Restaurante Vinha (Closed)

到達澳門本區的酒店安頓好之後，就去附近找地道的好東西吃，我們一心要試葡國菜😋。行了10分鐘左右，到見到這間「 葡萄園餐廳」，是澳門朋友所推介的。 瞥見餐廳外面裝潢有點平平無奇，但入到裏面就會發現 它的裝飾有點像古歐洲的建築風格，是拍照打卡的好地方😁。餐廳有條獨立樓梯上二樓，小朋友無聊時便在樓梯上上落落打發時間。我們一共點了七個餸一個飲品：炸馬介休球💯鴨飯（喜歡吃飯焦的朋友要試試）焗馬介休忌廉薯蓉💯葡汁焗四蔬💯海鮮焗飯肉醬意粉烤雞配薯條💯鮮搾西瓜汁（一大瓶）其中的炸馬介休球、焗馬介休忌廉薯蓉、葡汁焗四蔬和烤雞配薯條都是我們最喜歡吃的。馬介休球脆卜卜，小朋友簡直要爭吃🤣。薯蓉一試難忘，裏面的馬介休魚與薯仔分量分配得恰到好處，又充滿牛油和忌廉的香味😋。葡汁焗四蔬裏面的菜很入味，好像預先炒過，不是淡口只加葡汁在上面那種。烤雞全名好像是XX走地雞，忘記了，但皮脆肉嫩，這點倒沒忘記。服務員的態度亦很好，我們同行有五個小朋友，用餐方面諸多要求🙈，但她們也沒有黑臉，😃👍🏻。唯一的缺點是不算便宜，這䬸飯是三日兩夜行程中最貴的。但又不算好貴🤣，八個餐點（7餸1飲料）大約是$1100 澳門幤，有朋友覺得以食物及環境質素來說可以接受，只是做不到我心目中的慳荷包而已🤣🤣🤣。小提示：我們今次有訂位，建議有興趣的朋友也預先訂位，以免白行一趟。…Read More

蛇王一次去澳門 啱啱嚟到中午食飯時間 諗住走入星際玩兩手 點知落鬼大雨 不如都係食飯先 上openrice見到介紹呢間餐廳 咁就一於嚟試下啦 見佢個門面都幾靚 唔知裏面點解呢一上樓梯見到個小小噴水池 又見到兩都好古典嘅柱 感覺都相當唔錯知道應該係高級餐廳 但係又開始擔心會唔會好貴一路行上樓梯入到店內 啲裝修非常之歐洲高級餐廳嘅感覺 係咪好有氣氛好靚好似歐洲嘅廚房呢跟住落嚟就開始擔心食物嘅質素 因為見到佢哋個餐牌有啲求其嘅感覺都係唔好諗咁多叫咗嘢食先叫咗最傳統嘅燒乳豬炒飯 啲燒乳豬皮脆肉嫩非常之正 啲飯又有啲雞肝配襯好香好味 208蚊雖然好似有啲貴但係我覺得物超所值 份量足夠三四日瞓所以唔好兩個人之後叫咁多另外仲叫咗個買介休炒雜菜 估唔到佢哋啲雜菜竟然唔係啲一粒粒嘅現成嘢係真係去街市買菠菜返嚟切 淨係呢點都夠誠意啦 裏面仲有好多快一舊舊嘅馬介休球 姑勿論佢嘅缺點係乜嘢 只要畀到真嘅賣介休球我已經覺得係食緊蕃 葡萄牙 菜突然間想飲杯咖啡就咁叫杯手磨咖啡飲下先 估唔到佢嚟到除咗好飲之外仲用一個咁靚嘅咖啡杯呢間餐廳服務非常之好啲嘢又好食 雖然喺正星際酒店附近可能都係招呼大陸客為主 不過竟然保持咁高水準 難能可貴佢哋啲服務員服務得非常之周到 但係有一個好奇怪嘅問題以咁樣比較高級嘅一間西餐廳同你傾計嘅時候不停叫你老細老細好似有啲奇怪 可能近得大陸多用番佢哋啲風土人情…Read More

