Zhen Restaurant Contemporary Dim Sum (Closed)

呢間位於香港大學站附近，西環石塘咀 *臻* ，好西式嘅裝修，但係食中式手工點心，餐廳坐位唔算多，但坐得好舒適😌點心好精緻，打卡呃like一流😆富貴金魚餃 - 真係做到好精緻，皮好薄，入邊有蟹子，蝦亦好爽口👍🏻金沙熊貓🐼 - 三隻熊貓好維肖維妙，真係唔捨得食，由中間揻開個包包，d奶黃就流晒出黎，好香奶黃咸蛋香👍🏻沙律蝦春卷 - 食春卷最緊要春卷皮薄而脆，呢度做得好好，唔油膩，餡料算多👍🏻其實仲有好多點心仲想試下，好多都好吸引，下次接阿女放學會再試下晚市🤨…Read More

今次lunch嚟到西環食呢間 “臻”,睇住附近嘅同事講過呢間餐廳價錢親民之餘，質素唔差，而且點心賣相精美！茶錢只係$5/位，仲要冇加一！我同朋友就點咗兩個午市套餐share食，當然要點個最有特色嘅‘臻’點心拼盤，有八款點心，全部都係餐廳嘅特色點心，我至鍾意食嘅係特色麻辣燒賣，麻辣好惹味，芝士蝦餃亦係第一次食，芝士配大大粒蝦，配搭得唔錯，蝦餃皮做得好薄，唔會一舊粉團咁，個素菜餃清清淡淡，可以中和其他比較重口味嘅點心！而至得意嘅當然係‘傻豬叉燒包’同‘富貴金魚餃’，味道亦唔錯，至於個‘古法蜂巢糕’造得好有口感，而且唔會太甜！本身諗住個點心拼盤得八件唔夠飽，所以我地叫咗另一個餐係榨菜牛肉蒸飯，榨菜料份量充足，而牛肉亦蒸得滑口又唔老！而三款點心係餐廳隨機，所以同點心拼盤會重疊！兩個套餐都係會配一碗老火靚湯，湯料充足，亦夠味，可以解渴! 我地再加咗個煎釀茄子，好大件，而且應該係即叫即煎，上枱熱辣辣！…Read More

朋友接連假日工作，終等到這個星期休息，又遇上滂沱大雨。沒法子，既然等不到一個好的星期天，我們一於風雨不改，繼續我們原定的港島遊，首站先到這裏吃靚點心。傻豬叉燒包($35)，賣相精緻，實在捨不得吃，所以留到最後一刻才吃。麵包皮香軟微甜，即使留到最後吃，放涼了的麵包皮也不會變硬。叉燒足料香口，熱食會更好吃。杏香荔茸鴨($38)，與傻豬叉燒包一樣賣相非常精緻，留到最後一刻與叉燒包一起吃。同樣，熱食會更好吃。相較叉燒包，我更不忍吃這款做得活靈活現的點心，讓我想起兒時家鄉飼養、四處走動的小鴨。芋頭蓉與內層肉碎，外層軟腍，內層帶肉香，賣相和味道都十分出色。墨汁芝士蝦餃($39)，吃得多蝦餃，墨汁芝士的配搭還是第一次吃。芝士味濃郁，蝦肉爽口，如吃過芝士龍蝦自然明白其味道。加上外層墨汁皮，芝士香和墨汁的香相輔相成。鮮竹牛肉球($28)，新鮮大份量的牛肉球，入口軟滑。另點了一個午市套餐，附送例湯及甜品。金菇蟹肉炆伊麵($68)。汁多而不覺鹹膩，伊麵軟滑。份量非常多，兩個人各吃半碟伊麵已夠飽。隨午市套餐附送的例湯，是粟米紅蘿蔔湯，味道清，內有數粒紅蘿蔔和一件甜粟米。最後送上甜品椰汁糕，雖是附送甜品，但一點也不馬虎。糕點椰汁味自然而濃郁，甜度適中，入口軟滑，有入口即溶之感，比甜品店的椰汁糕好吃。…Read More

