葉記大排檔 (Closed)

This is a hidden gem in the 土瓜灣 area. it is like the old Hk market street food but in air conditioning restaurant.the sea food is fresh n can cook in many ways at reasonable price.many dishes can not be easily found in Hk. Dish like fish intestine.…Read More

本來話過冬天先再尼食 可惜唔會再有機會有啲人同事變左就係變左 幾唔捨得都冇得揀係土瓜灣住左一年 臨尾一晚決定尼哩度食個最後晚餐哩度就真係似大排檔既不過有冷氣 但就超嘈 連隔離位講咩都唔係好聽到不過唔緊要既野食好味咪得囉哩度野食好夠獲氣而且比較濃味 啱哂啲重口味人士 即係我唔好睇佢冇咩色水 其實好入味 有魷魚 大腸 豬耳 紅腸 應該乾淨既部位都好乾淨尼親都一定會叫哩樣哩度既招牌 好大碟好澎湃嫁入邊有好多蠔仔 個餅仲整得好脆上枱個陣仲出緊煙 加少少魚露尼食真係冇得輸味道就有啲似馬拉盞通菜既唔會一味得個咸字 可以試下就咁就完左 再見…Read More

第一次去食佢嘅糯米飯同雞軟骨，味道唔錯，於是又再去幫襯！哩間餐廳經常經過，好處係唔洗點等位，門口又可以泊車，方便之極！今次叫左客芝士大蝦伊麵，椒鹽豆腐，未入餐廳，已經見到d花甲放係門口，d花甲好大隻，於是又叫一客。先講芝士大蝦伊麵，d蝦蝦頭好多膏，芝士味唔錯，唔會有好強烈芝士味，因我好怕好強烈嘅芝士味！芝士份量亦足夠。椒鹽豆腐外脆內軟，正！送酒一流！(我揸車所以唔飲酒！)花甲夠新鮮，可惜我食到飽，食唔哂花甲。特別一提佢d糯米飯好正，上菜時係一粒粒糯米飯粒，唔會炒到濕哂一pat野，讚！…Read More

補返十二月同家人做冬餐飯的食評先。土瓜灣葉記打冷有兩間，一間土瓜灣道，一間炮仗街。早幾個月母親節飯想去食打冷，去咗土瓜灣道個間 (唔記得係咪無得訂位呢...所以個日只係walk in去)，點知很多人等位，最後放棄咗，去咗食韓國野。今次試下幫襯炮仗街呢間。星期日都幾旺場，大致滿座，一輪接一輪，但又未去到要等好耐位，唔似上次土瓜灣道咁旺場。又係掛住食, 唔太記得影相....極力推介: 椒鹽豆腐 (好似$68) --- 外脆內滑~ 炸粉唔多剛剛好~ xx蒜花甲(好似$128) --- 大大鍋~ 花甲又大隻又鮮味~ 待應姐姐大力推介下所以叫左~ 真係唔錯~其他就正正常常, 都好味既~蠔仔粥: 多蠔仔, 惹味~豬紅: (家人食, 我無食) 爽~好味~ 鹵水拼盤(例牌$98): 咩都有齊, 係無鹵水鵝~ 大碟, 抵食~仲有個xx節瓜菜湯: 我個人唔好節瓜, 一般般, 不過家人覺得好, 一飲到底....蠔餅: ........ 蠔大隻, 但炸粉太多, 只覺得油膩.... 外表靚, 味道總括黎講~ 以打冷店來說, 價錢算是抵食大碟~ 合格以上的。:)地方坐位都算舒適的, 有茶水花生供應 (唔記得有無加一及茶位雜費添...)環境有點吵, 有2-3張8人圓枱, 合適睇波、大班人吹水gathering (即係唔適合人少少談下心個D)。…Read More

這間食肆睇住開張，開始時都幾旺，費時同人爭，等沒有咁多人先去吃飯，我其實都喜歡潮州打冷，所以我就叫了滷水鵝件，結果係好失望，因為味道一般，價錢都係一般，其他小菜都無乜特別，如果未試過可以一試…Read More

有朋係外國番黎 緊係要食下大排檔啦等齊人中間叫左個滷水拼盤 又味整得幾好食 唔算少既份量都！然後叫左呢個魚腸 平時一般大排檔都唔係經常見到 我覺得幾新鮮幾特別嫁 不過友人話有啲腥梅菜蒸菜心 其實只係鋪左啲梅菜係菜心上面 不過賣相幾好 哈哈沙爹肥牛粉絲煲 用黎送飯一級棒 勁多肥牛 食極都有xd 而且都好夠味！當然一定要有椒鹽九吐魚！上菜時熱辣辣 好惹味！like! …Read More

【2015 年 6 月】土瓜灣有兩間葉記大排檔 ... 分別在炮仗街及土瓜灣道，要注意喔 !!!我光顧的是位於炮仗街的現在出街食飯，配菜還多過主食但這兒每道菜的份量不少，好足料豬潤杞子浸時菜 HK$65時菜是我們鍾意的娃娃菜，娃娃菜加埋豬潤及杞子，湯頭很甜，豬潤不會過熟太靭鹵水拼盤 (例牌) HK$68 ... 拼盤有墨魚、生腸、紅腸、豬耳，豬頭肉 ...燒乳鴿 ... 外皮香脆，肉嫩多汁酸酸甜甜的咕嚕肉是兩隻小魔怪的至愛這兒的咕嚕肉的名好 CUTIE ... 人見人愛咕嚕肉 HK$68 ... 餐版真是咁寫的外皮夠脆，醬汁又不是太酸，真是人見人愛的咕嚕肉** 以上分享是以我的口味、喜好及情況作出分享和感受，一試 / 合用與否請自行決定 …Read More

