Bak Kut King (Closed)

Honestly, I am not a big fan of Klang Bak Kut The(肉骨茶) because I think most of them are so salty and add a lot of MSG.However, the Klang Bak Kut Teh (肉骨茶) in this resto is good with a lot of ingredients, including veggies and many pork ribs. Also, the soup is rich of herb aroma. Its quite tasty for the pork with the spicy sauce!First time to try Seeham. It comes with the thai spicy sauce.Its raw and not many are willing to try and it is my first time to try it! Its not bad.This is fried hokkien prawn mee. It is not a dry one, and it is the one with some sauce fried noodles and a lot of ingredients. Its not my cup of tea but my first time to try. It tastes not bad when you have it with its spicy sauce.…Read More

去食全因多like，點了1.肉骨茶 2.海鮮叻沙 3.沙爹串。點評1.味咸沒甚香。2.材料好一般，湯似味粉公式。3.燒得還好，份量偏小。總結，可一不可再。Remarks : 服務態度ok。…Read More

見咁多like就試下啦，Book左夜晚8去到見入面冇客都冇特別諗D乜，點知一試就知中伏了。勁咸無藥材味既肉骨茶真係好失望，咸到要加水都係第一次，平平無其既印尼炒飯尚可以，疑似用水淥熟再撈汁嘅馬拉盞炒芥蘭，D菜煮到淋晒同冇味，真係同喺醫院嘅病人餐冇分別。仲有一杯又係冇味嘅龍眼冰，完全估佢唔到。比較正常嘅係魚餅，其餘嘢真係本人食過咁多間馬拉菜望裏面至差啦，唯一係服務還可以，不過真正冇下次同唔會推薦人唻。…Read More

肉骨茶喺香港嘅選擇越嚟越少，好食或者正宗嘅就更加係寥寥可數，經過大坑撳下「附近餐廳」見到呢間好多正評，試試佢。入到去裝修都幾舊，店員姐姐（疑似老闆娘🤭）好好禮貌咁解釋佢地有咩招牌菜畀我地聽，叫左肉骨茶 同 咖哩羊配麵包金枕頭（即係農夫包），本身想叫埋咖啡骨，但店員話我地應該食唔晒，話佢地「啲野都大份」，叫我地唔好叫住先，咁好啦。肉骨茶，叫左個細，見到隔離左右啲枱係有個爐仔熱住個肉骨茶嘅，但係我地果個就無，份量講真唔算係多，自己一個人啪都基本上無難度，味道就正常肉骨茶應有嘅水準，湯頭香料味可以勁啲嘅我個人認為咖哩羊，叫左之後店員話無農夫包，轉油酥餅好唔好？咁轉啦，但餐牌上油酥餅係平啲嘅，對比起隔離枱又唔覺佢有畀多左份量我地，埋單佢又照收返農夫包嘅價錢，呢下係有啲怪。講返味道，可能因為我鍾意羊係羶，特別係本身咖哩嘅關係，令到成件事味道係比較單調，份量上，亦唔係佢之前講咁「大份」食完，係唔明白點解會有咁多正評（或者係好易明白🤭），如果突然好想食肉骨茶咁食下係無壞嘅，但係真係唔係啲食評講咁樣。…Read More

幾百個好評？ 今日去開銅鑼灣，吾太餓，所以行去大坑找食。行到浣沙街check下,見有里間馬拉野，老公鍾意肉骨茶，加上天都黑晒就落大雨，咁就里間啦。入到去見開左幾把風扇，幾熱下，但見天花兩部冷氣都開左，以為自己行到熱啫。點知個冷氣係廢嘅，今日全日天陰都未見過太陽，到食完走都係出緊汗。睇下 menu，以餐廳環境比，超貴！心諗好食就得啦。點左3樣野，OMG 普通到呢，肉骨茶湯無藥材味，骨吾滑吾夠淋， 配料勁小。laksa 得椰汁味，roti 應該係現成野。走啦，睇下張單，$35 open food? 聽到隔離臺問過 open food 係咩，佢話係 service charge, 一般係加一，預左，但應該係$33.4唉，食物吾得，價錢貴，無冷氣，重要響加一做手腳。太差！！！…Read More

👉🏻招牌肉骨茶 -細（1一-2人) Klang Bak Kut Teh (Small)💲148👉🏻原味油酥餅 （配咖哩汁）Plain Roti Canai ( with Curry Sauce )💲48-好耐冇食過肉骨菜喇！呢個係偏藥材味𠱸唔係台式胡椒味（正正係我中意嘅個種）佢入面都幾足料 大大舊肉 仲有個汁點下👍🏻夏天飲完好保身但又唔會飲到個人好熱🤣配埋個油酥餅點咖哩汁啱啱好👍🏻特別𧹏下嘅係老闆娘勁友善同埋feel到佢對飲食嘅熱誠🤣〰️〰️〰️〰️〰️〰️〰️〰️〰️肉骨皇 (大坑)📍大坑浣紗街45號浣紗花園地下1號舖🔗#7eating大坑#7eating新加坡菜…Read More

