華樂茶餐廳

Open Now

Now Closed

趁住秋高氣爽，梗喺行山好日子啦，今次又帶啲朋友再挑戰「雞公嶺」，最後落返粉錦公路，就搭車返元朗食過下午茶，至於地點無心水，合眼緣就算，總站落車見到呢間「華樂茶餐廳」，咁就入咗去，亦支持下小店。入到鋪內，餐廳細細，摺枱膠櫈，喺好街坊嘅設定。嚟得呢啲小舖，都喺食吓人情味，主打街坊生意，牆上掛上大電視電視送飯，喺做街坊客嘅必備。整體嚟講，地方企理，阿姐又好好招呼，禮貌周周，而且，值得一讚嘅啲餐具雖然擺晒喺枱面，但就用膠盒冚住，比較乾淨衛生。餐牌就喺牆上貼住嘅大海報，我哋呢個鐘數一喺就下午茶餐，一喺就常餐，常餐睇落都幾抵，只喺39蚊，行到攰一攰，梗喺點個常餐啦，食得飽肚啲嘛。沙爹牛肉麵+餐肉紅腸+牛油多士 $39沙爹牛肉麵喺必然之選擇，而餐肉拼紅腸啱晒伴公仔麵，所以，變相成為3餸麵。啲牛肉幾唔錯喎，軟腍有肉香，個沙嗲又推得幾香濃惹味，撈麵就梗喺好食啦，餐肉、紅腸煎得香口，喺略嫌有少少油啫，但食得出唔喺啲平價貨色，加埋烘得脆口嘅牛油多士，真喺滿足晒。凍檸茶 +$3平常晌茶記，熱奶茶喺心水之選，但今次點都要飲番杯凍飲解體渴，但我就唔喺太鍾意飲凍奶茶，因為臨尾被啲冰溝淡晒，除非喺「樽仔」奶茶。講番呢

做完運動當然想搵野食，近近地係體育館行過對面茶記，求其叫咗個午餐豉椒味菜腩仔飯，諗住都係碟頭飯，等咗唔夠10分鐘，一黎到估佢唔到，成碟小菜咁，睇得出係即炒，而且都數唔到有幾多樣配菜，配料份糧真係十足，炒得夠香夠晒火喉，腩仔有肥有瘦啱啱好，我本身唔多食洋蔥既，但今次結果比我食晒。成間野坐位唔算多，不過都keep住有客入黎幫襯，可能啱啱隔離係停車場，見佢地有啲熟客揸車停係隔離就入黎食，呢區以48蚊黎講，呢個午餐真係得，絕對可以再encore。