Pier 88 (Closed)

落單仲要等30分鐘都未有食物又未有湯底，伙記會避，行出去問櫃台希望可以轉達，佢望都唔望一下，勁無禮貌。當晚其實唔係好多人，都坐唔滿，好明顯係唔夠人開工，唔怕受氣等餐死可以一試。…Read More

2017年11月10日香港皇室堡的稻香晚飯，遭遇史上最差服務！入座無人理；噯茶冇人送；食蟹無卑醋；渣滿無碟換；嗌人冇人理。一聲歎息！！香港稻香發生咩事？！無眼睼…Read More

晚上10:30去食打邊爐，當然唔吃任食放題啦：點咗一碟唐生菜（唔滿）一碟脆骨腩（仲離譜⋯⋯得小半碟）！通知樓面去換，原先都ok,因為真係小咗，而且我哋係食正價，唔係放題（唔係可以叫完再叫）連樓面都明白。豈料當時店長截住，話有斤兩，唔可以話換就換，仲話該員工錯。真的豈有此理⋯⋯我又唔係第一次吃這些東西，當然知道份量，冇可能少成咁囉。這位店長真的太持勢了。…Read More

星期六晚同親戚食飯,穩穩陣陣食稻香超級一定冇錯。六點左右人流還算ok，大多數客都係揀火鍋，不過我地就炒小菜為主。蜜汁叉燒。色水熱度都唔錯，但肉質就感覺唔多新鮮。燒腩仔。呢個就very good啦。皮燒得好脆好香囗，肉入味又唔會咸過頭，半肥瘦食出口感。沙嗲肥牛粉𢇁煲。香口夠鑊氣，肥牛份量超出想像，所以略嫌粉絲唔夠多。肥牛就有少少過熟，鞋鞋地，但可以接受。金沙什菌脆瓜，正呀！咸蛋王蓉作為醬料，送飯一流，而翠玉瓜炒得啱啱好，爽口。柚子蜜焗肉排，掂！肉排嫩口夠入味，柚子汁甜甜地好夾，個汁完全唔油膩，又係一個令人不斷爬飯嘅理由。翡翠鴛鴦蚌。雙蚌好爽，配豆丶木耳同紅黃椒都好味。粉葛赤小豆排骨湯，好飲！材料好足好香冇味精，份量足，六個人每人可以飲兩碗。老實講，呢餐飯嘅質素本來唔錯，但因為人手短缺令到形象減半。落左枝啤酒要催。叫左三碗白飯又係要催，唔明點解最後白飯送上泥時已經凍左。叫左碟蒜蓉炒芥蘭又係要催，催到變左臘味炒芥蘭原來係人地果枱。再催結果話芥蘭賣哂😰眼見人流愈來愈多但員工都係十隻手指數得哂，最後都費事煩埋單自己走去cashier找數…Read More

昨晚同一班朋友於上址火鍋放題，九點後價錢十分平宜，但越食越怒氣。話說我地九點半終於有位坐，之後第一時間點食物，仲要每人加$38蚊食靚啲嘅牛肉。等等等....十點先黎一碟「豆腐」！之後叫侍應追單，佢話全埸冧檔要等下。再等多十五分鐘，終於有嘢食黎......牛肉點五碟黎二碟，新鮮肉丸一碟都無，仲話要自己出去夾急凍魚蛋。生蝦變急凍熟蝦.....根本無法接受!十點半前黎左一轉食物，但已經話要埋數收錢，仲話十一點最後點餐!但仍有十分九食物未出過。最過份不止如此。付款後繼續食，但我們食了頭十碟牛肉之後睇侍應推出一碟較大較靚的牛肉，查問後先發現佢地一路都俾錯牛肉我地，但錢照加!!真心奉勸一句，如果個埸唔夠人手或經驗切勿做火鍋放題+小菜!眼見小菜顧客催三碟餸，45分鐘後都未上，最後嬲爆走人!怒氣的一餐。…Read More

