My Sushi (Closed)

生日男友請食飯，梗係食好啲啦。聽講呢間omakase 好食，就早兩星期book 位。男朋友話食好啲所以就book咗1200蚊一位嘅lunch。環境老實係麻麻，茶餐廳格局，但食物有驚喜，幾款熟成刺身、溏心瀨尿蝦，不比高級餐廳失色！😇主廚喺上甜品前問我哋夠唔夠飽，我哋話唔夠佢仲即刻煮多個飯俾我哋，即刻飽晒😙😋🤗個溏心賴尿蝦真係超級好食，十分之推薦！😻…Read More

我平時好少留言，今次一定要寫食評。一間隱蔽的小店位於西環水街，Chef非常有heart and passion。食物質素非常高，比起上等餐廳一啲都唔輸蝕，一定會再去！…Read More

生日梗係要食好嘢😚今次揀咗omakase😍辛苦哂男朋友做咗research，呢間喺西環嘅隱世小店原來好多人推介，而且佢可以自己定budget，早幾日師傅會打俾你同你傾想食啲咩，師傅就會因應budget提供食物，想食豪啲又得，食平少少又得，悉隨專便👍🏻舖仔細細，只係得幾張枱，而且佢唔係bar枱，冇得喺面前睇住師傅點整，不過值得一讚嘅係，師傅將食物上枱嘅時候將每樣食物都介紹得好清楚，包括食材來源地、特色、處理同烹調方法等等，令我哋邊食邊長知識👍🏻而另一樣嘢想讚嘅係店員非常有禮貌，而且斟茶速度好快，一放低個杯就會幫我加茶🍵好喇戲肉到喇，講吓食物先！最先嚟嘅係前菜，個造型已經好吸引，有兩隻炸蟹仔🦀、兩片粟米🌽同埋一隻螢光魷魚🦑師傅話蟹仔係用酒浸到醉咗再炸先可以保存呢個咁完整嘅形態，食落十分脆口，而粟米都好爽甜，男朋友就最鍾意螢光魷魚，入面有啲汁咇出黎，好鮮甜😋刺身嚟講有11款，而當中有部份係我哋特別話想食嘅，因為我比較鍾意食貝類，所以叫咗赤貝同帶子🤣赤貝真係好爽，同平時出去食壽司果隻唔自然嘅爽口有少少唔同。而帶子係超級鮮味，好滿足呀🥰令我印象深刻嘅亦有呢個墨魚包住海膽，海膽好鮮甜，墨魚亦都好有膠質，加埋一塊紫蘇葉，呢三樣嘢嘅配搭好正😋隔離嘅拖羅油脂豐富又冇筋，都好好食，不過我就覺得海膽令我驚艷啲😆當然刺身都唔少得師傅解釋完我哋都唔記得佢係咩名嘅魚😂不過每款魚類都食得出好新鮮，而且佢特定嘅處理同烹調方法都令魚類特色更突出😌放幾款印象比較深刻嘅出嚟😆最壓軸登場嘅係瀨尿蝦！😍呢個係佢哋好出名嘅一個菜式，瀨尿蝦只係僅僅熟，啲膏好似啫喱咁，而且鮮味十足，同我平時食開嘅瀨尿蝦非常唔同，係呢一餐飯令我印象最深刻嘅一樣食物🤤食完刺身其實已經有少少飽，師傅上咗一個南瓜沙律俾我哋refresh一下，南瓜好甜😚下一樣係清酒煮蜆🍲加上蔥粒、辣椒絲同埋蒜片，啲蜆好鮮味，個湯都飲哂😂因為啲蜆本身都有海水鹹味，所以個湯都略鹹少少。之後係今餐嘅主菜A4和牛呀！🥩真係冇諗過今餐會有牛食，所以嚟到真係好有驚喜😍牛肉肉味好濃，而且仲有肉汁，配埋個薯蓉，好滿足仲要好飽添😂熟食嘅結尾係海鮮粥，包含哂我哋正話嘅食材啲精華所在，好鮮甜，雖然好飽但都飲清光🤤因為我生日，最後嘅甜品係兩件蛋糕仔，碟上寫左Happy Birthday，完滿咗我呢一餐🥰食材新鮮，師傅用心，店員有禮，非常推介大家嚟食，記得要早啲book位🤣…Read More

餐單貝類較多，本象拔蚌及生蠔好甜好鮮味，有dry-age的刺身，也有招牌的溏心瀨尿蝦，熟食部份清酒煮蜆非常特別，值得一讚。由於不太好白身魚，也有食物敏感，師傅前後打來溝通兩次了解口味及討論菜單，感覺有誠意。現場環境所限，不會見到師傅表演/特別功架，也不是「食環境」，但感覺其實係物有所值嘅。…Read More