I wanted to try Macaunese food and googled some dishes when I had WiFi at the hotel but the places I googled were too far, and so we Openrice-d some places that were closer and ended up going to this place since it was close by.After we ordered, they gave us some dinner buns which were really hard on the outside, but when I bit into it, the inside was really soft and the outside was crunchy.We also got a pitcher of some kind of wine with bits of apple and lemon in it. Tbh, I don’t like alcohol, and so I didn’t like the drink😅The first dish that came was fried potato and fish balls. Crispy on the outside, but soft inside, it had a strong potato taste but couldn’t taste the fish at all. It tasted good, but I expected to taste the fish, not only potato...The second dish was pork neck and it was delicious. It was so juicy and the sides were a bit crispy. The next dish was chicken curry. It was spicier than I expected and the piece of chicken I got had more bone than chicken 😅 The meat was on the drier side too... don’t know how the other pieces were though. The potatoes were really soft and soaked up the curry nicely. Next was the roasted baby pig with rice. The meat was so juicy because of the fat and the skin was crispy. Under it was fried rice, which was also really good.Next picture is fried potato strips and that was the best dish out of all of them 😂 The fried potato strips were thin and crunchy, but they didn’t feel very oily.We also got an eggplant in tomato sauce dish, but it was too salty for my liking.To be healthy, we added a plate of lettuce and fish (I think it was fish). The lettuce was cooked perfectly; it still had a nice crunch to it but it didn’t taste raw. It was nice trying this place with a lot of people! If I remember correctly, it wasn’t too expensive after splitting it between 7 people (~$210 per person I think). …Read More

#馬介休沙律 黎到澳門兩日、食左三餐葡國菜、今次點了葡國菜必食的馬介休，馬介休其實是用鹽醃製的鱈魚，肉質較實帶鹹香，配上清新的沙律，一鹹一淡一次放入口，味道配搭得非常好，來澳門旅遊是不可不吃的傳統菜式之一！#非洲燒雞另外點了一碟廚師推薦的非洲燒雞、燒雞一上菜就聞到好香香料味，雞皮燒得香脆而雞肉依然嫩滑，可惜的是雞肉略肥，碟底滿是雞油、隨配的薯條被沈在雞油中，索曬油同淋曬如果只係講隻雞、就真的不錯、半隻雞兩個人分、份量亦剛剛好。…Read More

記得之前第一次去澳門做嘢嗰時，老闆帶我嚟呢間餐廳到食，嗰時好好奇葡國的食品，最記得就係個乳豬飯，200給蚊食碟飯老闆請，嗰時真係好感動。好耐無嚟，想回味一下個乳豬飯，上面有大概7舊乳豬，乳豬都算係暖，外皮仲脆，但係肉就唔多見，肥膏就大把，肉又乾。唔可能稱得上係葡國乳豬飯，極其量可以話係西式炒飯上面加乳豬。馬介休沙律--唔好食，一攞出嚟嘅菜見到係普通西生菜已經唔覺開胃，再另上一碟普通嘅沙津醬，唔覺有特式。葡式煮蜆--最好食就係呢個，獨有嘅葡國味道，煮出嚟嘅湯都好鮮味。唯獨蜆肉好小，唔知係咪甩唒出嚟，但係碟底又唔多見。羊架--乾得制同好瘦。薯條唔好食。。。烤豬頸肉--普通貨色，食落有d中式嘅叉燒味，但我個同事話幾好食喎。甜品木糠布甸--忌廉打得幾滑，食落去甜味剛好，拎出嚟嗰時超硬，店員建議放5分鐘到先食就剛好。食完餐飯都幾失望下，無左以前好正嗰陣味道。究竟係我嗰時唔係成日有得食所以覺得好食，定係真係拒水準差左呢。。。…Read More

