Sidewalk Cafe Restaurant (Spot)

在上水滙吃晚餐，都有很多選擇，我們選擇了茜廊，被特級肉眼配薯菜的買一送一套餐吸引了，$208加一服務費，加一以套餐原價計算，實在划算！套餐包含的羅宋湯和忌廉湯都相當美味。羅宋湯的酸甜口感和豐富的蔬菜讓人胃口大開。忌廉湯口感濃稠滑順，適合喜愛奶香的人士。蒜蓉包焗得鬆脆，蒜蓉和牛油味突出，可以浸在湯裏吃，變成另一口感。主菜方面，特級肉眼，我們點的五成熟，配燒烤汁。烤得恰到好處，表面微焦而內裡保留肉汁，口感爽爽的。薯菜的搭配除了份量夠飽，還能均衡飲食。燒烤汁有意外驚喜，沒想到不咸，但能增加牛扒的香味。香煎牛柳，是厚身的牛扒，牛肉嫩滑，煎得微焦，但切開裏面juicy得不得了，香氣四溢，搭配的薯菜同樣讓人滿意。我更喜歡香煎牛柳的厚肉多汁口感呢！蒜蓉汁味道咸一點，可隨自己口味加添。加$29享用的雜莓蛋糕，酸甜的莓果味道，與綿密的蛋糕結合，口感鬆軟而味道清新，幫助消化，十分好吃！整體而言，這個套餐不僅量足價公道，還能滿足不同口味的需求，值得推薦給喜愛牛肉的食客。…查看更多

🎀上水。屹立多年的平價連鎖街坊西餐店👍🎀🪄店名* #茜廊餐廳🔮地址* 上水石湖墟龍琛路48號上水匯5樓503號舖🔮🗾分店地區🗾 九龍灣, 上水, 天水圍, 樂富💰價錢$334 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_上水剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵呢一間西餐唔同地區都有分店 之前住屯門本身有都食過幾吾錯 今日收工同朋友一齊過左黎呢間開左超級耐既上水店試下 估唔到琴日星期一平日都爆場勁多人 環境都算好寬敞 座位闊落 天花會有玫瑰花裝飾 配以垂落吊燈 別有情調 地板用藍白間隔設計 座位藍色主題 卡位仲可以望到球場景 遠觀到深圳👍🍽️食物質素🍽️餐廳主打性價比為主 份量充足 果然係岩曬街坊 晚餐最低都係$62一個 種類豐富 除左普通意粉炒飯 仲有扒餐 pizza等 連龍蝦及鵝肝多士都有！帶埋小朋友都可以試下可愛彩色兒童餐👀評分💖💖💖💖💖🪄特級肉眼配薯菜買一送一$208-特級肉眼套餐 配羅宋湯-香煎牛柳套餐 配忌廉湯我地睇到呢個套餐真系嚇親 呢個價錢係咩事情？$208可以食到兩個牛扒套餐 仲要係肉眼同牛柳 真系性價比極高 以為好細塊？絕對唔係 份量真系勁厚勁大塊🤩兩款扒味道口感各有不同 肉眼就較厚 質感較有咬口 牛味濃郁 而牛柳就較軟熟嫩滑 瘦而不鞋～套餐更有配蒜蓉包、餐湯及飲品 蒜蓉包好香脆👍醬汁可以根據個人喜好選擇燒汁、黑椒汁、蒜蓉汁等👀評分💖💖💖💖💖🪄串燒沙爹雞肉（半打）$42呢個都係必點 套餐加配價只需要$42就有半打 平均$8都不用 賣相又幾正！大大串雞肉夠入味 吾會乾身 配埋花生味極濃既醬好味🤩👀評分💖💖💖💖💖🪄脆炸煙肉腸仔卷配薯條$30一樣分量都係好多 粗薯條炸至香脆 配三塊煙肉腸仔 懷舊之選～👀評分💖💖💖💖💖🪄飲品-凍朱古力 & 可樂+$5飲品大杯抵飲👍(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌…查看更多