寫呢篇食評嘅時候心情都幾忐忑，因為自己都有私心…🙈 驚呢間小店太出名嘅時候，自己可能早幾個月都未必訂到位，但始終都認為要比呢間小店一個實力嘅肯定，所以最後寫左呢篇食評比大家作一個參考😉～當晚我同前輩D先生一齊坐係店鋪出面用餐。雖然呢間小店環境較細，但黎得都心知神川係主打食物質素。作為每個月至少會黎一次嘅熟客黎睇，食物質素相當有保證，師傅們對刺身熟成的技術十分熟練、其海鮮粥的湯底功力十分深厚、更遑論溏心瀨尿蝦的鮮甜啫喱狀蝦膏更是令人回味無窮🤤。要知道出面以相同價錢嘅廚師發辦很難做到/做得好“熟成”呢啲高技術要求嘅菜式，只要溫度或日子稍有差池便會熟成失敗，浪費了整條魚生，所以成本代價極高，呢方面如果大家嘗試過係屋企熟成牛肉就會明白箇中辛酸😆～ (備註：前輩D先生平時係食開中環/尖沙咀個啲高價位廚師發辦，佢係當晚也讚不絕口，大讚小店竟然都捨得用好料😙!)神川的師傅每次上菜都會細心說明菜式的產地及其特色 ，如果他們得閒更會和客人一齊品酒閒聊，十分親切有禮。不過最近晚晚都爆哂場(所以walk-in免問)，比較難先同佢地傾到計😢。當然，有佳餚又點少得美酒嘅襯托？師傅們每次都會根據我的口味而推薦清酒，每次嘅選擇都會令我喜出望外。作為一個新政的粉絲，該店推薦的手取川/吉田藏確實不遑多讓，至少性價比方面已經無得輸，作為食中酒已經好足夠了😎。*當晚的菜式因用手機拍攝，角度/質素未必太理想，而且上限只有12張相，請見諒。可能會有人覺得好奇...每個月都黎食一次唔會厭架咩🙊? 除左溏心瀨尿蝦同一夜干之外，仲有鹽燒拖羅魚鮫、燒牛肉、慢煮牛、蕎麥麵、清酒煮蜆、魚子拖羅蓉配多士、燒雞肉、金目鯛、燒大蝦... 種類太多不能盡錄🙉!! 而預算方面係豐儉由人，師傅們係幾日前會親自致電給你確認菜單，再根據你的要求同埋預算去度身訂造相應的菜單，十分體貼。…Read More

日本菜係唔少香港人的最愛，當中既Omakase相信唔少人都經常會試。如果你想搵一間係不一樣既廚師發辨，神川日本料理值得你去試一試。個日係同女朋友既週年紀念日，女朋友仔鐘意食日本野，所以就想下神川。我提早兩個星期左右去預約，晚市已經得返戶外位，所以選擇食午市。神川同其他餐廳唔同，唔會有午市價錢。全日統一最低消費係每位$600，師傅再根據你既預算去揀選食材。到預約日子既前一兩日，師傅會打電話俾你同你confirm booking，而且仲會問你對於食材既喜好、有無野唔食、係咪咩特別日子等等。十分細心!我哋當日總共食左12道菜，仲有前菜，份量絕對足夠。每上一道菜，師傅都會詳細介紹每一樣食材既特點，令你唔止享受食物，仲係有野袋落袋。食物種類都好多元化，有魚生、有火炙、有醋漬、熟食等等。以下係我哋當日既食物:1. 前菜: 昆布、魷魚、忌廉芝士蕃茄2. 石垣刺身3. 火炙鮫魚4. 花魚5. 池魚6. 九洲鯖魚7. 吞拿魚豉油漬配日本長蔥8. 北海道銀雪魚9. 海膽魷魚10. 拖羅壽司11. 南瓜蓉12. 虎蝦釀日本冬菇天婦羅13. 牛橫隔膜配薯蓉14. 海鮮粥師傅話神川主打都係魚生，比較少做壽司，唔係做唔到，而係想走自己既路線。師傅仲特意做左一份拖羅壽司俾我哋試，確實好食，質素唔會比其他餐廳輸蝕。亦令我感受到師傅既用心。…Read More