Happy Friday同朋友黎到西環飲酒前搵好野食下先，今次就黎到呢度食可愛造型的點心！餐廳黎香港大學站只有幾分鐘路程，都幾易搵到！餐廳唔算好大，晚上有提供小菜套餐，但朋友想食點心，所以就散叫點心試試！傻豬叉燒包，賣相很可愛，有三個小豬的頭在籠內！包皮唔會好厚，叉燒餡都有好多，叉燒唔會好肥，味道剛剛好，熱辣辣好好食！杏香荔茸鴨，呢款樣子趣怪的鴨鴨，杏仁片為鴨的嘴部，炸到好脆口！荔茸鴨其實係咸水角，煙煙韌韌！富貴金魚餃，外皮晶瑩剔透，就好似金魚，顏色好靚！內餡味道有點像燒賣，因為有少少蟹籽係入面！馳名合桃包，呢款包外型有點像合桃，內裡的合桃餡都幾多，仲有芝麻，餡料唔甜唔會好漏，合桃脆卜卜！鮮竹牛肉球，好新鮮，有點彈牙，唔會蒸得過火！xo醬炒蘿白糕，蘿白糕唔會太碎，因為有xo醬所以幾惹味，如果可以再多少少xo醬味道會更佳！餐廳的點心價錢唔算太貴，食物造型特別，可以再黎！…Read More

<得意精美點心>😃喺香港大學站側邊呢間臻 環境舒服 燈火通明 除左有中菜外 仲有唔同既點心 製作用心 經過值得試下👍🏻🍴是日老火例湯 18 蚊🔥蓮藕湯 落足料勁多蓮藕 而且煲到好淋 帶有少少綠豆同蘿蔔 口感清甜 唔錯🍴杏香荔茸鴨 38 蚊🦆有3 舊整得好得意既鴨仔 用燒過既杏仁片做鴨既嘴等部位 出面有 d似咸水角既側地 香脆入面黏稠 入面帶有幾甜既荔芋茸 仲帶有少少應該係鴨肉粒既肥膏🦆夠哂爽口 又唔會太肥膩 好食👍🏻🍴傻豬叉燒包35 蚊🐷整到好得意既豬叉燒包 熱辣辣 包皮夠香 入面既叉燒肉同叉燒醬都整得甜度適中 唔錯🍴墨汁芝士蝦餃39 蚊🧀🥟成個蝦餃皮都係用墨汁整成 顏色夠特別 入面有隻蝦肉🦐側邊全是香濃芝士 雖然滯🧀 但味道幾特別值得一試👍🏻🍴特色麻辣燒賣 39 蚊🌶燒賣皮既蝦肉豬肉都足料🐖🦐同燒賣皮夠滑 個麻辣醬有少辣 但有 d似燒烤醬 個味都 match幾得意#點心 #叉燒包 #燒賣 #麻辣 #芝士 #蝦餃 #荔茸鴨 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻👍🏻~~~~~~~~~~~~~#臻西環石塘咀山道48 號南昌大廈地下 c鋪~~~~~~~~~~~~…Read More

本來就好鍾情可愛的點心，見到西環呢間咁可愛的甜心，忍唔住約朋友來打咭。蝦餃上碟時熱辣辣，皮薄餡靚，多鮮蝦。燒賣燒賣人手製，細細粒，用上新鮮豬肉，餡料新鮮。豬仔叉燒包賣相吸引，用來打咭一流。本來仲想叫熊貓，但驚食唔晒，所以只叫左豬仔叉燒包。叉燒餡料微甜，好夠料。鮮蝦炸雲吞推薦，雲吞好大件，皮超薄同脆，好像食薯片，而且鮮蝦很新鮮 ，大大件。鮮菇滑雞蒸飯滑雞蒸飯材料豐富，滑雞佈滿盅飯，肉汁鮮嫩，飯粒粒粒鮮明，淋上豉油，好味。飯的份量夠兩個人享用，還送埋一碟菜。…Read More

嚟緊準備去香港大學讀書， 交完報名表就去附近行下行到近街市嗰邊 見到有間手工點心 就入去嘆返一盅兩件呢一 間手工點心都好近地鐵站過一條馬路就係。但一定要識路B2 口轉彎向後行， 好鬼近。坐低之後叫咗 一壺 香片嘆嘆茶， 之後老闆娘送咗兩碗是日例湯。 兩碗例湯完全無味精火喉夠， 清甜消暑。之後就叫咗個手工點心燒賣， 手工點心燒賣人手包製， 細細粒十分精緻。 餡料十分 足， 用上新鮮豬肉釀製。 非常好味仲有就係最可愛的豬仔叉燒包， 豬仔超可愛唔捨得食。餡料叉燒 好新鮮好好味， 真係內外兼備。最後就叫咗個 柚子石斑塊， 柚子汁甜甜酸酸好醒胃， 仲有菠蘿墊底。 斑塊有十多塊 用上新鮮石斑， 好味抵食。估唔到喺大學站附近都有呢啲咁抵食的點心。…Read More

