聚好味 (Closed)

今日放工跟老公探奶奶，奶奶話不如落街食，話街坊有好介紹，油麻地砵蘭街有不少的中菜館，奶奶都唔想煮就出街食啦黃金鮮魷 勁香的蛋黃味，酥炸外皮薄脆，沾上起沙的蛋黃醬，加上麥皮的香味，更上一層樓。因為即做，真係好燙口，魷魚很軟滑，有口感，很新鮮又乾淨。泰式海鮮豆腐煲 呢個煲真係泰堅，我覺得很香的香茅味，以及微微酸味令海鮮更突出，呢個泰式醬汁辣得過癮，接受到的辣度。海鮮有蝦仁，魚柳，很滑，而且有泡油，很滋味。豆腐份量很多，煎香再炆好入味，送飯一流。蜜糖黑椒薯仔一口牛 不愧為鎮店之實，甚有鑊氣，每塊的薯角，牛柳粒都沾上蜜汁黑椒，非常惹味。牛肉粒與薯角份量適中，爆香彩椒，洋蔥，醬汁都足夠。牛肉粒每次一口真係好方便又易食，嫩滑，驚喜的是薯角，焦脆的外層有蜜糖的香味，又沒有搶去一口牛的味道。反正住附近，到時再跟男家親戚再食過。價錢親民，店員做野勤快，唔錯…Read More

聚好味 (旺角) 📍旺角砵蘭街100號地舖有時候想食到夠鑊氣嘅中菜多數去酒樓，但係朋友介紹下，竟然係本土餐廳🍴食得到大師功架。🥰餐廳🍴美食種類繁多，琳琅滿目，不論有中菜、火🔥辣、人氣之選、廚師推介、精選推介，甚至韓國🇰🇷菜都有，幾FUSION，多到餐牌都印吾曬，要張貼出黎。😂大推XO醬鐵板三蔥一口牛（HKD 128): 上菜時熱辣辣，醬汁係鐵板上滾動著，BULUBULU，一口牛懶人必食，濃濃黑椒味，牛味香濃，鎖緊肉汁，軟焾惹味。廚師👨‍🍳已經計算好鐵板溫度，使其牛柳粒達至七成熟，剛剛好，配上京蔥、青蔥，輕易食曬🤣乾咖喱墨魚咀 （HKD 88）: 濃厚咖喱緊緊包裹在每舊墨魚咀上，入口椰香濃郁，帶點椰絲🥥做點綴同時增加口感。墨魚咀口感爽脆，下酒又下飯，比較似馬來西亞🇲🇾風味，炸粉不厚，恰到好處，乾咖喱不算辣，連配菜莞茜、青辣椒🌶️、紅蔥都食曬😋XO醬西芹炒蝦球（HKD 98）: XO醬味香濃，西芹份量好多，蝦球彈牙新鮮，去除蝦腸，乾淨衛生。非常夠鑊氣，好啱食。總結：鑊氣十足小菜🍴 價錢合宜員工熱情招待 餐廳位置方便 朋友聚會好地方#旺角#砵蘭街#聚好味#夠曬鑊氣喔#大排檔小炒#XO醬鐵板三蔥一口牛#乾咖喱墨魚咀#XO醬西芹炒蝦球…Read More

糖醋排骨$88份量很足 有少少咬勁 吸晒啲醬汁 入味！ 醬汁酸酸甜甜 配菜好新鮮 咬落去仲係卜卜脆 👍🏻泰潮墨魚咀$88呢個係第一次試 最近好想食墨魚 無奈去到邊度都買唔到新鮮嘅墨魚 呢度嘅墨魚最新鮮 彈牙 就算炸咗之後都係有陣鮮甜味 炸粉好薄好薄 炸完之後再用啲泰式嘅醬料炒埋一齊 酸酸地 開胃 即使係炸過 你都唔會覺得好油膩香！ 少少辣 都可以走辣！鐵板生菜🥬$78估唔到咁普通 既生菜 竟然都可以整得咁好味 我覺得係今晚最好食嘅菜式 落左好多蝦仁蝦乾 豬肉碎 蒜頭 鑊香味重 啱晒啲重口味嘅人🥰🥰即係我！ 呢度仲有即磨腸粉 都好想試埋 但係呢度嘅份量實在太大太多 兩個人真係食唔晒😂下次再嚟試過👍🏻 仲有仲有呢度嘅姐姐服務超級好😽😽😘…Read More