我自己其實第二次係香港食Omakase (廚師發辦），兩次體驗都係經朋友推介，所以成日都話有識搵食既朋友係幸福的💖主廚對每樣日本食材的獨特處理絕對令人喜出望外，喂呀～～經已唔係食材新鮮咁基本既美味，食緊既嘅係心思同功夫👍🏽👍🏽每件刺身唔係就咁切俾你就算🤷🏽‍♂️，每一碟都是食細節🤤🤤有生、有熟成、有醋漬、有灸燒既處理，而最驚艷既係招牌菜有如👉🏽溏心蛋般流心蝦膏既瀨尿蝦👈🏽仲有從未食過唔需要點醬汁既天婦羅，日本鮮菇天婦羅裡面釀入虎蝦膠釀跟紫蘇葉，紫蘇葉完美帶出虎蝦膠既鮮味！真係「大哥」～～～～無得輸！成個體驗都非常之滿足🤤🤤小店位置不多，基本上唔會無位比你walk-in, 晚市只可以book位先有機會食得到，絕對值得一試…Read More

第一次寫食評～我係一隻為食貓，經常周圍搵食～今次呢間餐廳令我覺得唔寫食評對唔住佢～環境- 舖仔細細，似好平價既居酒屋～但無甚粉飾既舖面，正正代表我地俾既錢其實好大portion 放返喺食物質素本身～服務- 今晚大約四枱客人，有三個師傅同一位姐姐～茶水keep住有～同埋師傅好有心每一碟菜式都用心講解產地，製法，甚至點解咁做～喺食呢餐前幾日，師傅已經打唻問我地budget, 鍾意同唔鍾意食咩, 大食定細食～好尊重客人，亦都好用心食物- 我地三個女人仔，食唔多但希望食d出面少食既野同埋多d款～每人$1500 既budget 食左好多出面食唔到既野～淨係出到十二張相～唯有放覺得最好味既出唻分享～一定會再幫襯！…Read More

#神川日本料理#西環#中環水準但優惠價錢每月必食既至愛Omakase，一直未寫食評，但有介紹身邊既朋友，個個都再介紹其他朋友，真心推介。佢地之前只做晚市，但而家疫情下午市12-6期間都有得食高質素Omakase, 絕對要分享比大家知。個個月都食但依然每次都有驚喜，每樣食材都用心處理，師傅亦會逐一解釋。多款dry aged既食材同出品處理手法，每次都感受到高級食材既唔同味道。雖然係高級食材但份量唔會細，而且係中環既質素，friendly 既價錢。可以事先同師傅商量你既budget, 價錢真係絕對抵食，亦可提出有咩食物敏感之類既concern。師傅好好傾亦對清酒十分有研究（當然唔好隊醉佢啦😜），酒痴黎到會更加enjoy ps.小店係食氣氛同一流既廚藝，環境因素至上既sorry 未必適合…Read More

好在係停晚市之前食左個omakase~而家仲係度回味中～好有心！一間好用心嘅餐廳終於知點解地方咁唔就腳都有咁多人黎食～我朋友講嘅野真係冇錯食野食野 緊係最重要係野食啦我自己平時都係睇食評 冇寫過今次第一次的起心肝寫Yo~最impressive就係個唐心賴尿蝦 出面冇食過冇見過～我最鍾意就係島鰹、海膽尤魚卷、銀雪魚刺身～出面又係冇食過架～Like爆🤩🤩🤩🤩最後好窩心嘅就係 我信觀音唔食得牛呢度好好 安排左個main係九州嘅地雞比我 好juicy好滿足❤️❤️❤️❤️ 一定會再去😋…Read More

終於有機會返嚟嘗試呢間價錢合理高質量嘅Omakase。預訂食嘢前幾日，餐廳會打電話嚟確認價錢同食物喜好，傾好之後就可以放心去食飯，乜都唔使煩，非常方便而且可以搵到符合你budget嘅食品真係豐儉由人，呢一點好值得讚賞。冇花費不必要嘅金錢喺宣傳裝修同埋漂亮嘅門面，只係focus喺食物嘅質素同客人嘅關係，帶住愛嘅一分晚餐。今晚就食咗蜜柑鯛，竹籤魚，dry age 深海池魚，秋刀魚，dry age 油甘魚 / 鰤魚， dry age 中拖羅，島鰹，銀鱈魚壽司，熟成六日拖羅壽司，瀨尿蝦，生蠔，蘿蔔沙律，牛坑腩，瀨尿蝦粥。以上都係我盡量記低，如果寫錯咗就唔好意思啦。其實成件事我最欣賞係師傅同個team對於煮食同服務客人嘅熱情，同埋不斷改良，值得大家去支持嘅一間小店。…Read More

Happy Firday 同朋友去左呢個係巷仔既日式小店 雖然話係小店 但都要提前兩星期先預約到個晚budget約1000一位 但提供既食物，環境同質素都絕對係超值刺身非常新鮮 每碟都有唔同既驚喜 亦都有出面唔常見既秋刀魚刺身同 食落滑口又唔腥既白子溏心瀨尿蝦更加係必點既菜色食完前菜 我地左有炸豬同慢煮牛做主菜炸豬蘆筍卷不過不失 無咩特別慢煮牛就好入味最後食碗海鮮粥暖胃店員對清酒都好有認識 絕對會幫你配上岩你飲既口味當然 自己帶酒去都得架 如果有budget 係真係值得好食下架👍🏻👍🏻…Read More

