第三代肥仔小食店

Open Now

Now Closed

肥仔滷味串厚福街呢間肥仔滷味，冇旺角果間肥姐排隊店咁多人，我差唔多次次經過都會買幾串黎食，貪佢唔洗排隊，味道又同肥姐差唔多。$26買左三串滷味串，分別係大墨魚、紅腸同埋雞腎。論味道今次就唔係好入味，不過一定要叫老闆加甜醬同芥辣，再加埋鹵水汁，好味到不得了。三串入面我最鍾意大墨魚，因為夠彈牙，其次就係雞腎，都係有口感得黎又唔靭。呢間舖都幾企理衛生，一串串滷味整齊排列好，你睇啱邊樣揀果樣，如果心大心細就可以揀套餐啦。

地圖是但搜，見到咩第三代，覺得很有趣，來試下。要了細生腸，大生腸，豬心，無落甜醬，要豉油加芥辣。豉油無咩鹹味嘅？芥辣落得有點多😂被辣得吸氣，味道ok算係不過不失。。。食完走咗之後，發現嘴裡好清香嘅感覺😍才意識到，原來佢嘅生腸真係洗得好乾淨！一d唔好嘅味道都沒有😜相信老字號還是有好處嘅！比個like你😘😘係街度唔方便影相，不過老公話我食到滿臉都係黃色芥末😂😂😂

到過旺角、油麻地的人都知道， 「肥姐小食店」是街頭霸王， 排隊的人龍總是終年不散。 為了一串串滷味，小編都不知排過幾多次呢！🙈😂 而「第三代肥仔小食店」正是人氣「肥姐小食店」的親戚店呢！ 更連續兩年2016，2017榮獲米芝蓮街頭小食推介 ～ 同樣是港式滷味， 生腸、墨魚、雞腎等一應俱全， 不同的是， 「第三代肥仔小食店」感覺比「肥姐小食店」衛生， 所有滷味都存放在凍櫃之中， 待客人點食時才拿出來。 平時最愛吃大皇牌（大墨魚、大生腸和火雞腎）， 可惜當日8點已經無晒大生腸了， 所以就點了兩串大墨魚（$12）和一串火雞腎（$7）， 招牌大墨魚肥大肉厚，口感彈牙好吃， 惟覺得大細比「肥姐小食店」小。 火雞腎口感帶脆，調味鹹淡適中，鮮味十足。 加上店家特調的滷水汁、甜醬和黃芥末， 微辣惹味，令人上癮！😋

#snacking #hklocalfood #tsimshatsui #musthave 😜 food with good texture 👉🏻 #chill #soy #marinated #skewers with #chickenkidney #pigintestine #squid goes with #sweet #seafoodsauce 😋 simply #delicious.😋9/10💰$26.#vanrivlaonue#vaneatery#vaneathongkong#vaneattsimshatsui#hkfoodsnap#hkfood#尖沙咀美食#香港掃街

數日前到尖沙咀逛街順道到厚福街搵食，發現了這間小食店有人在排隊購買，羊群心理的影響之下我也上前一探究竟。這家小食店以售賣各種滷味小串為主，有雞腎、生腸和大墨魚等。我最後選擇了大墨魚，貪其份量多而且賣相不俗。果然大墨魚夠爽口，沒有霉肉的出現，每粒都清涼無比，配上甜醬為最佳拍檔。以12元一串的價錢來說，性價比為高。可惜是店內服務不佳，我一共買了兩串大墨魚，因為我不愛芥末所以請店員為我提供一串走芥末而另一串則需要芥末。但是店員把兩串墨魚放在同一袋…令到2串墨魚都沾上芥末，而且芥末份量極少，只有尾巴有丁點的芥辣，十分奇怪…而且一名看似店主的男士語氣也不太友善，感覺不太耐煩。希望店家有所改善吧！不然會減低再次光顧的意慾。

以前經常光顧旺角分店，食品新鮮，經常點的有墨魚、大生腸、非常爽口、吃的時候不會覺利。雖然排隊人多，但服務態度良好！但今天光顧尖沙咀店時被女店員喝罵，原因是只吃一串不可以用碟，但店外只列明一串不會有袋或紙，並沒有列明不能用碟，所以當我嘗試拿起碟時，她明上按著碟加上命令的態度把我的碟搶回😓其實不能用也告訴我也可，不用喝罵！而且女店員全程黑口黑面，態度非常惡劣！明明沒有人排隊但卻趕頭趕命似的！雖然食品可以但不會再光顧尖沙咀分店😓

