福龍門海鮮火鍋酒家

一個價（$258，另加一服務費），只收現金/支付寶。先上雞煲，揀咗麻辣大腸雞煲（可揀不要大腸）。雞煲啲雞係成隻斬件，有不同部位，並唔係雞脾肉，我最like就係呢類。要咗少麻少辣，味道不錯。之後打邊爐，揀咗花膠濃雞湯（冇要到隻雞脾）。先飲碗雞湯，味道幾濃，好飲。同一時間，店員會拎火鍋料上枱。花膠環球海鮮盤：鮑魚（新鮮，仲郁緊）、貴妃蚌（大隻，甜）、花膠（厚身）、蝦（正常）、帶子（其實係沙插，好韌）、蜆（有少少沙）。安格斯牛小排：質素唔錯，唔過肥。西班牙白豚肉：冇豬臭味，亦唔嚡，還可以。生劏龍躉片併爽脆鱔片：龍躉厚肉有魚味、鱔片彈牙但冇咩味（亦好在冇泥味）。手打蝦丸：一般，有一粒有怪味。韮菜餃併白菜餃：韮菜餃好食、白菜餃普通。即炸脆響鈴：真係即炸，上枱時仲熱辣辣，入口即化，浸湯/直接食都好好味。田園時蔬：正常。健康素什菌：正常（金菇偏韌）。之後追加咗牛、韮菜餃、響鈴、炸魚皮（是脆的）、炸芋頭（夠粉）。最後坐咗成4個幾鐘，吹夠水，食到飽，飲到夠，大滿足。…Read More

同朋友傾開，話想搵無限時間火鍋放題，咁就可以一路傾偈一路慢慢食唔使趕頭趕命。朋友就介紹咗呢間，話好食到耐唔耐就要返尋味！一嚟就可以揀個雞煲食咗先！雞煲好惹味好香口，食完之後就上咗個湯底，開始打邊爐啦個花膠湯真材實料，令到我哋一人飲咗幾碗。海鮮拼盤夠晒豐富，鮑魚超級腍！羅漢果五花茶自己煲夠晒誠意，牛肉好香好夠肉味、響鈴係自己炸嘅，未食過咁香嘅響鈴！手打蝦丸就成粒都係蝦肉咁正！雖然價錢咁平，但係冇將貨就價，好多嘢都好好食，食到好滿足！絕對會再嚟！…Read More

雞煲好食，仲係任添，好食到淨係掛住食雞煲唔記得打邊爐。食完雞煲再上新窩打邊爐，花膠雞湯幾正，有人頭計海鮮拼盤送，任食既牛肉都幾好。無限時任坐任食最好，可以慢慢食。…Read More

試過成十間任食，除左某一二間限時優惠有福龍門質素之外，全部都夠福龍門抵。咁既價錢有任食d野仲要好食。 基本上全個餐單無邊樣野差。 限額既海鮮質素穩定，d貝都係好食無比d平野。（某倫火鍋食到我成口沙） 任食部分，最推手打丸同牛肉任食咁既質素無得彈。手打丸極彈，蝦丸sss級。牛肉唔個種垃圾食落唔軔有牛味有脂肪。其他食物魚片白膳餃子都得。 次次都飽到雪糕都食唔到。唯二要求 雞煲洋蔥加雙倍太好食但太少。第二 考慮得閑換下餐牌…Read More

由以前幫襯得兩三枱客仔，做到依家要預早book位，口碑呢家嘢真係一傳十，🗣十傳百，好食自然有回頭客🧃飲品自取，雪櫃下層有自家制羅漢果茶，一定要試，真材實料👍🏻🐔香辣雞煲(可追加)雞夠滑，好入味❤️❤️❤️🦐海鮮盤(一次性)全部好新鮮，尤其是蟶子😍🍲花膠濃雞鍋店員問個湯需唔需要跟雞上，梗係唔要啦😆飲湯好了，個湯含有豐富膠原，女士們至愛🤩，飲完冇口渴🫰🏻🥢任食配料*肉類*安格斯牛小排--任食嚟講質素幾好，砌咗幾碟西班牙白豚肉--肉質嫩滑*鱔片&龍躉片*不停encore系列，鱔片爽口，龍躉唔腥好新鮮❤️❤️❤️*餃子*唔錯，唔係死死實實得嚿肉嗰種*丸類*手打蝦丸必食🤤 *雪糕*得一隻牌子，多款口味，每人至少啪咗三球🔶️🔷️兩百幾位有咁嘅質素，絕對性價比高，仲要無限時，你話去邊度搵🤷🏻‍♀️…Read More

