華園甜品專家

Open Now

Now Closed

在新蒲崗區食完飯，指定動作一定會同老婆去華園甜品店，食靚媽至愛嘅芝麻糊，而事實上呢間米芝蓮一星店，所出品嘅糊類甜品確係出色，而且價錢親民可以講好食抵食，但今晚我兩公婆都食到碗所叫嘅芝麻糊有酸味，非常難食，我個碗食左三份一就吾想食，速速埋單走人，因為之前在七喜食過梅子蒸排骨，所以我吾會將今次食到酸味芝麻糊嘅不快經歷賴落呢間店上，因有可能係我兩公婆殘留在口腔内，梅子排骨的酸味影响到該碗芝麻糊，下次若我再到該區，必定會清理口腔後，再食一次芝麻糊，引証今次食到呢碗酸味芝麻糊是華園錯定我食錯。

⁣⁣▫️芝麻燉鮮奶🔳⁣ 💰24⁣↬中式糖水一定要吃熱的 鮮奶蛋白中加了芝麻糊 燉奶十分滑 甜度適中 芝麻糊夠濃 一碗糖水滿足兩個願望⁣⁣⁣⁣▫️楊枝甘露🥭⁣ 💰24⁣↬ 由細吃到大的糖水 有西米 碌柚 芒果 很足料 芒果汁不會太甜 芒果熟度剛好 微酸 夏天吃解暑一流⁣⁣⁣⁣ᐠ ♥︎ ᐟ因為是舊式糖水舖 所以環境衞生方面都不要期望太多 但味道和質素補救 飯後來一碗很滿足(´>∀<｀)ゝ⁣⁣⁣⁣⁣

👍🏻平靚正米芝蓮推介糖水鋪👍🏻呢度有桑寄生蓮子茶，而家唔多糖水舖有呢種中式糖水！桑寄生蓮子茶（$22）睇色澤咁深色，再加上一送上枱，就聞到勁香，就知道好足料。入面有好多蓮子同棗，飲落真係比其他店嘅濃，而且唔太甜，我好鍾意呀！😍😍芝麻糊燉鮮奶（$24）唔好睇佢得一點芝麻糊，其實燉奶中間仲有好多。燉鮮奶同芝麻糊都好滑好濃郁，仲滿足到我朋友仔想食兩種甜品嘅慾望。🤤🤤大部分甜品既價錢都只係廿零蚊，真係咪平靚正！😌

同男朋友食完嘢， 嚟咗華園買外賣因為我話想食糖水我哋一人嗌咗一個薑汁系列分別係薑汁燉蛋，薑汁撞鮮奶等咗唔使五分鐘，外賣即刻送到手拿拿林 拎返屋企食不過我哋放咗成十幾分鐘先食開左蓋咁耐，發覺都仲係熱辣辣嘅好大陣香味，仲有 薑味我嗰碗薑汁燉鮮奶真係好正 又香又滑又新鮮，真係好有奶香味！熱食真係好正，食咗好耐慢慢歎都仲係燙口嘅甜得嚟又有好香辣嘅薑味同埋佢啲薑味真係好濃，好重食到最尾嗰度，啲薑味越來越重我仲覺得有點辣添啲薑汁係咁滴，證明冇偷工減料真係「好夠薑」哈哈，啱晒我呀驅寒一流至於男朋友果碗薑汁燉雞蛋，就有啲失望我哋兩個試咗一啖都覺得啲味道怪怪哋好似有啲唔新鮮感嘅感覺唔知係咪因為熱食嘅關係，所以覺得唔係太好食 可能薑汁燉蛋要凍食先好食啩

