Red Ant Restaurant (Closed)

今日同同事一齊去咗紅螞蟻食午飯，12:30左右到，仲未有人流，好快就可以入坐下單，佢哋嘅午餐有分飯同麵兩種，麵嘅種類同湯底都可以自由選擇，不過烏冬就要另加費用。我哋兩人各叫咗一個日式雞中翼麵，米粉連清湯，同一個蜜汁豬軟骨麵，米線加椰香海鮮酸辣湯。過咗五分鐘左右，店員已經送上之前所點嘅餐麵。雞中翼獨立用牒盛載，剛剛煮好，非常脆口，麵嘅份量適中，唔會太多，亦唔會太少，一般女性都應該可以食得晒。同事點嘅豬軟骨亦好鬆軟，加上蜜汁嘅配搭，食起上嚟好爽口。而且呢度嘅餐係包熱飲，唔收加一，又有得坐，真係幾抵食。不過到12:45左右，開始人流多，出面都要排長龍攞飛等入坐，所以我哋食咗30分鐘左右就走了。…Read More

以前住附近就成日同屋企人黎食紅螞蟻，價錢合理又可以坐耐少少，阿爸阿媽都好鐘意今個假期咁啱有啲事要黎九龍灣，就決定一於返黎紅螞蟻食個下午茶。煙肉芝士長通粉照舊，叫左我鐘意食既煙肉芝士長通粉加熱奶茶(呢個set我食過3,4次)，通粉份量好足，奶茶又好大杯，一個人食真係好飽！一個tea set 50蚊到都算好合理呢到最好就係坐得舒服，但又唔趕人走我自己一個食tea都坐左差不多成個鐘多啲，放假黎呢到食tea感覺幾放鬆:)…Read More

下午九點十分入座 點左個雞扒餐 估計係星期六師傅趕住去威威 收左扒爐 結果我個餐除左意粉 所有野（雞扒 帶子 茄子 南瓜 翠肉瓜）都係炸 食到我一口都係油 唉 我都係想食個正常飯者 唔做我生意叫我去第二度嘛…Read More

呢晚同老婆黎Megabox睇傢私順便食埋飯黎到呢間紅螞蟻可能我地黎食果時，都只係7點鬆啲，未算有好多人坐坐下就愈來愈多客不過都未係坐滿用餐期間，都見到附近幾檯客都係叫鐵板餐，好香落完Order,等上菜仲有蒜蓉包添，應該就係跟老婆個餐嘅😂😂😂上面果啲蒜蓉醬好香，麵包好鬆軟我就點左一份無骨海南雞飯，啲雞好滑無骨啖啖肉係爽嘅呢度空間夠大，檯數又多，又唔迫，仲唔洗點等位如果唔嫌煩要搭多程接駁巴士入黎，都係唔錯嘅選擇…Read More

行左陣街口痕，又想食嘢，就搵咗紅螞蟻快食個tea。平日tea time唔多人，坐得舒服，啱哂傾計。Tea time有意粉有飯，價錢唔算貴，我地三個叫咸點為主。蜜糖西多士，可能太耐無食嘅關係，覺得好味，但好似少咗啲涵，呅落淨咁啲，不過叫做滿足到啲。雞髀乾身得濟，麻麻地，唔算大份，可以接受；沙律都ok，係細份啲。香茅豬扒法包，都分到三份嘅，都係同樣問題，細份左啲。味道一般，好乾身下，肉無乜汁。三個人百幾，俾我地坐左兩粒鐘，可以啦。…Read More

去mega box睇hello kitty展，瘋狂自拍之後真係好餓，搵最近又好坐既餐廳先！2個人，都好易搵位，去咗紅螞蟻，場內只有5-6枱客，侍應有4-5位，相對都好足夠既人手。豚片定食~豚片比想像中滑，有適量既蔬菜，味道清新~鐵板牛柳~上鐵板既時候，侍應會好貼心咁問您想自己落汁定佢幫您落埋，我地選擇佢落埋，佢會喺視線範圍內落汁，令您享受到"吱吱聲"之餘又唔會攪到自己太大味，而個牛非常非常嫩，配埋個綠色既特式醬就真係完美喇~三文魚沙律~三文魚份量ok，而菜都算新鮮~\…Read More