大坑都有唔小野食，見呢間有肉骨茶，所以就試下佢。招牌肉骨茶（細） $128一黎就連爐上，滾左之後店員會主動黎熄火。我地即刻飲啖熱辣辣既肉骨茶，除左肉骨茶本身濃濃既藥材味外，可能因為落左羅漢果，有一種甘香既感覺。裡面既排骨份量唔小，而且好大舊充滿肉汁。之後仲加左米粉，索埋肉骨茶既湯，好好味。無骨海南雞飯 $120油飯砌到金字塔咁，賣相幾靚。雞都滑嫩，醬汁自家調製，我覺得幾好味。自製龍眼水 $35 & 南洋白咖啡 $30龍眼水一上枱，被滿滿的龍眼肉嚇親，所以飲落好清甜，值得推薦。白咖啡同平時差唔多。…Read More

好耐冇去大坑覓食🤗今日就來試哩間星馬餐廳【肉骨皇】來到當然要試我最愛肉骨茶啦🤩太耐冇食喇招牌肉骨茶$148點了個細份肉骨茶，提提不包飯的🍚如加個白飯要(+$20)，细肉骨茶喺比1~2人享用。另外會有個爐🫕再放煲肉骨茶，咁就可以keep住熱辣辣🔥材料都好豐富，有排骨、金菇、豆卜、枝竹、冬菇等。。排骨肉質又夠腍，個湯又濃郁藥材味，喜歡食好濃味道嘅客人，哩個湯就啱哂。肉骨再點埋蒜蓉甜醬汁好惹味，一個人慢慢享用係好正㗎🤩美綠恐龍 $35滿滿美綠粉，味道濃郁😊…Read More

去開天后大坑，就會好想去食肉骨皇！我同老友都好鐘意飲肉骨茶。招牌肉骨茶- 細　($128）肉骨茶係必叫！裡面有好多排骨、豆腐卜、金菇、杞子等等。藥材味唔濃。老闆娘話而家天氣熱，唔會落咁多藥材，唔好太補呀。真係好，會根據天氣要調節材料，讚～旁邊個個蒜蓉配甜豉油真係無得輸。少少甜，加埋超香嘅蒜～排骨煮到又淋又入味，又唔會鞋，仲好滑～點埋一齊食真係好正～咖哩雞 ($118) 麵包金枕頭 ($40）麵包同咖哩係永遠好朋友！呢個麵包金枕頭入面裝滿哂好香椰香嘅咖哩雞！倒哂啲咖哩雞出來，就切開個包來食～裡面的麵包吸哂咖哩汁，個外皮仲係超脆！食到停唔到口！太好味啦！咖哩雞仲好足料。除咗雞啖啖肉外，仲有唔少蔬菜：薯仔、茄子、四季豆，滿滿嘅麵包，肚子更加滿～食物質素好高，老闆娘又好熱情，一定有下次呀～仲有，最近發現呢間餐廳多咗泰國菜～下次要試試先～…Read More

今日去到銅鑼灣大坑嘅呢間肉骨皇道食午餐餐廳係食馬來西亞菜叫咗個招牌肉骨茶有個火 邊食邊煮 湯底胡椒味同藥材味道十分濃郁 入面仲有排骨 豆卜 腐竹等等嘅材料 加埋芬香撲鼻嘅油飯一齊食超正…Read More

味道😋😋😋🌗環境😋😋😋🌗服務😋😋😋😋衛生😋😋😋😋抵食😋😋😋難得今日係對面海今staycation完，所以就去左位於大坑嘅肉骨皇，佢個位都幾唔就腳，行左一陣先到，由於疫情關係，好多野都冇得賣，所以都比較失望，不過都冇法啦！所以我地叫左個肉骨茶、咖哩雜菜、海南雞飯同洋蔥油酥餅，野飲叫左意米水，龍眼水同椰汁冰。肉骨茶藥味唔太濃容易入口，算係普普通通咖哩雜菜味道ok,但咖哩味唔太濃，但d餸飯食幾好味海南雞飯雞煮得岩岩好夠滑，但個飯就唔太夠味，不過加左佢個汁一齊食都ok洋蔥油酥餅雖然係人地眼中覺得未必好夠味，但我自己好鍾意，因為食到洋蔥嘅獨有味道，外層烤得好酥好焦香，好岩我口味總括黎講，味道中等！我可再試…Read More

♨️肉骨皇大坑沅紗街45號沅紗花園地下1號鋪❤️下午茶時段經開大坑，今次唔飲咖啡想食飽啲，揀咗呢間已開業1x年既星加坡菜試下，小店經營，食物ok，下次可以叫更多嘢食試吓📍自製薏米水📍自製龍眼水飲物正常發揮，最緊要唔係太甜👍🏻📍無骨海南雞飯三角形飯好得意，雞夠滑夠香亦大份量📍肉骨茶湯（小）配米粉唔太餓所以只叫咗個肉骨湯試吓，雖然冇肉，但個湯底好正，中藥味夠，亦唔會過喊，撈埋啲米粉落去食一流👍🏻食物：8/10抵食：8/10環境：7.5/10。。。#食在大坑 #大坑美食 #taihangfood #美食日記 #美食推薦 #香港美食指南 #香港美食日記 #星加坡菜 #薏米水 #龍眼水 #海南雞飯 #肉骨茶 #hkig #hkfoodie #hkfood #foodhk #foodie #foodiehk #foodporn #foodblogger #foodphotography #foodstagram #foodpics #foodblog #hkfoodblogger #hkfoodpic #hkfoodblog #hkfoodlover #hkfoodstagram #hkfoodporn …Read More

