花月冰室

Open Now

Now Closed

與家人看見電影之後的飯局，因為我們帶3-4架嬰兒車，所以要搵一間比較大少少的餐廳，見這間選擇比較多， 所以就入內用餐（5⭐️最高）蔥花牛肉滑蛋蓋飯（5⭐️）牛肉入口香幼又多汁， 蛋、火喉與油配上非常配合， 加入燒汁。小朋友非常喜歡食😍霸皇雞配飯（5⭐️）霸皇雞鮮甜多汁，入口雞味香濃， 而且份量足料🤤。一大班朋友食最岩😙鮮茄芝士焗牛舌意粉（5⭐️）真心覺得當中的牛舌爽口彈牙， 而且肉汁豐富😍⋯⋯蕃茄又新鮮又多汁。 小朋友們最喜歡這款😍

陪女兒們去深水埗買電話咭，之後行咗去元州街花月冰室食飯，餐廳燈光明亮，地方整潔乾淨，是一間港式茶餐廳。每款主食都會奉送餐湯，中湯係西洋菜湯，味道香濃夠火喉。美式雜扒配薯菜及餐湯、黑椒汁：雜扒熱辣辣用鐵板上，牛扒、豬扒和雞扒都好大塊，肉質鮮嫩，配黑椒汁非常惹味。薯角係即炸，香脆可口。豉椒肉片炒河：炒得有鑊氣，肉片嫩滑，每條河粉都沾滿豉椒汁，非常惹味！星洲炒米：材料豐富，有蝦仁、叉燒、芽菜、雞蛋、洋蔥等，味道帶點咖喱香，略帶辛辣，口感豐富。鮮茄芝士焗肉醬意粉：意粉焗至金黃色，每一口充滿肉香和酸甜開胃的番茄味，香濃惹味。凍奶茶味道香濃且充滿茶香。椰汁紅豆冰香甜、清涼、充滿椰香味和紅豆的甜味。

午餐幫襯過幾次，基本上我嘅評語都係同標題一樣，味道不錯，份量係足夠的，因為我細食所以好多時都會食淨啲飯😊. 價錢合理, 附近嘅茶餐廳都係咁上下價錢。另外一樣喜歡的是他的例湯，材料十足，夠味道。

Finished my summer sweaty run, and came here for a big dinner cos I’m so damn hungry! Wanted to make it protein-rich so I ordered steak & eggs! Ribeye on sizzling plate was huge, beautiful, tender and the side veggies were incredibly fresh- very crunchy potato wedges, sweet corns and very yummy baby carrots. The onion steak sauce was definitely on point: please get this cos it’s way better than the usual CCT quality. The flavour and the thickness of this sauce was well-balanced, plus it had a lo

見佢新裝修諗住試下，叫咗個咖哩豬扒煎蛋飯。咖哩味道係ok。豬扒落得太多梳打粉，切果下完全唔似豬扒好稔。一咬有陣怪味，有一半係食唔到。希望餐廳改善下。 So far未試過豬扒中伏🥲

陪朋友去深水埗買嘢，佢知道附近有間花月冰室，地方企理乾淨又夠光猛，食物大碟好味又抵食，帶我去試吓！鮑魚雞煲：鮑魚厚肉彈牙，雞件香滑入味，加上特製醬汁，味道香濃美味！豉椒鮮魷炒河：份量十足，鮮魷彈牙，河粉掛滿豉汁，香口惹味夠曬鑊氣。鮮茄菠蘿焗豬扒意粉：豬扒切件舖在意粉，再加上鮮茄、菠蘿和芝士醬汁焗至金黃色，豬扒唔鞋口，意粉伴入醬汁，味道酸酸甜甜好開胃。法蘭西多士：麵包厚身外脆內軟，中間夾住左花生醬，再加上牛油同糖漿，味道香甜充滿蛋香。椰汁紅豆冰甜度適中，椰味、奶味跟紅豆非常搭！凍咖啡口感甘醇香濃，順滑無比。

