拍青瓜本身有青青嘅瓜味，加上他們嘅醃料更突出。雞絲冷麵這款冷麵鋪滿了不同的配菜，好似有雞絲、紅蘿蔔絲、青瓜絲、花生碎粒， 胡麻醬伴住食，不錯。鮮榨淮山露因為淮山本身唔係有味道，所以第一口飲唔出味道來，但慢慢飲下飲下，卻體會到淮山嘅味道，是養生之選。果然顏色吸引嘅餃子提升了食慾，而且味道唔錯，可以話係炎炎夏日天氣下嘅另外選擇。…查看更多

從網路上看到彩色餃子的相片，賣相十分吸引。為食的我和honey 立刻在晚上到訪。原來是一間位於灣仔-來自上海的過江龍水餃店。店子牆身是淡雅的彩色荷塘壁畫，餐桌椅是天然木色，中央還設有小樓閣，感覺清麗脫俗，舒適別緻。餐點方面有主打的餃子，還有飯類、湯麵撈麵、仲有小菜和冷盤，選擇唔少，而且定價唔高，大多菜式是$48-$58，平民價位。我就是被這雨花石水餃（$72/8隻）所吸引。水餃顏色繽紛，以三種蔬菜汁（紅莧菜火龍果汁、菠菜汁和南瓜汁）製作，十分天然。餃子皮厚度適中，入口滑溜，而且豬肉饀味道鮮美，加埋馬蹄的清甜，是清爽的味道，多吃也沒有膩口，好吃！另一款五彩水餃也十分奪目-招牌五福水餃$78/10隻。五福水餃有五款水餃，每款兩隻，不怕過於單調，最啱心多多、樣樣都想試的我。剁椒魚水餃：饀料有鮮甜的魚味，仲有辣椒在內，食到尾感受到一點爽身辣勁吊起鮮味，感覺刺激。蕃茄牛肉餃（火龍果汁餃子皮）：這餃子特別多汁，或許是蕃茄的關係？肉饀味道甘甜，帶有番茄的清新氣息。冬菇豬肉餃（南瓜汁餃子皮）：既有豬肉的肉香，又有冬茹獨有的茹味，十分合拍，是家庭的味道。海三鮮水餃（墨魚汁餃子皮）：這水餃用料上乘，有蟹柳、元貝和蝦仁，餡料滿滿的，鮮美多汁，這是海鮮的鮮甜味，和剛才的鮮肉甜味，又有所不同。翡翠三鮮水餃（菠菜汁餃子皮）：以韮蔥和蝦仁作餡，口感順滑，味道爽甜，而且還帶有一點墨魚的味道，味道不錯。 估唔到跟餃子的老火湯不是行貨，而是紅棗雪耳燉雞湯！這燉雞湯火喉十足，滿有雞的鮮味和紅棗的甜香，而且湯汁稠滑，充滿了雪耳的骨膠原！感覺滋潤。山東秘製手撕雞$48這手撕雞啖啖肉，肉質爽口帶嚼感，加埋豉油、香蒜和芝麻，是幾輕怡清爽的味道。若果加點黑醋或麻醬，可更惹味。吃過主食，少不少蔬菜。郊外油菜$28: 生菜是水灼的，灼得夠軟身，而且沒有油份，沾上蠔油，健康又味美。山楂雪梨水$18: 這山楂雪梨水山楂味比較突出，味道酸酸甜甜，及後透出淡淡雪梨的清甜梨味，十分解渴。這一夜的餃子晚餐，十分恰意，而且餃子的油分唔多，老火湯又滋潤，感覺健康又美味，不錯。…查看更多

最近總是一陣陣的驟雨，為躲滂沱大雨意外發現了這間好物，一搜之下原來這間西塘花記是岀名的網紅店，五彩繽紛的餃子看起來很吸引哩。經過門口看到餃子都是現包現煮的，內裡裝潢走和暖的粉木系色調，中間有個復古風的亭子，整體感覺乾淨明亮又有活力～第一次來就點精選推介，先來了專為選擇困難症朋友而設的招牌五福水餃，一碟有齊五種口味，顏色鮮豔絕對令人食慾大增～口味也是坊間少見的，包括白色剁椒魚水餃、紅色番茄牛肉餃、黃色冬菇豬肉餃、黑色海三鮮水餃和綠色的翡翠三鮮水餃，蠻有特色的。其中最喜歡帶辣勁的剁椒魚水餃和彈牙鮮味的海三鮮水餃每份餃子都配送紅棗雪耳燉雞湯，十分清甜滋潤的老火湯，好喝～這份雨花石水餃像彩虹般的賣相絕對是滿分，可說是吃過之中最漂亮最吸晴的了，外貌協會必點～～值得一讚的是這裡色彩繽紛的餃子皮都沒有添加任何色素，採用100%天然蔬菜汁，吃得安心又健康。而雨花石水餃的餃皮就是用了紅莧菜火龍果汁、菠菜汁及南瓜汁製成，充滿心思的說內餡用了馬蹄和豬肉，每顆都大粒飽滿，而且相當肉汁豐富又鮮美飲品試了鮮榨淮山露，第一次喝，質地微稠，清甜滋補而且十分有營養，是蠻特別的養生飲料喜歡香口一點的可以嚐嚐這裡的泡菜豬肉煎餃～煎得金黃焦脆，點一下這裡的著名的蒜蓉鎮江醋令味道更為濃郁惹味小食點了一客涼拌海蜇頭，比一般海蜇皮有嚼頭，口感爽脆清新，是不錯的開胃涼菜店員送了一客老醋花生，酸酸甜甜的醬汁配香酥的花生很好吃哩，滋味無窮，很捧的小食～…查看更多

