老闆娘家常飯

Open Now

Now Closed

【👸🏻老闆娘家常飯｜🐟🍚好味蒸魚想食就食】兩餸飯大行其道，其實我第一次食😜！行過見到好多款式嘅餸，又有我鍾意食嘅蒸魚，想食就有，唔使去街市買餸，又唔使自己煮，慳返好多時間，真係香港名物，都市人家居好幫手！.😉蒸魚套餐魚、菜、飯原條蒸魚，蒸得剛好，拿回家食仲好熱好完整，蒸魚豉油、薑蔥都齊備，撈飯真係一流，仲有菜係底，吸晒魚嘅精華！.😉三餸飯肉餅、煎釀豆腐、煎釀尖椒三餸任你揀，歡迎任性嘅你，幾咁唔夾味嘅配搭都無所謂，因為飯盒間格將不同餸菜分隔開，原汁原味，保存獨立好味道。.🥣例湯每日不同，新鮮感滿滿.🧑🏻‍🍳店員和老闆都對我呢個兩餸飯新手好有耐性，態度No.1.俾錢時老闆送我一個鎖匙扣，Happy wife Happy Life! 幾得意😎.👸🏻老闆娘家常飯📍香港灣仔軒尼詩道68-76號新禧大樓地下B號舖#香港 #灣仔 #老闆娘家常飯 #兩餸飯 #好食 #原條蒸魚

如果想去灣仔揀平靚正嘅兩餸飯，「老闆娘家常飯」都真係一個好好嘅選擇，$36起就已經有兩個餸！而且餸菜款式多、家常風味、份量又十足!每日仲有大量唔同嘅款式，好似有經典家常款，鑊氣小炒，又有健康蔬菜，仲有嘢味嘅家常小菜添，全部可以自由配搭，可選「雙餸／三餸飯或者全餸」，白飯任裝，部分套餐送例湯或飲品添。 我有時喺灣仔做嘢，都好鍾意落嚟呢度買三餸或者全餸，性價比高！而且最鍾意佢哋調味唔會過濃，有媽媽飯嘅感覺，仲有好多款自製飲品，低甜又好味！真係唔錯！👍

今日晚上大約七點來到位於灣仔一間叫的二餸飯，一到來已有十來個人在排隊，這家店的食物選擇也算多，目測大約有二十幾樣菜式，有蒸、炸、炒...餸菜看着也不錯，排了不到十分鐘就到我了！我要了生炒骨和炒四季豆，至於餸菜的味道還可以，但餸菜份量就有點少啦！好多人話這家平，所以今天才過來試試，我就覺得一般般吧！

老闆娘家常飯今日嚟到灣仔嘅一間三餸飯！去到已經好多人跟住發現＄8雞髀飯！大家有興趣可以試吓！就算正常其他餸菜都好好食C重點係下晝仲有一買一送一！詳情可以參考返店舖當日優惠表！我叫咗好多唔同嘅餸！有雞肉，有茄子，有豬扒等等！都好好食地址：灣仔軒尼詩道68號

一嚟到就見條隊有十幾個人排緊隊，有次中午1點經過排咗起碼五十人！今日我過咗繁忙時段已經好啲，不過條隊郁得好快，店員畢餸快手，幾分鐘就到我，仲快過附近餐廳等外賣🤭菜式選擇幾多，講緊有廿幾款，蒸炒煮炸樣樣都有啲。兩餸飯$35蚊，三餸飯$43蚊，淨餸$45自選兩個餸，味道方面以呢個價位交足功課！如果細食嘅人一盒4餸飯仲可以分兩餐食🤣蒸魚套餐都抵食見到有瑞士汁雞脾+兩條菜+飯 $8蚊😳早餐又係好抵有樽裝嘢飲「洋蔥豬扒」醃得幾入味，厚身啖啖肉，唔鞋，切好一段段方便食「菠蘿咕嚕肉」個汁非常開胃，酸甜適中，咕嚕肉酥脆，個肉幾爽「欖角四季豆炒肉碎」無渣入味，滿意！「釀茄子拼豉汁 」茄子好大舊，吸晒油好邪惡，送飯一流加$5蚊有例湯

小妹今晚去咗位於灣仔「老闆娘家常飯」買三餸食，呢間小店係2024年開業， 兩餸飯只係$35蚊，三餸飯都係43蚊，仲有鑊氣小菜，蒸魚套餐，不同款式既小食，炒飯，連抵食早餐都有，難怪咁多人排隊，條人龍雖然好長，但勝在職員快手，所以好快買到🥰餸菜款式好多，真係樣樣都吸引，睇到眼花撩亂，不過預先睇好，就唔怕撞住下一位客人。小店環境乾淨，可堂食及外賣，雖然坐位不多，但流轉率都好快，不過坐既舒適度真係一般，坐位間有少少迫，但食快餐又平算係咁👍🏻環境：🌟🌟🌟🌟🌟雖然小妹好多款都想試，最後揀左3個三餸飯，估唔到仲包飲品或湯，好抵😦♦️南瓜🎃：滑嫩甘甜，入口即溶 ♦️蕃茄炒蛋🍅🥚：蕃茄炒蛋半甜半酸，炒蛋炒到恰當程度，好有鑊氣，伴飯一流♦️粟米魚塊🌽🐟：魚塊炸至金黃酥脆，配甜甜的粟米汁，好美味♦️白飯🍚：軟硬度適中，但飯不夠熱，帶點失色。♦️維他鍚蘭檸檬茶♣️咕嚕肉🐖全港獨有，用咗新加坡配方，食到新加坡風味♣️咖哩薯仔雞🐓咖哩雞份量不少，好抵食；薯仔表面吸唒濃厚咖哩汁，貌似相當吸引又惹味♣️肉餅🐖鬆軟多汁，淋上醬汁後，更是香氣四溢。♣️維他鍚蘭檸檬茶♥️菜心🥬清甜美味，食到新鮮的味道。♥️蝦仁炒蛋🦐🥚蝦仁新鮮，口感彈牙，與炒滑