訂了位都要等。。花雕蛋白蒸蟹： $360有2隻。Ok 抵。上菜時嗅到有酒味，入口時又不太覺得；蛋白滑。但整體酒味可再濃d. 蟹可能蒸過火，有小許 “梅“。小炒王： 有鑊氣，有點spricy, 送飯品錯。焗魚腸 ： 不是很多地方有得食喇，面層香脆，可惜魚腸有膻味，果然不是一道易弄的菜式。黑醋骨 ： 算是一道不錯的菜了。醋味可以，不會酸到 “拿“ 喉。但個人覺得可以再酸些。有肉食不只是骨。椒鹽豆腐 ： 豆腐軟滑，不過無豆味。皮脆，但可惜唔夠熱吖。胡椒豬肚花甲 ： 好夠胡椒味，:)入口後即刻feel到暖意。花甲好大隻，新鮮。可惜清潔不夠，有沙。…Read More

做節整到一肚火。完全明白同意做生意要番台，講明七點食到八點半交台。做節當然同意。問題出於，那店員（應該是老闆之一或經理）07:45時，我們想加多一個蠔仔粥，因為D野唔太大份，大家都未飽，所以再多加一個粥。佢話同你地講左無得加單。佢完全無同我們坐在任何一位講19:45之後，唔可以加單。 堅持不幫我們加單。堅，第一次，在食店唔俾人加單。 重要係真係無同我們講。就是這個男人（應該是老闆之一或經理）評： 鵝肉，OK，比較肥，D汁就一般，價錢同料比較，OK，6/10評：胡椒豬肚蜆湯，一D都唔好味，豬肚還豬肚，無咩胡椒味，蜆還蜆，隨便的簡單說白滾湯, 4/10評：黃金苦瓜，有D怪味，應該是其中一D咸蛋壞了有D臭味，那男子試完堅持說無問題，呢個我真係俾唔到分。評： 蠔粥OK，好似70幾蚊有蠔仔（五蚊）甘上下size，滾蠔仔有味道，呢個不錯. 7/10總結： 食物不過不失，價錢合理，不過服務態度堅有待改善。＊最後店主（大老闆）出來時，我們問佢可否加多一個蠔仔粥，佢即刻幫我們下單，10分鐘後有粥食。我們食完都未有0830,已交台俾番佢。好多事都有解決辦法，事在人為，不過佢呢個唔俾人加單，我們一家堅接受唔到，唔會再來。…Read More

多謝老友同小弟食生日飯！不過兩條麻甩佬有咩好食呢？其實打冷先喺男人嘅浪費！去到土瓜灣見到間裝修“是是正正”嘅大排檔，緊喺入去試下啦！依家大排檔原來好出名，以前真喺路邊式經營，經過好多年用心經營，終於搬到大街嘅主流舖位！兩條麻甩佬永遠飲酒多過食飯，所以叫咗兩款送啤酒香口嘅菜式！《金牌蠔仔餅》同《脆皮炸大腸》！依個主打嘅《金牌蠔仔餅》真喺好特別，好特別嘅大塊，我估應該足足有六吋咁大，成晚 pizza 咁，而且用料十足，每粒蠔都好大隻！所以我都唔寫蠔仔！我依位好識食嘅朋友仲話，如果唔落足蛋醬，唔夠廷身就食唔住咁大隻蠔！依個蠔餅另一賣點喺入口香脆鬆化，唔似其他軟懶懶咁，咬落好有口感！依個《脆皮炸大腸》又喺主打之一，我個人覺得最唔同喺佢內層一面都炸到脆卜卜，食落非常有口感，送酒真喺一流！依間大排檔值得推介。…Read More

因為我們大夥兒很難在土瓜灣找到可容納我們的食肆，所以每次都只能選擇酒樓。但實在太悶了，來來去去都是那些餸菜，今次決定作出其他嘗試。之前看過對此食肆的食評不錯，所以在提前慶祝母親節的時候試一試，果然有意外驚喜。我們所點的味道都著實不錯，而且份量十足，能滿足我們大夥兒飽腹，還有，服務良好(電話訂座時態度已很好)，值得再次光顧：胡椒咸菜豬肚浸花甲 - 花甲很大隻，鮮甜蠔餅 - 酥脆，不會太多粉漿，不油膩椒鹽鮮魷 - 同樣香脆，魷魚新鮮，不會太多粉漿鹵水鵝肉及拼盆 - 入味糯米飯 - 材料豐富，可惜對於我這個不愛吃臘腸和臘肉的人而言較為肥膩還有很多潮州小吃，雖然我未有嚐過，但家人的反應不錯小菜種類多不勝數，下次試試再寫食評！…Read More

當日,行經此舖門口時見到寫住葉記大排檔既時候,令我諗起會唔會係以前在新山道附近開的大排檔呢?果然一行入舖內,第一眼見既所有員工都係一個個熟悉既面孔,原來真係以前的原班人馬再係依間舖重新開業!當然~行得入去當然就係要開飯啦~一於就叫返以前我最鐘意食既餸先啦~叫左兩個餸15分鐘都唔洗就已經黎齊啦~好快手!估唔到星期日佢地full場都可以做得咁快手!!韮菜豬紅食左第一淡既時候,即刻令我回想起係佢地以前舊舖時所食到既味道,做到一模一樣!豬紅唔會太辣,岩晒怕食辣野既人(加埋支大啤仲好食XDDD)支竹豆腐火腩煲係其他地方食過覺得燒肉得個3-5舊豆腐又只係得2-3舊有種比人搵笨既感覺....但係依度睇相就知,絕對係足料又夠份量仲要好好食tim!兩個餸加一飯一粥再加一支大啤百4蚊有找~正~~下次再搵多d人一齊黎再叫多d其他新款既餸試下先~~…Read More