星期五的晚上，每個地方都很多人，如非必要都不會在外晚餐，尤其是銅鑼灣等旺區，因必定要等很久。但這天有事要到銅鑼灣辦，辦完已經差不多七點，我和媽媽都很餓了，只好在附近覓食，最後到了皇室堡的稻香。我們叫了今期優惠的琵琶鴨半隻配的醬汁並不是平時燒鴨的酸梅醬，好像是加入了一些桂花，甜甜的，不錯，但我不太喜歡甜的，所以我試了幾件沾醬後，之後都是直接吃。另外，我們還叫了翡翠炒雙蚌，本來以為會是珊瑚蚌和翡翠蚌，但來了原來是花姿和象拔蚌，配以甜豆、紅黃椒、雲耳，很夠味，炒得很香，份量也很足，值得推介。這分店有不少遊客光顧，客人很多，雖然入座不用等位，但等上菜，叫白飯，等埋單，這些都要等一段時間，人手略不足。…Read More

好很多人嘅下午茶時段， 未夠鐘酒樓門口已經迫滿了人。 鬼叫下午茶時段平啲咩。酸辣醃鳳爪大大碟爽口清脆， 下面仲有粉絲有得食。香芋酥盒，酥炸鯪魚球都可以， 腐乳通菜爽口。酥炸魷魚鬚就差少少， 唔夠脆。魚皮餃西生菜， 魚皮餃"林"到好像過了期。賽螃蟹炆伊麵好大碟， 夾了幾碗都仲未夾完。蘿蔔千絲酥就整得幾好。香煎野菌包幾好， 腐皮卷油咗少少。八個人埋單每人$73.5。 如果唔係只在搵個位坐低， 都唔會來這間。 某些食物好食， 某些食物就水平以下。 碗與碟已用膠， 少了點飲茶風味。…Read More

稻香無論食小菜、點心同打邊爐都唔錯，今日黎食晚餐，佢既小菜不錯。稻香每次去唔同嘅分店，都幾多客，好熱鬧。今次食咗幾道菜，隨便揀幾款黎分享一下。燒味拼盤一次過可以嘗試各種不同的燒味，可惜味道一般。有點偏鹹，都係海鮮正啲。龍蝦烏冬。烏冬煮得過熟，太諗，用煲煮，無辦法，好容易煮過龍，所以烏冬嘅選擇好重要，如果選擇彈性的強嘅烏冬，例如 frozen 款的，就可以好啲。龍蝦唔錯，令湯底都鮮甜左。蒸魚幾好味，夠大條，多肉。阿拉斯加蟹就好一般。除咗蟹腳部份，有啲蟹味外，蟹身就無咩味。蟹蓋有些蟹膏，整個蟹肉一般，試過就算，七百幾蚊隻，唔多值得。其他小菜，例如四季豆炒象拔蚌，味道還是可以的。…Read More

稻香以26年時間，便取代英國怡和集團的美心酒樓，成為香港有史以來最大的酒樓集團。我光顧稻香，是家人火鍋聚餐，看中它易搵位，不限時，可放言無忌。它定位是街坊， 平民化。如今晚不少檯是新春親友聚會。稻香懂迎合潮流，我們點選的椰子芝麻雞火鍋，便是引入海南菜店的火鍋風格。稻香防止了樓上的海南菜店搶客。湯鮮甜。食物不過不失，比富臨略貴而較衛生。火鍋每人平均消費約200元，合理啦:)。自助吧設立，對其他食店有良性影響，很多店舖仿效。缺點是伙計少。提供食品種類比富臨多元化。另用細紙推銷厨師介紹，比富臨的餐牌靈活。我們是火鍋常客。契仔自備強力芭蕉風扇，把蒸氣吹至無人方向，並減少焗熱感覺。…Read More

摸黑出门，一番折腾后终于在中午到达香港，酒店check in未获房间。即可寻食周边，一头扎进稻香，一家传统的茶餐厅。进入餐厅，人声鼎沸，打开餐牌，叉烧、虾饺、烧卖皇、肠粉、各类粥品，样样垂涎欲滴。…Read More

