素一素

Open Now

Now Closed

行過呢度見到有Poster話樓下有得食素落到去原來係一個food court而呢間素食店係有做三餸飯環境都幾乾淨衛生有cover遮下啲食物款式方面選擇都幾多，佢哋仲有個餐牌圖文並茂唔使估估下This This This🤣佢哋亦都有啲小菜揀今次我想試多啲食物就揀咗個五餸飯叫咗包羅萬有、咕嚕素肉、涼瓜菜圃炒蛋、節瓜豆卜炆素肉、豉汁蒸豆腐有紅米飯同埋湯跟埋成個餐盤都係食物好豐盛顏色都好豐富，心情都靚啲都好落足料味道好足夠，唔會食嚟食去同一個味咕嚕素肉同豉汁蒸豆腐豆腐係特別要讚首先咕嚕素肉都做得幾似真嘅，唔會假，同埋膩，食肉獸想食下素都可以食呢間而豉汁蒸豆腐係出奇地入味！呢個係驚喜嘅湯都足料，幾好幾好仲有素糭啱啱仲見到外國人自備餐盒非常環保♻️食肉獸得閒俾身體休息下都唔錯，呢間又唔會同平日食肉嘅餸感覺有太大分別，容易執行推薦

近來比較忙碌，晚餐只能外賣了。今天在荔枝角香港工業中心附近工作，就選了她地庫的 素一素 買外賣。這是一間素食館。我點了椰香芋頭素腩仔煲，餐包了湯和飯，都好抵食哦。這幾天吃得太多，選擇食齋菜是非常好地調節腸胃。椰香芋頭素腩仔煲非常好味，非常適合我這些鍾意味道濃郁，但又不想油膩的人。而且，芋頭軟硬適中，和煮得非常入味，好正。醬汁煮得非常濃郁，但是一點都不油膩，這是一個非常難得的優點。這樣的醬汁不但可以提升菜品的味道，而且還可以讓人吃得更加健康。素一素還配送了藜麥營養飯，這也非常健康，值得加分。藜麥和糙米飯富含維生素和纖維素，可以幫助消化和排毒，對身體非常有益。紅蘿蔔湯，也非常好喝，對於我這些不懂煲湯的人，也像吃了媽媽的住家飯，感覺溫暖。

香港素食黎講比較多係自助餐或者要一大班人食嘅餐廳。琴日食完地下街嘅其他餐廳，見到素一素都幾多人今日特登黎買外賣。素一素一落電梯就見到，餐廳環境寧靜舒適，啱哂同家人或者朋友黎食飯。晚市佢係小菜套餐。我揀左佢嘅欖菜素叉燒配松露炒蛋，配紅米飯同素湯。都係88蚊，難怪都唔少人黎食。個湯係青紅蘿蔔湯，湯汁清甜，飲完之後舒服得嚟，有住家嘅味道☺️☺️☺️欖菜素叉燒配松露炒蛋加紅米飯，味道好豐富，松露嘅香味同d蛋好夾，食落甜甜地，而且份量唔少！佢炒得都幾滑，好好送飯。素叉燒好入味！有時食其他餐廳d素叉燒會太甜反而怪怪地，呢個剛剛好仲有d 燶邊😋😋😋紅米飯煮得又糯又香，口感好好。 成個飯都好健康。總括黎講，呢間餐廳嘅素食款式都幾多，而且味道好又唔油膩，下次堂食先😎

之前去荔枝角香港工業中心食韓國野時見到呢個food court有間素食，啱啱星期六晚就去咗試呢間素食有自選素齋套餐同小菜套餐，我同朋友一人揀咗個小菜套餐，有一個小菜、例湯同紅米飯🌟欖菜素叉燒配松露炒蛋賣相十足十真嘅叉燒，味道都好似，蜜糖味同燶咗嘅焦糖位都同真叉燒冇分別，素叉燒雖然係麵筋整，但口感都好似豬肉，而炒蛋炒得好滑，有好多黑松露，食落好香🌟椿醬茄子薯仔豆結舞蓉菇呢碟嘅食材本身都係齋菜，上枱時好滾，好有大排檔風味，茄子唔會煮到過淋，充滿住椿醬味，而腐皮打咗結唔知點解特別好味，可能因為多咗咬口是日例湯係蓮藕湯，但飲落酸酸地，問職員先知原來係加咗蕃茄，令客人更加開胃，都幾特別，而個湯冇味精，飲完唔會口渴呢間我應該得閒就會黎食，幾健康，又有家常便飯嘅感覺，我幾鍾意