今日夜了放工，又冇時間煮晚飯！同 Honey 行過公司附近見到呢間老闆娘家常飯都幾多人排隊，我哋又八卦行埋去睇下。見到佢啲餸都幾新鮮，仲有皮蛋瘦肉粥，烏冬同三文治早餐，有得揀兩餸飯同三餸飯，又有老火湯，仲可以揀淨餸，而且仲可以堂食！兩餸飯裂係$35蚊三餸飯都只係43蚊鑊氣小菜都只係45蚊一盒鹹蛋黃薯片就見得多，鹹蛋黃雞翼都係第一次見😂而最吸引我哋就係黑醋排骨師傅真係落咗好多鹹蛋黃去煮呢個雞翼，我哋食到停唔到口😋黑醋排骨酸酸甜甜好好味，而且師傅毫不吝嗇地將成個飯盒都填滿了排骨😍我真係好欣賞佢哋咁樣去為大眾市民服務，一點也不欺場👍👍😍我哋返屋企計過條數，喺老闆娘度買飯返屋企食，仲平過自己煮飯😂

當小人以為食到極其便宜的雲吞河之際，一天路過一間兩餸飯店，竟然見到有八蚊一盒雞髀飯，還以為眼花！話說此店就在家的附近，身為一名窮等人家的小人，那有放過的道理！店內餸菜的選擇很多，之不過衝著雞髀飯而來，就朝著目標進發是也。店子很小，一條龍買普通的兩餸飯，一條龍專排雞髀飯。但原來雞髀是約半小時出一轉，要買超需要耐性！好不容易，小人卒之排到！打開飯盒，即時見到一大隻瑞士汁雞髀，還有數條菜，以及很多飯。雞皮滑溜，而雞髀肉甚為入味，絕非揸流灘之作！就連菜也有用蒜蓉炒過，滲了瑞士汁的飯更是惹味！以八蚊而言，夫復何求。

我喺灣仔一間雙餸飯店食咗一餐，價錢只係$32，我叫咗蕃茄蛋同蘿蔔牛腩。### 蕃茄蛋講返我嘅第一款菜，蕃茄蛋。呢個蕃茄蛋真係一個驚喜！蕃茄切得幾大塊，新鮮多汁，味道酸酸甜甜，非常開胃。蛋煮得啱啱好，滑溜溜嘅，搭配住蕃茄一齊食，真係好正。整碗飯吸收咗蕃茄汁，味道更加豐富，整體嚟講，呢道菜非常好味，唔會太膩。### 蘿蔔牛腩再講講蘿蔔牛腩，呢道菜更加令人滿意。牛腩煮得非常嫩，咬落去冇任何筋，口感好好。蘿蔔亦煮得啱啱好，吸收咗牛腩嘅湯汁，味道香濃。湯底有一種自然嘅甜味，真係好暖心，而且唔會太油膩。配合住米飯，一齊食真係好有滿足感。### 總結整體而言，呢間雙餸飯店嘅性價比非常高，$32就可以食到兩道好味嘅菜，真係非常划算！蕃茄蛋同蘿蔔牛腩都好有水準，味道正，份量亦足夠，對於一個人嚟講，真係夠食。如果你喺灣仔附近想搵一個平實又好味嘅餐廳，呢間雙餸飯店絕對值得一試！

剛才去光顧灣仔老闆娘買三餸飯，啲員工黑唒口面都算，勁吾耐煩，好似爭佢錢咁，跌咗係盒邊啲餸又用手執番入盒，勁吾衞生，去到付款，pack盒入袋果個（勁串女收銀）飯盒蓋都末㩒實就入袋，我去㩒一㩒實個蓋，仲俾佢單打咗句＂夾得太多俾你，如果吾係就要夾番走＂。買個飯買到成肚氣都算，返到屋企食第一啖飯，原來全部都未煮熟，生米嚟。心諗早知吾好貪新鮮，幫襯番響噹噹算。嚟間真係受氣+難食，買吾買大家自己考慮，真心啲員工質素好差，成個交集過程先得幾分鐘，都可以俾你睇盡現今低劣服務質素。

椒鹽豬扒：俾咗三件，其實都覺得幾好食，覺得同出邊大排檔嘅水準都差唔多，非常重蒜蓉味，辣辣地非常好，方便送飯！而且熱辣辣，好多人都選擇呢一個餸所以佢keep住整，呢個餸非常好食！鹹蛋肉餅：味道可以接受，而且份量都OK，整體調味，我覺得都唔會話太鹹，送飯到一流，鍾意食肉餅嘅朋友都可以選擇呢一個菜，佢仲有另一款肉餅，不過都係定期推出香煎雞扒，呢個我見每一個都有叫，大大塊雞扒啖啖肉，而且佢嘅雞扒調味都唔錯，而且唔會太油，整體呢一間三餸飯都OK$41/3餸

2:15放飯時間，行到間環境企理的兩餸飯，價錢都很實惠，選擇菜式又多，還有少量坐位可供堂食，我便選了兩餸飯，不過有些餸款是計兩餸，店員都解釋得好清楚很有禮貌，這次的家常便飯都給我家的味道。