綠茵餐廳 (Closed)

叫外賣, 三文治加麥皮, 聽電話個阿姐態度極差, 隔左成個鐘都未有外賣( 我家與餐廳位於同一個屋村), 於是打電話追問, 佢既態度依然好差加唔耐煩! 後來外賣送到, 是一位伯伯, 問佢佢話佢一收到單就送黎, 可見係間餐廳有問題.

之前食過都OK，今次叫果啲真係幾難食，梅菜扣肉煲最難食，啲肉鞋到不行，梅菜汁無梅菜味，得啲油咁。西寧軟雞好大碟，但係啲雞粉漿好厚，汁亦都好淡。蒜蓉白菜仔，賣相很黃，有點太淋，味道一般。中式牛柳係比較好既一味，牛肉都淋，但係味道淡，很油。啲例湯就不過不失，應該無味精既。所有小菜份量很足，但味道實在不行，很失望，同之前食差太遠，好難再去幫襯。

晚餐來綠茵餐廳吃，點了魚香茄子煲，西檸雞和餛飩。有白飯和老火湯送，老火湯很濃味，可惜白飯超硬，吃下去感覺非常不好。魚香茄子煲有點辣，但茄子很軟；西擰雞酸度剛剛好，雞肉外脆內軟；而餛飩有D咸。整體感覺挺好，服務周到，上菜速度快。

離晒譜,成碟乾炒牛河窿成甘,我揀黎揀去都搵吾到吾窿既河粉,每口都好苦,食左兩啖已經吾可以再食.除左苦都無其他味道.同間餐廳反映,佢答我：哦,系咩?我以為我反映完佢會主動換比我,但佢無,我亦都吾叫佢換,因為一定會加料😒今次系第一次幫襯,亦系最後一次😡

今次睇吓新裝修完嘅友愛商場點靚！揀咗綠茵飲下午茶。老婆叫咗個魚疍河加奶茶。魚疍出奇地爽口，而且雖然下午茶，但都算幾大碗。而家物價高漲賣$25都幾有良心，—讚！我就一個鮮茄燴班腩意，班腩炸得幾脆，但係意粉就濕咗啲啦！最後當然要試一試我嘅至愛－茶走少甜！咦，OK 喎，有茶香味，奶和茶比例剛好！綜合來説，徝得推介！