翠苑甜品專家 (望隆街)

Open Now

Now Closed

筲箕灣傳統中式糖水店 呢間平時行過夜晚都好多人 主打中式糖水 價錢唔貴大概$20-$30 簡單記錄一下
.
⭐喳咋芋丸$27 喳咋$22
幾鐘意呢到嘅喳咋 甜度適中 而且起沙
😋紅豆 綠豆 眉豆 紅腰豆 西米 咩豆都有
👍🏻重點係 後勁有少少陳皮香味
底下有大概10粒芋圓波波 口感重煙韌 ok啦
如果下次應該會淨喳咋 平d性價比更高
.
⭐大良燉鮮奶（凍）
🥰燉鮮奶震下震下 食落蛋香奶香十足
🤔但滑度一般 👌🏻論味道呢間唔錯
.
#hkfunfoodrecord窮遊香港
#hkfunfoodrecord_筲箕灣
.
#翠苑甜品專家 (筲箕灣)
地址：筲箕灣望隆街106A
.
⭐評分：
味道：4/5
環境：2.5/5
服務：2.5/5
抵食：4/5
.
鐘意睇野食既朋友仔 記住幫手like分享 同撳埋右上鐘仔
超感謝你嘅支持🙏🏻一齊見證我脂肪成長
.飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies

傳統中式糖水市面買小見小，畢竟新派甜點因為賣相、裝潢，話題性都比較多，所以退居二線地方營業亦合理。翠苑甜品有數間分店，印象其中一間在北角，除提供磨製糖水如芝麻糊和合桃糊之外，燉品如燉蛋、燉奶或燉木瓜都有，可滿足食療和用膳更完滿的心思，價錢亦得宜。裝潢像數十年前的糖水店一樣，雖然說是簡單沒有太花巧的風格，不過整體很清潔乾淨。個人蠻喜歡燉品，因為在家自行製作的功夫多，還要清潔很多用具。燉蛋來說，可塑性不及燉奶高，一來不同配方製作的成品都不至表現太參差，二來製作方式亦相對方便，只要加入冰糖混合即可，所以我在外面都會點吃燉奶。熱度理想，起初吃還有燙口感。雖然不會用到3.6度牛乳啦，不過奶香是很足夠的，感受到近似雙皮奶的方向。薑汁味清晰，吃到尾段仍不覺沉悶。對於才23元的燉奶來說沒有任何挑剔。

最近去開筲箕灣想食糖水就去左呢間甜品專家食嗌左碗細既楊枝甘露攞走😍因為都係整定一大碗係到要就攞所以都好快手糖水種類都好多野揀👍🏻西米都好大粒芒果份量都好足！🥭不過芒果唔算甜有幾粒仲食到有少少近皮位仲有啲硬同苦既果肉碌柚量就唔算多 零零些些有幾條紅肉既整體味道上都唔錯😁不過岀面餐牌見寫住一碗$22職員問我要大碗定細碗當時我都唔知價錢差幾多🤨就嗌左碗細既不過收左我$23價錢方面收得有啲模糊🧐

終於喺筲箕灣終於搵到間傳統糖水舖翠苑甜品舖喺筲箕灣地鐵站附近海帶香草綠豆沙，海帶十足，食完超清涼！凍香芋椰汁西米露，椰汁味OK每款糖水加$6就可以加芋丸，口感煙靭

在網上外賣平台 落order, 己加錢要湯圓及蓮子，湯圓及蓮子沒有跟糖水送上，打電話去問，職員話冇出單，咁要求退錢啦，話唔識退，要我自己親身去攞，叫網上外賣平台 就係唔想出街，仲叫我自己去攞退款，跟本唔想退…..

*****強烈奉勸各位食其他糖水店******食糖水都係想開開心心，阿姐我話晒都係你啲客，服務態度差到咁，呼呼喝喝，你啲嘢好食又如何，咁樣做生意，搵鬼食。 又話我哋唔準我哋咁多人一台，我哋得冇問題，但係呢啲咁嘅態度，只可以講真係垃圾。本來都唔想打，但係都唔希望各位中伏。

原本入黎諗住食個糖水 但係d只員工態度極差 落單冇人應 要哩樣冇哩樣 同d員工講野講到好多似吵架禁 野食一般啦 但上菜速度快嘅 但係服務態度太差 感覺極差 如果少筲箕灣食不如行遠少少去西灣河食好過 哩間冇下次

今日食完飯就想食糖水就去左呢個店鋪買外賣呢間店舖距離地鐵站只係1分鐘路程亦唔算太難搵😄我就叫左碗紅豆蓮子糖水 $22都算快 唔洗等排隊拎到買屋企仲好暖食落去唔想太甜 都好足料