五一家人話要到澳門走一敞順便探探小黃鴨澳門的朋友一聽到就回答"你們想自殺嗎?"看完小黃鴨大家也累了果然想找架車坐坐都無可能便一行人操到這餐廳順便到附近酒店坐SHUTTLE去氹仔再食過!也不是第一次到這餐廳了介紹來的朋友也無不讚不絕口裡面的裝飾就好似歐洲古建築風味用餐之餘, 氣氛真的很好晚上來晚飯時在燭光的襯托下還很有氣氛呢門口有著像徵葡國的公雞擺切加點想像力幻想著自己到了葡國旅行吧因還未到正式晚飯時間所以只ORDER了這餐廳我自己認為最有代表性的兩樣菜色給家人淺嘗一下焗馬介休忌廉薯蓉這菜色的確是個好的配搭!雖然濃味的馬介休加上淡味的薯蓉但誰也搶不了誰的風頭!加上忌廉滑滑的口感.....大家也食到唔停口呢!!香港也有類同的食物嗎?開始想念你了~ 這乳豬焗飯係暫時我係澳門食過最美味的!葡式燒乳豬跟港式燒乳豬的最大分別我想就係腌料的香味及豬皮的處理葡式乳豬皮雖然沒有港式乳豬皮燒得香脆鬆化但卻可以完美保留豬肉本身的肉味及肉汁港式乳豬就因此而被比下去嗎?錯了~港式燒乳豬是香料的配合令肉味更上一層樓加上燒之前對豬皮的特別處理燒出0黎的香脆鬆化是葡式乳豬不能最代的總知兩種豬都係本小姐最愛!!離晒題添講番哩碟乳豬焗飯吧!除了面頭的乳豬美味之外焗飯也不能錯過啊!以葡式香腸粒炒過的飯加埋菜莖切粒增加口感, 加上乳豬同焗每一粒飯也包裹著燒乳豬的油香有誰能抵抗這美味的誘惑呢 ??香港一別多年....黃鴨又重臨豪江胡廸又點會錯過?再見啦.....可愛的小黃鴨!溫馨小提示是次我們在下午茶時段才可WALK IN用餐如果想用餐時間到此餐廳建議盡早訂位以免摸門釘要失望而回啊!葡萄園餐廳Restaurante Vinha宋玉生廣場(皇朝)宋玉生廣場411-417皇朝廣場393 AC舖…Read More

有一次到澳門，偶然嚐到這裡的菜式，覺得出奇地好。之後差不多每次來澳門，都要過來吃一頓葡國菜才滿足。餐廳鄰近星際酒店，乘賭場的專車過來十分方便。餐廳位於二樓，要沿門口的樓梯拾級而上。環境寧靜，人流不多。我們被安排到窗邊的二人桌用餐。桌子旁有紅色的蠟燭，如果有幸與情人一同來的話，可要求侍應幫忙燃點，氣氛會更加浪漫。點餐後，侍應先送上餐包。餐包熱度足夠，外皮脆脆的，掰開時包碎都落在碟子上了。麵包可以塗上特別的蕃茄牛油，酸酸甜甜的像是羅宋湯的味道，十分有趣。炭燒乳豬葡式炒飯是每次都會點的。乳豬和飯都相當出色。葡式乳豬外皮脆中帶軟，下面是一層薄薄的脂肪，之後是充滿肉汁的乳豬肉，乳豬充滿炭烤香味。至於下面的炒飯，混和了葡式臘腸、豬肝和雜豆同炒，還滲入了乳豬的濃香味道。而且這個炒飯的份量極多，相信已足夠四人分吃。原本想點非洲雞，不過我們不太嗜辣，故改而點了這道碼燒農場走地雞。皮很軟，充份吸收了醬汁和香料的味道，甜甜的挺開胃，雞肉也很嫩滑。還有一道忌廉薯蓉馬介休，也是出色之作。菜式奉上時，碟子仍然熱得燙手，還飄來陣陣牛油香氣。薯蓉打得頗幼滑，內裡充滿著濃郁的牛油和忌廉香味。馬介休一絲絲的白色混合了在薯蓉裡，豐富了薯蓉的口感之餘，也帶來微微的鹹香。可惜的是這裡的菜式份量極大，基本上以上任何一道菜已足夠兩個人吃飽，想多試幾道菜較為困難。還有的是這裡用餐不算便宜，我們二人點了三道菜已索價近六百元，故要好好衡量自己的胃口和錢包的負擔能力才點餐。…Read More

過大海唔一定要賭既、食好西都好重要的今次嚟都係target葡豬、試吓呢間葡萄園、真係超驚喜^^芝士蕃茄醬：一開始、点法包食果個芝士蕃茄醬已經好好味、有啖啖既芝士香！葡豬:冇得輸呀！好食到呢！聞落有豬味！(不過本人唔太喜愛太濃烈的豬味！)所以佢豬味洽到好處！味道不得了、外面脆皮脆卜卜、中間少少肥、肉質同囗感都非常讚呀！美國安格斯牛扒：其實order5成熟,不過嚟到係…頭尾8成熟、中間10成熟！本來想換的、不過由於係拺咗切件上、所以又試吓好唔好食啦！嘩！結果又出奇的好食喎！既有炭燒既效果、肉質又嫩滑、仲夠juicy、好味道呀！鴨飯：一般、飯較濕！味道可以、份量十足！總括而言、好滿意、會番兜再食！…Read More