有時食物嘅味道係會令人憶起以前某段場景或者回憶，呢次都幾深嘅體會。與友人到附近逛完，搵個地方坐底食個晚餐，呢度通常我都係上樓上飲或者唱k，好少係度搵食店食飯，事旦搵間食啦。職員安排左卡位梳化位，景係望住零碳天地。正常晚餐食嘅嘢，要有嘅都有，素食都有幾款。餐湯有紅白湯揀，餐包係有啲特別，唔知咩。我揀左雜扒鐵板餐（$118），所謂非常熟悉嘅味道就係以前細個係花園或大家樂食飯嘅感覺，叫一個雜扒餐同家人兩份分。牛柳煎得不錯，其他就咸左啲，我叫左薯菜，佢係一舊薯加菜，口感都幾特別。。。餐飲都多選擇嘅，職員話有朱古力，我就揀左呢個，其實原來係阿華田。不知不覺我地坐左幾耐，附近已經走哂。職員嘅態度好似趕時間收工，而且落order個陣都麻麻，好似無乜耐性咁。。。…Read More

近日屋企浴室裝修， 星期六一家人去megabox宜家傢俬添置浴室用品，小朋友鍾意食西餐，一行四人揀咗去紅螞蟻，我哋七點前到達，客人唔算多， 點咗羊鞍扒、黑毛豬柳定食和芝士煙肉鮮白菌焗意大利粉，小朋友就點咗個兒童餐，另外點左一個甜品拼盤（ 有北海道牛乳布甸、花生榛子雪芭、香芒千層酥）， 整體食物不過不失，其中羊鞍扒較為出色，有肉汁質無羶味，芝士意粉醬汁濃郁滋味，意粉彈牙，但黑毛豬定食，肉質較乾硬， 飯唔夠熱，有待改善。…Read More

與幾位同事唔知食咩時，想起可以試一試就腳的紅螞蟻，咁就出事。雖然門面細但原來內面都幾大，可以好多位。同事們一致地叫了，亦一致地失望。本身見價錢ok,但黎到原來份量好細。叫左個牛根腩面，但d肉好細粒，本身冇預計全牛根，但估口到得一條手指尾長的牛根，其餘3粒係牛腩。 d餸放係咁大個碗上份外可憐。不過湯底有椰香都算ok…Read More

正到爆！抵到爛！！！！已經係第二次黎尼間吃下午茶餐 有埋杯野飲～凍檸茶 奶茶都試過～仲有西瓜汁～～都唔錯！！！！我兩次都係撿嘅南薑牛筋腩天使麵～老公第一次食嘅牛舌飯 第二次食牛舌絲炒意粉 兩次都勁正！！！價錢又唔貴！香港黎講～完全係又抵又好味！！！！兩次都係megabox食～離公司近～～環境都唔錯！！！服務都幾好！！！好有禮貌！！～希望可以keep住甘好！！！都想帶屋企人黎食！！！PS：天使麵係自己拉！所以有粗有細！～～但係口感好好！！牛筋腩麵入邊有好多塊大塊嘅牛筋同牛肉！！！怪我次次食的太快～～唔記得影相～～下次再補番喇！！～～…Read More

幫趁紅螞蟻好多年，一直不明白為何評分較為低。 無論如何，這食肆在個人心目中亦有一定地位。Megabox分店裝修後再次光顧，改動不多。今日試試海南雞飯 - 賣相一般，一睇就知連刀，有點不專業。雞肉較嚡，味道普通。油飯偏黃但沒有雞油香味。這個算不上合格😓幸好友人點了另一款西式套餐挽回不少分數。鐵板滋味雜扒黑椒汁 - 餐湯羅宋湯絕不馬夫，湯底濃而料多，附上小多士好有心。幾款扒嘅肉質嫩滑唔會柴，呢個價錢算好抵食。值得一讚是侍應先淋汁於鐵板上再等一會才上餐到客人面前，十分窩心👏🏼👏🏼👏🏼最喜歡這裡凍奶茶，茶味濃郁👍🏼晚餐選擇不少，下次再試其他🤗…Read More

MegaBox紅螞蟻曾經一度執咗笠，最近發現原址重開，以前食物都唔錯，所以今次再試一下，發覺保持水準，而且價錢唔貴，餐廳唔算多人，服務殷勤，我會再幫襯。鐵板滋味雜扒賣相唔錯，好夠熱，雜扒包括牛扒，雞扒，豬扒，腸，煙肉，每一樣份量唔多，但食完夠晒飽。牛扒生熟程度剛剛好, 肉質柔軟, 出奇地, 煙肉同埋肉腸味道相當唔錯，以$118個價錢來講係抵食。慢煮豬軟骨定食呢個餐屬於每晚定食推介，價錢$78，豬軟骨醃得好入味，軟骨的確軟，容易入口，以呢個價錢係超值。例湯以上兩個套餐都包括例湯，我哋選擇羅宋湯，個湯出奇地足料，而且好夠濃，份量唔算多但滋味，最特別係跟湯上嘅三小磚蒜蓉多士，味道跟一般蒜蓉焗田螺一樣，相信佢加入嘅香草牛油和蒜蓉跟焗田螺係一樣好味。熱奶茶有茶香，不過奶落得少咗。…Read More

