聚椒

Open Now

Now Closed

同事話食厭咗佐敦區嘅嘢，lunch拉咗我去大角嘴食，搭一個站地鐵行五分鐘去咗間細細哋嘅米線鋪食，間嘢似係新開張不久，日頭主打花甲粉同小鍋米線，夜晚主打串燒食。豬頸肉小鍋米線每款小鍋米線都預設玩有韮菜同芽菜，可揀米線、粉絲同出前一丁，我揀咗豬頸肉米線配少麻酸辣湯底，見價錢相宜以為份量唔多，另加咗魷魚鬚同豬軟骨，結果好後悔，因為太多我食極都食唔曬，實在係抵食。燒豬頸肉肉質爽彈入味，外皮煎得焦香，同麻酸辣湯相當之夾，而且份量好多，我冇認真數估計至少有十塊八塊。豬軟骨肥瘦適中，肉質唔會太鞋入味，軟骨部分都夠稔，大大件幾抵食。魷魚鬚味道正常唔腥，質味彈牙唔韌，本身嘅鮮味加上麻酸辣湯變得更惹味。花甲粉絲花甲粉都一樣可配米線、粉絲同出前一丁，湯底可揀唔辣、微、少、中同大辣。同事揀咗鮮甜花甲粉絲配清湯走辣，另加牛柏葉同娃娃菜。同事好搞笑唔知花甲粉預設配有娃娃菜同金菇，佢另外加咗份娃娃菜，結果個粉睇落似成煲菜。撥開啲娃娃菜見到滿滿嘅花甲，同事表示花甲鮮甜唔腥，叫清湯係明智選擇，因為湯底吸收曬娃娃菜同花甲嘅鮮甜，令到粉絲都好鮮甜。牛柏葉唔靱夠爽口，而滷豬大腸夠入味，入口即溶。另外，面頭嘅芫茜同炸黃豆雖然係

🔥🌶️【 聚椒 】🌶️🔥⋄ —————⧫♟⧫————— ⋄大角咀鐵樹街聚集咗好多特色街坊小店，其中有一間專食花甲粉，今日專程來拜訪😍花甲粉嘅麵底可以揀米線、粉絲或出前一丁(+$3)，個人最推介都係粉絲，索汁一流🍜💯花甲作為招牌，份量相當多，每碗粗略估計有10幾隻，新鮮肥美，好足料👏🏻 而肥牛同帆立貝都係店家私心推薦的，果然好味😋呢度嘅小食都係必點：孜然雞翼惹味，唔會乾柴🍗麻辣豬耳嘅蒜蓉直頭澎湃🤩🧄🧄總體來講，食物真材實料，相當有誠意❤️‍🔥覺得住喺附近街坊真係好幸福🥺⋄ ┄ ┄ ┄ ┄ ❖ ┄ ┄ ┄ ┄ ⋄🐂特級肥牛花甲粉（$68）🐚配料：帆立貝（+$15）🍜皇牌鮮甜花甲粉（$58）🐷配料：豬大腸（+$10）🦑魷魚鬚花甲粉（$70）🍗孜然雞中翼($24/3隻）🐽爆蒜麻辣豬耳（$28）🥬上湯蒜蓉娃娃菜（$18）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：大角咀鐵樹街19號金堂閣地下17A號舖⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相

識食同事話想試小店同粉麵，係Openrice見呢間小店幾符合佢既要求，於是就決定去食。雖然小店地方唔大，但裝潢幾有個人風格。配料小食選擇都唔少。有提大家唔好眼寬肚窄。孜然雞中翼$24即叫即整，熨口又唔油膩，咸度適中，可以一試！麻辣皮蛋$18麻辣程度屬於BB級，唔食辣既我地，都食到。皮蛋無怪味，冰冰涼涼咁，幾易入口。花甲粉有辣有唔辣，麻度酸度粉麵種類都有得揀，好個人化，有性格又有要求既同事都比Like。有成2X款配料，不比X仔少。每款都大大舊。其中最鐘意係花甲同滷水雞翼。花甲鮮甜有肉感。滷水雞翼滷到好入味，但仲保留到雞肉應有既肉質，唔錯。個粉好彈牙，又有口感，仲好爽口份量比X仔大，仲有個碗好保溫，岩唔大食又食得慢既朋友(即係我)。