今天午餐我約了舊同事到西環的臻聚餐，我們點了個點心拼盤、榨菜牛肉蒸飯、沙律蝦春卷和酥炸魷魚鬢。沙律蝦春卷 - 春卷外皮金黃，咬落香脆可口但不會太油膩。酥炸魷魚鬢 -  魷魚鬢香口彈牙，椒鹽味恰到好處，惹味十足。點心拼盤 - 賣相精美，有墨汁芝士蝦餃、儍豬叉燒包、富貴金魚餃、珍珠雞、古法蜂巢糕、特式麻辣燒賣、潮州粉粿等。墨汁芝士蝦餃外表烏萃萃非常彈牙，墨汁蝦餃皮很特別，芝士同鮮蝦出奇地夾；儍豬叉燒包外型可愛，叉燒餡料十足；富貴金魚造型精緻，餃皮晶瑩煙韌；特式麻辣燒賣調味恰當，不會過辣；古法蜂巢糕淡淡蜂蜜清香，甜而不膩； 潮州粉粿餡料配搭得宜，調味出色。榨菜牛肉蒸飯 - 牛肉味濃，蒸飯粒粒分明，附送清灼時蔬夠新鮮。…Read More

西環對於我來說這個地方不陌生，中學時期在這裡讀書，看著昔日的西環和現在真的改變了很多，現在的西環開通了地鐵之後真的很方便，加上越來越多不同的餐廳，真是一個好去處的地點。今日下午便相約了一位中學同學到西環這個地方相聚一下，我們在香港大學站附近的一間吃點心專門店嘆一嘆茶。中式點心配上西式配料製出一些新潮點心，都是一個有創意的買點。餐廳裝潢都是以金色瓦面的設計，感覺貴氣敦煌而室內同樣令人感覺高貴典雅。杏香茘茸鴨點心師傅手功很細緻製作出這樣可愛的小鴨，外層炸至微金黃色，一口咬落去甘香而芋頭蓉軟腍清甜，內饀有香菇、豬肉碎和西芹粒雜成，令味道更豐富，而且不覺油膩。墨汁芝士蝦餃外表烏萃萃的墨汁蝦餃皮很特別，內裡饀料的組合都是第一次吃的，充滿著芝士味道包圍著鮮蝦，真是中西合璧的元素。金沙熊貓 好可愛的熊貓頭的流沙包，流心蛋黃香濃、熱辣辣的時候吃是最美味的。XO醬炒蘿白糕份量是很適中，炒得也很乾身，蘿白糕較為軟身，體整都是中規中矩。…Read More

朋友帶路，説有間吃點心的小店水準超高，不單美味，而且賣相亦好，咁就一於試下啦一坐下來，便看看餐牌，我首先叫了想吃的儍豬义燒包，朋友叫了富貴金魚餃，及墨汁芝士蝦餃，我們還加了一客鮮菇滑雞蒸飯，原來蒸飯有油菜送架，加$5 可食埋甜品椰汁糕。食晚飯有例湯送，火候十足，味道夠濃儍豬义燒包外型好得意，一定要比個like 佢，味道也不錯吖富貴金魚餃外型好似金魚，食落都好有口感墨汁芝士蝦餃非常彈牙，配埋芝士令到味道更rich鮮菇滑雞蒸飯份量十足，雞肉已去骨，肉質細嫩，足夠兩人食用油菜是跟蒸飯送的椰汁糕味道濃，加$5 可配埋…Read More

女朋友介紹香港大學附近的點心店，現在有地鐵都幾方面，就在地鐵站出門口行2分鐘。裝修幾新，光線充足，今晚很多街坊和學生都在這裏晚飯。水煮魚小辣，魚肉幾滑，份量算很多，魚肉切得較細件。味道麻香，芽菜份量很多浸滿了醬汁。小辣都幾辣。欖菜肉碎乾扁四季豆同樣大大份，欖菜很香，送飯一流。特色麻辣燒賣反而不算太辣，都有麻辣的味道，但是吃完水煮魚都冇辣的感覺了。上湯杞子松茸浸菜心特別地湯汁是加了椰漿，本身清甜的湯底令菜心很易入口，杞子粒都香甜。杞子桂花糕桂花味道突出，大大舊！餸的份量幾多，很抵食。…Read More