德國脆皮炸豬手 $158有原味同黑椒揀好細心，已經起咗骨同切到細細舊，一口size 豬手皮脆脆地，而且充滿油脂香味唯一肉質有少少乾墊底有大量唔同顏色嘅蝦片，色彩繽紛好靚泰潮軟殼蟹 炸到超級脆，一碟大約有兩隻蟹上面加上大量洋葱絲，辣油，辣椒醬，香茅，紫蘇葉同芫荽，食到哂唔同調味料，食慣重口味既朋友會覺得幾惹味，食唔慣既可能會覺得偏咸金銀蛋浸白菜仔 $65好大碗，金銀蛋同白菜仔份量好足仲伴住好多雞湯味道正路，食小菜要叫個菜，絕對唔會伏 黃金蝦球 $108一上枱就好香鹹蛋味好特別咁用麥片來做個炸衣，會減走少少油膩感，好似冇咁熱氣，仲好有麥皮既味道食落唔會過鹹，少少咸又脆脆地，係會一口一隻啲frd，而且蝦球已經去晒殼，食起上黎好方便…Read More

放工同朋友去了油麻地砵蘭食小菜，這間聚好味有多款小菜供應，價錢亦都是$6-70起，而且份量十足。青芥萵筍一口牛牛柳粒泡油至七成熟，中間還帶點粉色，所以肉質嫩腍亦唔會過乾，平時多數配薯仔，但這個餸則配萵筍，食落無咁飽滯且又點清爽。黃金蝦仁咸蛋黃加上燕麥碎拌勻，蝦仁炸至金黃香脆，蝦肉彈牙，燕麥更令整體有咬口。涼瓜炆䱽魚䱽魚煎至金黃香脆後再加豉汁炆一炆，䱽魚皮仍帶脆口，魚肉結實雪白，肉質鮮甜不鬆散，加上涼瓜的獨特苦香，非常有鑊氣。瑤柱扒花蘭花表面舖滿了瑤柱，西蘭花色澤翠綠爽口，簡單又健康。…Read More

餐廳以茶記格局示人，除左有地道撚手小菜之外，仲有川、泰、韓風味菜式。🍴蜜糖黑椒薯仔一口牛 HK$128先黎一道鎮店招牌菜，望落夠乾身，收汁收得好，蜜椒緊緊包住每一粒牛肉同薯仔，廚師有功架。蜜椒甜辣交織，相當惹味，牛肉唔係方形，口感更自然，表面焦脆，咬落軟腍，薯仔炸得夠透，外脆內軟，實在分唔出牛肉定薯仔先係呢道菜ge主角。🍴黃金鮮魷 HK$108呢道菜ge醬汁同樣恰到好處，唔會見到散落四周ge鹹蛋黃碎，亦唔會見到成碟油浪下浪下，全因加左麥皮落去，麥皮雖然唔似星洲名菜麥皮蝦咁香脆，但就令到醬汁更容易黏落炸鮮魷。脆皮夠鬆脆，鮮魷亦鮮甜軟熟。🍴老乾媽辣子鐵板蝦 HK$128老乾媽主要由豆豉、辣椒製成，好適合用黎炒海鮮，豆豉鹹香加上微微辣勁，夠晒惹味，不過就鹹左d同埋幾油膩。蝦細細隻，未算爽口，但都算鮮甜。🍴鐵板啫啫通菜 HK$78通菜爽口，配埋大大隻蝦乾同半肥瘦肉碎，充滿鹹鮮油香，又不失通菜清甜。📍聚好味旺角砵蘭街100號地舖…Read More

今晚在油麻地吃飯，這家餐廳是朋友介紹。餐廳裝潢簡樸，普通茶餐廳的格局，有不少街坊在用餐，餐牌上有不少特色中菜，經過店員推介，我們點了幾款。⭐️泰豐海鮮豆腐煲豆腐煲很豐富，有魚、魷魚、節瓜、紅蘿蔔、洋蔥等，入口微辣，非常開胃。豆腐軟軟滑滑，醬汁拌白飯也很夠味。⭐️金沙脆皮小棠菜這道菜非常特別，麵粉裹著小棠菜油炸，外面炸得非常香脆，裡面軟軟的，再沾沙律醬吃，很滋味！⭐️黑椒豬腳豬腳的份量非常多，煮得非常軟軟嫩嫩，尤其是連著骨頭的位置，有些許脂肪，入口更加香呢！▫️這裡的小菜地道，也很特別，這些都是我從來沒試過的，不過份量多，適合多人聚餐。…Read More