今日同個friend都放假，於是喺屋企附近兜個圈睇下有咩食，發現有間專做中式燒烤及花甲粉嘅小店，而且呢間新開嘅小店，我哋都仲未試過，今日緊係要入去試下啦。午餐有多款花甲及小鍋粉可選，價錢親民。湯粉用小鍋盛載，特別耐熱，但估唔到份量咁多😳。豬頸肉小鍋 (米線、清湯) $42.-加辣鹵豬大腸 $10.- 及豆卜 $8.-豬頸肉份量勁多，表面烤得焦脆，厚切豬頸肉片，口感軟腍有肉汁，勁好食😍。鹵豬大腸份量又係勁多，鹵得軟腍入味，而且處理得很好，一啲異味都無，返而有陳陳肉香味及油脂香味，讚！清湯底味道清甜，滑溜煙韌，加上大量韭菜及牙菜，真係食得非常滿足。皇牌鮮甜花甲粉 $54.-加肥牛 $12.- 及鹵水雞翼 $8.-花甲份量多，非常新鮮，口感爽彈，鮮甜味美，肥牛有牛香味，鹵水雞翼有3隻，鹵得非常入味，配菜竟然有3款：豆卜、金菇及娃娃菜。花甲湯底勁鮮甜，粉絲及配菜吸收咗湯汁，味道鮮香帶辣，真係好食到停唔到口🥰。豆漿 2枝 $10/枝本來我哋仲想試埋孜然雞翼，但係食完個粉十在太飽食唔落。街坊小店街坊價，店員服務親切有禮，食材質素好，煮得又好味，非常有heart ❤️ 嘅一間小店，絕對值得返兜及支持💪

男友一向都好鍾意食中式嘅燒烤，不過香港比較少見，通常都要返大陸先有得食，但係呢排工作比較忙，所以都唔得閒返大陸食~ 於是我Openrice 搵咗呢間近近地又有啲好評嘅餐廳，試下睇吓止唔止到癮~ 我哋兩個人平日大約七點到餐廳，已經坐咗最後一張枱，餐廳真係名副其實嘅’小’店，所以我哋見大部份人都係叫外賣拎走食，如果同朋友嚟食嘅話一定要book定位，如果唔係好大機會冇位，所以我哋今日都算好彩餐廳味道同形式都同我哋大陸食到嘅好接近，都係有塊鐵板熱着啲串燒，俾你一路傾偈一路慢慢食~ 其中爆蒜肥蠔係必食~ 蠔肉肥大兼熱辣辣，鮮甜多汁勁正花甲粉都好多鮮甜嘅蜆肉，值得一試其他食物都好有水準，總括嚟講係一間好有心嘅小店，成功止到我哋兩個嘅串燒癮

來到大角咀！大角咀有不少好吃的小店，位置也較為集中，一口氣掃幾間店也非常easy！這次打卡聚椒，一入店舖就見到一幅金句牆，每句都是心聲 #每一串都係招牌 #花甲愈食愈上癮 #食飯時間唔講減肥 🌸皇牌鮮甜花甲粉 滿分選手心必點金湯湯底，湯鮮甜開胃帶點微辣，花甲和粉絲這個組合是絕配，亦有配菜如娃娃菜、豆卜、金菇～每隻花甲上面都舖滿蒜香混合醋味，隻隻開口，份量也好多，我大概也食了15隻以上～每隻洗得很乾淨，食得安心又放心，喜歡花甲真的不能錯過，必叫！來到也預了吃燒烤，這碗二人分巳非常足夠！🌸串燒韭菜 （2串)大粒雞軟骨 （2串）魷魚鬚安格斯牛粒 厚切牛舌 會孜然一口牛 孜然羊肉串一口豬頸肉五花腩片 （2串）整體每一款都不錯，味道方面會較岩重口味的朋友仔，若喜歡淡口的下單時要預先講聲喔！必試大粒雞軟骨，好爽脆香口；孜然羊肉串也不能錯過，肉質嫩滑，又有羊肉味，啖啖肉，滿足；再來就是大大片的厚切牛舌，佢用上了鹵水牛舌嗰款，會比較軟綿容易入口，輕輕烤過，食落就是幸福 #保持快樂既秘密就是食燒烤，你認為呢？嗯，這店晚上好多外賣單，很多熟客仔都預先whatsapp下單，不想等就要抄低電話喔～

今日去大角咀食串燒，餐廳菜單選擇都多，應有盡有。-鮮甜花甲粉花甲份量好多，令到湯底非常鮮甜，花甲肉厚無沙甜美，加上粉絲，豆卜，完全吸收花甲湯底，好出色的配搭。-厚切牛舌牛肉味好濃厚，厚切食落口感特別好，有肉汁，外皮燒得夠香口，調味都做得好到位。-蒜蓉原條茄子蒜蓉一點兒都不吝嗇，加了海量，非常大方。令茄子完全吸收蒜蓉的香味，茄子熟透後口感更為一流。-焦糖燒菠蘿焦糖燒菠蘿甜而帶有微妙的酸味和淡淡的焦糖香氣，口感酥脆多汁，甜味相互融合，口感豐富、層次分明。-燒生蠔味道鮮甜且帶有海洋氣息，口感豐富而彈牙，加上蒜醬使味道更加豐富多樣，味道濃郁而又清新。-燒雞翼香嫩多汁，帶有微妙的燒烤香氣，雞翼的肉質緊實，經過燒烤後，表皮呈現金黃色，口感酥脆，內裡則保持了豐富的肉汁。-燒韮菜香氣撲鼻、口感爽脆，韮菜味道清新，經過燒烤後，香氣更加濃郁，口感更加爽脆。-評分 : 6/10聚椒 (大角咀)📍大角咀鐵樹街19號金堂閣地下17A號舖