今晚同朋友去咗間具有舊式懷舊風格嘅餐廳茜廊食飯，餐廳晚市都多人，可能需要等位，分量亦都相對比較多，好適合一班朋友/家人聚餐傾吓計🫶🏻茜廊雜扒配薯條$148雜扒包括豬牛雞翼等，鐵板焦香入味唔柴，配薯條金黃脆爽熱辣，配蒜茸醬汁層次豐富大滿足🫶🏻香濃茄汁焗豬扒飯$68豬扒嫩滑焗至金黃，茄汁酸甜濃郁裹飯粒粒分明，芝士拉絲熱騰騰，經濟解饞超值🫶🏻蒜蓉包$30蒜蓉包烤後香脆金黃，熱食陣陣蒜蓉嘅香味飄出，囗感十分香脆🫶🏻法式焗蝸牛$68蝸牛鮮嫩彈牙，焗以薯蓉香濃，鹹香撲鼻唔腥🫶🏻香蕉船$48香蕉船以香蕉配三色雪糕呈視，經典甜品，十分有懷舊風味…查看更多

今日約左friend係上水玩同食lunch，去左上水匯嘅茜廊餐廳🍴，佢地超受街坊歡迎，lunch time都好full！😍卡位闊落又舒服！＊＊＊＊＊🥩🥔鐵板特級西冷牛扒 $168配忌廉焗薯•扒茄•西蘭花 🍅🐷香濃茄汁焗豬扒飯 $68+$38 配湯🥣、飲品🥤、及餐包🥖🍨雪糕新地 $38見到佢地有呢個童年回憶餐牌，全部都係細細個茶餐廳最常見嘅餐，即刻懷舊下先😍佢呢個鐵板餐超級足料，又大塊又厚身嘅西冷，煎完左好軟熟，好易切開☺️仲有原個忌廉焗薯🥔、厚切蕃茄🍅同西蘭花🥦另外焗豬同埋新地都係童年回憶，懷舊又好味😋！＊＊＊＊＊…查看更多

近近地係屋企附近食西餐，見到上水匯呢間餐廳有鐵板餐食，望見D扒好大塊好吸引，所以我地又入去食個晚餐。咁啱有窗邊卡位坐，有夜景睇又坐得舒服😌同老公每人叫左一份鐵板扒餐西冷牛扒：真係好大塊又厚肉，大過我手板，厚過手指，肉味濃，夠juicy 😂👍🏻我鐘意食七成熟，啱啱好唔會有血水。雜扒餐：嘩！真係好豐富，有雞翼腸仔火腿，豬扒薄牛扒⋯⋯不得了👍🏻墊底仲有薯菜🤩食曬真係好飽👍🏻😂欣賞佢哋墊底係用西蘭花❤️普通雜菜好容易霉，西蘭花就唔會👍🏻連配菜都做到唔差，真係可以全盤食曬❤️最後整返杯雪糕新地👍🏻雪糕底仲有雜果🤩真係好似細個食D 雪糕杯啊😂唔怪得個餐牌都寫住童年回憶😊埋單每人都唔使$200 ，食到咁大份鐵板餐，確實幾抵👍🏻值得食❤️…查看更多

餐廳保留住經典卡位同吊燈，餐牌既有懷舊中式仲有新潮西菜式，鐵板嘅聲果然係強大，吸引咗我入去😂 🔸鐵板特級西冷牛扒 $168師傅將五成熟西冷控制得啱啱好！切開仲見粉紅色肉心，肉質軟腍得嚟帶嚼勁🥩～最正係鐵板餘溫將醬汁香逼入肉縫，配埋爆汁完個番茄🍅同忌廉焗薯，係小時候高級回憶版👍🏻🔸蒜蓉包忌廉湯套餐 +$38蒜蓉包焗到金黃脆身，蘸落粟米忌廉湯簡直絕配！加$38有埋飲品，性價比超高～🔸芝士白汁焗海鮮飯 $88芝士拉絲底下收埋咗石斑+帶子+青口！白汁creamy得嚟唔膩口，炒飯底仲保持到蛋香，推介🔥🔥🔸法式焗鍋牛 $68蝸牛🐌有口感，底層薯蓉吸盡蒜香牛油精華！一啖蝸牛一啖薯蓉，鹹香綿滑雙重享受💥…查看更多

住上水好朋友約去《茜廊餐廳》食晚餐，環境舒適，坐滿街坊食客，要取票等左十分鐘，服務不錯。我們點左香蒜石斑扒配薯仔🥔·西蘭花🥦$168加$38忌廉湯、蒜蓉包、飲品：有手掌咁太塊石斑扒很厚肉，肉質嫩滑配醬汁提升美味，原個焗大大個薯仔加沙律醬美味好食，飲品🥤：熱朱古力。鐵板西冷牛扒配薯菜$148：牛扒有焦香頗厚身，肉質嫩滑，配黑椒汁夠惹味。雪糕新地$38 ：雲呢拿雪糕香滑，杯底有菠蘿粒香香甜甜地好好食。…查看更多