有間人情味茶餐廳一直有幫襯，屬深水埗長沙彎老街坊喜愛的平靚正之選！招牌酸菜魚配白飯足料，入口酸菜魚彈牙嫩滑，香味四溢送飯一流！XO醬西蘭花炒斑片鑊氣十足，XO醬西蘭花炒斑片好惹味，啖啖滋味豉汁豆卜蒸排骨排骨入味好吃，豉汁味出哂來，豆卜都滿有其精華，同樣送飯好好吃🤤轉套餐+＄12套餐各叫中湯西湯各都有，飲料出了新款玫瑰花金棗茶，酸甜開胃！蛋白杏仁茶養生又有蛋白口感不錯花月冰室 地址：深水埗元州街485-491號富洲大廈地下1號舖招牌酸菜魚配白飯玫瑰花金棗茶XO醬西蘭花炒斑片中湯西湯各都有豉汁豆卜蒸排骨轉套餐+＄12蛋白杏仁茶

這間冰室位於深水埗的富洲大廈，鄰近荔枝角及長沙灣站，主打港式茶餐廳食物，價錢定位大眾化，份量又充足。店內環境寬敞舒適，裝潢以簡潔的白色為主，大量卡位充滿香港特色。午市時段設有多款是日快餐，亦有其他全日供應的食物選擇。餐湯西湯為紅通通的羅宋湯，以大量蔬菜熬製而成，酸酸甜甜而不辣好開胃；是日中湯清澈而不油膩，鮮甜又滋潤。法式黑椒牛柳 - $138大大塊牛柳厚度十足，脂肪雖少但勝在牛味濃郁，切開粉嫩的橫切面流出濃濃肉汁，入口極軟腍嫩滑；金黃酥脆的炸薯角有軟綿綿的薯蓉口感，還有粟米及紅蘿蔔仔平衡肉膩感。美式雜扒 - $105份量十足的雜扒餐最適合食肉獸。大大塊雞扒嫩滑多汁不乾柴，而帶骨豬扒柔軟嫩滑，脂肪分佈適中，還有半邊香脆的司華力腸充滿肉汁。法蘭西多士 - $32金黃酥脆的西多士由兩塊麵包組成，中間夾著濃稠的花生醬，充滿堅果香氣，還有一塊半溶化的牛油，再蘸上香甜的蜜糖，相當惹味。椰汁涼粉冰 +$8一條條涼粉軟滑帶少許煙韌，椰汁飄香撲鼻。奶茶港式奶茶帶有濃郁的茶葉芳香，奶味偏於厚重，又不掩蓋其茶香，入口幼滑如絲。

Winter is officially here and nothing beats a delicious plate of HK style stir-fry served right out of the hot wok! What’s better? Get two dishes with dinner sets (soups; rice and drinks included) for $178. Tonight we tried the best scrambled eggs with prawns I’ve had in a while. The smooth eggs and big prawns were so good on their own already, and the flavour was much elevated with the addition of black truffle sauce. We didn’t miss out on our all-time favourite: golden popcorn shrimp enrobed i

本身諗住叫個鮑魚雞煲，再加炒菜，點知侍應介紹我哋叫成雙成對套餐😂-成雙成對套餐（$178）揀咗鮑魚雞煲同菜心炒牛肉-鮑魚雞煲🐔煲仔上，上菜時喳喳聲，好夠鑊氣！煲仔入面有3隻鮑魚，雞件好嫩滑，份量都唔少，配料嘅炸蒜同埋洋蔥都好好味-菜心炒牛肉🐮菜心係底，牛肉連同粒粒三色椒🫑埋芡淋係面**********🐮西冷扒餐配薯菜🥔🥕🥬（$88）西冷扒勁大塊，大塊到可以cover成個碟，而且有番咁上下厚度🥔薯菜份量都唔少，薯角炸到脆卜卜雖然唔係鐵板上都熱辣辣，配黑椒汁就更加惹味!**********見到有特飲就試試佢，啲名稱都幾得意花好月圓（跟餐+$8）係紅芭樂汁、草莓爆珠🍓同梳打唔太甜，爆珠口感樂得意-青蔥歲月（跟餐+$8）係青蘋果汁🍏、青瓜🥒、梳打同雜果粒呢杯特飲更加清新