大角咀真係越嚟越多嘢食，今次就試咗一間環境雖小，但係就絕對值得支持嘅小店。我哋兩個人大概叫咗10樣嘢。首先就兩個人share一碗鮮甜花甲粉，可以選擇辣度。對於我哋嚟講小辣就啱啱好，除咗有鮮甜嘅花甲之外，仲有娃娃菜同豆卜。當豆卜同粉絲吸收晒湯底，勁惹味。我哋兩個一致極度推介燒茄子、炸薯條同燒蠔。茄子上面有大量嘅蒜蓉，在灑上少少㗎辣粉，茄子燒到淋身至於點解會推薦燒蠔？因為佢性價比好高，一隻都有我成隻手掌咁大，但只係需要$48！係講緊$48兩隻完全冇伏。炸薯條熱辣辣上枱，幼身既薯條，夠香脆另外，我哋仲大概叫咗幾串串燒，包括牛舌、魷魚鬚、雞軟骨、豬頸肉同豬大腸等等。呢度有個細心嘅位，就係有個熱爐助熱串燒。燒大腸係眾多串燒之中較為突出，因為除咗喺外面比較少見之外，自己都好怕食到太重口味既大腸，呢到就唔會啦！整體嚟講，係開附近行街，都會想食佢。佢仲可以WhatsApp落單叫外賣

今日去到大角咀哩間新開既串燒店食晚餐，估吾到咁大驚喜，鋪頭樓面吾算好大，燒既野食都好快上碟，侍應既態度都好好，要簡番自己想食既辣度，兩個人差吾多$400 內埋單，飽到抱住個肚走。佢會有個火壚放係台上面，每次燒完既野食放係上面可以keep住個溫度，最推介佢既花甲粉同燒茄子😜花甲粉只係$58,大碗又鮮甜，入面有花生，金菇，蜆，娃娃菜、粉絲等等。調味岩岩好，吾會死辣而係好香口，推介！茄子成條燒，好juicy,吾會燒到好干身，而係岩岩熟，食咁多肉食小小菜都好野味！串燒既孜然粉味都吾會太重，雞翼燒到外脆內軟，牛肉粒都好彈牙有牛味，相信好快就會吸引到好多街坊黎試，推介大家都要去試下！一大班朋友黎食野，一生一大樂事不過飲品暫時選擇吾算太多，如果要飲野，可以叫外賣番去食

今日食晏揀左試呢個聚椒花甲粉，啲花甲都幾新鮮，冇沙，有花甲啲湯都鮮甜，粉面可以揀粉絲或者米線，今次我食微辣，佢本身有跟蒜，芫荽，蔥，娃娃菜，豆卜份量都幾多下，我揀左加一餸，加左餸豬手，都忟得好淋，幾入味，老闆娘仲話今日豬手細隻，搭多舊雞翼比我，因為成碗野都熱辣辣好好食，唯一不足是店鋪地方細同佢冷氣比較弱。

同女朋友係旺角行完街突然口痕想食花甲粉同串燒搵到呢間係大角咀既小店聚椒行過去都係幾分鐘 唔洗諗 即去！大大碗鮮甜花甲粉58蚊 花甲起碼有十隻 數量多之餘每隻花甲都係新鮮 食花甲最怕佢唔新鮮有陣味 粉嘅數量都夠晒多 2個人食都夠湯底好甜 食完唔會口乾要狂飲水 成碗花甲粉好高質安格斯牛粒五花腩片大粒雞軟骨魷魚鬚串韭菜串燒會用個爐仔幫你保暖 燒完出黎熱辣辣之餘 你唔係即時食都唔使擔心會凍哂 食串燒最驚佢一係好韌咬到牙痛一係驚佢得陣調味料味 但係聚椒處理得好好每樣串燒都燒得剛剛好 唔會overcooked 無冰鮮味之餘調味都落到恰到好處 唔會令人抗拒蒜蓉原條茄子茄子切既方式係香港見過最user friendly 成條茄子可以完全貼服咁放係碟上面 可以好容易就可以夾晒啲茄子肉 juicy得黎好香口 一啲都冇燶蒜蓉娃娃菜用錫紙兜上嘅蒜蓉娃娃菜份量好足小小既調味已經將娃娃菜嘅甜味帶到出黎 食咗咁多肉之後平衡返少少 最驚喜嘅係啲湯勁甜 飲到停唔到口爆蒜肥蠔48蚊2隻蠔價錢唔貴 好多舖頭為咗遮住唔新鮮既蠔 就用一大堆蒜蓉去遮佢既味 同樣 聚椒師傅用少量調味 就已經處理好 唔會一食就覺得好咸 調味同埋蠔既

