Tao Square (Tsuen Wan Plaza) (Closed)

今晚同阿媽食生日晚飯，叫咗個‘’阿拉斯加長腳蟹富貴宴‘’ ，兩隻蟹到的時候非常之高興，但食後感是非常之咸，之後每一碟餸都是非常之咸， 只有甜品不是鹹的，下次不會再去了。…查看更多

🫕 鮑魚雞煲🫕 $1 真係超抵🤑🤑 ，味道也不太差😌，啲雞砍得比較差，好多尖骨及超大件，將貨就價吧😌， 再叫了碟韮菜餃，居然有半價😱，茶介🫖☕️每位$15，原來已轉了全自助的沖茶模式，非常方便👏🏻 起碼唔使舉到手攰都無人理😂😂N 年無幫襯過🤪，因為$1的緣故，比多次機會睇下佢哋有冇改善。 啲茶杯碗碟好污糟，有食物殘骸，又有漬😡😡。 服務依舊係「無」既，唯獨男經理🤵🏻‍♂️既態度係最好既😆。 門口的中年「姿客」，服務態度好差👎🏻👎🏻，愛理不理，叫到唔想應人😡，服務態度差應該係這集團的特色吧😂…查看更多

这家是家附近的餐厅，已经去帮衬多次，每次服务态度都很恶劣，这次更是一肚子火，以后不会再去了。晚市有一位年轻女服务员常年冷冰冰一张脸，跟她说话也不理睬人，真的好气愤…查看更多

劣到無可再劣，完全0服務，d亞姐企哂係到唔識收籠，全場最忙應該係送點心果位。鮮蝦腸粉：皮勁厚，厚到唔想吞落肚。鮑魚燒賣 : 最正常蝦餃：皮都係勁厚小籠包：皮硬肉少，其中一件有怪味。胡椒豬肚湯：酸菜好淋，無味，湯只有少許胡椒味。梅子蒸排骨：排骨又乾又硬，3舊梅子pat係到蒸就算，難食到一個點，還要88蚊，18 蚊都唔值。蒸牛肚 : 勁多豆腐卜墊底，牛肚切到勁幼，硬，有怪味。雞扎： 未食過有豬片既雞扎，勁硬，唔知點解有豬肚，最正常係舊雞山竹牛肉 : 正常潮州粉果 : 皮好厚仿茹包 : 正常乳鴿 : 還可鳳爪 : 皮厚芝麻糊 : 勁甜，唔夠芝麻味芒果布甸 : 應該係最最最好吃既食物總括黎講，有皮既點心，都好厚。今日好似係試食日咁，基本上咬左一啖，已經係唔想再食落去。絕對肯定唔會再有下一次。…查看更多

鮮奶卷食過一次之後無食到過！椒鹽雞軟骨無一次食到！鮑汁雞腳而家想食都食唔到！椒鹽魷魚鬚嚴重縮水連之前一半都無！但係價錢唔見佢縮！而家成日都食唔到想食嘅嘢！唔去好過！…查看更多

以前中學嘅時候系唔會同朋友一齊去飲茶🤫，因為真係好貴😩但出到黎做野之後，依然覺得飲茶都係好貴，仲要比以前更加貴🫥🫥不過依家已經出黎打工都一段日子💼一個月一、兩餐都唔會係大問題嘅🫢仲負擔得起，不過今次買單都要過200一位🫠依家飲茶真唔平，不過可選擇嘅款式比以前多好多，正係燒賣都有幾款😬而今次飲茶我哋叫咗個金沙XO醬燒賣😬我地咁多人都食左唔少點心架😁第一次食錦鹵鮮蝦脆雲吞😋叫一籠有兩個享受的馬拉卷拼糯米卷🤤⭐️金沙XO醬燒賣⭐️錦鹵鮮蝦脆雲吞⭐️家鄉煎薄撐⭐️功夫小籠包⭐️馬拉卷拼糯米卷⭐️陳皮牛肉球⭐️一口潮州果⭐️自家醬金錢肚⭐️蜜汁叉燒⭐️雞扎⭐️叉燒腸⭐️櫻花蝦脆脆腸⭐️炸饅頭配煉奶⭐️穌炸魷魚鬚…查看更多