💛💛朋友介紹此小店, 第一次食好有驚喜. 因為坐位有限, 提前兩星期預約 (師傅話依家最好提前一個月Book添...😲)師傅會早3-4天同你確認餐牌一次, 最主要問清楚你預算的價位, 有乜嘢係你想order, 或者有乜嘢係你唔食.之後就會為你而設計當晚的餐牌😊小店絕對不是食環境, 而是食師傅的心機和氣氛,  每一道菜, 師傅都會親自送上並加以講解, 不過因為實在有太多道菜了, 我都唔記得啲刺身叫咩名了....對不起師傅啊...🙆🏻‍♀️師傅玩好多dry aged,  更能鎖住刺身的魚香及鮮味, 真係大開眼界而師傅對Sake都很有研究, 會了解客人的口味, 對Sake的接受度等等, 再加以介紹.🍶重點, 啲 Sake完全唔貴, 但又有佢既獨特之處, 同出面食既Omakase 只一味見到大品牌的 Sake 很不同...刺身 + Sake = 絕配!!! 糖心瀨尿蝦: 必食! ! 好大隻, 勁爆多膏又鮮甜A4和牛:  選取牛坑腩部位, 有和牛的油花, 同時又有坑腩的彈牙, 好好味...清酒煮蜆: 同外面的好唔同, 有香濃的紫蘇葉味道, 配上大大隻蜆肉的海鮮香味 (利申: 本身唔係特別愛好紫蘇葉, 但放在一起又好夾)啲蜆肉煮得剛剛好, 唔會太老, 同又吸收到湯的香味. 師傅解釋, 原來啲蜆係由同事一隻隻由人手搣開的, 所以啲蜆肉先可以咁入味...同朋友慶生, 師傅好nice播歌仔🎶 (你懂的😏) , 兄弟爬山, 各自努力!! 總括而言, 真係一間好有誠意的小店💛💛…Read More

第二次到訪在西環一間比較預約的餐廳，要提前大約一至兩星期預約，師傅會早3-4天同你確認餐牌一次，商討下最近季節有邊個市邊個県既魚當造。傾下餐牌，了解下你大約每位的預算而去設計當晚的餐牌。當然，這間居酒屋，顯然不是食環境，是食師傅的心機和氣氛，當天有幾款魚都是師傅早幾天預備的。而當天，基本每一道菜都會親自呈上加以講解，互動十足。而有幾款菜式真的十分推介糖心蛋大家都食過，但糖心賴尿蝦應該見都未見過，上次已經大開眼戒，今次簡直再三回味😍當然煮法你地自己問師傅😂另外一個今次第一次食 大蔥吉列豬卷（好似系咁），日本大蔥勁甜加黑豚簡直一流🤤仲有個拖羅，仲有個岩手縣既蠔😍仲有好多好多，大約十至十二道菜。有個壓軸，就是魚湯粥，勁香勁鮮甜😍總括來講如果怕熱嘅朋友需要早少少預訂室內嘅位置，當然坐室外都有幾把好強勁嘅風扇陪你。適合好友聚餐，節日慶祝😍記得提前預約👍🏻…Read More

星期六晚食日本菜，呢間係西環小巷，食Omakase.的餐廳。因為無訂位，所以師傅只能用現有材料準備，但水準都很高。每人最低消費六百。.前菜： 神奈川新鮮枝豆和歌山白粟米宮崎縣澤蟹.刺身：鹿兒島伊佐木長崎縣深海池魚（四日熟成）愛媛縣牙帶魚天草縣沙甸魚北海道網走銀雪魚大拖羅刺身（6日熟成）岩手縣珍蠔.沙律：九洲南瓜沙律（6-7日風乾）.小食： 京都絹豆腐.主菜：燒九洲地雞配手打薯蓉.甜品： 柚子芝士蛋糕朱古力布朗蛋糕綠茶雪糕.師傅都是選用新鮮的食材，配搭客人的要求而定。前菜粟米好甜，蟹仔又香又脆口。 刺身真的未夠喉，因為太鮮甜美味，魚油味十足。 要提一提個雞肉，皮燒得好脆，雞肉十分嫩滑。.餐廳座位唔多，只有六張枱左右，但師傅都會親自攞每一道出黎，然後慢慢介紹。每一道菜都係佢地為客人精心製作的。建議要提早訂位！…Read More