二佰多元雞煲海鮮火鍋放題堅無限時，任點任食任飲，食物質量好，按人頭給予海鮮份量新鮮不欺場👍👍食到好飽才發現仲有香港製造CoCoberry 獨立包裝雪糕球，試咗四款口味：芝麻、芋頭、朱古力、榴連味都有驚喜，員工服務態度又好！寫完都覺得自己係打手🤭🤣今晚我哋八人比足錢食，值得推薦，會再帶朋友嚟😋😋😋…Read More

早日同三個同事一齊食肥腸雞煲，本身不特別鐘意食豬腸，但是雞煲裏的豬腸又諗味道又好，好有驚喜，仲可以再添。由於雞煲加左一次食到好飽，所以打邊爐都唔係食左好多。但食物質素真是好無論牛定魚海鮮都新鮮又好食，不會因為任食而求其，服務又好，希望可以keep住，不要越食越差。…Read More

好好彩喺禁堂食前兩日食咗 🥲 唔係嘅話唔知等到幾時先再有得食喇同朋友嚟過幾次，每次都絕對唔會失望，基本上所有嚟過嘅朋友都話好抵食，返唔到轉頭 😋任食雞煲自選辣度，可以無限加雞 🐓當然要食埋即炸響鈴啦海鮮拼盤都係必需啦 🐟🦐🦪將海鮮放入花膠雞湯滾佢5分鐘，飲一啖真係返唔到轉頭 😛😛😛其他配料都好正，食埋雪糕就完美！咁高質素，任飲任食無限時加埋一都係$250左右，深水埗區必食推介 😋btw 正常晚市好爆，記住早一兩星期訂位…Read More

友人在疫情下，沒有回國內工作一段時間，久未露面的我今與他們一起吃火鍋，不過原來他的飲食習慣已改變，至愛的火鍋已不再是他杯茶，還讓我懶醒目的以為找到間超值的火鍋店好給他添！這裡最好是不限時任吃，聚舊暢談確實讓我們不用趕急的吃，還有自家製少甜涼茶，不過限量供應。（雞煲）辣度自選，可選半隻或一隻，當我們加單時（之前吃了一隻，現加半隻），侍應說吃得下，可點一隻，因為落單才做，雞件不是預先炒定；怪不得雞肉嫩滑，配料爽脆，需再煮一會更入味，醬汁濃香，稠度適中。（花膠海鮮拼盤）只供應一次花膠一般般，反而幾種貝類海產，海蝦，鮑魚，鮮甜，後兩款彈牙，正。（安格司牛肉）有牛味，轉色便吃，不會肥，腍滑。（西班牙豬肉）薄切，快熟，好味。（響鈴）沒油溢味，還暖暖哋的，過湯即取挾起，正。龍躉肉頗厚。（雜錦餃子）挺新鮮，想吃哪款都可以。回頭指數： 一定會再來，這是我第二次來，第一次來是N 年前，祈望很快又來食過，嘻嘻。 …Read More

相信大家經過深水埗既時侯都有見到一個特別既建築物，其實就你福龍門海鮮火鍋酒家黎既，初初見到朋友話食依個餐廳既時侯都係抱住試下既心態。當我去到既時侯，發現原來238加一任食雞煲海鮮火鍋放題黎，我個人黎講比較鍾意食雞煲同花膠既，咁岩依兩種食物依到都有。而且好緊要，就係雞煲係任食既，相信依個可以滿足到大部份雞煲FANS，雞煲仲相當之有質素，我地幾個人都食左幾個雞煲。另外，雖然海鮮唔係任食，牛肉都有高質既牛小排同龍躉肉任食，238加一真係值回票價。同埋當你食完雞煲之後，餐廳仲可以幫你轉花膠濃雞湯煲。可以話係一鍋兩味，估唔到試下新餐廳既心態黎食竟然發現好野，下次有機會一定會同一班朋友再黎食。餐廳好抵食，實而不華，值得支持。 評分味道⭐️⭐️⭐️⭐️環境⭐️⭐️⭐️服務⭐️⭐️⭐️衛生⭐️⭐️⭐️抵食⭐️⭐️⭐️⭐️…Read More

