素一素

Open Now

Now Closed

我今日去左荔枝角辦事，順道約同好友去位於荔枝角青山道489-491號香港工業中心C座地庫C2號舖的素一素食素菜午餐，環境闊落開揚 ，裝修是食街型式。買票取食物，自己找空位就座。我點左二個四餸飯餐，每個餐是$62。今日的素菜有：椰菜粉絲炒木耳、沙茶枝竹羅蔔、甜酸麵筋、炒時蔬（油默菜）、鮮菇扒鮮腐竹、陳醋薑蓉蒸茄子、菜脯素义燒炒蛋及包羅萬有，剛好有8款菜，正好二個餐就有齊8款菜，每個餐都有一碗素菜湯和一碗飯，我加左一條素春卷$10。素食材新鮮，款款都好味，我最喜愛甜酸麵筋，薑蓉蒸茄子。

近排努力做運動，做完運動之後當然唔想食太多嘢，見呢個商場地庫有超多嘢食，仲有素食飯添！呢度仲會有素食三餸飯，好多選擇，而且價錢一啲都唔貴✅欖菜素叉燒配松露炒蛋配藜麥營養飯+精美素湯（$88）欖菜素叉燒的口感十分逼真，入口有嚼勁，味道同真叉燒有幾分相似，松露炒蛋夠香，唔會太鹹或者鞋，配藜麥營養飯幾開胃👍🏻素湯其實主要係蘿蔔煲出嚟，清甜而且冇味精，似屋企會煲嘅湯✅茄子枝竹煲配藜麥營養飯+精美素湯（$88）茄子煮得軟糯入味，香香辣辣好惹味，搭配上香氣撲鼻的枝竹，味道豐富。茄子和枝竹的香味充分融合，好味又有營養

今日係年十五，係一個機會比腸胃抖抖既一天，同朋友去荔枝角食飯，搵到呢間好有家既感覺素菜餐廳🍴✨柚子蜜素叉燒配松露炒蛋 $88色香味俱全既炒蛋，好濃郁既松露，柚子蜜素叉燒食到笑微既柚子味，素叉燒口感都有一下覺得似緊食肉，味道同口感都太似了😂配紅米飯 重點係米飯同湯都係任裝的，當然係要食得曬既情況下先好😆✨營養素湯 - 加左羅漢果，味道酸酸甜甜，好開胃，且溫度熱辣辣，岩曬依家乍寒還暖既天氣✨雲耳杏鮑菇鮮霧筍 $88炒至翠綠既鮮霧筍，好爽口鮮甜，岩曬想清清地又健康既人士👍🏻

荔枝角真係食到好多好嘢，今日放工就同朋友去咗香港工業中心地庫嘅「素一素」。呢個係一間食素嘅餐廳，有時食吓素真係感覺都健康啲。佢夜晚都有套餐，都係80至$90不等。我同朋友叫咗兩個餸，都食到好飽。節瓜素肉碎炒粉絲煲節瓜好入味，粉絲都炒得好乾身，而且好惹味。食落好有咬口感覺。素鹹魚豆腐茄子煲食落真係有浸鹹魚味，個茄子煲好夠熱，茄子同豆卜都好入味。每個套餐都配有紅米飯同埋湯，老闆仲好好俾人添飲。難怪見到咁多人來食。

🔹️今日去荔枝角 “素一素” 食健康素食🥬 這兒有多款素菜選擇🤔 還有主打三、四、五餸飯🍱🥢 地方簡潔寧靜🌱 服務稱心🧑‍💼👩‍💼 價錢親民💰🔹️我們選擇了兩款四餸飯🍱🥢包括：椰香芋頭素肉、茶樹菇蘿蔔、炒時蔬、滷水雞脾菇、炸菜素肉蒸豆腐、咕嚕素肉、豉汁蒸南瓜、包羅萬有🥢🤤附送：藜麥飯和瓜湯🍚🥣🔸️整體味道清清哋、不鹹不油膩、無味精, 健康有益之選👍😋食完還可以逛逛香工添🛍😄

餐廳位於香港工業中心C座地庫，第一次見Food Court有素食小店，顧名思義主打多款美味嘅素食料理，雖然自己唔係素食主義者但有時都會想食得健康啲，呢度就啱晒，可以同時滿足味蕾同營養需求，讚！中午提供三餸飯，晚市就係晚餐menu，10款菜式左右，平均價錢$100，包任添營養飯同湯，肯定食得飽！今次要咗雲兒杏鮑菇鮮露筍，份量偏少，調味適中，蔬菜新鮮，配飯一流～ 另外要咗份素餃，外皮軟糯，餡料飽滿，幾值得一試！

