Brotherhood (Closed)

勁耐冇食 油渣麵 見啲人講唔錯就嚟食🧐我覺普通同味精比較勁。坐得都舒服同乾淨，岩岩過咗下午茶沒有叫麵送飲品，最後叫了個餐。湯底唔錯但唔夠香，麵是上海粗麵（可選其他）口感都可以，重點油渣炸出嚟（似泰國炸豬皮），我就麻麻，可能食開淋身油渣，蘿蔔幾好味甜甜冇渣，冬菇都唔錯。味精可能重咗啲所以飲完杯凍檸檬茶都覺有點口乾。$57有一碗大油渣再加好似5條菜同飲品，價錢可接受。餐廳仲有其他嘢食，或者下次再來試其他。…Read More

放工日日都要食返個下午茶補返元氣以前日日食茶餐廳咁啱經過，就入去試吓！呢間油渣麵係正我公司附近叫咗碗招牌油渣麵，$42包熱飲，但我想試吓泰式青檸冰，就加$3廚子之外，仲可以轉低糖豆漿，檸檬西洋菜蜜，都係加$3豬油渣勁多，食到有啲漏地方幾乾淨，靜靜地幾好好想試埋其他懷舊小食，但一個人食唔晒例如秘製辣汁魷魚，下次可以試吓炸南乳雞翼麵比較特別，出邊好少有炸南乳雞翼最後埋單$45下午茶來講，都係正常價錢。:(…Read More

招牌油渣麵 油渣香口，但蘿蔔跟冬菇反而更出色，鮮甜既蘿蔔，跟入味既冬菇。卥水豬肚絲豬肚絲夠哂入味，好香卥水味，而且又唔會係咬唔開果種，黎開食，可以一些。*這裡，反而覺得卥水那些更可以哂，不論是冬菇還是另一樣，都是香且夠入味。…Read More

嘟嘟嘟 唔該我想叫外賣🥡🤣🤣我太大食了吧南乳雞中翼面 $42加滷水雞腎 $12加花枝丸 $9個雞翼幾好食😋但個湯底有點油 面太林了🤦🏼‍♂️🤦🏼‍♂️辣汁魷魚+魚蛋 $38呢個醬汁正wo 魷魚魷魚🦑不過魚蛋 不太喜歡 感覺怪怪🤣🤣個人口味🤭😝…Read More

去開長沙灣做野，緊係要搵d少見、平時又少食既餐廳，行行下就發現呢間老三油渣麵，望落menu唔算多野，左邊係麵類，右邊就係小食同飲品坐低冷靜咗一陣後，又感覺食油渣麵太有罪惡，所以同朋友揀咗3餸麵、淨韮菜湯餃同埋炸黃金蝦仁棗一齊分享🤸‍♂️🍜3餸麵（牛丸貢丸豆卜配上海粗麵）$38牛丸牛味幾濃，小小油脂味去點綴下唔錯。貢丸一般，有肉味但唔突出。豆卜幾大粒，食落爽爽地，由於湯底無乜味，食得出豆味。湯底似無味，但熬得唔夠耐，冇乜精彩既肉味，同麵食都比寡。粗麵腍身，食落幾飽肚。同埋依家只要叫一款麵食，就跟送一杯熱飲，凍飲加$3…Read More

週末去咗行金山郊野公園睇馬騮🐒最後就係蘇屋邨落山。落山後急需補充體力，係附近左揾右揾下見到呢間油渣麵，呢種老香港既味道零舍吸引我去幫襯⛰ 門面同一般粉麵鋪差唔多，但裝修比較新淨，冇乜異味，相信抽風系統都幾好，係疫情期間都食得安心d，行到入去仲見到有部份位置係樓梯底，原來係因為樓上唐樓既設計致使，舊區餐廳感覺有特色🏘 🥟淨韮菜餃  $32／7隻粒粒飽滿足料，咬開時香味瀉出，肉餡調味都幾用心。湯配上幾塊生菜，營養方面都照顧返。 🍤炸黃金蝦仁棗 $30／6件推薦之選，同平時食開既蝦膠蝦餅唔同，呢舊蝦仁棗食落口感實淨得黎有彈力，每啖咬落都幾有勁度，點埋泰式酸甜醬仲更加惹味。 …Read More

