禾稈草主題餐廳 (Closed)

同學們聚會，來到柏樹街一帶，對我來說有點兒陌生，不論生活或工作，也較少走進的區域，同學們的飯局，總會到一些意想不到的地區。來到柏樹街，餐廳就在角街顯眼處，似乎並不太難找。餐廳內的環境不錯，天花掛著的小燈，非常別緻，很有色彩。天氣雖涼，從外走來，還是先要杯冷飲，看看飲品牌中，有著鹹檸七，這個並不多餐廳會有，於是要了一杯。來的是，茶餐廳的舊式大膠杯，以及原罐汽水。鹹檸並不過鹹，配合汽水的甜味剛好，的確是卜上佳飲品。我們四人聚會，所以只要了四個小菜，希望份量不會過多就好。等了不多久，美味已經送上。禾稈草燒豬仔排，個人並不太喜歡吃什麼骨，什麼排，一般餐廳都煮得很乾，很硬，肉與骨很難分離。可是這個豬仔排，入口香軟，肉汁豐富，自然沒有又乾又硬的口感，肉味香，只需稍為口力就可以令骨與肉分開，而且並不容易付著牙齒，非常吸引可口。禾稈鵝，單看價錢已經很吸引，這個價格一般只能吃到鴨，可是這裡卻可以吃到鵝。鵝肉軟滑香濃，非常入味，沒有過濃的味道，鵝肉一般羶味較鴨肉為重，這個卻沒有任何羶味，而且鵝肉味濃厚，很難得吃到此等味道。禾稈草炒桂花球，先將魚肉起出，切片再煮，以魚身放作裝飾，非常巧心思。桂花魚肉香，入口

食物選擇小，小菜一版紙有找，。以前的和菜餐就全部消失。食物味道一般般，而且偏鹹。無客還硬要收開瓶費，服務員冷冰冰，問足十幾分鐘無答案。曾經推介過給朋友前來光顧，但到今天，一定不會再來了！

之前食過晚飯小菜唔錯於是今日食晏就唸起呢度可惜個午餐令人極度失望！星期一的選擇～每個都40幾蚊，包熱飲、例湯- 北菇蒸雞飯- 蒜汁牛扒意粉- 焗豬扒飯- 黑椒牛柳炒意粉叫左4個餐，真係無個好食D肉用梳打粉（拿）到淋到無咬口，同埋有D怪味，D意粉有陣除OMG真係自己煮都仲好食D北菇蒸雞，我媽都煮得好食過佢蒜汁無蒜味👌惟一可取係飲料檸水有4塊檸檬夠酸奶茶奶味濃環境好熱，原來有部冷氣壞左😑唉無下次，曬quota

曾經係大陸食過黃鱔炒飯，回味無窮。路經太子見到招牌黄鱔炒飯，前日特登去試菜。做法配料不同，有點落差。畢竟魚肉及配料也不少，熱噴噴的飯在砂鍋內也不錯。大大啖食便咬到小硬塊，小沙石似的。跟著不斷食到魚骨，有大有小。食炒飯本來是最方便的，無奈這餐要食得小心翼翼

食物新鮮，地方舒適，服務態度非常好！海鮮的煮法配合得很好……帶出鮮味！我最欣赏是鮑魚，又大又鮮味！價錢又合理！其次是燒巨型猪肋排……好入味，又抵食！正正，正，正！煲仔飯有飯焦~~~未試過的朋友一定要去試試！

今日午餐去試下新嘢，十二點去到都開始full，睇一睇餐牌，都係普通茶餐廳嘢食。 餐湯正正常常，咸左少少沙薑雞飯肉質都ok，但就唔太入味黑椒味嘅焗飯真係少食D，個飯底有炒過，誠意之作。頭兩啖真心好食，豬扒都唔錯，但食多幾啖開始有少少重口味。 Overall 午餐都幾好，只係口味偏咸。

今日心情麻麻好想一個人靜靜地坐下，行到去太子記得之前睇過呢間餐廳，下午人唔多而且見到店內裝修好似好復古有種好寧靜嘅感覺，其實店內大部分都係卡位，我就坐在一人卡位，感覺好自在咖啡唔係即磨，不過都夠滑，但係唔夠濃鹹牛肉炒蛋脆豬，剛剛煎起蛋好香，蛋唔會好熟但又有D燶邊係我最嘅囗味，麵包好脆加了牛油好香喔其實仲有好多湯麵和炒粉麵套餐下次會試下個冬陰功湯底