平日星期一的晚上，與同事們六點成功取位，或者是平日，不需排隊等位，也不需齊人才入座。我哋五位女士叫了三隻乳鴿、各人一燉湯、蒸魚、龍蝦伊面、咕嚕肉、紅燒豆腐、蒜蓉生菜、花膠炒菇。乳鴿一蚊一隻，熱辣辣，皮都有點脆，真係非常抵。燉湯有鮑魚同雞，清清地。蒸魚也不錯，不算細，蒸得也不老。龍蝦伊面有一全隻龍蝦，切件有多件，啖啖肉，伊面質地正常，不會太過淋，但味道有點淡，整體滿意和值得叫。咕嚕肉，酸甜適中，令人開胃，感覺即叫即整，不錯。另外的紅燒豆腐，香而滑。這一餐除了侍應服務態度一般及冷淡外，食物、環境和價錢也會令我再次光顧和推介。食得飽飽，安坐成晚，每人都是$180。實在太抵食了。…查看更多

今日黎左荃灣廣場6樓既《稻坊》食飯，唔洗等位都幾好；我地叫左6碟，分別係◦ 鬼馬千島脆蝦球千島醬配蝦球幾好食，蝦食落都彈牙既唔錯，我會話呢碟係咁多碟入面最好食既◦ 椒鹽墨魚花椒鹽味適中唔會太鹹幾香，炸粉略為多左少少，墨魚幾滑同煙韌，份量合理◦ 花膠紅燒豆腐豆腐份量幾多而且煮得幾入味；可能因為豆腐大份而顯得花膠略少，唔夠食◦ 乳鴿*2乳鴿幾好食，佢個外皮好脆香口，肉質就正常唔係好滑但唔係柴口既，熱辣辣咁食都幾唔錯◦ 乾逼蟹肉粉絲煲蟹肉太少而且冇味道，基本上就係粉絲煲，唔抵食◦ 瑤柱蛋白炒飯瑤柱份量略少，同埋太鹹，飯粒都係粒粒分明但偏乾，整體感覺一般總括而言$672可以夠6個人食真係幾抵，所以性價比我覺得合理。…查看更多

說時遲那時快，已經達到了。大家是否很想你暖暖身？我就帶大家進補一下，一蚊羊腩煲要不要？今次我介紹一間連鎖店，到大家耳孰能詳的——稻香。可能大家會覺得這樣也介紹，小編都是趁著入冬前補身古人教授入冬前應補否則不遲了。話需如此，但一蚊真的擋不住等20:30宵夜時段才有，連鎖店不要求太高，份量不多勉強夠二人所吃，同時我認為枝竹份量較少不夠盡興，反而筍及馬蹄還有吃淨，因為真的太多了，相信大家都會再加飯或小菜蒜蓉炒菠菜炒得還好份量算多，不過略較油。另外，燉湯清清甜甜$28 ，可以一解油膩感覺。最後然很想吃口水雞，麻味十足，份量都頗多，還要給了雞脾，不會像有些店舖只吃到辣味。整體而言只是為了一蚊羊腩煲而吃，但要加茶芥，不過不失。…查看更多

呢度係食點心既專門店 比起傳統酒樓新派少少, 點心同麵包都比較精緻自助加水,半自助式,點心幾出色既豬仔叉燒包 豬仔造型好可愛 仲有做埋粉紅色耳仔 咬開係蠔汁叉燒餡幾香甜 個麵包好睇又好食墨汁脆腸,和風脆腸粉 夠曬特別,黑色既墨汁腸粉包住餡料,幾特別和風即係燒汁木魚絲花 食個陣改點燒汁唔係用豉油 係日式風味 個炸兩好夠脆即拉鮮蝦腸粉 一份六件 個外皮夠薄包住滿滿蝦肉,每件都食到蝦肉 夠大隻又爽甜鮮牛肉腸粉 個皮超薄,放滿牛肉蔥花本身味道已經夠濃香 唔加豉油食已經好好食平均消費$200評分8/10Tao Square Shop 609-613, 6/F, Tsuen Wan Plaza, 4-30 Tai Pa Street, Tsuen Wan…查看更多

酒樓晚餐 今晚落酒樓食飯28蚊隻乳鴿做緊優惠 一人一隻 即點即炸 唔會好大隻,但個皮超脆超好食咬開好有肉汁 真正皮脆肉嫩 手撕食得爽又豪邁 叫多條蒸魚同炒菜就搞掂一餐飯原條蒸魚用薑蔥加豉油就搞掂,味鮮肉嫩重魚油 骨少肉多味香濃清炒通菜 落了少許椒絲加蒜蓉炒香 仍脆綠可口最抵就係隻乳鴿了 幾抵食又好食平均消費$150評分8/10稻坊 荃灣大壩街4-30號荃灣廣場6樓609-613號舖…查看更多

