華樂冰室

Open Now

Now Closed

在上環返一定年資的老patpat 一定食充滿回憶的飯堂 今次重遊舊地亦決定回味一番😀想當年阿妹我lunch hr 只得1 hr 亦會走不少樓梯上來霸位排隊 亦不少office boy/girl跟我一樣 可見餐廳的賣座力叫得冰室 吃的是實力說話的食物 不是環境 每次必叫例牌 即炸豬扒黑椒意 凍OT 奶醬多 依舊是久違了手準之作與三五知己同事麻甩秘聚 才四五十蚊教人短短一小時不只肚子温飽 還有心靈上滿滿歡喜 滿足這裡的侍應姐姐亦很有人性化 大概像阿媽feel 時而溫切 時而忙碌時語文又帶點粗魯但你又不會難受那種 以前還有個老叔叔 現在不見了 聽說是辭職 希望大家過得安好♥️懷緬了一份小回憶繼續於上環小街尋找自己腳毛

由四零年代經營至今的華樂冰室，以經典餐牌滿足街坊的胃口，更吸引上班族和遊客慕名而來。香氣四溢的乾炒意粉，外層酥脆，內層溫熱的炸豬扒，將日常煩惱一掃而空。用料絕不吝嗇，絕不馬虎，亦是華樂冰室的一大特點，蠔仔肉鬆滿溢的鹹鮮味，魚片皮蛋爆發性的芫荽氣息，西多士牛油與煉奶的大規模轟炸，除了滿足，還是滿足。華樂冰室，有一種make my day的魔力。除了食物的品質，就是夥計們的人情味，老闆娘樂於分享生活，使店舖氛圍愉快，成為街坊打躉用膳的好去處。最後，於流感高峰期，大力推薦薑煲檸樂，好比咖啡提神作用，檸檬與薑片，令人精神一振，擊退病菌，真實案例！

話說返咗嚟中環工作之後有一個好長嘅to eat list ，上次寫完先發現好耐無寫呢個topic。一個麻甩想去邊就邊，於是行到去摩羅街附近，食一間book mark咗好耐嘅茶餐廳，華樂冰廳。轉眼間你以為自己去左澳門，炒意粉配黑椒粉，九龍可能大把，香港要呢類食炒意粉茶餐廳真係唔多，當然我最愛一定係長沙灣金園。不過最癲係個炸豬扒，真係幾好食，意粉係炒得有鑊氣，只是同醬汁貌合神離，同埋有啲細碟，如果你食過金園你就知道佢嘅炒意粉係世界級，勝過好幾間澳門名店。其他包類如煎蛋包，煉奶/花生醬/果醬/牛油配方包同多士都係個餐入面，我食嘅煉奶多，還可以，但對面嘅公司三文治就好似好正，可惜我一個人，不能吃太多。熱奶茶又係typical港式水準，但行到過黎，感受下摩羅上街那種文藝氣息，看到很多舊日的足跡，你會覺得，呢一杯奶茶就帶著劉以鬯的對倒氣息，呼出的正是杜生文雀的那舊香港那種情懷，那個年代和餐廳的環境一樣，懷舊得來很美。

#每週一間之前未食過嘅老店｜๑⃙⃘上環近古董街｜Let's support 街坊生意~~突然想食炒意粉就嚟咗華樂冰室🤰🏻滿足港式胃baby๑⃙⃘「選3 火腿/餐肉/火腿/煎蛋」餐+乾炒意粉+奶醬多+熱咖啡 ($48)๑⃙⃘ 西多士 ($ forgot) 炸後不會淋咗，香脆，有厚度，花生醬夾心，好邪惡嘅飯後甜品🥹😋 (感動的淚水)๑⃙⃘ 作為一間真冰室，佢哋嘅食物會從「水吧」炮製出嚟俾食客享用，同茶記係有分別。๑⃙⃘ 靚姨們都好親切友善，街坊鄰里社區感濃厚，佢哋有時會同客人吹水，離開後會想再嚟食多好多次嘅地方！-p.s.佢哋都有玩IG㗎緊貼科技洪流🌐 見到番茄汁炒意粉好似好famous?🍅