一落lift,環境似隱世美食中心。見到素一素，即係有家既感覺。店員好暖心，叫我地唔好坐冷氣位，好感度十足💓💓素叉燒配松露炒蛋飯 $88外觀同真既叉燒無異，食落層次感豐富，松露炒蛋更係隱世高手之作👍🏻👍🏻節瓜素肉碎炒粉絲煲 $88呢個粉絲煲同出面餐廳好唔同，無左庸俗味精味，突顯愛心牌出品，健康之餘又色香味俱全，話佢係私房菜都仲得！利申.白飯同湯係任添，保證令你食得滿足😋😋好味指數：🥰🥰🥰🥰🥰大份指數：🥰🥰🥰🥰打卡指數：🥰🥰🥰性價比指數：🥰🥰🥰🥰

香港工業中心地庫有幾間唔同嘅食肆，今次試咗呢間素食餐廳，我非常有驚喜！晚餐套餐有好多選擇，樣樣都好想試，而且仲配埋營養素湯，個湯仲可以無限添飲，而且用了一啲都唔吝嗇，有大量粟米、眉豆、瓜，無加肉一樣咁好味節瓜素肉碎炒粉絲煲粉絲煲上碟熱辣辣，食到最尾都仲好熱，正！份量非常多，而且味道非常好，素肉碎個質感真係幾似肉，粉絲同節瓜炒得火候剛剛好，加埋舖頭自家製嘅辣椒油，100分素鹹魚豆腐茄子煲呢款素菜都做得好出色，份量又係好多，豆腐同茄子既火候都好好，好入味，素菜唔放肉都一樣好惹味

餐廳位於長沙灣 素一素正值中午時候 餐廳做緊3,4,5餸飯兩個人 所以點左兩個4餸 有紅米飯 有湯菜圃蛋 蛋加菜圃 整成蛋餅 補充蛋白質之餘又唔會太鹹素咕嚕肉係我鍾意既素食 入口時 味道同真嘅咕嚕肉有幾分相似 酸甜酸甜 真係食多啲都唔怕油膩炒時蔬菜 新鮮時蔬 色彩鮮豔 唔會炒得過熟榨菜蒸豆腐 豆腐質地柔軟，搭配微辣的榨菜 令豆腐的原汁原味薑蓉蒸鮮腐竹 腐竹質地鮮嫩 薑蓉的香氣獨特 清淡而不乏味道麻辣青瓜藕片 味道帶微辣 青瓜同藕片清脆口感包羅萬有 多種菜一齊炒 咩都食啲總括黎講 間唔中就係想食菜 又唔會過於濃味 職員友善

平時出街想食素食，來來去去都係嗰幾間，選擇唔多😮‍💨。今次係荔枝角返學，誤打誤撞發現左呢間，係香工地庫嘅隱世素食小店，食物好食又健康，店主又nice，仲好有屋企風味😊，一定要介紹俾啲走肉朋友啊！👍🏻👍🏻佢款式選擇都算多，套餐menu有成10款可以揀，全部都健康👍🏻又吸引，搞到我揀咗好耐先揀到🤭。⭐️柚子蜜素叉燒配松露炒蛋呢款套餐，一上枱賣相已經好吸引🤤，柚子蜜素叉燒好特別，食落係好香甜嘅柚子蜜味，素叉燒食落口感有彈性，成個感覺好好味！👍🏻👍🏻 另外，松露炒蛋比素叉燒更出色！炒蛋係無加奶下，都炒到好滑好鬆軟🥰，而且落咗好多松露，絕不吝嗇！食同聞都極香極吸引，絕對不能錯過🤤。配上紅米營養飯，和是日椰菜蕃茄薯仔素湯，既足料又好味🤭，完全唔覺得係食緊素食，無論係剛剛開始素食嘅朋友👍🏻，定有宗教原因而食素嘅朋友，呢間都係超推介⭐️。

同友人去咗荔枝角工業中心搵衫，買完衫都肚餓啦，就喺地庫搵間餐廳食飯。見到間「素一素」，就決定入去試下。咕嚕菠蘿牛蒡揚：⭐⭐⭐⭐素肉絲銀牙炒麵：⭐⭐⭐⭐整體：⭐⭐⭐⭐齋菜真係好有水準，而且價錢都好抵食！我哋叫咗個咕嚕菠蘿牛蒡揚同素肉絲銀牙炒麵套餐。咕嚕菠蘿牛蒡揚外皮炸得金黃酥脆，菠蘿牛蒡內餡爽脆多汁，加上甜甜酸酸嘅醬汁，真係好正！素肉絲銀牙炒麵嘅素肉絲炒得乾身唔油膩，銀牙麵條煙韌彈牙，加埋青瓜絲同葱花，清爽開胃。