Sat 20th May 2023大角咀嗰幾條 乜樹街，近呢幾年真係變天，小店林立各適其適百家爭鳴。絕對係搵食㗎天堂。一日食一間應該食到3個月，大家多啲支持小店呀。鋪仔細細，好似呢個彈丸小村咁：夾道逢生。佢出邊係行人區，好闊落，好開陽。雖然嘅print 出嚟，但係都字字珠璣。而家好多嘢都唔寫得，唯有將人生嘅層次退回飲飲食食吧。叫咗兩個鍋米，量大料鮮。大廚一啲都唔吝嗇，務求要打爆個鍋。貨真價實，淨係花甲王都差唔多有半斤。所有海鮮湯底落咗花甲都特別好味。但係功夫就多啦，要日日入新鮮貨、浸水吐沙、拖水到剛剛開口、逐隻揀吓有冇壞…… 心機嘢。本地慣用嘅 apps 佢哋都有。

大角咀岀名多餐廳，這一次就試了一間新開串燒小店「聚椒」，雖然店內面積小，但食物質素確實不錯，亦有不少人前來取外賣。店內放了多句特色句子，小編特別喜歡「食飯時間 唔講減肥」😂😂好吧！我要盡情吃😋想不到吃什麼的你，可以看看店主推介的食物👍🏻厚切牛舌 $25口感軟嫩多汁，味道香濃。多春魚 （4條) $24炸至金黃色，魚骨酥脆，肥仔豬大腸 $15炸大腸外皮鬆脆，入面煙韌。韮菜 （2串）不會燒得很乾。安格斯牛粒 $28肉少韌而多汁。五花腩片 （2串） $20爆蒜鮑魚 (2隻)鮑魚煙韌有口感，配上爆蒜更惹味。蒜蓉原條茄子 $38每次吃串燒都必點燒茄子，瓜肉吸收蒜蓉後，軟糯味濃。焦糖燒菠蘿 $24切好一件件，吃起來很方便。

今日到了位於大角咀的聚椒燒烤，店內氣氛熱鬧，燈光明亮，一進門就聞到了燒烤的香氣，讓我胃口大開。第一道菜式是鮮甜花甲粉，這道菜給我留下了深刻的印象。粉條口感軟綿，花甲鮮嫩多汁，加上店家獨家的調味，讓整道菜的風味更加豐富。價格方面，$58 的價格很合理。接下來，我品嚐了孜然一口牛和孜然雞中翼。這兩道菜都使用了孜然作為調味，味道偏重但不會太辣，牛肉和雞肉都烤得十分入味，非常美味。價格方面，每份$15也十分實惠。我也品嚐了鹽燒大煆和爆蒜鮑魚，這兩道菜的味道都非常獨特。鹽燒大煆的肉質鮮嫩，口感滑嫩，而爆蒜鮑魚則有著濃濃的蒜香味，令人難以忘懷。價格方面，$20 和 $48 的價格也十分合理。我也嘗試了店家的魷魚鬚串、蒜蓉原條茄子、焦糖燒菠蘿和蒜蓉金菇。魷魚鬚串的魷魚口感十分嫩滑，茄子和金菇的口感都很好，而焦糖燒菠蘿也是一道好吃的甜點，價格在$20到$32之間，非常實惠。總的來說，聚椒燒烤的菜式味道和外觀都非常出色，價格也很合理。店員服務態度也十分友好，給人一種舒適的感覺。如果你喜歡燒烤，聚椒燒烤是一個非常值得去試的地方。

今天我們來到位於大角咀的一家新開業的小店，主打食川式串燒。雖然店面環境不大，食物價錢都抵。我們進入店裡後，店員介紹了店內的特色。他們提供了一個小烤盤，讓客人可以自行放置串燒，確保每一串都能夠保持熱度。這個設計真的非常貼心，讓我們在享受美食的同時，也感受到了店家的用心。我們點了燒茄子，燒雞翼，燒魷魚鬚，豬大腸，薯條和燒韭菜等串燒。每一串都烤得非常完美，香味四溢。其中最讓人驚艷的是他們的花甲，這道菜實在太美味了！花甲鮮甜，洗得好乾淨冇沙，再加上烤得恰到好處的川式調味，呢個好值得推介。另外我都推介燒茄子，我地叫左小辣，好入味，幾好食。最後，讓我們來談一下價格。這家川式串燒店的價格非常合理，絕對不會讓你的荷包受到傷害。如果你想試試新的美食體驗，這家小店絕對值得一試。總的來說，這是一家非常值得推薦的小店。