HungHom Cafe (Closed)

今日叫左個常餐B完全失水準 蒜蓉飽又水又唔脆 雞翼非常濃味 同第一次來食差距非常大 同原店簡直係無得揮 very disappointed 短期內都唔會再光顧 看是望佢可以有改善…Read More

媽媽話最近新開帶我同爸爸黎試，一入黎見環境偌大，座位間幾有空間感。而燈光、裝飾都不過不失，夠光又幾「企理」，第一印象都幾好我地3個人坐左張卡住就開始叫早餐食。要留意10點後假日開始有人龍排隊，唔想排就要趁早！首先，早餐黎得都快，幾有效率，見所用餐具都叫有誠意，特別欣賞保留傳統熱飲會用既「瓦杯」，沖出黎既熱飲真係特別好飲﹗早餐上得快之餘都好夠熱，份量都多，d通粉多到滿瀉，鐘意飲湯既人可能會覺得湯小，多士烘得唔錯唔會太燶。煎蛋都係岩岩好。通粉湯底都唔咸。整體唔錯…Read More

明明喺其他分店都唔錯，偏偏俾大埔分店搞差哂「紅堪冰室」嗰名；啲員工對客人Order進度敷衍回應，對自己是否漏單都不覆核一次，直接回答「喺要咁耐㗎，」(當時空台數張，而且非繁忙時間)最後漏單又好似Last day咁hea你，回應喺：一直有幫你跟緊！距離落單已經30分鐘了！35分鐘後，終於有得食，不過嘢食(魚香茄子炆米)味道一般，米粉份量太多，而且喺冇炒雲，無味嘅白米粉一舊一舊，求下你俾啲心機去整好啲食物，我俾咗咁多時間你，等咁耐仲要唔好食，唔會再幫襯！…Read More

一家四口出來食個quick lunch, 一入到去伙記哥哥似乎輸左好多股票咁既樣, 叫左兩個快餐一個常餐同一個炒河粉, 伙記哥哥似乎好趕, 不停咁講吖講吖咁, 好, 我又照講.今日E餐架喱牛腩飯, 架喱汁水到呢..又勁多毛, 係呀係毛, 我見d毛係直既, ok算, 邊執邊食.杯熱OT個杯爛到.....你地自己睇喇.食得7788, 仲未嚟既個河粉....原來落漏單...講吖講吖, 結果張單落成咁.頭頭開舖果陣都仲ok的, 而家真係冇眼睇.…Read More

今日一支公下晝入到大埔剪完頭髮，髮型師推介話喺大埔中心八號花園對面就有間最近新開嘅茶餐廳。開頭佢同我講話有間紅磡冰室好好食，我以為佢叫我出去紅磡啦，點知原來係大埔真係有間紅磡冰室😂👍🏽可能我去到已經過咗午市時段，因為我見佢鋪頭門口有一個欄杆，我估計應該係平日應該要排長龍。既然冇人排隊我就當然入去坐底睇吓有咩好食啦🤩由於呢間冰室都係比較新啦，所以裝修來講呢都係比較靚，冇乜嘢可以comment。而且環境方面暫時都坐得幾舒服，至少唔係好侷促先啦唔好講咁多而家立即睇吓餐牌有啲乜嘢食！不過揭來揭去，我都比佢既常餐沙嗲牛肉麵所吸引！🤓 （不過我揀常餐嘅另外原因之一係因為佢嘅餐牌其他嘅款式都比較貴大概都要50至$60🙈）我諗唔使10分鐘就經已上曬菜！有晒香港茶餐廳嘅應有速度！呢碗沙嗲牛麵一上過嚟已經聞到陣陣嘅沙嗲香氣，而且沙嗲亦都10分濃郁！牛肉咬落去唔會太林亦都唔會太韌！而且公仔麵亦都好彈牙！而且跟餐嘅蒜蓉包亦都令我眼前一亮！由於太好食啦所以我淨係影咗呢一邊，其實將塊蒜蓉包反轉去另外一邊亦都係充滿香香嘅蒜蓉味同埋烤過嘅痕跡🤪 不過我就覺得個滑蛋普通啊純粹炒賣一兜🙈雖然唔係喺繁忙時間但係我對面亦都坐咗另一台客，對面嗰位師兄都係叫咗常餐。佢呢個番茄湯亦都係分量十足，你見啲湯就來滿寫就知啦。不過相比之下我就覺得佢過多士比較失色，下次記得揀蒜蓉多士啦！Overall來說，以常餐質素嚟計，佢絕對係大埔係超班！不過價錢就唔係咁平民啦！但係我絕對推介大家去試一下😊——————————食物質素：7/10環境衛生：8/10舒適度：8/10服務：5/10 性價比：7/10總評分：7/10——————————#foodblogger #foodlover #foodie #hkfoodie #相機食先 #大埔…Read More