仲記得以前一放學就最鍾意同同學去銅鑼灣嗰間紅螞蟻食個tea 紅螞蟻係我哋嘅指定飯堂 亦系一個令我愛上米線嘅地方但係好可惜銅鑼灣嗰間突然結業 令我哋都覺得非常可惜😭😭😭😭今日嚟到MegaBox竟然見到紅螞蟻😱我哋都非常興奮一定要入去再食一次我哋最最最最鍾意嘅 日式雞中翼 椰香海鮮辣湯米線下午茶餐$34連嘢飲真係好抵食😍米線幾大碗 以下午茶來講份量絕對足夠👍🏻湯係一碗米線嘅靈魂 而我非常鍾意呢個椰香海鮮辣湯🤤 完全系取向追擊😍我有好多朋友一開始都會覺得呢個湯嘅味道有d奇怪 但係佢哋對呢個湯都係越食越鍾意同上癮😏九龍灣呢間紅螞蟻 雞翼嘅皮比較淋同吾夠熱而我更加鍾意銅鑼灣舊舖佢雞翼皮系脆d同有即叫即炸嘅感覺🤤相比起譚仔同米線陣, 我更加鍾意紅螞蟻嘅米線同環境, 吾會咁迫咁多人仲記得以前銅鑼灣嗰間係播住the power of love嘅album, 氣氛最啱同朋友仔黎吹下水講下心事輕鬆下但系九龍灣呢間嘅選曲好似比較hea冇左嗰種氣氛😔依家紅螞蟻淨係得返九龍灣同屯門兩間鋪對於住喺港島區嘅我來講實在太遠😩希望第日港島區可以開多幾間分店 咁就可以成日有經濟實惠又好好味嘅Tea食啦💛…Read More

Mega Box有個溜冰場, 今日帶了姨甥女去玩, 玩左個幾鐘都已經好攰。原先想食壽司但太多人等位, 唯有搭電梯找找地方。最後見到紅螞蟻有位, 我地就馬上入坐。我地坐得最入而且又有卡位, 隔離有大玻璃可以看到街外,會多人心曠神怡。餐牌竟然有素食,除了素食也有其他晚餐, 種類亦多。照燒安格斯牛脷心定食 $79份量好細, 我一個人都可以食得晒之餘仲唔係唔夠的, 牛脷有3片, 爽口好味。還配有3件天婦羅 (2件茄子, 1件蕃薯)令到整個定食豐富大增。附送小小沙律, 可以中和牛脷的濃味。以價錢論, 定食$79包飲品及沙律會較抵, 但另一個意粉要加$33有沙律或湯配飲品, 我覺得貴。芝士汁煙肉鮮白菌焗意大利粉 $62意粉賣相不錯, 但意粉煮得過腍, 煙肉,白菌沒有預先炒過, 感覺只放係意粉一併去焗, 認真麻麻。由於我們坐到最入, 所以找職員比較難, 不只是我, 連隔離枱都有這個問題, 就連加水, 追凍檸茶都要自行行出去找職員。有點兒不方便, 餐廳細心一點, 可以請職員留意一下最後面的客人需要更好…Read More

今日下午，我同先生去Maga box行街，先醫肚，一定首選紅螞蟻，因我是一名素食者，Mega box内食店，選擇食素地方不多。感恩紅螞蟻一直有照顧素食者既需要🙏🙇🏻午餐、下午茶、晚餐餐牌必有一至兩款素食選擇，如果嫌唔夠選擇，可响餐牌内，其中一攔寫住「素樂樂」任素食者選擇👏🏼真的很細心。紅螞蟻除左有素食選擇外，其他食物質素亦好好（我先生係食肉）服務員招待亦很窩心、熱情。飲品方面，我一定推薦凍檸茶（少甜），茶底好正好好飲，每次幫襯我都必定叫凍檸檬茶😋😋再一次感恩紅螞蟻為素食者著想，設有素食選擇，令我地呢班素食者有多個選擇飯聚地方。🙇🏻🙇🏻😘…Read More