唔經唔覺收工，行過荔枝角香港工廠一帶，突然間發現一個唔知名嘅美食廣場。當中有一間素菜店，佢啲素咸魚豆腐茄子煲即刻吸引咗我嘅胃口。煲仔嘅湯底真係驚豔，唔似啲味精重嘅外賣店，佢嘅湯係自然鮮甜，唔會過份油膩。素咸魚略帶鹹香，同埋豆腐茄子一齊燉，真係一啖一啖咬落去都有不同嘅層次，啲素菜令湯汁更加豐富。而家食嘢唔單止味蕾滿足，仲要靚仔！啲豆腐同茄子咬返口仲有啲彈牙，素咸魚就係層次豐富，啲鹹味夠但唔會壓過其他材料。素咸魚煲唔單止美味，仲真係驚艷到我，令我即刻成為佢嘅死忠粉絲。

香港工業中心出名買野平，但估唔到地庫有一個food court 勁多隱世美食！今日去開附近買左勁平批發價衫褲後，就同友人去搵野醫一醫肚啦！近近地就係地庫搵左間食齋！友人話想食齋菜健康啲，就一於試下啦！叫左兩個晚市套餐：一個係咕嚕菠蘿牛蒡揚同埋素咸魚豆腐茄子煲！兩個餐都連紅米營養飯同營養素湯！餐來到後就先試下個素湯，入面用左薏米、玉米等一齊煲，好香甜，而且有薏米可以去濕，超健康！咕嚕菠蘿牛蒡揚食落既味道同平時食既咕嚕肉竟然係一樣味道，超神奇！而牛蒡揚炸完之後同平時食既魚片口感好似！素咸魚豆腐茄子煲一上台熱辣辣，竟然有魚香茄子煲既味道！豆腐朔晒成個茄子煲啲汁，茄子亦煲到入晒味！不知不覺，我地食晒成碗紅米飯啦！其實其他餐都有藜麥飯添！依一餐真係好豐富，簡直係顛覆咗我對色素嘅睇法原來食素都可以咁好味咁色香味俱全！

估唔到係咁好味喎特別係個炒蛋🤤有時出面食啲素感覺會有啲油但呢間食落好健康既感覺😋仲要係好食 不過由於地點係會有小小難搵不過一定會再幫襯同埋湯都好飲 😎👍🏻

素一素係一間位於荔枝角嘅素食餐廳，佢嘅特別之處係提供高質素嘅素中餐。以下係我用廣東話逐點詳盡地介紹呢兩個菜式：- 魚香茄子煲：呢道菜以新鮮嘅茄子為主，經過燒煮後變得軟嫩。茄子煮到入味，配合魚香醬汁同其他蔬菜，味道濃郁鮮美。雖然菜式入面冇肉，但係味道同平時茶餐廳嘅魚香茄子煲非常相似，唔會失去原本嘅風味。- 素肉絲銀牙炒麵：呢道菜以素肉絲同麵條為主，經過炒煮後變得香滑。素肉絲炒到有咬勁，配合銀牙炒麵，味道豐富鮮美。菜式入面冇使用任何肉類，但係味道同平時茶餐廳嘅銀牙炒麵非常相似，令人享受到熟悉嘅味道。素一素嘅特色就係佢嘅素食菜式，味道與傳統中餐非常相似，即使菜式入面冇肉，都能夠保持原本嘅風味。如果你追求高質素嘅素食體驗，素一素絕對係一個值得一試嘅素食餐廳。魚香茄子煲同素肉絲銀牙炒麵都係菜單上嘅經典菜式，味道豐富鮮美，非常推薦。素一素係一間位於荔枝角嘅素食餐廳，佢嘅特別之處係提供高質素嘅素中餐。佢係喺工廠大廈嘅地庫，位置比較難搵，但係絕對值得一試。- 魚香茄子煲：呢道菜以新鮮嘅茄子為主，經過燒煮後變得軟嫩。茄子煮到入味，配合魚香醬汁同其他蔬菜，味道濃郁鮮美。雖然菜式入面冇肉，但係味道同平時茶餐