Saiyu Japanese Restaurant (Closed)

第一次黎呢間餐廳食野，兩個人坐低食晚飯，被安排至卡位坐，環境都幾ok～兩個人叫左兩個定食，石頭飯黎到嘅時候好香，不過沒有醬汁略嫌乾左d....滑蛋豬扒飯定食都唔錯，定食包埋麵鼓湯、沙律同白飯，都算抵食！二人仲叫左一份三色刺身，埋單都係$200幾蚊，整體感覺唔錯！…查看更多

07：30pm（4/9/2019）職員態度差!上菜慢。。叫左個豬扒定食等左 30mins ,問個waiter ,何時來，佢話就來，再等5mins,隔離枱遲過我來，但竟然上左豬扒定食，我問waiter點解人地快過我，頭先仲話來緊個飯,佢冇答我，呢D 服務態度真係！再等10mins 先有我個飯！上次去過一次都係上菜慢！諗住俾次機會，點知都係咁，上次等20 mins ，今次等40mins, 仲要俾錯左隔離枱,是什麼工作態度和效率？唔會再去.…查看更多

用咗年幾嘅運動耳機無端端一邊好細聲，襯住今日放假又咁好天，的起心肝去荃灣維修😎 點知維修中心話個款已停產，已無零件，比過一個全新的新款我😍 既然難得嚟到荃灣，就當然食埋個lunch先走啦✌🏿👲🏿 行行下突然醒起早兩日同某君講開銀咖哩，諗住去望下，點知途中見到依間，見唔使等位，啲lunch set又好似幾靚仔，重點係有雪糕送，咁就吸引入咗去😂三色丼 $75>個樣比張相略遜，但可接受>三文魚都幾薄，無咩味，但有少少筋>蝦不梅但就真係無味喇，合埋眼食應唔知食緊蝦>帶子比想像薄，但有驚喜，竟然係鮮甜，唔錯>飯話係日本米，有醋味無飯味，但對於食開軟飯嘅我就覺得太硬==================推介指數 🌕🌕🌗🌑🌑柚子雪糕 (跟餐)>應該係畢定同個碗一齊雪>質地幾鬆散>無乜奶味，不太甜>可能柚子太多，有尐苦==================推介指數 🌕🌕🌗🌑🌑連加一$82.5有齊湯、沙律、三色丼、汽水同雪糕，味道雖一般，但環境算坐得舒服，服務亦不俗，夫復何求😌…查看更多

係AEON搵到平價日式料理，叫左2個定食，包味噌湯同沙律。炸豬扒定食，豬扒炸得好香脆，唔會太弘炸粉，外層炸得薄脆，而豬扒都算厚身，飯係日本珍珠米，非常有飯香味，粒粒清甜。就咁點豬扒醬黎撈飯都好正。相比滑蛋饅魚飯，就比較失色，無咩饅魚味，蛋就好滑溜，飯同饅魚既份量十足，好大既一碗。但價格上比起好多日式餐廳黎講算平價，而且食物質素唔錯，仲有好多選擇，人流較荃灣廣場既餐廳黎講算少，所以黎到荃灣想快手食個平價日式飯都係個幾好既選擇。…查看更多

Weekend去到荃灣行街, 見餐廳唔洗等位, 就入去試下。餐廳裝潢採用溫暖嘅木系設計, 俾人窩心舒服嘅感覺。座位擺放亦好闊落, 適合一家大細用餐。食物方面, 當晚同朋有order咗三個主菜同兩款小食share。定食套餐配沙律、味噌湯同任添白飯。滑蛋豬扒鍋定食($69): 蛋煮得嫩滑, 外脆內鬆軟嘅豬扒配洋蔥一齊食, 簡直一流豚骨濃湯拉麵($65): 諗住喺呢啲日式餐廳食嘅拉麵質素只會一般, 點知有驚喜! 湯底濃郁, 溏心蛋時間控制得好,麵質唔錯…查看更多

又黎到星期日，梗係要同屋企嘅小朋友去玩下，放下電喇！玩到攰哂梗係要食反啲野補充下體力喇！人多其實真係好難等位，但都係勝在人多，可以分散投資排隊喇！但呢間等左唔洗半個鐘就入得👍三大兩細嗌左四個套餐定食，定食包左一碗味噌湯（不過不失），沙律（個醬嘅味道我地都唔太鐘意）同白飯，而值得一提嘅係：定食嘅白飯係可以無限追加架！岩哂大食嘅我！第一個：姜汁炒豚肉調味適中，薄切豚肉都唔錯第二個煎魚家食本來諗住比小朋友食嘅，但太咸喇，大人都還可以嘅！不過魚肉好滑！第三個牛肉火鍋，（唔記得左影相😳）湯底太淡，其餘不過不失喇，但佢好貼心可以煮好先上，咁就有小朋友都唔驚有gas爐危險喇！第四個，吉烈豬扒呢個價錢，係咁喇，no comments 😂環境係好舒服嘅！所以咁嘅價錢加質素，抵喇！👍…查看更多