難得晚市終於開返，出去食完晚飯後好想食碗糖水，據聞呢間係米芝蓮推介，梗係要試試！不過飯後時間等位實在太多人，最後轉叫外賣。門口個阿姐忙到落單聽啲唔聽啲，講左3次先成功叫到兩碗糖水😅分別叫左碗薑汁燉雞蛋同外面好少見既椰子糊，廿幾蚊碗都係正常價錢。薑汁燉蛋既好似無咩薑味，味道就似普通燉蛋，不過我係ok既，本身都怕重味。呢個椰子糊幾特別，質地比較稀，味道似西米露，唔係唔好食，不過可能expect佢會有特別味道所以有少少少少失望🧐

飯後想食甜品，去左好耐冇食的華園，原來飯後時間係如此人頭湧湧，等左五分鐘就有位。店內好多中年叔叔，睇黎呢到係佢地的吹水聚腳點。店內啲阿姐係極忙碌，舉手佢未必見到你，最後自己行去搵佢落單，或者要有耐性地舉手一段時間。menu有相當多選擇，樣樣都好想試，最終叫左紅豆沙拼豆腐花，好好食好足料，雖然食糖水預左甜，但佢的甜度啱啱好，豆腐花好滑，兩者配埋一齊好夾，豆腐花又可以中和下紅豆的膩。至於綠豆沙一樣咁好食，煲到起哂沙，裡面亦有臭草，令糖水更香，綠豆沙比較清甜。

聽講新莆崗嘅華園甜品好好食, 大食妹bookmark左好耐, 今日終於過開果頭, 可以打下卡啦<芝麻燉鮮奶>芝麻燉鮮奶係大食妹推介大家黎華園一定一定要食芝麻燉鮮奶有熱有凍, 但因為有芝麻糊, 建議揀熱食上檯嘅時後會見到燉鮮奶中間有一點嘅芝麻糊, 畢起黎有驚喜原來燉鮮奶裏面填滿左又香又濃郁嘅芝麻糊, 燉鮮奶都非常香滑廿幾蚊可以食到啲咁正嘅中式甜品, 大食妹要大力讚揚呢間華園下次黎呢頭再encore<芝麻糊豆腐花>朋友就嗌左碗芝麻糊豆腐花大食妹表示呢個選擇係個反面教材, 因為豆腐花會出水, 芝麻糊嘅濃度就會溝浠左但各花入各眼, 如果大家鍾意淡少少嘅芝麻糊都可以嗌呢個

本身係買隔離嘅餐廳，等等下見到有糖水，原來係米芝蓮認證，所以就買咗一碗返屋企試！ 食落就覺得不過不失啦！我心目中最正嘅蛋白燉奶係好嫩滑，比較水，最好就入口即溶嘅，反而呢個燉奶雖然奶味都重，但就比較成型、杰，就唔太入口即溶

一向食開，差唔多每星期都去。近半年試過幾次燉鮮奶唔夠熱已經唔太滿意，所以轉去食糊食湯圓算。2020年11月28日晚上帶咗幾個朋友去食，有一位選咗燉鮮奶又係唔夠熱只係微暖唯有同店員講，店員提議拎去返熱我地都接受。當時廚師都走出嚟提醒樓面啲燉鮮奶唔夠熱就唔好比客人。十分鐘後，熱辣辣燉鮮奶終於上枱。由於有延誤，我同其他朋友已經食完所以一路傾偈一路等朋友享受佢嘅燉鮮奶。點知朋友個燉鮮奶都未食完，門口個員工走嚟好冇禮貌咁叫我地讓返張枱出嚟？！係你地食物質素未達到商品預期！係你地提議返熱要客人再等！係你地連客人都未食完就趕人走！今時今日咁嘅服務態度，係失望嘅…

食完晚飯專誠揸車到新蒲崗華園甜品專家食糖水， 今次食椰子糊$23、華園香甜喳咋$25， 椰子糊滑溜， 味道香，甜度適中，松化而不黏牙。 喳咋以豆類為主， 最喜歡食 喳咋裏面的芋頭， 再加上淡奶， 味道更加香滑。華園甜品專家咁多年價錢都大眾化， 相比起出面五花八門的甜品店感覺特別老字號， 以中式糖水為多。 但服務質素和環境當然不及新派甜品店， 疫情之下除了體溫探熱之外， 座位都比較親近。 華園甜品專家地址: 新蒲崗祟齡街38號地舖