雞煲：無限時任添加👍意見可以試吓微辣😋火鍋配料：海鮮様樣新鮮😋安格斯肥牛碟碟鮮嫩🐂響鈴即叫即炸✌🏼甜品：獨立包裝特色雪糕球有榴槤、奶茶、荔枝、芒果等等😋😋😋每位都係2佰幾💰冇得輸👍💪…Read More

真係好抵，真係好好好好好味呀!!!雞煲加海鮮火鍋每人都係228 ，仲有好多款飲品任飲，仲有雪糕，真係冇得輸！張枱有兩個爐，所以可以同一時間上雞煲同埋湯鍋。同行嘅朋友因為有啲唔食得辣，所以我哋叫咗BB辣，雞煲好好味，所以我哋食雞煲嘅時候，完全忘記咗打邊爐嗰part😂仲要refill 雞， 食完雞都有飽嘅感覺，所以我個人認為，在好味嘅雞煲，都記得要留肚打邊爐！因為佢打邊爐嘅食物質素，一樣係咁高！尤其是係個海鮮拼盤，海鮮非常新鮮，啲鮑魚嚟到仲會郁！ ！ 仲有新鮮炸嘅響鈴，係咁咦喺個雞煲或者湯鍋度拖1秒已經好好味，仲要勁脆，入邊個心仲係勁熱，食嘅時候記得要小心啲！不過真係超好味！驚喜嘅係啲魚，鱔片同埋龍躉片都係可以無限refill, 放入雞煲到煮仲惹味…Read More

老友們約食飯，話嚟呢度試吓，見佢咁嘅價錢(平日$238加一，五六日都只係再加$10)，無限時任飲(啤酒除外)任食雞煲+火鍋，本來就對佢嘅食物質素冇乜期望，但求有笪地方吹水唔使擔心俾人趕走就算。點知無論雞煲、火鍋湯底、火鍋配料，甚至飲品雪糕都係有質素嘅，真係估佢唔到。講下啲食物，雞煲夠惹味，可以選辣度。火鍋我哋揀咗花膠雞湯底，香濃夠味。只上一次嘅海鮮拼盤，鮑魚仲識郁嘅，食落當然係爽口彈牙啦，扇貝d肉有成2cm厚，海蝦及貝類都夠鮮甜。至於任食嘅配料，牛小排及豚肉夠滑又有肉味，響鈴係即炸新鮮滾熱辣，龍躉啖啖肉唔腥，鱔片超肥美，餃子皮薄餡靚，所有丸類都比得上一般火鍋店賣幾十蚊一碟得幾粒嘅質素，甚至連個烏冬都係彈牙嘅！呢度可以由五點半開始食到半夜，啤酒又唔貴，最平嘅雪花$15支，大青島都係$23。八個人以上可以book房，開瓶費、切餅費象徵式收$10，絕對適合生日飯局👍🏻…Read More

見人人講到深水埗呢間任食火鍋店咁好，今晚有朋友生日都去咗試吓…首先雞煲，牛小排及海鮮真係幾好味，但個人推介真係響鈴…好新鮮因為即叫即炸價錢又平都係二百幾蚊無限時食，可以再返轉頭食…Read More

這店只做晚市，圍數又唔多，價錢相宜，還要不限時，實在想不到能維持多年。第一次光顧是我和老公二人撐枱腳，感覺食物質素不錯。牛不靭，魚鮮味，最正，也是最出名的就是自家製響鈴。它是這店自製及即炸，非常新鮮，沒有油漬味。既然正，當然推介朋友。我與不同伙伴試過這店，每次都是滿足地走。如果8人或以上，還可以包房。之前試過兩次，自成一房，內有電視，招呼也是不錯，不會怠慢，冷氣足。一坐低，揀了雞煲同湯底，店員很快便會上雞煲，大家分一轉，就已成枱都是按人頭計的海鮮、牛肉、豬肉片、魚、餃子、手打丸、菜及響鈴等等。食完這些，大家都滿足了。之後再加龍躉片、牛柏葉、魷魚、鴨血、炸魚片等等。非常滿足，我覺得除了炸魚片略鹹及部分蜆有沙外，樣樣都幾好。飲品任飲，但不包啤酒。有獨立包裝的雪糕球，雲呢拿、荔枝、芒果、豆腐、香芋和榴蓮味。我仍然覺得值得推介，特別是飯局聚餐，因為不限時。平日，每位盛惠二百六。…Read More