近排大坑開始活躍返, 好多新餐廳林立, 但係有一間係, 依然屹立不倒, 佢食嘅除咗食物質素之外, 仲有食到一番人情味, 老闆娘非常NICE, 樂於同食客交談, 建立一班長期熟客, 真係得來不易先食佢個肉骨茶, 佢嘅肉骨茶用咗爐, keep住溫度, 值得一讚, 128蚊, 熱辣辣嘅肉骨茶, 等大概一分鐘之後就食得啦, 肉骨茶湯頭非常之鮮甜, 絕對無父嘅藥材味, 只有鮮甜美味道配咗銀絲米粉一齊食, 索滿滿咗湯, 汁真係滋味無窮, 另外佢嘅豬肉骨, 再點返佢有個醬汁, 能帶出肉嘅鮮甜甜, 真係值得一讚…Read More

第一次嚟大坑，發現有不少餐廳，人多車多，建議嚟大坑都係坐公共交通工具比較方便！今日來到呢間餐廳食馬來西亞的肉骨茶，果然無令我失望！用個爐上，可以熱辣辣咁食，真係唔同啲！滾咗後叫返碗「靚仔」，另計㗎😅招牌肉骨茶$128(1至2位用)肉骨茶非常濃郁，食到最後一滴不漏，入面有豆卜、冬菇、金菇、、杞子同好多舊肉，肉又香又冧螄蚶喇沙$118好特別竟然有螄蚶食呀，之前在星加坡食過，香港都有係第一次見！螄蚶大隻，份量好多呀，又無沙，喇沙湯底不太辣，夠香濃，摻摻面底是米粉和油麵兩溝，份量夠兩個人食！南洋白咖啡$28…Read More

食咗間餐廳不得之了，實在不吐不快！🔥🔥🔥🔥🔥🔥🔥🔥🔥🔥去咗間位於大坑嘅東南亞餐廳，伏嘅指數係爆晒燈💡💡💡💡💡💡💡💡💡💡其實個門面已經又黑又暗，不過我本身都鐘意食新加坡嘢，覺得好難會難食嘅，多數up dup小店應該係靠實力取勝，門面呢啲其次啦！點知…..入到去，周圍環境都好暗，枱櫈好殘好爛，仲衰過平民地痞茶餐廳！俾個餐牌我地睇，價錢就一啲都唔平民！係好貴下添！一碟菜要$88，一碗喇沙面要成$118！不過都抱住佢標得呢個價，應該係對佢嘅食物質素好有信心嘅，而我地又好肚餓，就好衝動咁嗌咗幾樣嘢，令我後悔莫及！👎🏻無骨海南雞飯（$120）衰過茶餐廳嘅海南雞飯。飯唔香，濕濕地，雞肉好乾，無雞味，唔滑仲有啲鞋，個雞肉仲要唔知點解用啲好淋嘅芽菜墊住。賣相奇怪，味道唔出色，咁都收$120一份！👎🏻鮮蝦喇沙（$118）入面只有四隻蝦（有一隻已經甩咗個蝦頭）， 有1.5個豆卜，一分為二變3個半件！一塊生菜🥬！無其他料喇！咩魚片雞肉芽菜果啲乜都無。蝦係連殼，要自己剝殼食得好狼狽！食落係雪藏蝦，肉係實嘅，不過唔彈牙！👎🏻美祿恐龍（$35）收呢個價我expect 有好多美祿粉。不過佢只有大約一湯匙分量，入面仲要超級多冰。👎🏻馬拉盞通菜（$88）呢個最過份！我都唔知個分量有無四両。個煲大，不過入面得兩束菜咋！仲要無味，好似用水淥完再就咁落啲馬拉盞落去，完全無炒過！👎🏻檳城蝦餅（$75）呢個算係最好味㗎啦！夠熱！不過後尾我起openrice 見到大家都有六件，我呢碟只有五件囉！👎🏻自製薏米水（$35）淡淡地嘅水，唔好飲！埋單連加一要五百幾！呢個lunch 又貴又唔好食！—-✄———-✄———-✄———-✄———-✄—-  肉骨皇地址: 大坑浣紗街45號浣紗花園地下1號舖—-✄———-✄———-✄———-✄———-✄—-  以下5分滿分環境：🤍🤍🤍🤍🤍衞生：❤️🤍🤍🤍🤍味道：❤️🤍🤍🤍🤍CP ：🤍🤍🤍🤍🤍—-✄———-✄———-✄———-✄———-✄—-  …Read More