翠苑有幾間分店，糖水價錢都比較平，好多都大約$20就有交易，今日經過筲箕灣呢頭，同朋友又想坐低傾吓偈，就決定食啲甜嘢吹水餐牌上嘅大部份都係中式糖水，見到都有特別啲嘅楊枝甘露同埋芋圓，我朋友就揀咗楊枝甘露，我喺餐牌見到佢有自家製嘅腰果露，只係星期六日先有得供應，價錢仲要好平，$19一碗，就梗係試吓啦質地比較杰身，唔算好甜，啱晒鍾意食少甜嘅朋友，不過我覺得腰果有少少腥味，所以唔算特別太吸引，如果下次嘅話應該會揀返大眾啲嘅芝麻糊或者紅豆沙算～

做完冬嘅翌日做野晏左少少走，屋企留咗羊腩煲俾我，我見天氣凍凍地不如買兩碗外賣糖水番去一齊食啦！屋企有老人家比較鐘意食傳統中式糖水，我就去左筲箕灣望隆街嘅翠苑買碗糖水。翠苑嘅前身係大良八記，自大良八記十年前冇做後就接左手。餐廳嘅招牌已經不敵歲月嘅痕跡有啲甩色。由於筲箕灣人口平均年紀偏大，所以傳統中式糖水比新式糖水例如芋圓、綿綿冰等更受歡迎～ 即使疫情前，晚上買甜品嘅食客主要為外賣。餐廳嘅餐牌張貼於門外，供客人排隊買外賣時可以揀揀心水甜品。基本上數得出嘅中式糖水翠苑都有供應，連比較冷門嘅桑寄生茶同腰果糊（週末限定）都會供應。 =========================== 紅豆蓮子百合 $17 加 湯圓 2粒 $8紅豆沙黎講$17都尚算合理，不過加湯圓$4/粒就有啲偏貴。外賣番到屋企再整番熱食，紅豆沙非常「傑」，好似食緊漿糊咁，口感十分麻麻，湯圓似係現成，食落似一早煲好，已經冇左果種煙韌感。 老實講我呢啲90後都係喜歡食新式糖水多啲，傳統中式糖水恕我唔識欣賞。

今日做山系女神，由筲箕灣入鶴咀。回程經筲箕筲箕灣翠苑甜品專家 一定唔可以錯過佢哋既中式甜品。久違了既桑寄生紅棗蓮子蛋茶，真係唔係度度都煲得咁濃郁，見到甜品既色澤就知足料，紅棗用上雞心棗，愈食愈滋補，飲返碗真係成身暖曬。

傳統老店、傳統糖水、價錢合理唔會特別貴假日先有嘅腰果露雖然味道冇以前咁香咁濃但係仍然都係好滑加$4蓮子，份量都好多、夠晒鬆軟夠淋而且又唔會太甜回味一下傳統嘅味道呢間每次嚟筲箕灣我都係必食，尋回舊味😌

天氣開始入秋，今日食完晚飯去了翠苑甜品專家食糖水暖下個胃，此乃筲箕灣的分店，此店出名舊式的糖水，有比較大路的紅豆沙綠豆沙芝麻糊杏仁糊等。今日叫了芝麻糊，入口非常杰身，有炒嗰啲芝麻香，感覺用足料，每日新鮮應製作，芝麻糊會有種芝麻的油香及油份，入口芝麻味好香濃又滑。合桃糊味道亦十分夠，有合桃香，入口有堅果的油份慢慢滲出，係正宗傳統合桃糊的做法。腐竹白果糖水，腐竹味都幾夠，入口尚算清甜，但白果經過糖浸，所以太過甜。整體來說此店是傳統糖水店，所以感覺大部份糖水都比較偏向甜一點，如果鍾意淡口啲可能覺得味道太甜或太杰身漿口。逢星期六日，仲會有特別的腰果糊，是限量供應，聽講腰果糊製作過程更加繁複，容易失手，有興趣的朋友不妨一試。

各位如果想喺翠苑買外賣，最好自備容器，因為佢地可能想慳成本，外賣用6號膠。今日買左芝麻糊同桑寄生紅棗蓮子蛋茶，芝麻糊食到底有膠味！所以請大家注意！桑寄生紅棗蓮子蛋茶啲紅棗冇去核，介意既朋友請注意啦

今日食完飯仲未夠飽就嚟左筲箕灣傳統糖水舖~~翠苑~~食甜品我不嬲都鐘意食中式糖水多過西式甜品同啊妹分別叫左桑寄生蓮子茶同燉蛋食平時食桑寄生蓮子茶都會加蛋~但係今日已經食左幾隻蛋就無加桑寄生可以祛濕、養顏、安眠感覺上食糖水都可以養生而唔係正係食左啲糖落肚桑寄生味道甘甘澀澀有啲人可能唔鐘意 但係我幾鍾意中藥味~蓮子紅棗有去芯 唔會苦成碗糖水幾足料 又唔會太甜啊妹叫嘅熱燉蛋表面光滑食落去都好滑同有蛋味！！