Jizairyoba (Closed)

早前星期五放工突然間想食日本野，舊同事之前介紹過灣仔呢間居酒屋食午餐後大讚，臨時WALKIN可惜當晚滿座；今晚又來碰碰運氣，情況截然不同。上前週五所見，吧檯也坐滿，週一晚頗冷清清喜歡這兒的木筷，雖然也是用完即棄，但一睇就知係比較好的質料先來一點前菜芥辣八爪魚$48芥辣未唔明顯，最後拎咗刺身提供的芥辣加落去漁師刺身盛合（二人前）有七款刺身，整體也新鮮是日有款叫鮫鰈魚既海產，第一次見就試一下鮫鰈魚刺身$128鮫鰈魚肉質相比"比目魚"較鬆軟，輕炙表面仍然鮮美有點點Q彈甲羅焼$88拎到嚟已經將蟹膏蟹肉撈勻，如果可以在客面前才撈會好尐，咁可以比客明顯見到有乜東東內裡有蟹膏蟹肉再加蔥，本來有鵪鶉蛋但係缺貨蟹肉滿滿，食時以紫菜包著吃；如果加尐蟹籽會更正浜焼盛（二人前）帆立貝2件、蝦2件、蠔2件、蜆8隻)是日的岩蠔明顯不飽滿，本來係兩隻，因為實在太弱所以比多一隻蜆有海水咸香新鮮好好肉帆立貝大大粒，蝦也很鮮甜蟹湯海鮮麵$98最後加多碗麵來飽飽肚…Read More

聽聞自在漁場最吸引之處就係d海鮮好新鮮又大件，一分錢果然一分貨，就算貴d都要黎試下。我既至愛就係 omakase 十件壽司啦，尤其係海膽好鮮甜，入口即溶，一d腥味都無！讚！ ！另外帆立貝超肥美，其余既吞拿魚，油甘魚，三文魚腩等等手握壽司同樣美味出色。除左壽司亦都叫左d熟食，哩個螺片煮香菇好特別，賣相同煮法好似好簡單，但係螺肉食落好有爵勁，吸收曬醬油同酒既味，配上香菇幾特別，我第一次食到。仲有就係燒魚，雖然唔記得佢叫咩名，但佢係日本獨有既品種，味道好特別，燒得好香好香。其實自在漁場既海鮮燒好出名，下一次一定要試下！…Read More

喺灣仔食晏其實真係好貴，平時食開＄5、60已經好肉赤，但同事唔知點解無啦啦話要食好啲，我哋就周圍搵啲好嘢食。行到過去譚臣道見到呢間小店，門口唔係話好大，但見到裝修就知價錢未必一定系平，再睇一睇一個lunch around＄100對於我哋呢啲打工仔來講已經好貴。不過同事既然想食好啲就試試佢啦，見佢個Menu有日文就知道系好嘢，我就叫咗個四色魚生飯，佢比平時嘅魚生飯有一個特別之處就係有好多蟹肉，而且三文魚子都好多，食落去啖啖肉非常滿足雖然價錢貴左少少，但下次都會再試。…Read More

近來越覺飲食業好難做，好幾間鍾意嘅餐廳都相計結業，所以遇到好嘅真係要多加支持。自從發現左呢個好地方，我同媽咪大約每個月都會幫襯一次。先黎個小魚干沙律，菜好新鮮，可惜個酸汁過鹹，建議調較下，同埋加d蕃茄或者豆腐，會更加吸引。跟住食時令嘅鮫鰈魚刺身，師傅仲推介左鮫鰈魚魚邊壽司。嘩，真係一試難忘呀，先講個刺身，爽得黎又好肥美，魚被輕輕燒過，食起黎更香。個魚邊更加不得了，有咬勁之餘，魚油甚豐！接住就食帆立貝刺身，特大嘅刺身原粒上，加d新鮮磨嘅wasabi，再點少少醬油，yummy yummy！超鮮甜呀！之後就黎熱食，先黎清酒蒸鮑魚，鮑魚食落好彈牙有鮮味，底下嘅肝臟食落好香冇腥味，我估係清酒發揮左佢嘅作用？最後就食馬頭鯛一夜干，之前食過一試難忘，今次encore就有少少失色，因為有d部份燒得燶左少少，好彩d肉仲係好嫩，同埋大部份嘅骨都脆卜卜！但味道鹹左d，輕手d就更好喇~多謝親切嘅老闆臨走又請我食野，個蕃茄好香甜，我下次會嗌黎食 =)…Read More