皮薄餡靚好吃餃子店～是灣仔銅鑼灣去不錯的快食選擇。店內燈光充足，佈滿打卡位。 菜單設計簡單，非常易讀我們點了海三鮮餃子（店長推介），黑色水餃皮選用了墨魚汁，不用擔心是人造色素。餃子餡料有蟹肉，元貝，蝦仁。49元6隻，價錢實惠。咬下去爽口彈牙多汁，誠意推介。餐廳除了冷盤餃子，還有麵食飯類，甜品和餐飲提供！滷蛋腩肉飯也很不錯，醬汁非常惹味，肥豬肉很好吃！餐廳不收加一，總括而言CP值高！下次再去試試其他味道餃子！顏色豐富真的很吸引～Photos are originals, thanks …查看更多

近年好多大陸食店登陸香港，繼「喜茶」之外，「西塘花記」係另一間。「西塘花記」位於銅鑼灣同灣仔交界，鋪面裝修同出品都跟大陸店一樣，主打七彩手工餃皮，店家仲承諾餃皮100%以天然蔬菜汁製作，不加任何色素，大陸官網更聲言「如有不實，賠償十萬」。講到咁，我又點可以唔試下呢?招牌五福水餃（10隻）:五福水餃分別係剁椒魚水餃，蕃茄牛肉餃，冬菇豬肉餃，海三鮮水餃同翡翠三鮮水餃。剁椒魚水餃:剁椒魚用左秘製辣椒醬，入面有一粒粒辣椒，食落辣辣地，魚肉鮮甜彈牙，味道相當特別，鍾意食辣嘅朋友們應該會鍾意。蕃茄牛肉餃:紅色嘅水餃皮係來自火龍果，雖然果味唔係太出，但係蕃茄味相當香濃，牛肉咬落去亦都好多汁。冬菇豬肉餃:黃色皮用南瓜汁做，冬菇豬肉食落幾多汁，咬落非常爽口。海三鮮水餃:海三鮮水餃味道有D似龍蝦丸，入面有蟹肉，元貝同蝦仁，鮮味好突出。翡翠三鮮水餃:翡翠三鮮水餃咬開後見到入面除左有韭菜粒之外，仲有少少金黃色嘅雞蛋同埋蝦仁，聞落好香，食落仲非常爽口添。每份餃子仲配自家製蒜蓉辣汁，入口有少少芥末味，不過個人認為唔點醬汁會較好味，因為咁先食到餃子原有嘅味道嗎。一份餃子仲會包紅棗雪耳燉雞湯，入口陣陣紅棗味，味道相當清甜，無咩味精，幾好飲。泡菜豬肉煎餃（辣）（6隻）:泡菜豬肉煎餃整得得好脆乾身，唔會太油，餃皮算薄，餡料夠多，泡菜辣度適中，好香。雞絲拌粉皮 :碟底舖上白色嘅粉皮，上面再放上雞絲，青瓜同埋花生碎，配埋酸辣醬汁，食落有層次，好有口感，非常惹味！口水雞（辣）:雞嘅份量都算多，都有成四分一隻雞，雞肉嫩滑，辣汁亦都相當惹味，雞肉吸收晒秘製麻辣醬汁後，聞落好香，入口又麻又辣，非常好味，令人一件接一件咁食。 紅油豬耳（辣）:切至幼身嘅豬耳，入口非常爽，麻辣並重，食落好刺激，口感同味道都非常豐富。豆漿:自家製豆漿點同工廠製嘅比呀? 呢度嘅豆漿味道唔會好甜，豆味重，係我喜歡嘅味度。呢度無論餃子抑或小食味道都非常出色，埋單每人都係100蚊多D，咁嘅價錢，都算係性價比高。…查看更多

話說，上週日來到西塘花記吃午飯，門面非常eye-catching，一進去發現餐廳地方比想像中大，新店乾淨企理，櫻花佈置美美的。這裡除了供應不同款式的餃子外，還有多款小食、湯麵、中式甜品等，我們一共點了兩款餃子、手撕雞、生菜及飲品。首先，試了招牌五福水餃（10隻）($78)，即剁椒魚水餃、番茄牛肉水餃、冬菇豬肉水餃、海三鮮水餃、翡翠三鮮水餃各2隻。色彩繽紛的餃子，顏色都是以天然食材製作的，很有心思。餃子皮是偏厚的，吃下去帶點煙韌！其中我最喜歡海三鮮水餃，水餃皮加了墨魚汁，餡料則有蟹肉、元貝、蝦仁，吃下去非常鮮味，蟹味十足。喜歡韭菜的朋友，可以多吃翡翠三鮮水餃，餃皮加了菠菜汁，餡料則是蝦仁、雞蛋及韭菜，蝦跟韭菜好合配。剁椒魚水餃對於我來說好辣，吃辣的朋友應該會特別喜歡。隨餃子附上一碗紅棗雪耳燉雞湯，夠濃郁而且無味精，不錯喝。另外每人也有一碟蒜味非常香濃的醬汁，沾一些來吃餃子不錯。另外，雨花石水餃(8隻)($72) 賣相超美的，水餃皮以紅莧菜火龍果汁、菠菜汁、南瓜汁製成，餡則是馬蹄及豬肉，絕對要相機食先。山東秘製手撕雞 ($48) 好好吃，醬汁惹味，雞肉也夠嫩滑！下次來也會點來吃的水準。郊外油菜 ($28)，當天的生菜好新鮮~…查看更多