翁記潮州粉麵

Open Now

Now Closed

我和老公常常經過這間翁記，很多時都見有不小客人光顧這間細小的店舖，可能是因為有很多粉麵都是$10之原故。今日途經此處,我便提議老公入內試一試，我點了牛腩米($10),老公則點了四餸麵($17)。 我的牛腩米,雖然只是$10，牛腩和米粉的份量卻不少。我覺得牛腩的味道只是普普通通，至於老公的四餸麵(蘿蔔.豬皮,粉腸和豬腸)，蘿蔔唔夠甜及無味，豬皮,粉腸的味道普通，豬腸又乾又唔肥，味道怪怪的,吃後非常口渴。 結帳後,我們猜想此店的客人，應大多是被它的價錢及份量所吸引而來‧

我地住係樓上~~~一訓醒悶悶地就會一人一碗河粉!!!!我地永遠都只會食河粉~因為實在太滑啦!!!男友由細到大都係幫襯翁翁~~食完一定會想食~!平靚正!! $15 已經有三個送, $ 5 一個菜~~真係好滿足架~~有時一個人食都食唔晒強烈推介 : 潮洲魚蛋、豬紅、牛肚河!!!

是日午餐, order 如下:三寶麵 - 牛丸好正! 好彈牙同好有牛味, good! 魚旦都造得好彈牙! 魚餃 d 餡好味, 塊皮煙煙 un un, 唔太厚, 都 good! 最正係碗麵加左少少梅菜落去, 即係變得同一般魚旦粉唔同! 好香! 畫龍點晴呀!overall,有水準 gei 牛丸魚旦! 值得試!$15 大大碗, 西環先做得到?會再來!

是日胃口不佳，不想吃太多，見到這兒一碗麵才十元，實在平通街，吸引我進去了。雖說是平，但分量倒不算少，叫了牛肚油面，牛肚都有七八件，差不多鋪滿了。味道比較咸，要浸在湯裡才可沖淡，牛肚帶嚼勁，吃得過癮。油面煮得淋，入口有點粉。如其他食評所言，蔥油味很香。各樣味道都很濃烈，想吃得清淡就不要來了。默默服務人民的翁記，質素超越了價錢，放下十元，如此又一餐，何處尋也。

Sheep胃口不太好~所以選了吃湯粉麵…Sheep叫了三餸幼麵~即是有蘿蔔, 大腸和豬皮~我就要了自選的蘿蔔, 牛肚, 墨丸河~另外要了菜心~一上檯大大碗的很吸引…蘿蔔很淋, 帶小甜, 沒有渣….牛肚也很淋~不痴牙~只有墨丸沒什麼特別…不過我比較喜歡吃很滑很滑的那種河粉, 這類的有點粗, 一點也不滑~所以下一次還是要米粉好了…Sheep的大腸也很好味~不過因為他沒什麼胃口, 所以吃剩了三分一…以這種價錢有這個質素, 我認為是物超所值呢~兩個人都只不過是$35而已….

入長洲前，要了朋友仔陪我來呢度食。2人要了四送麵、四寶麵，再來個大兜亂，因為其中的粉腸大家都有，所以最後每人來了七送麵。蘿蔔 : 煲得不算稔，但食落有口感，而且無渣大腸、粉腸 : 份量很多，洗得乾淨無異味。大腸沒有白芒芒既肥膏，夠健康，滿足了我這個內臟怪。豬紅、魚鮫、魚蛋、牛丸 : 一般大大個既公公碗，盛著油麵，面頭鋪滿各款送菜，$16，簡直是平霸。題外話，店主的小孩勁可愛，臨走時會問你聽日會唔會再來。

為食，坐言起行，來到翁記。由中環轉程車來，在西灣市政街市附近下車，一路沿著門牌，摸入橫街，見到添記麵廠招牌轉入巷內，隱閉得很！舖入店已見到阿姐在煮蔥油，正想話要蔥油拌麵，一問、再問、追問下都話無呢味，咁多年都是做潮式粉麵的，無法子，只好來一客四寶麵，一時醒唔記得轉伊麵，結果來了油麵。雖後悔，但既來之則安之，落了點嘴頭，叫阿姐下多點蔥油，又濃又香的蔥油落在湯中確是生色不少，潮式蔥油沒下醬油來煮，單純的蔥油香，連下了三大羹，美味；但想真的，用香、濃、膩的蔥油用來拌麵，添色增香，豈不快哉？只可惜同自製辣椒油一樣，無得外賣，再下點嘴頭，依然堅持唔賣，很有性格。繼續吃麵，麵廠新鮮的油麵，浸在湯中亦無化出油漬，不俗，幾味丸類是配角，不敘了，倒是豬骨湯值得寫寫，很鮮味，$15的粉麵計，真的抵吃。吃到一半，忍唔住叫了碟炸魚皮，阿姐見湯喝剩一半，又免費的加湯，誠意亦窩心，一定會再來的。

在大道西尾一帶閒逛,見到這間翁記,一碗牛腩麵賣$9,我有沒有看錯?再抹一抹眼鏡上的"霧"氣,再看,絕對沒有,除此之外,其他大腸,魚蛋麵等等,也是同價,如果來個四味,也只是$15.比坊間的一些$10雲吞麵,來得更徹底.要個蘿蔔牛腩麵,也只是$11,真難想像.牛腩非什麼坑腩爽腩之類,但做得稔熟,柱候醬雖然不濃烈,嚴格來講,也收貨有餘.蘿蔔鮮甜無渣,缺點是煮得有點過稔,口感不夠爽而已.除此之外,實在沒有去挑惕之餘地.再看見餐牌有淨麵供應,$5一碗起,來到是否可淨叫一碗淨幼麵?