設計與理想當然有分歧，一餐下午茶終於令我明白了。是源平日半天假期，去了上次（2021年4月份）印象不錯的荃灣廣場稻坊，諗住食下點心，去到原來下午茶碟碟$18，似乎都幾吸引，所以就攞位入座。是日嗌左6樣點心如下：蝦餃皇南乳炆豬手美極日本紅鮮魷人氣鮮蝦腸烤焗叉燒酥香煎甜薄撐蝦餃不過不失，除咗個皮厚啲之外個蝦餡都算唔錯, pass。南乳炆豬手，未到OK，pass。美極日本紅鮮魷，見圖，只有2隻半，一隻斷腳咗唔知去咗邊，粉絲飛晒出嚟，味道偏鹹，買相嚟到我以為係廚餘，fail。烤焗叉燒酥，我以為係咬落去脆脆地嗰啲，點知一咬落去食成口油淋淋，我估佢應該係炸叉燒酥，佢仲要話自己係烤焗美點，搵笨！如果唔係冇叉燒包叫，都唔會揀佢，fail。蝦腸，除咗啲皮厚啲，飽肚啲，味道都幾好，$18算係抵食，pass。香煎甜薄撐，呢個真係火滾，個皮厚都算數，個皮有筷子咁厚（雖然佢叫做薄撐，我以為係薄皮嗰啲），諗住個味好都唔緊要，點知一咬落去，冇甜味，只有椰絲同芝麻味，我以為可能我食薄撐尾個舊D糖撈唔混，咁咪食中間嗰舊睇吓會唔會唔同味，點知係一樣味。千呼萬喚搵咗位待應黎問吓，佢個對答簡直係冇得頂！「唔好意思，呢個甜薄撐冇甜味，唔知係咪啲師傅冇落糖呢？」「係咁㗎喇，太甜唔好啊，依家啲人唔鍾意食咁甜。」我心諗，你個名叫甜薄撐喎⋯⋯「如果係咁，麻煩你幫我取消佢啦。」「你都食咗兩舊啦！」其實我只係食咗三啖，只不過分開咗2舊咬。「我以為尾個舊啲糖未撈混，咪試中間嗰舊睇吓啲味係咪唔一樣囉。」該侍應二話不說晦晦氣氣收咗我碟甜薄撐掉咗落去碗碟收集車到，之後行咗去⋯⋯冇任何回應⋯⋯O咀了如無意外，應該唔會再幫襯。…查看更多

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃呢間酒樓走自動化。樓面得幾個人，因為有自動水機同手機落單。每張枱隔離都有一部水機，會自己𝘧𝘪𝘭𝘭水同煲水。煮沸左既水就可以倒落隔離既玻璃茶壺🫖。飲左普洱同香片，感覺普洱唔夠純，香片要泡好耐先有味同唔夠濃。食物方面款式都多，比以前多左好多新潮既點心，例如流心豬仔奶黃包、雷沙湯丸…我最鐘意碗仔翅，已經好少茶樓有得叫🥺！佢既粉絲竹苼加埋醋真係冇得頂👍🏻今次叫左個拼盤，上台果陣用四個細蒸籠裝住，賣相勁吸引。一黎到大家都相機食先📷，燒賣上面有大中粒蝦，鳳眼餃入面都足料，影相好靚，但味道就一般。📍稻坊 𝗧𝗮𝗼 𝗦𝗾𝘂𝗮𝗿𝗲荃灣大壩街4-30號荃灣廣場6樓609-613號舖…查看更多

早茶嗌咗三色餃 碟嘢一上枱隔住個口罩已聞到陣酸味 粉果咬咗一啖係酸的 起初以為佢落咗鹹酸菜 點知咬埋個蝦餃都係又酸又臭即刻叫侍應姐姐嚟睇睇 姐姐望咗一眼好快就收走咗碟嘢兼同我哋講話取消呢個點心但轉頭我用佢個訂單系統Check個三色餃仲喺到 到埋單果陣先要再同收銀姐姐取消食物有酸餲味即係代表啲嘢壞咗  我唔知係餐廳衛生出問題定係師傅處理食物程序不當 但身為一間大型連鎖集團酒樓連基本食物質素都維持唔到真係好令人失望 我哋同侍應姐姐反映佢哋豪無反應 係咪之前已經有好多人投訴過佢啲食物質素呢？PS 呢到啲嘢份量又少質素麻麻 佢個藥膳雞腳好幼基本上得排骨…查看更多

冇服務員及態度其差，又要學人玩手機落單冇人為你講解全程自己探索。食物質素一般，尤其蝦餃勁難食、燒賣隻蝦食落唔知點、雞絲粉皮淡而無味得四條雞絲、櫻花蝦煎薄餅太求其…查看更多