假日，到 荃灣-大河道 Aeon百貨公司 購物 .... 之後就在商場內的 西佑定食屋 食晚餐 ~Menu ~ 因為跟餐 , 我就點了一杯 白桃梳打 來喝 , 清爽一下 ~滑蛋豬扒鍋定食 $69 , 這套餐附送 沙律、味噌湯、白飯 ~沙律 , 是日式胡麻沙律 , 蔬菜尚且算新鮮 , 味道平平 ~味噌湯的味道都是一般 , 沒什麼好陳述 ~滑蛋豬扒 : 有圖有真相 , 雞蛋都煮得嫩滑 , 滑蛋汁的味道香香甜甜 , 洋蔥也是軟硬適中 ; 吉列豬扒炸得脆口 , 肉質鬆嫩 , 配上蛋汁來吃 , 更感味美 , 送飯一流 ~今時今日 , 百物騰貴 , 能夠以 $69 就吃到一個套餐 , 真是平靚正 ~本篇完 ~…查看更多

咁岩去荃灣aeon附近有野做，晚餐又唔知食咩好，見到呢間店有唔小人排隊，就決定去試下。整體服務效率一般，問佢有關餐單既食物資訊都唔太識答，而且出餐效率太慢。我8點半去食，9點多先有野食。環境唔太嘈，但好污糟，枱面有明顯既水跡，地下有一堆水（可能係湯）。食物整體唔會話太差但未到好食，價錢就岩岩好，唔會太貴。如果想平平地食定食，對味道無乜要求既人，我都建議去試下呢間。但如果係同一堆朋友又或者男女朋友食飯，就唔推介去食呢間。…查看更多

打工仔每星期總要搵日去食好d既，Long weekend前同事就約左我黎喱度坐位都算寬躺舒服, 唔會太壓迫佢地的午市套餐由$49 至 $75. 已包括左麵豉湯, 沙律, 汽水同雪糕 仲可以加錢追加小食同事鍾情於佢地個滑蛋豬扒鍋定食, 白飯任添 $69而我今次就冇叫刺生丼改叫左豬扒定食, 白飯任添 $59豬扒系即炸既. 熱辣辣, 日本米軟硬適中雖然我地2個叫的餐都系白飯任添, 但對於我地女仔黎講一碗都已經好夠啦有咁既質素 每人連加一都系 $70. 性價比算高了…查看更多

放工同老公去AEON買嘢，順便食埋晚飯，本身都未諗好食咩，經過西佑見到入面都坐滿人，但係又咁啱唔使排隊就入去試吓啦。鋪頭環境舒適乾淨，店員亦都好主動。食物價錢唔貴，平均一樣嘢$70至$80。我哋叫咗個滑蛋豬扒飯定食、雜錦魚生飯定飯同一客炸雞做小食。定食會包沙律、湯同飯。滑蛋豬扒飯中規中矩，豬扒略嫌個炸粉有啲厚，但整體味道唔錯。雜錦魚生飯主要係三文魚、蟹柳同魚子，魚生略嫌偏少。最出色係個炸雞小食，雞無雪藏味，仲好juicy！總括來講，晚市用呢個價錢食到唔錯嘅日本定食，性價比都係高嘅，未試過嘅可以嚟試吓…查看更多

因為加入了該集團的會籍，見到有減$60的優惠，便再次光顧這家普普通通的日式餐廳。上一次來應該有2-3年之久⋯ 長時間不光顧因爲實在沒值得再來的因素。我點了滑蛋吉列豬排定食，價值$69。味道跟金助或一般的日式餐廳一樣⋯ 有味琳跟壽喜燒的甜醬油味～ 豬排不算乾，軟硬度剛好。只是定食內的白飯不夠軟及黏身，不像日本米。另外老公點了三文魚刺身，才$38有5片，算很抵吃。感覺這次比以前好，但仍未算上令我回味再來的程度⋯…查看更多

入到門口 無店員帶位 由得客人呆企係門口d 空位全部都無清理過 檯面都係紙巾同牙籤然後坐低無茶水無餐牌比客人然後我叫燒牛肉定食燒肉個爐超危險 但係無店員協助瘦肉過程d油彈到成手都係 出超大油煙然後食到一半個店員問我係唔係食完 我幫你收走？！好想講我當時仲攞住匙羹食緊野一句講曬服務態度惡劣…查看更多

這間店好似在荃灣AEON開了一段時間，但一直未試過，因為平日都要等位，就選擇其他地方食，這次去是假日的early lunch, 不用等位。Menu中大多數餐都是～$60-80，我就選擇了這個壽司飯套餐包括沙律和麵豉湯，而飯的三文魚和帶子都很甜，甜蝦就比較普通，飯的份量很多，飯質還可以。整個set大概$70之內，價錢還可以，但未算太抵食，menu入面有鍋可以選擇，看來較抵，我下次都會選擇鍋物…查看更多

早兩日經過西站 就見到定食屋大排長龍 應該係好野掛。入到去叫左個滑蛋豬扒飯同唐揚炸雞定食 滑蛋非常嫩口 配埋個汁甜甜地 好易入口 豬扒味道都唔錯 不過就炸得乾左些小。 唐揚定食都不過不失 個雞係新鮮炸 味道都不錯最後埋單都唔過百五蚊 認真抵食 性價比好高…查看更多

叫左個豬肉泡菜部隊鍋定食。定食包埋沙律🥗，豆腐味增湯同埋飯。呢間既飯可以任裝，都幾好。因為佢既碗都幾細，男仔一定食唔飽，一定要加飯先飽。 個部隊鍋普普通通。要加一！…查看更多