很久沒有吃過潮州蔥油了，就是將蔥切段，放油低溫炸透，油充滿蔥香，用來撈麵下飯，又或是蘸各式炸丸子，都十分適合，是日就在這裡再遇上了。幾難想像，在這條陰暗小巷，還會有一間麵店。見其人客不少，應該都值得一試，就來坐下。要了碗魚餃牛丸麵，加碟菜，又加碟炸魚皮。湯麵先來，見其賣相，只有湯浸麵，及牛丸魚餃各兩粒，檯面上連辣油也沒有，就自行拿著麵去櫃檯去加蔥花及冬菜，喜見蔥油，當然不能放過，加個不易樂乎。麵本身質數不錯，當然對面就是麵廠，這裡拿麵，要找不新鮮的應比新鮮的更難。湯頭是豬骨湯，沒有多少味精，出乎意料的不錯。下了大量蔥花及蔥油，又香又冶味，吃得滿意。牛丸一般，魚餃則不錯，下次來，索性要碟蔥油撈麵，加大量蔥花就算，相信也是人間美味。菜是莧菜，幾新鮮。炸魚皮卻是包釜裝貨色，見阿姐在拆膠袋時，心已涼了半截。吃落是油溢味甚重，韌韌的，完全不脆口，感覺很不新鮮。立即各阿姐反映，她也從善如流，立時說「沒有問題，是這樣當然取消」，值得一讚。當然左右隔離見我成功退單，也加入投訴之列，阿姐也都幫他們一一取消。街坊小店，服務也算是不錯的。埋單14蚊，經濟抵食。雖然份量不很多，但質數不錯，特別是那蔥油，相信我

住o左廿幾年西環，就食o左呢間舖廿幾年...（係舊舖，新舖未去過）以前放學踢完波，就落去擺幾圍。咁耐都仲係咁平...8.5一碗牛腩麵，仲平過深圳。今次食o左碗四送麵（蘿白、豬皮、大腸、粉腸）味道同廿幾年前一樣。仲有佢o的得個香字，落o左3羹都唔辣的辣椒油！真係強烈推介！最後見8.5一碗牛腩米咁平，又整多碗。連埋油菜同一罐可樂都係廿幾蚊，邊度搵???

放假首要任務就係湊女,相約太座宵夜食火鍋,點都要食番少少打底!與囡囡到西寶城惠康買零食,囡囡要食壽司,買了四年,另外旦糕仔餅乾等比囡囡上學小息享用!!回家途中見到翁記發覺住在本區未曾食過此店,就同囡囡入去試吓,叫了牛腩,豬皮,大腸幼麵,大腸無臊味,牛腩有二舊牛筋三舊,豬皮4塊,個湯底唔錯幾好飲味精唔太多,另加一罐汽水合共$18,牆上貼住加每樣餸$2,街坊價錢及親切招呼,整體好好味不算但已價錢衡量算不錯!!

我係翁記的Fans,每次都會叫魚蛋牛腩河, 加辣醬, 一碟菜. 老板娘好親切. 成間店好有歷史價值, 好有feel. 就算去過幾多間好靚好貴既餐廳, 呢間始終係one of my favourite!

睇到一位食客既評語我有D不滿!!肚痛?我食左十幾年從來都未試過有d個情況!!如果係既~我覺得係你唔好彩多d囉!!!不過翁記真係少你一個客唔少架!!我由小學開始食佢食到而家，由佢老豆做廚時食到佢個仔接手，講真出面而家好多$10碗既魚蛋粉，十間有九間唔掂既，我而家比多一兩蚊就食到勁好味既，真係勁抵!!我必叫的"雙丸油"真係無敵，我每次都會放3羹既辣椒油去碗面到，之後"bud"一羹辣椒油一路食一路點，真係享受!!我通常唔會拎走食，明知佢d辣椒油咁巴閉，我就寧願堂食喇~"bud"幾多辣椒油都得丫麻，何況而家佢有新舖有冷氣既~

下午落左西環搵野食, 之前如果唔係阿媽帶過我嚟, 我真係諗都冇諗過一條咁污漕既行仔會有間面店, 不過先次聲明, 怕污漕既人千奇唔好嚟囉...今次食左三寶面, 有牛丸,魚皮鮫,魚蛋, 都係12大元..好抵, 不過就細細碗, 男仔或者未必飽...我最鍾意佢既湯底, 加左d唔知咩菜..好似雪菜咁幾..d辣油又係好正, 牛丸同出面食既唔同,好有肉味..其實之前試過牛腩都好好味, 不過幾次食到都有毛, 所以都好少叫lu...

依家又細食到大既麵店...好耐無去..... 上個月去買外賣....賣左3碗... 要3包辣椒油.... 比佢地d員工係咁話我~ 係到話.... "你買3碗野... 最多可以要一包辣椒油架咋wor~" 又話"我點知你要咁多辣椒油... 係咪拎去食其他野架!" "d粉先係住菜.... d辣椒油係配菜... 你唔可以要咁多!" "我地d辣椒油無得賣架" 一個男人... 一個女人... 一人一句係咁話我!!! 成間舖頭d食客望住我!! 幾慘呀! 好似我唔岩咁!我想話...我買3碗粉... 要3包辣椒油都唔係好過份姐?? 其他粉麵店從來都唔會有d咁既問題仲要我係客,反而要我受佢氣... 真係好貴死嬲!以前細個d嬸嬸好鬼死好架嘛~ 唔知係咪依家開左分店... 同埋係個男人... 一個後生女人.... 所以搞到咁鬼串!仲有... 唔知係咪佢d野食唔乾凈~ 我個日食完.... 又柯又嘔~~ (我個日凈係食左佢碗粉!)