感覺不錯唔知幾時開始, 呢條街開咗好多間冰室, 今日就試吓呢間紅磡冰室啦!! 入到黎覺得好光猛, 周圍都好乾淨, 四四正正! 我哋四點幾嚟食下午茶餐, 叫咗XO醬乾炒豬頸肉公仔麵, 呢個炒得唔錯, 乾身, 又唔會太多油, 下午茶餐來講, 份量唔會太少, 非常惹味! 另外仲叫咗個柚子西多士, 柚子味嘅多士第一次食, 感覺新鮮, 而且配搭唔錯, 不過柚子醬略嫌多咗少少, 令到成個西多士酸左, 如果減返就啱啱好! 呢度嘅waiter 服務態度都唔錯, 不過我哋問佢拎糖漿嘅時候, 佢哋差唔多搵左超過5分鐘, 呢樣就爭小小啦, 西多士都凍埋🙈…Read More

早幾日同跑友跑完步想食下啲邪惡野，突然諗起呢度開左間紅磡冰室，就即刻衝去食下。好白痴咁誤以為夜晚都有茶餐，即係最like既瑞士雞翼撈公仔麵，好可惜就喺討論既過程中就已經被店員發現睇錯餐牌之後就被否決左。我地一行6個人就叫左4個宵夜餐再加豬排炒公仔麵，因為我地係岩岩好宵夜開始時間9:30到，所以叫完都等左陣。雞翼都係一如以往咁好食，好【佬】既支竹火腩飯反而好有驚喜，唔太漏又辣辣地幾好送飯。粟米斑塊就中規中矩，但最可惜係比較出名啲既豬排炒公仔麵，啲麵竟然係凍既，好彩至少豬排係熱既同香口。總括黎講都啲野食都係茶記水準既，無謂要求咁多，而且分量真係幾大份添，我地6個人宵夜都係岩岩好食得哂。但都係鍾意佢地個瑞士雞翼撈公仔麵餐多啲。…Read More

之前只係食過紅磡冰室嘅晚餐碟頭飯，未食過佢哋嘅特餐／常餐，今次就喺大埔分店試下先😋大埔分店新開無耐，店內環境既光猛又乾淨，不錯👌🔹特餐 Speical Set $42叉燒通粉比例恰當，叉燒約5-6件，每件都算厚身，不過湯底有少少鹹。（叉燒放在喺通粉底，你要慢慢發掘佢😂）炒蛋算香滑，保留到蛋汁唔會過份熟。蒜蓉包係特餐嘅亮點，因為佢件多士係兩邊都烤過同有蒜蓉，係幾特別嘅！不過如果可以乾身少少同香脆返啲會更好，依家包身有少少軟身，唔夠多士香脆感。希望下次再嚟食嘅時候會再好味啲😋！📍紅磡冰室大埔安慈路1號海寶花園地下．．環境分數：8/10食物分數：6/10Encore分數：7/10…Read More

We only ordered two items and they could only get half of it right. After ordering 宮保雞丁 (Kung pow chicken), the lady taking our order put down 腰果雞丁(celery and cashews with diced chicken)... so naturally when the wrong dish turned up, we told them what we ordered and they took it away and changed it on our bill.... after 15 mins, the correct dish still didn’t show up, so I politely asked them if they had started cooking the proper dish yet, if not then we would like to cancel the order. Two minutes later, 腰果雞丁 came back out but with a slightly different sauce and some chopped peppers. We made the same complaint but the waiter told us that it’s a different dish and that their 宮保雞丁 is like this... basically meaning, take it or lump it. Rubbish. This left a bitter after taste, unrelated to the food.…Read More

