Video
3-min walk from Exit C, Quarry Bay MTR Station
continue reading
Opening Hours
Mon - Sun
07:30 - 22:30
Above information is for reference only. Please check details with the restaurant.
好味👍麵好味丶珍寶套餐超值，招呼好，地方乾淨，牛丸好食，墨魚丸好食，湯底好味，肥牛都好味，牛拍葉是黑色的，但好味，店主是基督徒，很友善，火腿都好味，豆卜都好味！
continue reading
每次OT都唔太多選擇揀食咩，想要食個快又暖啲嘅都會揀芳姨車仔面食。雖然佢叫車仔面，但我從來無食過車仔面，反而係食米線。間野有好多唔同嘅餸揀，好似車仔面個種咁！象拔邦係好味嘅，不過一份得好少，所以通常都叫兩份！黑柏葉都係好食嘅！同事會中意叫埋墨魚頭！除左啲餸，個雞亦都唔錯，香草雞亦係有炸ge感覺，不過通常要等耐啲！起碼10幾分鐘！佢個麻辣都okay，但都真心辣，通常我都叫佢20小辣，不過menu寫最多10小辣。
continue reading
本身冇乜期待，但食完覺得幾好味！揀咗麻辣湯底，小辣就已經頂唔順，比出面辣好多！最驚喜係有醉雞翼，幾好味，但可惜只有一隻，蘿蔔又甜又淋，好好味！樓面靚姐態度好好，下次會再幫襯！
continue reading
點解街坊食堂，隱世美食呢啲字眼會令人趨之若鶩？因為喺呢個就嚟周街只剩低連鎖店嘅都市，有啲人對質樸，有個性嘅味道，仍然係有所渴求嘅。廢噏一大堆，開得飯未？得得得，行入「芳姨車仔麵」食個便飯吧。芳姨係邊個唔重要，正如大家姐，四姐同華姐係邊個，大部份入嚟食嘢嘅人都未必在意。食物質素如何？車仔麵可以㨂嘅餸種類好多，X仔、乜哥米線有得揀嘅呢度基本上都有，就連無嘅，好似象拔蚌呢啲，都有！至於湯底，亦有得揀唔同辣度嘅麻辣或酸辣。有幾「梗」？可以講嘅係三小辣已經令人感覺相當刺激。最正嘅係，個湯底無論係麻定酸，滋味得嚟感覺好清新，唔會覺得好似食咗好多味精，口渴到爆（所以係無呃你嗌嘢飲架！）。至於麵底，亦有多種選擇，當中嘅江西米粉，即係大家日常食嘅米線，滑溜溜唔哽胃，完全唔需要嗌「米林」。除咗車仔麵，呢度仲有湯飯，碟頭飯任君選擇，小食亦有好多，淨係雞翼，都已經有四川烤、香草烤、鹵水、同花雕可以揀，舖仔細細，咁多選擇，真係唔講得笑。呢度最正（又或者最唔正，睇你點睇）係人手唔多夠，樓面嘅靚姐，招呼完你坐低，轉個頭又入咗廚房幫手，整一陣上完菜，又趕住清枱收錢，忙過Diner Dash個靚女。不過就算係咁，佢都勤快、親切，好禮貌。唔明點解啲人會話遇到態度唔好，因為基本上去咁多次，都係見到呢位靚姐睇住個場，或者其他食友時運低啦！講嚟講去，去得街坊食堂，感覺就好似去咗人哋屋企作客咁，就係食嗰份舒服、親切、自然味道，並唔係勿演，實小喇嗰種速食可以媲美的。但當然，甲之蜜糖，乙之砒霜。所以，各自開自己嘅飯吧。
continue reading
我鐘意食麻辣米線，平時都會食譚仔雲南米線，但唔係間間水準都一樣，好彩認識咗芳姨車仔麵佢哋嘅麻辣湯底絕對係我另一食米線嘅選擇！記得揀佢哋嘅江西米粉（米線）好幼滑，份量比較少，而湯底則要加$1，我叫5小辣都已經有D感覺！最正係食完完全唔會覺得口渴。麻辣雞翼即叫即製，雖然冇譚仔嘅咁麻辣，但也很惹味，一人食晒三隻完全冇問題。曾經試過一碟有四隻，因為阿姨話雞翼細隻俾多隻。廚房同樓面嘅阿姨都好好人又nice...出街食野除了好味之外最重要係開心！大家一齊來支持小店啦！
continue reading