華園甜品專家

Open Now

Now Closed

第一次來呢間聲稱米芝蓮嘅鋪頭飲糖水，真係有d失望。不過最嬲係佢地嘅服務態度。門口個店員企係門口塞住條路，問佢有無2個位，又10問9唔應。然後佢同其他客人講話買嘢出面排隊，咁我地咪自然以為係買完先入去坐。點知原來唔係，個個店員仲反我地白眼+jip我地... 一見到佢對白眼，怒氣真係即刻升上來。但難得入新蒲崗，都係諗住食埋個糖水先走。本身諗住食d好嘢順下氣，點知水準普通，唔怪得佢地個米芝蓮去到2018定19年就攞唔到🤣🤣。

因為好想試陳儀興滷水鵝片, 去到先知未夠鐘開門, 少少失望之際, 見到隔離有間中式糖水店 - 華園甜品專家, 仲耍有有米芝蓮加持但價錢又貼地, 岩哂啦, 一於入去試下佢~柔滑湯圓-黑芝麻 ($24) -  的確係皇牌, 必叫之選! 湯圓皮薄柔滑, 軟軟糯糯得黎幾煙靭,黑芝麻餡香, 同急凍湯圓係兩碼子既事,仲有薑水好夠’辣”, 所以一定係老薑,好味好味.楊枝甘露 ($28) – 相比湯圓,楊枝甘露就顯得味道不過不失,可能芒果未係當造, 味道唔太酸但亦唔太甜.結論,黎華園甜品, 始終都係食返中式糖水優勝D,見同聞到好多抬都叫蕃薯糖水,應該都幾火喉十足,下次會再試試先.

星期六實行新蒲崗覓食遊，由朝食到晚，期間路過呢間糖水舖三次，每次都見到有人喺入面食緊野😮，當日以晚上8點最為多人。好彩人流好快，等左十幾分鐘就可以入座。等待嘅途中一定會聽到唔少人點芝麻燉奶同桑寄生蓮子茶，我地都唔執輸，一行四人，每人都叫一款唔同嘅糖水，當然包括人氣之選啦😏。楊枝甘露 $28本身見佢由雪櫃攞出嚟，估佢應該放左好耐🤔，加上望落好似無配料而感到失望。點知”不”落先發現原來甜嘅芒果粒、柚子粒係底；西米雖然未到彈牙，但完全無糊到，屋企人表示係近年食過比較好味嘅楊枝甘露。芝麻燉奶(熱) $27燉奶好滑，淡淡奶香，不過略嫌芝麻糊唔夠芝麻香。薑汁燉奶(熱) $27由上枱到入口都聞到薑味，加上熱食，所以薑味更顯辣口。當日氣溫15度左右加上吹北風，體感溫度更低，食佢就最暖🙊。桑寄生紅棗蓮子蛋茶 $28桑寄生煲到出哂味，飲落好濃好舒服，感覺好補~雖然係傳統中式糖水舖，但糖水甜度好切合現時香港人口味，唔會太甜。如果路過，可以一試。

新蒲崗老子號糖水店 | 華園甜品專家新蒲崗必食中式糖水店，曾獲 ⭐ 米芝蓮推介，市面上好少搵到嘅 “腰果糊” 係依度可以試到，但只會星期六、日供應。蛋白燉鮮奶 $26 (冷 / 熱)招牌甜品，熱辣辣，香滑軟綿，甜度及恰到好處，必叫之選！腐竹白果雞蛋 $28 (冷 / 熱)腐竹煲到溶曬，甜度適中，試過咁多間最正最好食嘅腐竹糖水。芒果腸粉 $37芒果唔酸，口感一般老子號糖水店價錢貼地，中規中矩，一試無妨 ！

海帶香草綠豆沙 $22******************************食完晚餐唔夠飽係附近轉個圈見到華園入去食個飯後甜品性價比高$22食到一碗糖水真係幾抵👍🏻***嗌咗一碗海帶香草綠豆沙食落去一啲都唔水 夠沙足料夠杰身海帶有咬口唔錯唔錯個人覺得甜度適中不過呢啲睇個人口味可能有人會覺得太甜🙈因為我係一個飲手搖飲品唔減糖嘅人黎😂***餐廳係普通舊式糖水舖格局小小逼同坐唔耐大家都係快食快走

本身想去食返件靚窩夫🧇點知last order 了😮‍💨好彩仲有呢間米芝蓮中式糖水做後備問姐姐有咩好推介佢都有答我有啲人覺得唔夠薑味又有人覺得薑味勁，但佢推介喳咋，唔知點解咁多食評話態度差？我就一向唔係好岩食中式糖水，所以諗住食冰花燉蛋，點知好多人推介薑汁燉蛋$25，我又想試吓喎⋯⋯估唔到佢都幾重薑汁味，我食唔到咩蛋味😅唔係好岩我口味結果家姐換咗佢碗芝麻燉鮮奶$27比我😋雖然凍食但好味！燉鮮奶滑到好似食緊豆腐花咁！相信熱食個芝麻糊會更出色！最後叫咗芒果腸粉$37 share 食，芒果汁好甜，但塊腸粉就唔係好夠滑！總算食飽！其他人叫咗薑汁燉鮮奶、喳咋、合桃糊。幾個都話好食夠滑！下次會想試熱嘅芝麻糊！

同朋友新蒲崗食完飯，附近得呢間糖水舖，所以入嚟試吓，環境的確比較窄同逼。見到餐牌上有腰果糊，想試但今日無賣。最後叫咗合桃糊，見到餐牌上可以加嘢，於是加西米加湯丸。滿滿嘅一碗，合桃糊唔太甜幾好，加西米真係唔錯嘅配搭，無咁漏。芝麻湯丸就麻麻地，下次唔會加。朋友點咗個芒果河粉，芒果唔太酸亦唔太甜，椰汁河粉味道正常無特別。價錢方面$30-$40的確偏貴，性價比一般，但同區無更好的選擇。下次要趁星期六嚟試下腰果糊。