約左媽媽食lunch，媽媽朋友介紹下，黎到太子既禾稈草餐廳。個名好特別，唔通係食草既？ 黎到就知道，原來係主題餐廳，周圍既裝修同擺設都係以禾草為主題，仲有唔少古式佈置。而餐廳主要係食中式菜既，招牌菜係黃鱔煲飯。餐牌好豐富，有好多唔同既套餐同組合。我地就點左一個黃鱔煲飯，貪佢夠哂補，同埋兩個小菜。小菜當中，黑椒茄子牛仔骨煲比較有驚喜。牛仔骨好多件，非常足料。牛肉入口嫩滑，而且有牛味，係上價貨。茄子吸收哂肉汁同黑椒汁既精華，味道好香濃。黃鱔煲飯一上台嚇左我地一跳，細既份量原來已經係超級大份，我地仲懷疑自己落錯單添。煲仔上台熱辣辣，香氣四溢。飯粒粒粒分明好乾身，配料唔少，鱔肉亦好足料。入口口感乾爽有咬口，靚既炒飯就應該係甘。調味亦做得唔錯，少少調味料，配上鱔肉本身既鮮香，好惹味。一煲細份量食極都食唔哂，起碼有8碗，我地一人食左兩碗已經投降，但又唔想放棄甘好食既食物，直接打包走！

門面係一間好普通餐廳，但俾燉湯吸引左入去食既時間係下午3點幾，呢個時間食飯又有d尷尬，最後食左下午茶餐，另外$40加個燉湯！！燉湯好足料！有好多蟲草花！仲有瘦肉同雞腳～飲得出無落味精！個湯燉到黑炆炆，望落好似好勁咁下午茶餐叫左豬扒包拼越南春卷同炸脾薯條，即叫即整好好食！都好大份！最要讚既係野飲！我覺得一間餐廳好無食，水吧係好重要！！我飲好普通既熱朱，但好多餐廳會無朱味，得甜味，有d會直情水一樣！呢度d朱係特濃！！

剛開張時去過一次食晚飯, 不過不失, 所以啱啱經過, 就叫左個下午茶諗住返公司食, 冬陰公豬扒河粉 $38我先唔講個冬陰公一D冬陰公味都無埋D 紅椒青椒洋蔥好似煮都無煮過就咁掉落去入口有種趙塑膠嘅感覺, 因為味道都幾個人化我想講係佢成個delivery. 一打開個外賣盒就見到一塊同隻碗一樣大嘅豬扒, 我心諗, 都幾抵食丫, 但係第二秒我就覺得佢係玩我, 一塊同隻碗一樣大嘅扒鋪喺d河粉面, 切都無切過, 即係其實你係想人點食? 先食晒塊扒, 等d河粉索晒d 湯? 唔緊要啦, 都要開始食, 但係一夾落去, 又係火滾, 對筷子軟到好似飲管咁, 你叫人點夾? 仲要塊扒係有骨, 係咪玩野嫁, 一夾耐d 就會成塊跌返落d 湯度, 攪到周圍都係, 有無考慮有d 人叫外賣可能食嘅時候連檯都無, 會係有幾咁狼狽???? 用左我好一段時間處理左塊扒, 咁諗住開始食河粉啦, 佢索晒d 湯都算喇, 點解每條河粉都係得兩三厘米長, 我到底係食河粉定係河粉碎? 叫人點夾呀!? 如果有考慮過食客, 點會唔起左d骨同切好先放上湯面上? 一個下午茶令我過了一個非常不愉快的下午

早前一個人出去太子行街,在太子柏樹街附近發現一間十分有特色茶餐廳，地點並不太難找 ,地方十分舒適，裝修以禾稻草為主題，座位亦都坐得舒適，我叫了滑蛋蝦仁飯，蝦仁十分大隻,份量亦都幾多，蝦肉味道十分爽口，滑蛋亦都好滑,個汁亦不是太咸，味道整體不錯，紅豆冰亦幾好飲，價錢亦不是太貴，只是70元左右，有時間可以再來味道滑蛋蝦仁飯，蝦仁味道十分爽口，滑蛋口感亦好滑,白飯亦不會太硬,軟熟剛剛好紅豆冰,味道不算好甜，紅豆份量亦幾多，紅豆冰亦幾好飲環境地方十分適中,座位亦都舒適服務我覺得店員服務幾好,十分有禮貌價錢呢間亦不是太貴