最近幾年過澳門必到食肆，通常下午去食多等位比較快，紅酒雜飲一定要飲，如果夏天點會加西瓜粒仲清香，葡汁本人麻麻地所以四蔬只當菜食冇特別，炒飯幾飽都要食埋加左葡國臘腸同豬肝好香好香，忌廉馬介休啖啖魚肉又香又滑，可惜碟頭太大每次又好多野必食，搞到食左咁多次都仲有好多未試過，真係有排試…Read More

第二次黎食, 只想還食乳豬飯的心願.送來的餐包 - 暖暖的, 配以蕃茄牛油, 朋友很喜歡, 但我就麻麻, 味道有點怪Sangria - 好大杯, 可以再濃一點的酒味羊排 - 份量蠻大的, 但肉有點硬, 侍應無問我地要幾成熟, 可能因為咁, 煎得過熟了! 葡汁焗四蔬 - 這個很差, 無葡汁味, 而且好多水, 椰菜唔夠腍沙甸魚 - 好大條, 太大條, 作為前菜的沙甸魚應該小巧精緻為妙. 而且醃得過鹹乳豬飯 - 乳豬可揀配薯條或豬什炒飯, 當然要叫炒飯啦。上次在文員網球會利安餐廳試過原隻乳豬焗飯, 當中炒飯是主角, 加入了豬什炒, 再滲滿了焗乳豬時流出來的豬油, 香味十足。今次食, 味道無咁濃, 飯有點太濕, 似是西炒飯多啲! 其實相比葡國乳豬跟港式乳豬, 我較喜歡食後者, 皮脆一點, 肉不多, 不會膩! 下次黎澳門唔會再食葡國菜了, 反而想食水佬榮!…Read More

本來呢間餐廳唔係首選不過原本諗住去個間full左所以book左呢間慶祝情人節當日夜晚人唔太多環境算唔錯安排左我地窗口邊位點埋蠟燭唔錯唔錯套餐包一支紅酒都幾易入口先來熱辣辣面包加自製既蕃茄牛油牛油既蕃茄味唔會好重剛剛好頭盤係一個沙律菜材料有煙三文魚，黃紅椒，牛油果，生菜同少少洋蔥用料都幾新鮮，蔬菜都好脆口加上少少醋酸尾尾幾開胃煙三文魚就正常水準忌廉魚翅蘑菇蜆肉湯加塊心形紅蘿蔔 蜆肉都有鮮味魚翅就唔係好多份量正常水準第一道主菜兩片砌成心形鵝肝+蒜蓉汁用蒜蓉汁伴鵝肝真係未聽過不過味道奇夾唔會太搶走鵝肝既味亦令都道菜唔會太膩鵝肝入口即溶好味道第二道主菜我本身對食牛麻麻地鍾意不過套餐指定無得揀但出來效果好好牛扒夠淋但又唔會淋到無晒質感而且好有牛肉鮮味至於燒龍蝦用料新鮮都已經贏左一半入口好爽有水準至於甜品其實唔係好食我出咩來（而我都無留意餐牌寫甜品係咩）食落去應該係一個士多啤梨味既雪葩吧味道無咩特別今餐無論環境，食物同招呼都非常唔錯會再返來試下佢地的主打葡菜好唔好味 :)…Read More