第一次去香港玩，突然很想吃西多士，原本經過華樂，但看到時間已經快打烊，就沒有進去，跑去另一間開比較晚的，沒想到那家店提早結束營業，所以又折回來，看到華樂還開著，就問問看還能不能點餐，服務員很親切的招呼我們，讓我們可以當最後一組客人。坐下後也很熱心的想知道我們的需求，菜單的套餐有點看不懂，所以最後單點了西多士跟豬扒包，西多士甜度適中，烤得很酥脆，加上黃油的濕潤很剛好，豬扒包也很實在的味道。讓人感受到香港的人情味，下次去香港還會再去！

最近認識了老闆娘，知道原來佢係IG高手👍🏻，大家請多多follow ，咁就有靚花🌷靚貓靚狗睇！🐶🐱講返食，呢度嘅皮蛋魚片米線真係好好食😍😍魚湯勁鮮甜，係喺街市每日新鮮買返嚟嘅魚滾湯，仲有勁多芫荽！大家要多啲嚟喇❤️❤️

以前喺上環返工經常幫襯，今日出外工作行到附近就諗起呢間舊式冰室仔。今日未夠11:30就去到，完全唔駛等位唔駛搭枱好開心❤️ 仲係賣緊早餐。 但我個懷念重點係呢度個豬扒炒意同蛋包…店員話已經可以order全日餐唔駛擔心😆一來就係煎蛋方包，再來就係超大塊的豬扒炸得好香好腍滑沒有令我失望。還有大大碟的炒意粉配黑椒汁…質素好似仲比以前好咗呀👍🏼加埋杯凍檸茶係好完美，但係要加$5 好似貴咗少少。 埋單$60+ 位，都合理啦。 一定會再來！

上星期六下午4:15到達餐廳門口，看到門口寫了營業時間是到16:00（原本是寫了18:00，但給劃了改為16:00），所以在門口問了一位職員‘截咗單未？‘那位職員晦氣地回答’我都唔知宜家幾點！‘剛巧那時候有另一位職員問我’幾多位？入嚟坐。‘我坐下後聽到這位聽員叫門口的那位職員做‘阿媽’。女兒的待客態度很好，彌補了她媽媽那趕客的’人情味’，這樣才不致於變為販賣情懷的茶餐廳。食物評論為：豬扒鬆軟，通粉湯較鹹，其他食物正常

.📍華樂冰室 | 𝑺𝒉𝒆𝒖𝒏𝒈 𝑾𝒂𝒏平日想平平地食個Lunch又唔想太頹，搵間充滿懷舊風嘅冰室嘆下奶茶絕對係一個唔錯嘅選擇🤤。上環嘅茶餐廳選擇都算多，但夠特別又抵食嘅暫時最推介呢一間！餐廳比較細所以坐得有啲迫，Lunch Time時間成日大排長龍，所以唔想等位就早少少黎。.食左兩次都係嗌左佢個雞扒乾炒意粉餐，唔食雞扒仲可以揀牛扒/ 豬扒或者雞翼等等。🍝個人覺得淨食個意粉有啲乾，所以跟埋黑椒汁就啱啱好🙌🏻。塊雞扒煎得夠香，唔會太乾而且仲大塊過隻手板。雞扒餐只係$56，仲包埋多士(可以揀醬唔洗加錢) 同飲品，呢個價錢真係超級抵！杯茶走比例岩岩好，Perfect👅。

公司附近好多餐廳，咁啱instagram見到華樂冰室。去試吓食侍應姨姨好親切，一坐低就介紹新湯底蕃茄牛肉。我叫咗熱華田，姨姨走埋嚟話有得加粒棉花糖肉鬆蠔仔烏冬$68，味道唔錯，起碼有8-10粒蠔仔每粒都好新鮮份量嚟講女仔就夠食，可能男仔/食量大未必夠