油渣麵充滿媽媽風味的油渣，話說我家呀媽間唔中有肥豬肉就會有油渣，落麵時加啲真係一流！哩間餐廳新開在長沙灣，當然一試，good!!好味呢！不油膩香脆，浸耐左食另一番風味！.招牌油渣麵$42 😋😋😋😋必食！有不同辣度、麵款比你選～我選了粗麵中辣，辣度不算辣！油渣獨有豬油味，香而脆，配上好淋嘅蘿蔔和冬菇片，一口麵一口油渣「好味呀」。.自選兩餸麵 $36 😋😋😋朋友選了幼麵，本人覺得粗麵質感和湯夾啲！.滷水豬耳絲 $12 😋😋😋😋麵類加錢可以平試，值得加，滷水味好入味，軟硬適中。.辣汁魷魚 $30 😋😋😋😋😋咖喱魷魚不嬲最愛，哩款辣汁魷魚都不相伯仲，咸左少少，但辣度較中辣為辣，配上麵食咸度又岩岩好！個汁好鍾意，尾尾將醬汁撈麵食🤣.@brotherhood.hk …Read More

老三油渣麵❤️長沙灣青山道338號順利商業大廈地下A號舖元洲邨勒杜鵑盛放，今日來賞花後，在附近搵食。最喜歡食地道小店，找到了 老三油渣麵 ，簡單食個基本款油渣麵少辣，辣度剛剛好，湯底有鮮味，有好多粒炸油渣，好脆香，邪惡但味道誘人、又有冬菇、蘿蔔，蘿蔔夠淋甜、冬菇軟滑，無叫其他餸都不會覺得悶，麵條有彈性，最後差不多喝光湯底，少辣好惹味。可以一吃再吃的 油渣麵 ！服務方面，招呼都幾好，店員有禮貌，油渣麵即叫即做，新鮮！…Read More

因為要清大假的緣故，今日下午早咗收工，收工之後漫無目的的行街，經過呢間舖頭見到有譚玉瑛姐姐的相片介紹，之後就入咗去食。我點選了招牌的油渣麵，選擇咗粗麵，根據牆上的海報，話呢個係老香港的味道。我沒有食過幾十年前的油渣麵所以很難判斷，但係上枱後我覺得很少油渣，我諗只有8-10件左右，可能我孤陋寡聞，油渣麵配白蘿蔔我都係第一次見，反而白蘿蔔有四件。味道方面其實沒有問題，都係好食，但相對通達嗰一間嘅油渣麵，呢一間嘅味道相對簡單。因為我係食下午茶所以有一杯飲品送，下午茶收費$38，性價比係可以的，但如果慕名而來嘅話我覺得就無需要，行過入嚟食可以。…Read More

因為好多親戚都住晌深水埗、長沙灣一帶，咁小弟都住晌美孚，所以，呢一頭都會間唔時經過。呢一日就喺落長沙灣剪髮，經過呢一間「老三」，原則上賣麵都唔喺咩特別，但「油渣麵」三個字就加大咗興趣。睇招牌下面嘅宣傳，原本總店紮根晌土瓜灣6年，依家開到嚟長沙灣。走入餐廳內，以為一字長形，原來去到尾尾，屈個彎仲有幾張枱。簡單嚟講，裝修都喺平平實實，牆上貼滿菜式相。食物選擇就印晒晌一張A4紙之上，加入少少插圖，除咗招牌嘅油渣麵之外，仲有啲特色麵、小食及飲品，而飲品有加配優惠。招牌油渣麵 $38 + 豬腩片 $9入得嚟都喺想試佢哋嘅油渣麵，而油渣麵可揀唔同辣度，麵條粗幼亦有得揀，每碗都包咗自家製豬油渣、冬菇、蘿白。咁咩叫豬油渣呢？餐廳有啲單張介紹，小弟就唔好抄一次喇，自己睇睇。今餐都真喺高舉膽固醇萬歲，睇完張單張，你都知豬油渣喺肥膏嚟，再加埋啲豬腩片，堅喺肥膏一嚿嚿，真喺要走多兩轉山先可以燒脂得晒。但話時話，無論啲豬油渣，抑或啲豬腩片，咬落又無想像中咁肥，啲豬油渣仲卜卜脆，好甘香添，而冬菇、蘿蔔都喺有質素嘅食材，配上海粗麵，咬口有韌勁。熱檸檬西洋菜蜜 +$9諗住又豬油渣，又豬腩片，所以，原本諗住揀杯檸檬茶，當喺消消滯，不過，近日非常乾燥，改為檸蜜，消消膩，又可以潤吓。出咗門口，先為意到有張螢光黃嘅「招紙」，寫住抗疫期間，5:30pm-9:30pm，外賣麵餐送嘢飲。餐廳都喺賣平實、舊懷嘅味道，豬油渣呢家嘢，我諗後生嘅都唔太識欣賞，佢哋食和牛就識話脂香四溢，豬油渣就會話喺肥膏嚟，所以，望落幫襯嘅都喺中上年紀嘅街坊客多。尤其依家講健康嘅年代，呢類平民得嚟但唔多健康嘅美食已買少見少喇。…Read More