經友人推介之下，喜歡一人澳門遊的我，8月曾到位於星際酒店後街街角的"葡萄園"一試。沒有訂位，星期六下午1點，只見有兩枱共四位食客，流利廣東話且有笑容的資深姐姐命一位外藉服務員為我帶位，安排獨坐窗口位，坐於冷氣冰涼的餐廳遠望濠江八月炎炎暑天街景，倍是涼快。尚未點餐，外藉服務員即奉上熱烘烘的小餐飽，另附橙色醬料，未問她已經用廣東話解說是"蕃茄牛油"，一向嗜用原味牛油搽麵飽，這是我第一次品嚐蕃茄牛油，淡淡蕃茄味不會搶去牛油濃香，可惜份量甚少，但少食多滋味，不錯。除了一本餐牌外，服務員給我一叠美食相片，註明對應餐牌上的食品編號，好讓對葡式食物認識不深的食客看圖點餐，十分細心。翻看一會，是次點了：炸馬介休薯球 - 以為滿口是馬介休咸魚味的小食，怎料是薯仔蓉過多搶去原有咸魚味，不過尚算炸得香口鬆化。葡式乳豬飯 - 燒乳豬伴炒油飯配橄欖伴碟，脆皮乳豬有別於一般中式乳豬，葡式的，外層薄脆而咬落豬皮軟韌，有幾件近豬手位置的燒豬件，連帶軟骨及少許筋肉部分則最好吃，不用似得中式乳豬要點醬料，原味最好吃。當日的是單點分量，並非set lunch，整碟飯分量足夠兩位用，而且較為油膩，我一人獨力食光已屬異數。雜果賓治 - 餐飲類別其實很多，當時天氣熱，想飲果汁就隨意點了一杯，雜果不是罐頭貨色，而是新鮮冰凍的水果肉，果汁更是經調配，喝得出有橙汁、西瓜汁及菠蘿汁，不是亂加橙汁汽水充撐的雜果賓治，是吃完乳豬飯的餐飲之選。到2時左右，一行數十人的旅行團前來進膳，本來冰涼的葡萄園熱鬧起來，所以那位廣東話的資深服務員姐姐說，下次多人最好先訂位，那裡多少客人進餐，她也說不定。"葡萄園"，值得推介。…Read More

呢間位於澳門既葡萄園餐廳都幾易搵 係星際行過去無耐就見到我同男友二人大概9：30到達 一入到去個女侍應就即刻安排入坐中間既4人枱可能果時都已經算晏 除左我地都係得兩枱食客所以都坐得好舒服 之後我地就即刻落order黎之前我都做晒reserch 所以好快就決定左三個餸最先黎既係免費既餐包 個包其實無咩特別特別在有個自制既牛油 紅紅地色 原來係蕃茄味既食落口好新鮮接住就上左個馬介休忌廉焗薯 食落口好creamy 仲有少少咸咸地個人比較喜歡creamy既口感 但男友就覺得太流之後主菜終於上啦 乳豬拼飯 急不及待第一時間食落口但同我想像中有d出入 個飯有d似西炒飯既感覺乳豬有點油 食一舊已覺膩 唯一可取 乳豬皮真係好脆但要$168一碟就真係:(最後蜜汁燒膳無幾耐都上埋 其實果時我地兩個都已經食到7 8成飽所以無抱太大期望去品嘗反而燒膳有驚喜 個皮又係燒得好脆 加埋蜜汁食落口好juicy整體來說都尚算可以…Read More

環境佷舒服，其中一個服務員招呼極好，出餐時間ok，我們共五人六時到餐廳，並不多人，到七時就開始多人。我們選了葡式乳豬飯，馬介休焗薯蓉，燒風蟮，葡國雞。乳豬飯炒飯底，乳豬好脆馬介休焗薯蓉:)馬介休味ok,並不肥膩，又不咸燒風蟮:)好香葡國雞:(雞肉ok，葡汁略水，略淡…Read More

好多身邊朋友過親澳門玩都大力推介葡萄園餐廳嘅葡國餐好好味好有特式 , 尤其係招牌菜乳豬飯 , 燒鱔等等:) , 都舉起手指弓同V字手勢話Good ...剛巧星期六無咩特別事要做 , 想來點新意又想消費吓 , 就約咗個朋友過咗澳門玩兼試吓呢間餐廳 . 下午5點半左右到咗澳門碼頭 , 跟住坐星際車到酒店後再慢慢行過去餐廳 , 不用6點就到了 , 餐廳客人不是太多 (可能尚早未到晚飯市關係) , 選了窗口位坐後就先來杯嘉士伯啤酒嘆吓 , 再睇睇Menu有咩好介紹 , 最後同朋友決定就試一試餐廳三個招牌菜 葡式乳豬飯 - 乳豬味香但口感有點油膩 , 吃兩件已很滯 , 炒飯底飯粒吸咗乳豬肉汁幾好味有咬口 馬介休焗薯蓉 - 賣相令你想大匙大匙咁食 , 薯蓉焗得很香 , 口感很充實 , 馬介休鹹味適中很香 , 很有咬口 , 爽 燒風鱔 - 鱔味不太突出 , 醬汁也一般 , 不爽整體上 , 餐廳環境怖置 , 氣氛 , 食物款式 , 味道水準都算不錯 , 唯獨價錢真的貴咗D , 如果呢3款菜式可以選擇半份量(夠二人份量) , 應該會更好 . …Read More