以前住何東時都未有這間點心店，都是細仙近排介紹才認識，今晚出席完活動沿着水街行落去，就到地鐵站就見到這間點心店。馳名合桃包中間都幾健康，有合桃碎和芝麻，不算很甜，合桃味都幾香。蟹肉竹笙灌湯餃只需$33算幾平，蟹肉味道突出。特色小籠包皮有點厚，湯汁都幾多。香炸釀茄子是我的最愛，茄子大大舊，魚肉彈牙，煎得很香口！沙嗲金錢肚幾腍軟，而且很入味。今餐都幾豐富，三個人吃最好，因為大部份點心都是三個的。特別要讚店員很有禮貌又熱情！…Read More

去了香港大學站附近的一間點心店，相信是附近居民週末享家庭樂的地方，看看餐牌，除了點心外，連台式麵都有，款式很多。我們點了兩個餐，再加兩個點心，一個台式牛肉麵餐，牛肉很腍滑，湯汁也夠香濃，因為有雪菜，吃下去也很有嚼頭。豉汁排骨蒸飯，飯粒硬度適中，倒上甜醬油很香，沒有過咸。點心三款素菜餃：有芹菜、香菇、很健康蝦餃：整隻都飽滿，蝦隻爽脆燒賣：有香菇粒，不感肥膩鮮蝦腐皮卷很香脆，點一下醋汁令它更提鮮。中式葛湯也足料，夠入味，喝完不感口渴。最後還有甜品香滑的椰汁糕作甜品～～環境挺舒適，難怪多捧場客～…Read More

其實香港大學附近的環境對我來講並不陌生，因為兒時就在這區長大。但结婚後遷離別區，所以近幾年比夠少機會到。今天難得放假與老公舊地從遊懷愐一下，然後沿地鐵站落到西環。眼見這舊區已變成另一個 soho，各式各樣的食肆皆有提供；偶然被我們找到一間點心專門店，便入內濟濟五臟。店舖不大只有十數張檯，職員禮貌地招呼坐下。我看看餐牌很多點心的買相很 cute 很靚，而價錢亦合理；很想全部叫齊一飽眼福，但無奈只得兩人便惟有點兩三欸啦！富貴金魚餃 它其實是蝦餃。內裏全是蝦，只是餃皮做成一隻隻金魚欵式；趣緻非常，真的唔捨得食。金龍吐珠 自家製的墨魚丸，口感彈牙；外面炸漿薄薄，很脆很鬆化。上湯杞子松茸浸以時令菜心用上湯和椰漿浸熟，創意之極。配以大大粒杞子做點綴，買相搶眼；味道亦覺新鮮唔錯。一秘製混醬雞煲套餐例湯(蟲草花紅罗白粟米湯)清甜冇味精👍時菜一碟熱辣辣的雞煲配上秘製醬汁甚覺惹味，份量不少和雞肉嫩滑。甜品(椰汁糕)椰味濃而不太甜，對不宜吃得太甜之人仕是合適之飯後甜品。…Read More

放左工六點幾嚟到，全場已經半滿，好多枱都係一家人嚟食晚餐。原來呢到除左點心都仲有好多小炒，有啲似茶餐廳，仲有好多海鮮啊個啲，套餐仲幾抵。不過一心嚟食點心，點都要過左口癮先，下次先試小菜。呢到嘅侍應都好有禮貌，熱心，不時睇下我地有咩需要，令到我地都食得好開心。可能因為係小店，個侍應仲無啦啦請我地飲湯，覺得好有人情味。特色麻辣燒賣 $39好少點心店會有麻辣燒賣㗎，調味啱啱好，唔會好辣，主要係麻，夠香。燒賣口感中規中矩，但整體好食。金沙熊貓 $35打卡必點，仲好流心，佢地呢到流沙包個配方同平時岀面食開有啲唔同，有少少酸酸甜甜，特別得嚟好食，又冇咁容易漏，我相信我一個人可以清哂一籠，哈哈杏香荔茸鴨 $38又一個打卡之選，勁得意嘅賣相。入口雖然係炸， 但係絕對唔會油淋淋。我之前冇食過呢樣，好好食呀。豉汁排骨蒸飯 $52 (配時菜加例湯)好大份，兩個人份都食唔哂，最鍾意佢哋配時菜。豉汁排骨夠入味，份量都幾多， 佢好似啲酒樓得兩舊排骨。但例湯好足料，仲有紅蘿蔔同雞腳，冇落味精，媽媽煲嘅湯呀。食到好飽一個人唔洗一百蚊，下次嚟一定要食佢晚市小菜個套餐先！…Read More