今日去完 銅鑼灣 Sogo 買禮物, 隨着去附近的 稻香超級漁港 晚飯,  交通極方便, 酒樓環境光猛, 地方寬敞闊落, 明亮舒適. 酒樓內座位很多, 人流旺, 幸好有位.侍應招呼好,   有效率地開茶及 送來餐牌.    我們很容易的選了三款本週優惠菜:鐵鍋瑞士醬油雞, 假日優惠 $40  ~~可能是假日優惠, 沒有用鐵鍋上枱, 雞半隻, 瑞士醬油調味佳, 雞肉很嫩, 且肥美.上湯波士頓龍蝦, 假日優惠 $78  ~~龍蝦紅卜卜, 肉厚,   顏色鮮明,  size 中等, 食落有龍蝦鮮味, 烏冬滑而不太油膩.  調味不錯.   老酒佛跳牆  假日優惠 $48~~足料靚湯,  份量好, 料有花膠, 鮑魚仔, 瘦肉. 湯底很甜.柚子蜜焗肉排  $78 ~~ 賣相不錯, 伴碟用燒香柚子 , 醬汁酸酸甜甜, 夠惹味. 肉排肉質 OK.海味什菜煲 $78 ~~有很多蔬菜,  鮮魷, 蝦米, 花膠絲,  粉絲, 金菇, 好健康及好美味的一度菜.酒樓環境不錯, 侍應招呼好, 此晚飯非常豐富, 整體味道ok, 最重要價錢实際.…Read More

ordered about 12 dishes, they only enter 1 and we ended up waiting 20 minutes before they entered the rest of the order. they denied this but it was time stamped on the receipt. The server staff and managers are useless when it comes to providing good service... …Read More

 其實我地一路都知道去稻香飲早茶都系好多人嘎，不過無辦法喇，成班人都系懶鬼，實在係無曬符，唯有盡力早起喇，不過去到嘅時候都已經人聲鼎沸喇，差點就搵無到位，好在等咗一陣都系有位食嘅。想去嘅朋友無好學我喇，真系要早啲吖！飲早茶都系免不了要點蝦餃，稻香嘅蝦餃一如既往嘅皮薄餡香，蝦仁都系晶瑩剔透咁，肉眼可見到好新鮮，食得放心咯。港式腸粉都好正啫，裡面嘅餡料依舊系好多喇，加上甜甜香香嘅醬料，真系超級夾，點咗兩份腸粉都俾消滅咗。金錢肚個人覺得無系好鐘意食，口感方面稍顯生硬，味道都無算話處理得好好，相俾之下鳳爪就顯得好滑軟喇，味道都已經入曬骨肉度，真又無會話好鹹，岩岩好喇。…Read More

同事們番工壓力大，放工想圍埋吹下水，見到呢度有個抵食晚餐，即刻早日落訂，本身已經唔貴竟然仲可以減多100！！爽！因為我地得十人所以夠食有餘。晚上人很多但侍應都不會無視你，仲有野食都黎得幾快，唔會有食晒吹到口乾都未到下碟既情況。。。一個字，ok囉，呢個價錢你想食到識飛咩~…Read More

打邊爐食雞煲其實都食得多啦，估唔到稻香搞左D新野出黎，椰子雞煲wor!果日見到即刻叫fd同我食，覺得幾特別咁呢度就唔係任食ge，不過都多野選擇呢個叫椰椰芝麻雞鍋，係用鮮椰子水同椰肉煮架!個鍋就先食左D雞先，個湯好清甜，好香椰子味，有D似呀媽煲果D椰子雞湯味。仲有個特製青桔仔新鮮沙薑醬，酸酸地幾開胃打邊爐點可以唔食牛!個牛都唔錯，肥瘦岩岩好!個價又幾抵食!呢個一般，我覺得唔夠脆咁D蝦勁大隻呀!!好食呀，仲好多膏tim!啖啖肉豬頸肉都還好，食到一陣豬味，要點多D醬食先OK...3個女仔食，都唔係叫左好多，仲食左D菜同烏冬出面仲有個水吧同甜品任食，叫左唔多，但都食到好飽啦!個椰子雞煲唔會好膩，打邊爐都唔錯!…Read More