自家小食

Open Now

Now Closed

有次同屋企人喺附近食飯，經過見到之前嗰間印尼撈麵店，轉咗手變成小食店。佢哋個煎釀三寶好似唔錯，就口痕痕買咗一份試。食完之後覺得係驚為天人，因為食到係10分足料，唔會好似坊間嘅煎釀三寶粉團之後，就都有特登過嚟食佢嘅煎釀三寶，即叫即炸，青瓜尖椒嗰啲都唔會炸到腍啤啤，而且都釀入咗厚厚嘅鯪魚肉，咬到啖啖鯪魚肉口感。佢個印尼蔬菜餅，都幾特別，幾次經過都賣晒，最後今次終於買到，不過覺得有啲失色，雖然香脆，但係口感覺粉比較多，唔係好食蔬菜。

飯類，麵類，小食樣樣都有。荃灣新開小食店，香港地道風味再加印尼風味。先試咗特色印尼雜菜餅，真材實料，厚厚雜菜，外脆鬆軟😍😍😍！之後食咗碗仔翅，即日自制㗎，老闆娘講加咗神秘嘅醬料，令到碗仔翅更加有鮮味😋😋真係食得出係自家制，全部真材實料。超好食。最後試埋個茶葉蛋，比出面食更入味，我愛食偏甜嘅味度，所以我超愛呢度茶葉蛋😋😋會再黎試下飯類😍😍😍我見到好抵$35印尼巴東牛肉飯，仲有香港人最愛印尼撈麵套餐。都超想試😍😍