之前行經見到「老三油渣麵」嘅門面幾光鮮，而且好似幾抵食，於是呢日就拉埋個同事嚟食Try Try。佢本身未食過又好抗拒，因為一直以為油渣麵係啲麵條用豬油嚟搓🤣，加上又覺得好唔健康。不過佢食完呢餐除咗知道油渣麵係乜東東之外，仲大大改觀😏。小店環境唔錯，一入去長走廊左邊係圓枱，右邊就係廚房，再行入啲轉右仲有唔少座位。整體光猛乾淨，而且牆壁貼滿食物相片同海報🖼，令人食指大動之餘，仲可以對食物菜式有啲概念。店主Kat姐超好人，見我哋周圍望，揀好耐都唔知食乜，就主動向我哋介紹餐廳嘅名物。佢推介兩個人不如食多幾款小食，麵就Share一碗！有專人發辦梗係好㗎😛，香港人咁鍾意食日本Omakase都係同樣道理吧。佢仲好細心唔會一次過上哂啲食物，例如先食麵，再後上小食，咁炸物就唔會攤凍、變淋。招牌油渣麵($38)，一定係必食，我雖然知道係乜嚟，但其實都無正正經經食過一碗油渣麵🙈，只係食車仔麵嘅時候嗌餸試過。人生第一碗油渣麵就獻咗畀老三。油渣麵包咗幾款配料，例如自製豬油渣、蠔油冬菇片同鮮甜蘿蔔。辣度有得揀，我哋要咗小辣🌶，辣味啱啱好，唔會過火，非常惹味。店主都推介辣好過唔辣！豬油渣係主角，勁勁勁好食😋。我之前食嗰啲可能唔係即炸，或放耐咗，口感同呢日食嘅完全唔同！豬油渣呈長條形，炸到好鬆脆，味帶甘香，咬落幾有口感，而且完全無油膩同油膱味，超級正，秒速愛上咗💕。油渣麵嘅另一主角係麵，🍜麵底有得揀上海粗麵、上海幼麵或者鮮米線。最正宗係粗麵，所以就食佢啦。佢嘅粗幼度同形狀都好似烏冬，但就再有咬口啲，而且唔易斷同碎。每碗麵配有蔥、炸蒜、蒜油同菜脯粒，唔鍾意嘅可以揀走咗去，全部均能夠進一步提升滋味。由於同事唔食菜脯，所以我叫餐廳另上，原來有辣同唔辣口味揀，我兩樣都要💁‍♀️。菜脯用冬菜粒製成，比較細味，就咁夾嚟食，味道偏鹹，建議配麵放湯。秘製辣汁魷魚($26)，🦑魷魚經泡打粉浸發後會變透明，成為玻璃魷魚。魷魚鮮味，並唔係雪藏冰到無厘味道嗰種。份量好多，抵食。但留意番，辣汁相當辣😳，我要浸浸湯先食到。皇牌餃子淨食($32)，我哋要咗雙併，即係有三隻椰菜餃同三隻韭菜餃。🥟餃子放湯，餃皮特別滑，餡料飽滿。雖然我平日唔食韭菜，但都接受到食呢度嘅韭菜餃。另外，餃子湯仲奉送幾條生菜。炸物小食亦係相當吸引🤤，餐牌設定非常貼心，佢有提供雙併($30)嘅選項。因此兩條友食都可以試多幾款！首先，我哋要咗炸黃金蝦仁棗同炸黃金墨魚丸，每樣各三粒。深色啲嘅係蝦棗，口感亦較為彈牙，雖然無一粒粒嘅蝦肉🍤，但都好好食。墨魚丸就未有太大驚喜，正正常常。另一份雙併，我哋要咗即炸南乳雞翼同即炸黃金韭菜角，兩款炸物每樣各兩件，韭菜角單份有五隻🙈，蝕咗隻咁哈哈，但無乜所謂。🍗雞翼炸得幾香脆，但南乳味就未算太濃。韭菜角就真係有爆多韭菜，多過韭菜餃N倍，嚇親寶寶。我見佢炸得咁靚，就嘗試食咗半隻，但真係唔係我口味。飲品方面🥤，我哋要咗泰式青檸冰(跟麵食+$9)同凍豆漿($8)。後者係買番嚟嘅枝裝，味道唔太甜。而我就飲青檸嗰杯，其實即係青檸梳打吧🍋，我好啱飲，又可以解辣。我哋都幾估唔到呢度會有賣。總括嚟講，我認為小店真係好出色，係我近期覺得最值得推介嘅一間👍。油渣麵以至各款小食都真心好好食，而且定價平，合乎地區水平，性價比高。就算唔食油渣麵，呢度都有車仔麵。不過個人最推介一定係招牌油渣麵，大家切勿被「豬油渣」嚇親❌，人一世物一世，點都要試吓依個香港原味道🇭🇰，包你愛上。延伸資料💾，節錄自餐廳對油渣麵嘅介紹：「豬油膏的肥瘦比例為九比一，炸出來的油渣才夠香又有嚼勁。炸好的油渣像乾掉的菇菌，但肉香四溢，比薯片更美味。現時的本地蘿蔔有渣，用了韓國的白玉春，體型不太大，但味道清甜。配料有辣有唔辣，這款自家炒的冬菜配清湯最佳。湯底會加入蠔油冬菇片，冬菇切片後以雞油蒸煮，再加蠔油燜至入味。辣味配料可選菜脯，將菜脯加入指天椒乾、辣椒粉等炒香，辣勁十足。」…Read More