今次由男朋友帶我搵食，呢間第3代肥仔聽講係肥姐既仔開的，肥姐我就未試過，因為好多人排隊，雖然呢間都要排隊，不過沒有肥姐個邊咁長，排隊等候時間都只是數分鐘，裝潢都是十分簡單。不過都算衛生。我見大部份客人都係叫皇牌套餐 ，男朋友跟他們一樣都是叫左一份皇牌套餐 $26大墨魚、細生腸、火雞腎店員會問要唔要辣，之後醬汁是店員落埋，３款我都覺得好爽口惹味，係打呢篇文之前我都已經去再光顧了２次了！！真係好正，真係會令我每次去ＴＳＴ都心思思想去食！！

旺角嗰間食得多，唔知佢同嗰間有咩淵源啦，不過經過想食滷味就試試佢要左大皇牌有大墨魚大生腸同火雞腎，佢啲醬落得有啲唔夠，芥辣非常嗆鼻，搶曬甜醬隻味。雞腎略嫌鹹左啲，不過係夠味既。大生腸最好，處理得乾淨夠脆口，不會有異味。大墨魚最失望，墨魚最緊要爽口，佢完全做唔到，又啲太淋有啲太韌。講起滷味佢係唔差，只係水準不及旺角嗰間。

下午茶時間，唔想食甘飽但有有d肚餓，最適合食番兩串小食呢間位於尖沙咀厚福街的小食店，選擇唔算多，但基本的都有點了細生腸同火雞腎食落口係涼涼的唔會有內臓味！反而有淡淡的鹵水味火雞腎食落去好爽口

皇牌套餐 $26😮上次去厚福街經過先知肥仔既準確位置😂 甘伏左一間餐廳落到泥就梗係想督番串 啲芥末上上腦醒神下先啦🙈 #細生腸#墨魚 同埋火雞腎啦😻 不過一埋去買就甘望落覺得肥姐既火雞腎大串啲😞 不過都係志在係尖沙咀食番串止下癮姐😼 ok既 先食左火雞腎先已覺不妙🙊 真係同肥姐有別 個腎係無甘有嚼口 淋啲既😵 但如果平時怕痴牙既依個都係岩你既😅 墨魚同生腸就差吾多😉 但同朋友一樣覺得個芥末好似有啲吾同 下次同係食番肥姐😅

看到新聞講有關這間小食店時，口水已垂涎三尺，有一日終於在這間店買了一大盒小食，本人覺得最特別就是大墨魚和大生腸，很爽口，非常有口感，這2樣一定要試！千萬不要錯過！

鹵味平時食得都算大，因為貪佢一串唔係好多，而且款式又多，所以真係掃街唔錯嘅選擇。而今次就去咗肥姐個仔嗰間鋪，原來味道更加好。皇牌套餐(大生腸 + 墨魚 + 豬頭肉)整體食材都好新鮮，而且唔會過咸，同埋加埋甜醬同芥末醬非常惹味。而大生腸非常之爽口，墨魚就淋淋滑滑好有墨魚味。整體覺得非常抵食，同埋就係真係好味。

聽聞呢間係旺角肥姐屋企人開，經過咪試下囉，叫左大腸同尤魚，但無旺角咁新鮮，SIZE亦無咁大。其實小食唔會要求太高，態度先係最重要。其中一個女員工將大腸整好後就放到佢自己前面，問題係櫃面咁高，攞嘢比錢已經要伸高腳，佢仲要放到咁近自己，跟本就唔理客人情況，只顧就自己。食完仲要自己將底紙掉落垃圾筒再比返隻碟佢！我地係客人無責任要幫佢清理碟囉，幫佢洗埋碟好無 !!食物重要但服務態亦好重要，唔會再幫襯......!!!!

旺角肥姐長期都喺有十幾廿人喺到排隊 雖然成日都想食 但大熱天時見到條隊真喺令人卻步🤔但有日喺尖沙咀行街時見到肥仔小食又搬咗鋪 而且仲喺係厚福街 方便之餘 仲唔洗排隊 雖然一陣約咗人食飯 但都照叫兩串頂下癮先😂-我呢今次就無叫皇牌套餐 因為怕太飽 所以只喺叫咗細生腸同豬脷-細生腸 ($7)食落爽脆 配埋芥辣甜醬絕對喺皇牌組合 而且生腸處理得好好 唔會有異味 味道好 份量又多 真心推介👍🏼-豬脷 ($7)唔會食到有根 而且煮得好軟身 但又不失應有咬口 鍾意食豬脷嘅朋友就會明白❤️而且醬汁又煮得入味 真喺食完又想再食👅-整體嚟講 第三代肥仔嘅水準喺同肥姐有得揮 芥辣 豉油 甜醬都好有肥姐嘅影子 而且又唔洗排隊 位置又方便👍🏼

叫左個皇牌套餐加多一串大生腸令人食過返尋味既大生腸大生腸個size真係好有口感 一試愛上好爽口既墨魚同火雞腎旺角間肥媽次次經過都係排長龍呢間就唔駛點排隊,位置又方便!每一次經過都想食！