餐廳：聚好味 (旺角)地址：旺角砵蘭街100號地舖係唔係估唔到旺角市中心都有大排檔特式嘅餐廳呢😎？同朋友去左砵蘭街嘅聚好味食晚飯🥢，除左疫情放緩後「聚」舊之外亦都睇下佢地嘅食物有幾「好味」😌餐廳地方唔算大，枱同枱之間距離唔遠，但係就夠地道夠本土，頗有大排檔嘅感覺，不過就有冷氣嘅😆，職員熱情招待同介紹下點左幾款招牌菜，唔好睇少我地兩個男人👬，我地都豪食左4個餸架金牌吊燒骨廚師嘅精選推介👨🏻‍🍳，豬仔骨配上濃郁蜜汁非常惹味😋，肉嘅比例都算多，鍾意啜骨頭嘅人岩哂，送埋啤酒就一流🍺酥炸墨魚餅 墨魚餅新鮮熱辣辣🔥，咬落外脆內裡嘅肉夠哂彈牙，唔會好膠或者無口感👍🏼，墨魚餅香而唔膩🦑，配埋酸辣醬又係另一種滋味食法泰潮脆雞軟骨第一次食咁樣整法嘅雞軟骨，以泰式方法去炒，香辣而保持香口，泰式辣醬辣得過癮，加上辣椒同香料零舍好食🌶️，份量都幾多😍飛天通菜 通菜夠哂鑊氣♨️，加上肉碎、蒜頭🧄、辣椒等，相信就算唔鍾意食菜嘅人都會比佢嘅好味道吸引…Read More

最新我曾到位於旺角的聚好味用餐，聚好味位於旺角砵蘭街，餐廳的風格有一點像港式的大牌檔，食物方面則以港式的小炒為主。德國脆皮炸豬手 $158豬手是一整隻，豬肉調味得宜，外皮炸得香脆，豬肉不會炸得過乾，味道不錯呢。椒鹽焗海蝦 $118海蝦肉質彈牙，份量方面有頗多隻，蝦肉亦有淡淡的蝦味。蜜糖黑椒薯仔一口牛 $128薯仔炸得外皮略脆，一口牛的肉質頗冧，份量不少。另外，蜜糖的調味亦得宜，令整道菜都充滿了蜜糖的香甜。上湯浸時菜 $60時菜的份量頗多，味道正常。總的來說，聚好味的食物份量頗多，價錢亦很合理，味道方面亦不錯。…Read More

香港的確係一個美食天堂。中西美食偏佈各地，今日來吃的是地道港式小炒王。聚好味位於旺角鬧市砵蘭街。餐廳美食種類繁多，不論粉麵飯菜應有盡有。他們的餐牌多到印吾晒，甚至需要另外張貼出來，潮食、火辣，人氣，精選，廚師推介甚至韓風都有。真係難以想像廚房要幾大和廚師功力幾深厚。除左寫餐牌，仲將菜式影相張貼到牆上，它們在告訴你有幾吸引，睇見都流口水。鹹菜豬肚浸蜆。雖然話浸蜆，其實鹹菜豬肚湯需要經過時間熬製。咸菜才出能出味，豬肚才能淋。放入蜆同煮，便帶出蜆的鮮味，蜆肉也吸收咸菜的咸味，相得益彰。老乾媽辣子鐵板蝦，老乾媽辣子指的是辣椒漿，有一定的辣度，但係辣得來又唔麻，也冇乜嘢後勁，所以完全不會蓋住蝦的鮮味。但係又可以帶出蝦嘅鮮味，係咪好神奇。海鮮雜菜煲，有粉絲作底，吸收晒海鮮和雜菜的精華。呢味菜唔肥膩，健康又飽肚。等買單嘅時候再望一望牆上，發現仲有港式快餐、午餐和下午茶添。好啱繁忙嘅香港人中午趕時間食午飯。…Read More

放工時段周圍都勁多人，今晚想食有鍋氣既小炒，咁岩見到哩間餐廳，岩唒我心意，入到去職員熱情款待，應該係間有人情味既小店😍😍望下menu乜都有，小啲定力都唔得呀，因為真係咩都想嗌🥰全部都係我想食既小炒，我真係唔客氣啦😘🎈新鮮鹽焗雞，大隻又好味😋 上枱好有驚喜🤩店內選用新鮮雞，食落好有雞味，簡單用鹽焗方式，啲雞醃得相當入味，令到啲雞更加鮮美😚無錯！係咸香既味道😋重點啲雞汁撈埋飯先係精華😝🎈原隻脆皮炸豬手😍果然係招牌菜，豬手皮炸得好脆，肉質好嫩滑，正宗外脆內軟，唔會鞋口，入口亦唔會好咸😋哩嗰炸豬手，超級好味道😋好鐘意嗰脆皮呀救命🤩重點仲有大量新鮮炸起既蝦片伴底，真係好細心，上枱效果一流❤️🎈泰潮椒鹽鮮魷😋 為港式大排檔既常見的小菜，所以一定要嗌，炸到金黃色既魷魚，食第一啖果然香脆可口，非常爽口，鮮魷又彈牙，啲椒鹽夠晒惹味，配上鮮魷🤗簡直完美呀。🎈青芥末萵筍牛柳粒，青芥配牛柳，兩樣野炒埋一起，味道又好又開胃，牛柳炒到剛剛熟，食落唔會好鞋，保持肉質嫩滑，芥辣令牛柳粒更加提鮮😋配以新鮮既萵筍炒香，口感豐富🥰🥰…Read More