今日約同好友去河上鄉遊玩，順道去位於上水石湖墟龍琛路48號上水匯5樓503號舖的<茜廊餐廳>食午餐，環境舒適，居高臨下，街道和遠山的景色盡在眼底。我哋點咗“童年回憶”的：🍴鐵板特級西冷牛扒配忌廉焗薯、扒茄、西蘭花 $168 + 粟米忌廉餐湯及凍檸檬茶 $38：大塊及厚切西冷扒煎得外脆肉嫩，牛味香濃，忌廉焗薯好幼滑，西蘭花青綠好食，扒茄好味。🍴芝士白汁焗海鮮飯（石斑、帶子、青口、鮮蝦）$88 + 粟米忌廉餐湯及凍檸茶 $38：香噴噴的芝士白汁焗海鮮飯，海鮮豐富，有嫩滑石斑、彈牙鮮蝦、好味青口及帶子，芝士拉絲，飯粒好味。🍴蒜蓉包配蒜蓉牛油（一客）$30：熱辣辣蒜蓉包好好味，塗上蒜蓉牛油，更加滋味。…查看更多

中午接近兩點才到達，這個時段非常多中學生光顧，亦包括一些在附近放lunch的在職人士。先說說服務，仔女的慣例是提供一個茶壺，裏面放進餐具及滾水，示意更衛生。拿起一個叉，發現有泡泡，即是未清潔妥當的，當時另一個匙羹就已經放進湯裏。就未妥當清潔一時我向服務員提出，服務員年湯也一併更換了，我對這種即時響應的服務感到滿意，知錯即改！不清楚這一餐有沒有加一服務費，就一所企企理你的西餐收費68也不過分吧，如果能夠下午茶時段到來坐卡位就更加理想。…查看更多

茜廊餐廳上水昨晚同朋友去上水茜廊餐廳食晚餐，環境舒適，氣氛唔錯！點咗幾款菜式，味道令人滿意。先試咗鐵板西冷牛扒，牛扒煎得剛好，做緊晚市優惠，又好厚，好抵肉質嫩滑，配上黑椒汁，入口惹味。套餐仲包餐湯同凍咖啡，唔使加錢，湯濃郁暖胃，凍咖啡清爽解膩。之後叫咗芝士煙肉焗帶子配蜆肉忌廉，芝士香，帶子鮮甜，蜆肉同忌廉醬好夾！忌廉湯濃稠順滑，凍華田夠冰涼。再試嘅係白酒煮藍青口，青口新鮮肥美，白酒湯汁香濃，配麵包點幾好最後試咗法式焗田螺薯蓉（半打），田螺彈牙，薯蓉軟滑，蒜香足人均150 …查看更多

系上水呢邊搵間抵食又飽肚既餐廳，我們選擇了吃這一間西餐廳#茜廊餐廳 ，呢度食物質素唔差，晚市見到咁少人幫襯有啲唏噓。而港式鋸扒都可以好好食㗎！❇️煙肉芝士焗西蘭花啖啖芝士，配上爽口西蘭花，味道一流!!❇️海鮮炒烏冬海鮮有青口，蜆肉，海蝦都有，個汁偏向黑椒汁，又帶好微辣既剌激，份量滿足之餘，加上意粉又掛到汁都幾正!❇️鐵板西冷牛扒配薯菜一淋汁落去就聽到猛烈嘅啫啫聲，仲配上幾件薯仔同西蘭花，睇得出塊牛扒質素尚可，冇乜肥膏。食落都有唔少筋，不過我啲牙力都可以。❇️羅宋湯❇️忌廉湯每個套餐包熱辣辣餐湯 (紅湯 or 白湯)， 仲有脆脆既蒜蓉包。❇️凍檸茶凍檸茶大大杯，甜度自己調配。❇️蜂蜜合桃蛋糕合桃味都算出，都幾大舊，最後埋單300蚊內，兩個人食到超飽!!…查看更多