今次入黎依間餐廳食飯，係因為行過見佢價錢唔算太貴，而且唔係好多人，就諗住試一試，估唔到味道都唔錯，而裝修亦幾有特色~我地叫左一個特色台山黃蟮飯及椒絲腐乳通菜炒牛肉~ 小菜配有例湯，唔知咩野煲雞腳湯，味道都唔錯，而且唔會飲完好口乾~ 小菜既腐乳味我覺得適中，唔會太濃味，而牛肉數量都算多，肉質及味道中規中矩~ 黃蟮飯既份量對於我地兩個人來講都算幾多，食入口有陣陣薑味，好香口，而且佢整得好乾身，仲會有d飯焦添，好味~ 如果黃蟮既味道同質感可以重d就更完美啦~ 我地以半價加左杯柚子蜜黎飲，味道都幾甜，幾足料~ 唯一不足之處是我們坐的枱比較近廁所，帶有少少氣味，但以這個價錢食到一餐不錯既晚餐可以一試~

下午茶時間。。。冇食午飯，2人食左4樣嘢。1~鮑魚雞粒炒飯$36~飯粒乾身，味道好。2~七味炸雞脾$29~冇雪藏味，調味不會太咸。3~西多士$21~太軟身，花生醬不夠多，冇傳統茶餐廳好味。4~炸薯條$20~份量夠，炸得乾身，且熱辣辣，十分美味。下次一定再幫襯。卡位很好，坐得舒適，冷氣涼快。夏天爽呀。

今日媽咪無煮飯，屋企只有我同佢，所以我地落左樓下搵間小菜餐廳當作晚餐。其實平日我都會經過依間餐廳，但未曾入去食過，剛好我媽咪都比較喜愛食中菜，所以我地諗都唔諗就入左去，店門面裝修係以木造主題，感覺較為和諧，而店內裝修都以古色為主，紅𥖁牆身搭配禾稈草掛飾吊燈，光暗度比到一種好似家既感覺。我地入座時店內已經差唔多滿座，好多客人都係一家大細黎食，依度大部分都係卡位座，座位闊得黎都幾舒服，剛好剩下一張空卡位枱，真係幸運  從而發現枱上既餐具筷子盒都以木既花紋盛載著，而木盒上都連住左一個服務鈴，客人有任何需要時，都可以按鈴叫店員過黎幫忙。而依度既餐牌選擇真係多到花多眼亂，樣樣都想叫，當我地一叫侍應，就立即到你枱前，服務唔錯，而且上菜都幾快，我同媽咪最後叫左：花甲蒸水蛋：蛋真係蒸得好滑，完全唔老，入口有蛋香味，証明廚師既功夫了得撈飯食一流，雖然最遲先上菜，但相信係即叫即蒸薑蔥枝竹魚雲煲：一黎到就好香，枝竹炆得好入味，魚雲每件都大大舊，入口好惹味，至緊要份量又多我地叫左個套餐係薑蔥支竹魚雲煲，另配白飯同例湯，加+$28可以轉原盅燉湯，燉湯一黎到，仲係好熱，因為我喜愛飲湯要夠熱，飲落味道濃郁同好足料

男朋友係旺角返工，所以都不時會搵下旺角一帶既餐廳試試，今次openrice見禾稈草主題咁得意，又出街食厭左西餐，就決定試試呢間喇。花雕醉雞半隻($108)個人都幾鐘意用花雕醉雞黎做中菜既starter，呢度既醉雞酒味濃郁，而且雞肉香滑，份量亦唔少，令人一舊接一舊。花甲蒸水蛋($70)一上檯同男朋友對望左一下，賣相又幾有心思喎！花甲一隻隻排好，十分有誠意。而且口感滑溜，送飯一流呀！金銀蛋上湯時菜($58)鮮甜蔬菜配上富香味既三色蛋同肉碎，健康又好味，唔錯！呢餐飯經濟實惠，食得多西餐要食下呢d健康小菜平衡返，下次會再黎試試黃鱔飯同生腸。