某侍應黑口黑面邊鬧人邊落單，等左好耐都無野黎，原來單都漏埋。 算，叫完啲野黎極都唔齊， 上左個餸又死都唔上碗飯，等得碗飯黎，餸都凍哂，講真“不”碗飯有幾難，只見廚房兩名員工係度un un 腳唔知做乜。樓面無乜邊個係真係做野既。野食還好，真心希望換左班人打理。…Read More

下午茶餐叫咗乾炒牛河跟熱奶茶少奶。奶茶啱飲，味濃有回香，淡奶量唔會太少太多，剛剛好，用經典厚身奶茶杯，感覺好過用黑白奶杯。河粉份量大過預期，當正餐食都夠飽。牛肉件數多，咁多件入面只食到一塊係橡筋咁韌，講唔上肉味濃香，正正常常咁啦；河粉上色唔均勻係事實，不過入口有鑊氣，夾起唔係一舊舊或者自動解體，調味適中，食到底冇剩返一氹油喺度。灑咗少少芝麻喺面頭，賣相靚啲，可以多啲芝麻就好喇，因為喜歡食。要求店員提供的辣醬，夠辣但偏鹹，倒少少好喇。舖頭大，坐得舒服，部份位置冷氣大咗啲。留意返，店方冇提供清水一杯，茶餐不設加一。…Read More

19:38入座並下單，10分鐘後上餐飲，半小時後上第一碟，45分鐘後上第二碟，55分鐘上第三碟。睇到呢道，你地可能以為我叫特別菜色，其實只是晚歺。 上菜時序1. 檸檬茶2. 熱可力3. 白灼菜心4. 咕嚕蝦球兩面黃5. 菠蘿雞炒飯6. 晚餐B茄子炒豬頸肉呢D野差不多1個鐘才上完，其實引發我寫食評並不是上菜時間，而是同一菜色，附近後期入坐下單的枱都是下單十分鐘內上菜，佢漏單亦都唔係理。最離譜嘅晚餐B, 足足一個鐘頭先上菜.…Read More

开在家对面的一条街上，非常方便。不管是早中晚都有顾客排队，很火的一家店。一般排五分钟不到就可以进去，翻桌率比较高。「干炒海鲜乌冬」HKD60 量很多，一个人吃要剩下的。里面有鱼块和鱿鱼块，海鲜量很大，刚开始前几口的时候觉得超好吃，吃到后面略略腻常餐Set 里有番茄牛肉通粉和牛油厚多士加煎炒蛋搭配，还有沙嗲牛肉面可以选择，牛肉量给的不少，常餐也比较便宜只要46和42HKD这家店本地人去的比较多，在我们那个街区算满火的，总体还是很可以。…Read More

由第一日開張光顧至今，足足十幾次，食物份量夠，環境可以的，但待應非常非常之差，落個早餐錯幾次，大部分新人，冇經驗，不懂處理，枱號唔清楚（枱號在背後，如果枱移位，就好難跟，所以成日送錯單，D食物送來送去，幾好心情都畀佢地激到死，要自己小心D，打錯單，人手唔夠，叫左冇人理，請完又唔記得，又冇帶位，2人坐卡位（4人座），又冇人安排坐埋一邊，建議大家繁忙時間唔好食，排好耐，在選擇少情況下，都會再光顧的，，，…Read More

今日中午去咗近期新開張的紅磡冰室吃午餐，內裏裝修不錯，掛了多個電子板顯示各款食品，令客人一目了然，餐牌圖片亦製作得頗為精美。食物款式多，樣樣都很吸引，最終選了常餐B，香煎豬扒撈公仔麵配西煎雙蛋及牛油多士。多士頗厚身，有兩大片，好抵食，加埋雙蛋，吃完已經半飽。而最驚喜的是那一碟「香煎豬扒撈公仔麵」，豬扒大大塊，比手掌還大，差不多蓋過整碟麵，而且煎得外脆內軟，帶少許肥，肉質唔嚡口，公仔麵麵質爽口，軟硬適中，用瑞士汁撈過，味道帶點甜，易入口，不知不覺就KO了整碟麵，感覺非常滿足，有機會一定要試埋其他款式。…Read More