餐廳門口油渣麵招牌， 相當 吸引， 久違了的懷舊美食， 二話不說衝入餐廳， 尋找兒時的味道， 餐廳整潔企理， 環境不錯。招牌油渣麵$38(自製豬油渣、蠔油冬菇片、鮮甜蘿蔔)招牌油渣麵是餐廳人氣必點食品， 自家製豬油渣， 香氣十足 ，香脆可口 ，啖啖甘香， 好有特色， 蠔油冬菇片十分滑溜， 菇味香濃， 蘿蔔清甜無渣， 十分欣賞。炸雙拼撈蝦子麵$48 (黃金蝦仁棗、黃金墨魚丸)蝦子麵條幼身 ，口感煙韌彈牙， 麵條與香香的豬油拌勻， 柔光亮麗， 散發著陣陣豬油的 香氣， 入口香而不膩 ， 與麵條十分搭配， 配上彈牙蝦仁棗及墨魚丸， 口感豐富而滋味。懷舊小食秘製辣魷魚$26水魷魚發得剛剛好，厚實彈牙 ，吸收了惹味辣汁， 令到 清淡嘅魷魚， 增添刺激口感，越食越過癮。炸黃金蝦仁棗拼南乳雞翼$30即叫即製的炸黃金蝦棗， 外皮炸到金黃色， 熱呼呼， 香噴噴 ， 令人垂涎 ，入口爽彈 ， 不油膩， 津津回味。 南乳雞翼外脆內軟， 充滿肉汁， 啖啖南乳香氣， 令人停不了口。王牌自家製餃子(六隻)(鮮肉韭菜、鮮肉椰菜雙拼)$32餃子外貌十分飽滿 ， 賣相吸引， 分別有豬肉韭菜、 豬肉椰菜兩款口味， 大口咬下去， 肉汁在口中綻放， 做得出色， 我比較喜歡豬肉韭菜， 韭菜香氣好吸引。低糖豆漿(獨立支裝)$80低糖豆漿， 不太甜比較健康， 入口滿滿的豆香， 仲要係獨立支裝，感覺衛生。…Read More

Since it was already dinner time, i walked around looking for any nice places to dine for. When i walked past this stall named Brotherhood, i was attracted by the food they sold. They sold pork lard noodles, which was not commonly found. It was located at Shun Lee Commercial Building, few minutes walk from Cheung Sha Wan MTR.They sold pork lard noodles, ball noodles and cart noodles. Besides that, they offered snacks and drinks etc. Iced Thai lime drink - It was very refreshing and cooling, with strong lime taste. Pork lard noodles - This was their signature noodle, with fresh fatty pork used to fry daily. They claimed that the ratio of using fat pork to lean pork was 9:1, thus when eaten, it was very crispy and juicy. Noodles was of thick texture, and was chewy and smooth. There were sliced mushroom and radish in it, making the soup sweet and clear. Fried chicken wings and prawn cubes were very crispy and chewy, juicy as well. Thai sweet and sour sauce was provided to go along with it. …Read More