呢間新開的日本餐廳，已經幫襯過三次以上，遇著不斷更新餐牌，所以每次都有新的驚喜。招呼非常週到，遇著餐廳老板也在，老板都非常好客，閒聊關顧食客的意見，然後作出改善，所以再去的時候見到食品有所不同，真心欣賞老板真的有聽食客的意見而跟進，務求做得更好。刺身非常新鮮，特別是拖羅、銀雪魚、右口魚（第一次食，以為只有左口魚😅），新鮮且入口好油，好味道，好正，值得一試再試。炸蟹膏豆腐北海道白粟米，好鮮好甜炸芝士送清酒清酒好飲…Read More

我呢個為食嘅人，為左食好野，會經常update自己個restaurant list，而身為香港人的確係幸福嘅，餐廳選擇同食物款式多，令我可以不斷試新野。不過，總有d特別好嘅，會令我想不斷返轉頭，自在漁場就係其中一間。上次黎嘅時後應該係試業階段，餐廳上嘅選擇唔多，今次黎就換左餐牌，多左菜式供應。叫得做漁場，當然有唔同嘅海鮮，刺身方面，今次就試下金目鯛。一客三片嘅金目鯛，用火輕輕燒過，放喺自己碟上面會見到魚油嘅烘位，證明同我一樣都係咁肥美嘅 XD 今次黎到見到燒海鮮多左選擇，貪心嘅我就黎個二人前。店家好好，雖然話係俾客人自己燒，但事先都會提示每樣野點燒，如果擔心自己論盡（好似我咁），佢地都好樂意幫手。二人盛好豐富，有蠔、帆立貝、蝦同埋蜆。因為海鮮一到，就將蠔放上爐喇，所以盛盒嘅相度見唔到。蠔夠飽滿又鮮甜，燒到半熟，再加埋蒜蓉牛油，好滋味呀！蝦好大隻，師傅幫我加d鹽燒到香噴噴；而帆立貝呢就喺差不多食得嘅時後加d醬油再燒下，師傅仲俾紫菜我地包住黎食，好有心呀！至於蜆呢，就唔使加調味喇，喜歡的話唧少少檸檬汁就得。其實d食材都好新鮮，有師傅幫我燒（得蜆係我自己黎 lol），點會唔好食喎！我個人就特別鍾意蠔同埋帆立貝喇。必須一提，呢度d師傅除左好有心機，仲好好客，見我呢個肥妹食得咁滋味，送左份小魚俾我，仲幫我燒埋，真係好幸福呀！d魚仔加鹽燒成魚乾之後好香，用黎送酒一流！至於燒魚，今次就試左喜之次，魚肉好香，魚頭嘅位置好脆，都係好適合送酒。不過以個人口味而言，我同媽咪都係鍾意上次食嘅馬頭鯛多d，係魚嘅品種問題，馬頭鯛油份多好多，肉亦較厚。最後，我地食個蟹海鮮拉麵作結。雖然呢度唔係拉麵專門店，但師傅一d都唔馬虎 ，蟹肉嘅份量都頗多，仲有隻蟹鉗、醬油帶子，日式魚蛋、海帶同粟米粒，個湯頭唔係死鹹嘅麵豉湯，清清地，食左咁多燒物，飲返啖湯好舒服呀！至於麵，雖然唔係自家製，但煮得夠爽口，都唔錯呀。除左食物質素高，店嘅裝修同佈置都好有特式，有以海洋、海產為題嘅油畫，仲有相關主題嘅海報，呢度真係名符其實嘅漁場！再一次多謝店家殷勤嘅招待，下次再見 =)…Read More

今日係灣仔做嘢，收工後就即刻再嚟食晚飯，原因好簡單，好食！兩個人食，今晚點了一吞拿魚他他，雞泡魚乾，深海池魚，廚師發板壽司同刺身同魚湯烏東。小吃雞泡魚乾先上，脆卜卜又暖暖地，點沙律醬，送酒perfect! 吞拿魚他他用紫菜包住食，好好味，吞拿魚新鮮，👍🏻！深海池魚刺身，個樣好靚，廚師好有心機片，另外配一種酸汁，好好味。跟著上埋3人前魚生，樣樣新鮮，個片大拖羅入口即溶，師傅對我哋真係好。海膽用馬糞海膽，好甜！另外，最令人無法抗拒嘅係個烏東，簡簡單單，用魚湯煲，完全要飲哂落肚，跟著feel到黏口嘅感覺，可能有人會覺得淡口，不過可以自己加d鹽。呢間食肆真係令人有驚喜，食物水準高。另外店員服務同師傅很親切，有賓至如歸嘅感覺！😄…Read More

