Video
Telephone
51875410
Opening Hours
Today
Closed
Mon - Sat
06:00 - 23:00
Sun
Closed
Above information is for reference only. Please check details with the restaurant.
去行黃牛山同埋石天窗，當然要食飽先行。突然間醒起有間車仔麵成日都想試今次終於有機會可以試下。之前經過見到佢咁多種類已經好想試，今次直頭有選擇困難症，啲餸實在太多花多眼亂都唔知食乜好。最後都係決定咗食雞扒、牛腩同埋大腸，本來想食銀針粉好快快up咗瀨粉，不過啲瀨粉都好滑。餸嘅份量唔算多，但係樣樣試吓都夠飽。牛腩幾入味，唔算好淋有啲咬口。另外啲大腸亦都冇怪味，處理得唔錯。雞扒就好似照燒味，同埋有番咁上下厚度。同埋佢個辣都有啲刺激，食到成頭大汗，店員仲遞埋疊紙巾我抹汗，真係好鬼窩心。另外最正係佢三餸嘅話仲有嘢飲，呢個粉$40真係冇得輸。
continue reading
每個廣源人都一定知道嘅呢間車仔麵檔 每次一到lunch放飯嘅時候都一定大排長龍 超級多學生 因為呢間真係又平又好味 又多選擇 麵底除咗平時出面會有嘅幼麵粗麵米粉之外 仲有得揀銀針粉 上海幼麵 辛拉麵 等等 連印尼撈麵都有得揀！而佢嘅餃就更加多選擇 我今次叫咗豬頸肉 鴨胸 肥牛 炸魚柳 4個餸加埋再送包紙包飲品 都只係47蚊咋 無論你揀邊4個餸 肉又好 素菜又好 都係一律睇齊47蚊咋食呢間車仔麵一定要記得加靈魂腩汁同佢地嘅辣椒醬 真係好惹味
continue reading
呢間店係位於沙田廣源邨嘅街市入面，可謂係附近居民嘅福食。講緊佢加埋嘢飲兩個餸都係$32 ，係超級超級超級抵食，依家呢個物價喺邊度搵啊🥹佢有勁多款送選擇，起碼有30款起，仲要啲雞髀同埋雞翼係超好食。有勁多汁選擇。呢間店一到lunch時間就爆多人排隊，如果啱食就要早少少去啦～
continue reading
睇完季前賽🏀 想親身參觀姜濤打工既麥當勞🍟今日專程搭🚌🚌入廣源唔係講笑 呢條邨好有特式 間麥當勞都真係幾靚🏠但係山長水遠上到黎 我唔會食老麥咁傻瓜既😎黎到廣源 一定係食朋友誠意推薦既👍🏻福記粉麵👍🏻兩餸💰30 三餸💰37 四餸💰44 每款送都放哂出黎 樣樣都好似好吸引咁 選擇困難症又要發作喇😵💫😵💫個麵底揀左 米通粉🍲出面好少見 只係好耐之前係譚仔早餐食過一次終於有機會再食到😌米通粉口感煙韌 中間灌滿湯既精華 💯正⏩️雞扒🐓超級大塊 仲要原塊咁上 懷疑鋪頭有無錢賺雞扒仲要醃得好入味 ⏩️麻辣肥牛🐂會連住金菇一齊上 牛肥又係勁入味⏩️豬頸肉🐖份量真係唔講笑 係咪見我肥 驚我唔夠食....🫠$37仲要配埋🛑可樂 真係無得輸👍🏻👍🏻👍🏻👍🏻👍🏻份量超足 味道一流 十年前既價位入得廣源必食之選 回頭指數爆登
continue reading
車仔麵夠晒味👍👍推薦原因：1️⃣餸有非常多選擇個人推薦 厚午餐肉 口味好正 裡面仲食到 粒粒肉 的口感 佢呢塊份量都好夠 好正 大滿足第二必食 推薦係 豬頸肉 好爽脆 又大片 都係大滿足之選2️⃣份量好足做得街坊生意唔吝嗇 每次都好足料 個麵底係好夠飽嘅 多數叫三餸呢 啲餸配住個麵食都唔會唔夠 同埋姨姨們都大方嘅 3️⃣ 價錢相宜三餸 $37 仲有野飲送 野飲選擇都多 有罐裝 有紙包裝 算係好唔錯4️⃣ 調味勁多有沙爹醬 有 蒜味辣椒油 即使想食辣 都有不同辣味 佢個辣菜甫少少份量 都令碗麵 好惹味架
continue reading