入到去見到好多報章介紹招牌菜係豬油渣麵既然係招牌就一定好食架啦咁就要試下其他係咪都咁掂結果係⋯⋯唔會令人失望尤其中意個豬油魚肉撈蝦子麵將生菜魚肉同撈麵做配搭好特別個蝦子麵好出色好有咬口麵條仲滿滿蝦子咸香味十足與豬油同秘製醬汁同撈爽滑麵條加彈牙魚肉食到停唔到口😋😋滷水雞腎好入味同樣火侯控制得好好好容易咬開又唔柴炸雙拼本身揀左蝦棗同韭菜角點知韭菜角賣曬最後轉左墨魚丸唔講唔知原來花枝丸係BB墨魚整墨魚丸就係用大墨魚整嘅蝦棗用左墨丸膠加蝦仁去炸咬開真係見到蝦架配泰式醬汁同食滋味滿分💯👨🏽‍🦱就叫左個三拼米線 湯底唔似出面食開嗰啲清湯底 好香嘅蒜油味同埋佢加咗啲辣菜脯令到啲口感同湯底再豐富啲至於個懷舊四寶呢度啲豬紅真係好食過好多車仔麵店唔散唔實啱啱好又好夠味應該浸左好耐湯先有呢個效果👍🏻豬腸係白色但係都有陣鹵水味仲好乾淨白蘿蔔吸咗湯汁爽甜又有咬口仲有個辣汁魷魚魚蛋仔魷魚切成一口size方便食用唔洗彈到周圍都係汁咬落去爽口又易咬開魚蛋煙韌得嚟有魚味撈埋個辣汁好正好有辣勁個辣汁我最後用左黎沾魚肉食 正👍🏻👍🏻總括除左招牌油渣麵其他都好值得一試——————————————————⊡ 秘製辣汁魷魚仔魚蛋 $34⊡ 炸雙拼 $30⊡ 韭菜豬紅豬大腸蘿蔔 $38⊡ 三餸米線 $38⊡ 滷水雞腎 $12⊡ 海魚魚肉撈蝦子麵 $48…Read More

買完傢私要去醫肚啦😋俾我發現哩間小店，大大隻寫住油渣麵😍係我最愛既美食呢🌟油渣麵係港式地道美食之一，豬油渣係肥豬肉榨成油之後嘅殘渣，再配上麵條同甜美的湯頭🥳而豬油渣選用半肥瘦的五花腩，油渣乾身後一點都不覺肥膩，而係豬油香慢慢滲出黎🤩脆口度我俾100分，再配上上海粗麵，有咬口，不會太腍，而湯底更出色，清甜好飲，仲配上冬菇，白蘿蔔，分量好足料呢😋還一可再自由加餸❤️辣汁魷魚配魚蛋，呢個辣汁重點推介，好過癮，真心會越食越滋味，魷魚呢啲係冇味道嘅食物，一定要配上特製嘅辣汁先會錦上添花😋豬紅，豬腸，蘿蔔，韭菜☺️是街頭小食中的經典😋每款材料都很新鮮，湯頭清鮮，洗乾淨左既豬腸，沒有多餘肥膏，令人食得好安心😋豬紅好新鮮，唔會一夾就散🌟韭菜入口無渣，韭菜索哂湯底d 汁🤪車仔麵點了四嗰餸😚😚蠔油冬菇片，鮮甜蘿蔔，牛丸同埋魚蛋，唔好以為係普通嘅車仔麵餸，單單係一個牛丸我已經覺得好好食，魚蛋好彈牙，唔係一般貨色，蘿蔔依舊清田冇查，冬菇厚身切片🌟鮮肉餃菜，鮮肉椰菜淨食😍 大大粒，皮薄，比例好好好，肉菜各半，肥膏平均，白菜爽口😚老闆娘仲好nice😊😊係咁推介其他鎮店之寶俾我哋食，因為實在太飽啦，唯有下次再幫襯😍加油啊小店😊老三油渣麵 地址: 長沙灣青山道338號順利商業大廈地下A號舖…Read More