因在灣仔工作的關係，到新開的餐廳午飯是我9至6內唯一的娛樂。最近發現這間新開張的日本餐廳，午市定食有很多選擇，今天決定試吧！我1pm才到達餐廳，竟然不需排隊便能立刻入座，真是有點意外。我拿著餐牌左想右想，全部也很吸引唷！最後我點了饅魚丼定食。沙律和味噌湯先到。沙律不過不失，但味噌湯有驚喜，除了有海帶還有很多蜆肉呢！饅魚飯賣相很吸引，饅魚很大很肥美！我興奮地大口咬下，卻換來無比的失望。饅魚不是嫩口，而是韌和帶點猩味，一點新鮮的感覺也沒有，比放題的質素更差。不過，饅魚醬汁拌日本米吃也是不錯的。。。同行友人點了滑蛋青花魚柳飯定食，賣相有點像大家樂的粟米班塊飯。但滑蛋炒得香滑，還有蛋汁流在飯上，十分欣賞。魚柳卻是失望，吃下也真的像大家樂的粟米班塊飯。炸魚的粉漿太厚了，咬下不是鬆脆而是硬硬的。而魚肉沒有味道，真懷疑是急凍的雪魚。這個價錢在灣仔有很多選擇，沒必要來這裡。…Read More

尋晚同媽咪去覓食，見到呢間新店決定一試，需然一開始見到成間店冇人有d意外，但慶幸冇揀錯！首先黎個刺身二人前，冇諗過呢個價錢會有海膽 （好鮮甜！），整體黎講每一樣都好新鮮而且份量比想像中多，喺呢區係好難得。跟住黎個軟殼蟹沙律，即炸軟殼蟹唔厚粉又啖啖肉，同蟹子青瓜沙律係好穩陣嘅配搭。最後，試左個由店家介紹嘅燒馬頭鯛，一見到條魚就覺得有驚喜，燒到金黃色嘅魚身香噴噴去，連魚骨同魚皮都卜卜脆，但d魚肉仲係好嫩滑，仲有魚汁留出！我同媽咪好快就將成條魚晒！由於價錢合理，味道又好得，但週末竟然咁冷清，所以我決定寫自己第一篇嘅食評。師傅加油，希望keep到水準，會再來的 😄…Read More

星期六晩，係灣仔區搵食，一路行一路睇下有咩好食，行到入一條細街，見到一間日本餐廳，新開嘅，眼見四圍都冇乜特別想吸引，就衝入去試一試。兩個人點了一客二人前魚生，一客八件廚師發板壽司，一客炸軟殼蟹沙律同炸蟹膏豆腐。二人前魚生十分新鮮，厚切，拖羅入口即溶，好好食！廚師發板壽司都好靚，壽司飯size適中，夾住冇散開，👍🏻！炸軟蟹沙律加入小小蟹肉，係認真嘅，至於味道，照道理係唔會衰得去邊嘅。最尾係蟹膏豆腐，呢個冇乜大驚喜，有小小蟹膏味嘅炸豆腐，還可以。呢間小店係令人有驚喜嘅，以呢個價錢食到這種質素既魚生，讚！…Read More

　　日本菜在灣仔區都有好多選擇，新加入的經營者如何去突圍而出，的確要考一考功夫。在灣仔區能夠生存，食店最少要做到午餐和晚餐都要一定的客源，午巿客源不難，因為上班族都要搵食，但晚巿要有客源，就有一定難度。　　呢間新開既餐廳，當日十二點三就到達，當時未有人，可能太早的關係吧！　　看看餐牌，有幾款午餐定食，包括有壽司廚師發辦定食，刺身定食，魚生飯定食和幾款熟食定食。　　工作辛苦，食個壽司定食慰勞自己。食物很快便送上，魚生是新鮮的，海膽也不錯。　　可惜的是，隨餐的烏冬就煮得過了火，略為淋，不夠彈牙。　　希望餐廳繼續努力，有機會會再幫襯。…Read More