小弟係街坊,起佢未紅時幫診開。芝麻湖,芒果白腸粉都好食既,今日一去到2人坐門口叫左 木瓜杏仁雪耳 , 芒果涼粉西米+小丸子。芒果涼粉普通啦..重點個小丸子又紅色又墨綠色既,煮到一PAT野敢OVER COOK ,成碗食左1/4頂唔緊。木瓜有浸酸叔味既,我女友話唔生鮮唔靚都佑佢,態度又差 樓上師弟都話呢間野為轉台數不停PUSH D食客 2人坐一張細圓台 坐左一陣已經叫你坐埋一邊,敢樣就收$64 真係睇下仲有無水魚仲會去食咯。

食左個熱中式糖水(桑寄新茶加蛋).一D都唔熱.有少少苦.茶味好淡.好失望.又冇服務,其實D間甜品都唔平.環境又好舊.位與位之間好窄..真係要檢討下.米之蓮之前選到D間店上旁.其實應該好有動力去再做好D.客人越多.翻檯次數多.咪仲賺得多.大家都知甜品cost低.可能之前出名左.心已经唔再係食物質素度.而係想盡快賺多D錢唉

好似多多豆粉咁，比幾年之前差左好多There is a reason why they have not been on Michelin for a few years.

我在本月8号因為有事去新蒲崗經過這間糖水舖便入去吃碗糖水，我叫凍芒果椰汁黑糯米，店員說芒果紫米露，我便重覆說我要凍芒草椰汁黑糯米，店員說都是一樣，我想問多句但她已顯得很不耐煩，但我吃下去便知道是不一樣而且很難食，不會再帮襯。

新蒲崗糖水不得不提華園，拎過米芝連，而且風味十足，食中式糖水一流。佢嘅燉鮮奶好值得一試，有凍有熱，仲可以配芝麻糊、合桃糊、花生糊之類。我就試咗芝麻糊燉鮮奶，一啲都唔會”鞋”，而係好滑好香奶味，仲可以配埋芝麻糊，一次過品嚐兩種甜品！朋友就試咗佢嘅桑寄生紅棗蓮子蛋茶，好足料，唔係只有糖水，仲有原隻蛋、紅棗同蓮子，好香甜，唔會好重藥材味，同埋對女仔身體好。佢仲有西式甜品，另一個朋友就食佢嘅楊枝甘露，正正常常，感覺中式糖水比較出色。

華園甜品專家芝麻燉鮮奶芒果腸粉價錢💲: $26/ $36好味程度😋: 3.7/5服務🍴: 2.7/5環境🗾: 3/5性價比🥢: 4.4/5回頭率😚: 3.7/5-食完飯食糖水係常識！好多鋪頭收曬，好彩呢間唔係收好早！呢間拎過米芝連的中式糖水店，基本上所有講得出的配搭都有，綿綿冰都有做ga！絕對係宵夜首選😂-✅芝麻燉鮮奶。呢個招牌一定唔會輸！燉奶香滑，味道比較清淡。一督到中間就會有濃郁的芝麻糊溢出，兩者好大對比但又好夾😗 口感一齊食都好滑，芝麻糊帶小小起沙，味道好平衡🤓 佢地的燉奶係必叫之選！-🆗芒果腸粉。一份3條，🥭好甜！係清甜個隻，加埋面頭小小芒果醬可以帶起個味道🤩 外皮有別於一般腸粉的椰汁皮咁，而係爽口的質感，用大菜制成的感覺😳 外皮冇咩味，全靠芒果同埋小小醬帶出個味。同我想像中有啲出入，所以覺得一般🧐-價錢親民，好地道，啱晒同人話宵夜去食糖水！去開個邊食飯都可以揀佢做下場🤪-同區美食🍧: #piggyfoodiein觀塘

分配容人坐嘅位置超有問題個個店員都黑曬口面咁 入到鋪頭都無人招呼入到去搵左一陣位先至有個男人滋滋油油咁話「出去等下先啦」講真 見到你苦口苦面 你呢間仲叫糖水舖咩真係睇下做得幾耐囉講到啲野幾好食都係假 食得咁委屈不了已經都唔係第一次了 之前有朋友連係到嗌外賣都受佢一肚氣 唔講真係以為比錢佢賺仲好似欠左佢咁…啲糖水同出面買到個啲都無乜分別 真係唔知佢憑咩咁串 平時都好少打食評 但真係純粹想提提大家唔好中伏…除非你中意比錢受氣啦

在2O21年5月19日，揾食肥華和靚媽在此間獲得米芝蓮嘉獎甜品店各自到食到一碗有酸味嘅此店名物，芝厤糊，感覺不是味兒，但因之前晚飯時食咗味梅子蒸排骨，是否自己口腔内有殘留該味菜，酸梅子味道而影响咗，呢碗芝麻糊正常味道，所以肥華不敢對此碗鎮店米芝蓮名物妄下評語，衹敢講食到碗咁嘅味嘅芝麻糊係呢間甜品店錯，定係我肥華錯呢，就在今日即2022年6月21日肥華同靚媽再到此店，一試佢嘅糊類甜品，各自點了芝麻及合桃糊各壹碗，發覺味道正常係碗有值得攞米芝蓮獎之作，同時亦証明上次係揾食肥華出錯，至食到一碗酸嘅芝麻糊，係度肥華向此店講聲SOrry🙏🙏🙏