荔枝角香港工業中心C座地庫，原來有個隱世美食廣場，沿扶手電梯落去就係地下街入口，食肆款式選擇非常多，有日本菜、韓國菜、西餐廳、四川菜、素食等。呢間素食餐廳，晚上有小菜套餐提供，每款都配藜麥營養飯及精美素湯。欖菜素叉燒配松露炒蛋：素叉燒用麵筋做，很有彈性有咬口，加左欖菜一齊炒好惹味，松露好濃郁，用嚟炒滑蛋，味道好夾。椰香芋頭素腩仔煲：芋頭炆得好腍，椰香味十足，素腩仔係台灣製造，風味獨特，口感爽脆，醬汁濃稠，非常下飯。是日素湯係青紅蘿蔔南北杏湯，清甜滋潤，而且湯料很多。總結，廚師用心製作，打破傳統素食框架，烹調出一系列新派又有營養既素菜，店員又會為我哋送餐，仲會關心我哋對食物既睇法，很欣賞小店認真既經營態度，值得支持。

今日同男朋友去荔枝角食晚飯，呢排食得太多肉，想食吓啲素食，於是就搵咗呢間餐廳試一試！呢度個環境都唔錯，座位寬闊，店員服務都好好。事不宜遲，睇睇個餐單先，晚餐主要係套餐為主，有欖菜素叉燒配松露炒蛋，椰香芋頭素腩仔煲，紅燒素排骨，椿醬茄子薯仔豆結舞蓉菇，啫啫炒時蔬，同埋素一素炒飯。第一眼就見到最吸引就係欖菜素叉燒配松露炒蛋！素叉燒超好食，酸酸甜甜，口感非常似肉既質感，但係又唔會太過油膩！另外個黑松露滑蛋，非常之香同滑！非常之好食！另外就係椿醬茄子薯仔豆結舞蓉菇，新鮮滾熱辣！茄子非常之入味，薯仔非常之香濃，菇🍄炒得好入味！所有套餐都會配藜麥營養飯+精美素湯！素湯非常之多料！分量十足！好好飲😋

叫咗個「椿醬茄子薯仔豆結舞茸菇」配藜麥營養飯+素湯（$98），結果椿醬變咗麵豉，舞茸菇變咗冬菇，藜麥飯變咗紅米飯。冇晒嗰樣食材唔緊要，但最起碼要同客講一聲吧？雖然味道唔差，但始終同期望中嘅相差太多，真係好失望。

今晚去左荔枝角D2 Place,行街，行完又去左附近呢個商場行街，食飯。見到餐廳係素食，跟餐仲配藜麥營養飯，真係夠哂健康有營養。欖菜素叉燒配松露炒蛋（$88）：素叉燒幾好食，甜甜地，味道同出面的蜜汁叉燒都好似，好好味。然後松露炒蛋好滑溜，非常好吃。佢仲有西蘭花🥦，幾健康。然後配埋藜麥營養飯，真係夠哂健康同有營養。椿醬茄子薯仔豆結舞蓉菇（$98）：茄子煮得很香口，個煲熱辣辣咁，D餸夠熱，好好食。椿醬食落係似豆瓣醬,豆豉果d,估唔到同茄子煲又幾夾，食落都幾好食。然後薯仔好夠淋，好入味，同茄子又真係幾夾，唔錯。另外佢個湯都好清甜好好飲，唔似出面果d味精湯，而且見佢材料都豐富，所以個湯飲落好甜。呢間餐廳真係又好味，又健康。

throw back 3月頭去開荔枝角。試左呢間新開既素一素三餸飯。👍🏻好欣賞咕嚕合桃。第一次吃不是素肉不是𤠣頭菇的咕嚕素菜。合桃高蛋白質高脂肪，好適合我低碳水飲食（尤其今餐都高碳水🙈）👍🏻 干扁四季豆好食，唔會成囗油👍🏻 包羅萬有，有木耳、西蘭花、蓮藕、椰菜花、粟米芯、椰菜、荷蘭豆果然乜都有有點像麗姐廚房用長碟裝餸，一湯一飯。我見份量較細，都要左半碗飯（如果紅磡同樂素食份量我就唔要飯都夠飽）我lunch time去，排隊期間有兩個餸已經俾人揀曬🤧冇得即刻refill. 每個餸佢都會係餸名下寫上齋/素。我見包羅萬有寫齋，琵琶豆腐寫素，於是跟職員確定一下素係有蛋？佢話係，咁我就揀齋🥗