上水茜廊的食評來啦！這次試了幾款招牌菜，整體來說性價比不錯，適合朋友聚餐。 首先推薦煎蛋肉醬焗意粉，芝士鋪滿表面，焗得金黃微焦，戳破半熟蛋黃流心拌著肉醬，味道濃郁又不膩口，意粉軟硬適中，份量足夠兩個人分享。 羅宋湯是經典款，湯底酸甜開胃，裡面的蔬菜燉得軟爛，喝起來很順口。不過更驚豔的是酥皮羅宋湯，酥皮烤得超酥脆，戳下去會「咔」一聲，浸到湯裡吸飽湯汁超滿足，推薦必點！ 茜廊特色菠蘿腸仔薄餅是驚喜之作，餅皮薄脆，搭配酸甜菠蘿和鹹香腸仔，意外地和諧，吃起來不會太heavy，當小食剛剛好。 串燒沙嗲雞肉表現中規中矩，雞肉嫩滑，沙嗲醬香濃，但略嫌不夠入味，如果醬汁再多一點就更完美了。 最後配杯熱檸茶解膩，茶底不會太澀，檸檬新鮮，酸甜比例剛好，吃完濃味食物來一杯剛剛好。 整體來說，茜廊的菜式選擇多，價格合理，尤其酥皮羅宋湯和菠蘿腸仔薄餅很有特色，值得一試！…查看更多

上水匯5樓，西餐廳，茜廊，晚市都幾多人食，7點到好彩有位唔使等～田螺薯蓉，開胃前菜，香濃軟綿薯蓉，田螺幾彈牙～叫咗個牛扒配意粉，呢個係撐留港消費嘅優惠價大特賣餐，估唔到水準都keep到，西冷叫咗5成熟，鐵板上，生熟度剛好，仲有粉嫩色，食落肉質彈牙唔會死實，黑椒汁加大量蔬菜同意粉，超級夠飽～跟餐蒜蓉包有驚喜，超級crispy香脆，加錢轉嘅酥皮忌廉湯都係水準以上，好香濃～另外一個餐叫咗焦糖烤春雞，配七味薯條，薯條用七味粉炒有啲辣，烤春雞外皮幾香脆，如果肉質可以再入味啲就更好～普遍肉質都ok～凍檸茶大大杯，可以自己調配甜度～…查看更多

點咗個$76嘅鐵板西冷牛扒配黑椒汁，仲加咗$28嘅肉醬焗薯角。朋友見我點呢個，佢都跟住叫咗同款西冷牛扒，不過佢揀咗燒汁，話係因為睇落抵食，份量又夠大😍😍一上枱，鐵板西冷牛扒真係好有賣相，滋滋聲熱辣辣，牛扒煎得啱啱好，表面微焦，切開仲有粉紅色嘅肉汁，juicy 得來有咬口。餐廳仲好貼心，可以揀唔同熟度，五成熟、七成熟定全熟，我同朋友都揀咗五成熟，想保持嫩滑口感。喺鐵板再熱多十零秒，外層多咗啲焦香，裡面仲係嫩滑，超正！👍🏻 朋友嘅燒汁牛扒就甜甜地，帶少少蔥香👍🏻至於嗰份$28肉醬焗薯角，薯角炸得金黃酥脆，外面鬆脆，裡面軟綿綿，肉醬好濃好香，仲有芝士拉絲效果，食落真係好滿足！份量十足，$28真心抵食，差啲食唔晒😌…查看更多

最近發覺茜廊餐廳有一個非常抵食嘅牛扒餐！！簡直令牛魔王瘋魔！一個人可以76蚊食一個鐵板西冷餐！兩個人就可以208蚊食鐵板肉眼+牛柳！仲要無論係冷/熱飲品，都唔需要再加任何費用。另外有好多小食都可以用加配價再去追加，簡直係抵上加抵！！！價錢咁抵，唔知個質素會點呢？本身唔會期望太高，但實際出品絕對冇欺場！肉眼油花較為豐富，肉質偏向柔軟，選用蒜蓉汁，蒜頭粒非常有咬口，在鐵板上淋上汁料嘅時候，蒜香四溢，「炸炸」聲更加令我心動❤️牛柳係牛仔身上最幼嫩嘅部分，而且低脂，啱曬女士，口感亦夠曬軟腍嫰滑，配上黑椒汁更覺惹味。另外，我加配咗白酒煮藍青口，每一隻都非常飽滿，味道更加無可挑剔，本來68蚊，加配價都只係$39。…查看更多