下午茶時段想搵間坐得舒服少少餐廳主要都係卡位非常適合下午茶選擇非常多 沙律餐茶餐炒粉麵飯餐焗餐非常專業優秀嘅茶餐廳羅宋湯餐肉通粉好大碗餐肉粒非常多仲有雙蛋多士飲品好抵食飽肚少少鮮茄芝士焗豬扒飯細細碟嘅飯份量唔多不過芝士豬扒量好多四大塊豬扒鋪滿成隻碟都非常飽肚質素好高又抵食嘅下午茶

港女偶爾也會想麻甩一下！今晚到深水埗找朋友食飯，大家相識多年，不拘小節，於是好地道的來到茶餐廳「花月冰室」晚餐。鮑魚有4小隻，都幾足料，入口充滿彈牙感。雞件以洋蔥、蒜頭等一同爆香，香味四溢，鑊氣十足。雞肉保持嫩滑，味道鹹香，用來佐飯不錯。水煮魚好大盤！魚片份量好多，有做到去骨處理，口感滑溜。除了魚片，兜內還有寬粉、芽菜、雲耳等配料。水煮湯底散發出陣陣辛香，食材索盡麻香的湯汁，非常惹味。邪惡的牛油雞翼，甫上枱已聞到陣陣牛油香氣。雞翼外皮炸香，入口脆卜卜；中間肉質則仍然juicy。來到茶餐廳又怎麼可以少了特飲？分別點了椰汁紅豆冰、龍鳳可樂，大滿足！

和同事去長沙灣見客，做完嘢就去食午餐，見到有間餐廳叫花月冰室，餐廳燈光明亮，乾淨企理，是間港式茶餐廳，餐牌食物多元化，價錢親民,於是乎我哋就入去試吓。美式雜扒用鐵板熱辣辣上枱，用料份量十足，牛扒、豬扒、雞扒都好大塊，肉質鮮嫩，仲有司華力腸和薯角,配香辣嘅黑椒汁好惹味！餐茶加3有凍檸樂，滿滿一罐可樂加上冰塊、黃檸檬，讓熱氣全散！老火湯夠火候，味道香甜。鮮茄菠蘿焗雞扒意粉：雞扒好厚肉，已經切開方便進食，每條意粉都沾滿鮮茄醬汁，味道酸酸甜甜又彈牙，加上菠蘿更醒胃。鮮茄芝士焗肉醬意粉：在意粉上放上蕃茄肉醬，再加埋芝士碎，焗後表面金黃香脆，內裡是半溶化的芝士，令平凡的意粉變得更滋味！肉片豉椒炒河：即叫即炒，新鮮有鑊氣，肉片嫩滑，豉椒汁掛滿每條河粉，吃下去每口都有豉椒汁，非常惹味！

收早同屋企人係冰室食餐便飯，我家傳統就係要炒個小菜，配例湯白飯。呢度新開乾淨企理，光猛卡位圓枱都坐得舒服。必須一試：黃金脆皮蝦球。牛油咸蛋黃醬炒到起晒沙，超香，蝦球大粒彈牙裏咗層薄炸脆皮漿，熱辣辣炒起，個脆皮蘸滿金沙醬，真係欲罷不能。XO醬西蘭花炒斑片個汁撈飯好正，斑片新鮮厚切肉質鮮味，細心位：西蘭花有焯過先炒（好多茶記係生炒太硬），另外非常欣賞XO醬汁調味恰到好處，仲加左椒絲同韭黃！西湯中湯足料，仼君選擇。夏日尾聲飲杯「紫醉金迷」，係葉豆花芒果汁菠蘿檸檬特飲，甜甜地幾清新，如果漸層再做靚啲會更開心。

呢間花嘅茶餐廳喺呢個年前開嘅，雖然而家大個茶餐廳都好多，但一間算係比較有質素。今日真係好想食咕嚕肉，見到原來有咕嚕斑塊，就即刻叫咗，加咗個湯同埋飯做套餐。個湯係青紅蘿蔔，完全冇味精