有時要食中菜都唔一定要去大酒樓到先食到惹味中菜小炒,本土餐廳同樣做得出大師既功架！大漠辣子雞,雞件經過酥炸過後加上乾辣椒再爆炒令雞件乾脆入口鬆脆得黎又唔會過乾,咬落雞肉仲保持到嫩滑.辣椒味香又唔會過辣,內裏帶淡淡孜然香,超惹味.泰潮墨魚咀,墨魚咀炸漿好薄脆,內裏爽脆煙韌得黎又多嫩唔會咬唔開.醬汁加上九層塔,洋蔥同辣椒,入口唔會好辣帶好濃厚既泰式風味,先有九層塔獨有既,味香而不澀.再咀嚼多幾啖有陣清新既青檸香配上微辣既辣椒味好惹味.鐵板啫啫粉絲超高水準,粉絲十分乾身睇得出師父功架好出色,粉絲乾身得黎又彈牙唔會淋晒,再加上蝦乾,肉碎同微微辣椒充滿鹹香既辣味之餘又唔過辣,果然係招牌菜！酥炸墨魚餅炸得超金黃又唔油膩,新鮮即叫即炸咬落唔會成口油,十分鬆脆入口墨魚餅夠晒彈牙,墨魚量真材實料食到粒粒墨魚粒得黎又夠鮮味唔會好粉.…Read More

個人最喜歡是類似大排檔的地方吃飯，在openrice 搜尋到一間位於旺角砵蘭街的茶餐廳，早中午是茶餐廳，晚上是以精美小菜為主。店內裝修跟一般茶餐廳差不多，非常港式。韓式一口牛，一口牛肉質有軟有硬，韓式辣醬，辣度適中，非常惹味，配合椰菜的爽甜味道，是佐飯的一個選擇。泰潮墨魚咀，墨魚咀爽口彈牙，廚師用炸醬包裹着墨魚嘴，令到香辣味道滲進墨魚嘴內，增加了味道層次。辣椒膏炒蜆，蜆肉沒有一點沙，清洗得很乾淨，辣椒膏的香辣味道和蜆肉配合得很好。…Read More

知道旺角砵蘭街近期都有好多唔同特色小店開咗，而且都有好多人去嗰度約埋朋友食飯，早前我都去咗一間叫聚好味嘅試下。叫咗鐵板啫啫粉絲、 薑蔥魚腩煲、馬拉盞炒蝦、同埋青芥薯仔一口牛。 鐵板啫啫粉絲超有鑊氣，可能連鐵板上嘅關係，特別熱辣辣，入面啲肉碎連埋粉絲加埋少少未辣完全食到停唔到口，薑蔥魚腩煲入面嘅魚腩都有好多，同埋薑蔥索曬啲汁好好味，絕對係送飯之選，馬拉盞炒蝦就有好多西芹，咁啱我又係好鍾意食，連埋個馬拉醬炒超正，蝦球亦都好彈牙好新鮮，而最值得推介係青芥薯仔一口牛，青介兜勻每一 塊牛柳粒同埋薯仔，個味道原來超夾，係另一種味道嘅嘗試。總括嚟講，絕對係可以encore之選，因為價錢貼地而且地點方便，可以同朋友容易聚舊食飯。…Read More

旺角行完街去咗砵蘭街搵嘢食，見到有間新派中菜叫聚好味，小店形式， 但menu選擇種類特別多， 南乳脆炸雞， 金黃色嘅雞件炸得金黃鬆脆 大大件啖啖肉， 好juicy! 再配上特製嘅南乳醬，更加入味滋味！ 最重要唔會食到成口油。脆炸墨魚咀，外層脆身！ 粉漿幾薄，內層墨魚咀粒相當有咬口！墨魚鮮味滲出！旁邊既洋葱亦炒了幾香口惹味！鐵板炒粉絲，小鐵板上放滿炒粉絲！相當有鑊氣， 肉碎粒，蝦乾炒到非常乾食， 味到嘅香濃， 配啤酒一流！…Read More