本來和朋友一心想去Vacay coffee and bread 食sour dough. 但係到時是12：45pm, 星期五, 可能店舖主人有事,竟然冇開門？那樣行過一兩間舖, 上次也想試這冰室, 所以便坐下來. 望下去有幾款午餐可以選擇,老闆娘告知,豬扒意粉是這店的名物（可選黑椒汁或蕃茄汁, 煎蛋放上白麵包也是一個特色,再加一個熱鴛鴦,便是我點的午餐. 朋友便叫了一個咖哩薯仔肉片意粉 ,加一杯齋啡.等了5分鐘左右,先上飲品, 再過5分鐘,便想主菜. 非常大份, 從來沒有試過在茶餐廳食意粉,竟然是那樣多！！因為不想浪費食物,又冇帶自備食物盒, 所以用了1個鐘加15分鐘慢慢地全部食曬. 不過我覺得實在太多,太豐富,太飽. 豬扒一大塊,可以見到是用真材實料去醃製過,因為可以見到有薑絲,好味.咖哩薯仔肉片,薯仔煮得入味,大大嚿,肉片也很多,咖哩汁撈意粉,太美味！這店是全女班, 個個都非常友善,老闆娘有同我們講述這冰室的故事,動聽. 這店的佈置, 很有懷舊冰室的風味,牆上的磁磚很美相信已再也找不到了！我喜歡這冰室也希望可繼續營運保留下去.老闆娘說這店是開早上7時至下午4時, 因轉角便是摩羅古董

走進營役的中上環，週日早上特別冷清，沒猜到東街的梯級上，「華樂冰室」有人排隊等位！站著就開始研究OpenRice的食評，埋枱即下單：-1️⃣蛋包+少冰奶茶：由第一口茶至乾杯，都非常濃滑滿足；遺憾的是一下子將蛋包吃下，而搭枱的胖哥，技巧的把蛋汁填滿包面才細嚐，哈哈⋯⋯遇上食貨！2️⃣胖哥還點了塊豬扒，不客氣我也跟上了，果真鬆化入味，難得！老板娘凑前來問意見，我表示第一次光顧，對座食客聽見如賣廣告般，表示自己40年來天天打躉吃湯米粉，飲如絲滑的熱奶茶！3️⃣牛肉薑絲湯米+半杯熱奶茶，又進了我的腸道！嚇得老板娘鐵青，竟遇上這女子吃了兩份半早餐！🤣實在從未如此狠勁過！奇妙的主日，獨個兒邁步去祝福老店，卻被這舖內上下一心的工作態度，食客的情義笑容，老板娘一句句極之珍惜客緣的感恩話融化！「華樂冰室」不單能滿足肚腹，還溫暖了我的心窩！

一看見華樂，便勾起了我對香港傳統懷舊冰室的情懷，想起兒時爸爸帶我去嘆三文治的回憶，感覺親切！一行三人下午三時多來到華樂，急找招牌餐一試，最喜歡蛋包，很合我口味！豬扒也炸得恰到好處，友人最愛則是黑椒汁意粉，很喜愛其特別而互動的配搭。一向對奶茶一般，但華樂的奶茶確不錯，茶香細滑，一定要試！從老闆口中得知道華樂的承傳歷史，在這疫情嚴重、經濟艱難的時刻，仍然繼續堅持，真是值得支持！

一直鍾情及支持香港冰室，華樂更是全港歷史最悠久的自家傳承老字號，怎也要找機會一試！店子保留舊式情懷之餘，難得又可保持整潔，面積雖小，但尚可坐得舒適。專誠來試豬扒、黑椒汁意粉、蛋包招牌套餐，豬扒炸得鬆軟可口，特別調製的黑椒汁為意粉帶出美味。特別喜歡蛋包，選材簡單直接，兩者合一，出奇互夾，畫龍點睛。傳統冰室另一重要撐招牌產品，當然是一杯奶茶，華樂做到醇滑有緻，具自己特色，若果上茶溫度可以更熱，相信更為可口！香港每一家能活下來的傳統冰室，都值得力撐，尤其華樂，我一定會再來！

聽聞華樂豬扒好味，終於今日食咗，果然豬扒入口鬆化，唔肥膩，又唔韌，好有口感，唔似一般快餐廳嘅炸豬扒。味道適中，食完之後唔覺得口乾或者口渴，薑汁味好特別。茶餐配油占多，多士厚啲就冇得頂。跟餐飲熱茶走，用瓦杯上，味道濃郁，而家去茶餐廳比較少飲到咁幼稚滑嘅奶茶。下次去可以唔食多士，食煎蛋包。老闆娘好有善，企喺門口叫啲過路人入嚟食下野飲杯茶，同啲茶客有傾有講，真係有啲懷舊茶餐廳嘅感覺，好有人情味。我下次都會去，有啲食過返尋味。