食食吓職員問我哋介唔介意搭枱，我哋擔心肺炎所以話介意。點知個職員黑面，轉頭就大大聲問門口個客介唔介意搭枱，就將佢安排坐黎我哋張枱，仲冇幫我哋加圍板。如果一開始冇扮問我地嘅意願都冇咁嬲。In the middle of eating, we were asked if we would mind sharing a table with strangers. We politely declined because of the pandemic going on. She immediately got angry and loudly asked a customer outside whether he minded sharing a table. He minded too. But another customer behind him didn't mind and got seated right next to us. No plastic partition was moved over. I wouldn't have been so mad sharing a t

難得嚟到新蒲崗梗係要去華園甜品專家食返碗糖水啦華園主要食傳統糖水甜品仲係米芝蓮推介ge老字號記得中學個陣係附近練完波都必定會食番碗先走店舖實而不華價錢夠哂大眾化依加疫情關係所以唔需要點樣等位就可以入去食🍽芝麻燉鮮奶$24燉奶中間灌入左芝麻糊而燉奶夠晒香濃嫩滑散發住陣陣奶香味再食落去中間ge芝麻糊就流出芝麻糊夠哂濃郁又唔會太甜🍽楊枝甘露$24楊枝甘露亦都好足料每啖都食到柚子、芒果同粒粒西米💬米芝蓮推介黎講價錢方面一d都唔貴👍🏼

炎炎夏日 會唔會有人為咗養生而唔食凍野？😂 答案：小編係真係會😅 天時暑熱仲叫咗碗熱嘅腐竹薏米 而小編男友同小編細妹就好正常咁叫咗碗西瓜涼粉🍉同楊枝甘露🍹💦 結果比我一人偷幾啖咁飲曬佢🤣西瓜涼粉同楊枝甘露都份量十足 西瓜大大舊 淋滿花奶 楊枝甘露有激多西米、芒果同甘柚榨喺入面😳 酸酸甜甜真係好降溫😭🙌🏻-腐竹薏米就真係伏喇😅 得幾粒薏米係入面 薏米仲要煮得太耐冇曬口感 糖水又太甜🙅🏻‍♀️ 成碗野感覺就好似比煲底剩返嘅幾滴糖水比我咁😕 米芝連甜品黎講 呢碗腐竹薏米真係略為失色😿-整體味道：🌕🌕🌕🌗🌑性價比：🌕🌕🌕🌕🌑-📍 華園甜品專家

🥢新蒲崗傳統中式米芝蓮甜品店#食好西新蒲崗美食 🥢今日突然好想食中式甜品，由其想食腰果糊，因為不是很多甜品店肯做，搜尋之下搵到呢間連續拿了三年米芝蓮推介小食的甜品店🥢一心期待食的腰果糊原來要星期六日先提供，所以想食就要留意啦🥢甘露豆腐布甸 $27楊枝甘露做基底，芒果味好重,而且甘油的味道好香完全冇苦澀味，芒果肉超甜但係肉份量比較少，豆腐布甸超級滑溜，味道比較淡口不太食得出出豆腐味🥢杏仁+芝麻 $23杏仁糊加芝麻糊的配搭杏仁味很滑，加上芝麻的香氣配搭得好好，味道香濃🥢價錢實惠而且真材實料，廿幾蚊就食到米芝蓮推介甜品確實抵食，雖然未食到想食嘅腰果糊唯有等下次成日再過去食啦

湯丸堅好食😋😋😋三個人食四碗，各自一碗再加湯丸。腐竹雞蛋🥚糖水，朋友叫，讚好食。合桃露也夠滑，朋友食到照鏡。至於我叫至愛芝麻湖，雖然未係最好，但起碼自家整，夠滑.....