真‧章魚無雙 (Moved) New Location

我好好好好鐘意食章魚小丸子🐙，所以就算葵廣有好多好嘢食，明知食完食唔落其他嘢，但係每一次嚟到都會忍唔住食🥢，呢一間仲要標王係有原隻章魚🐙，雖然今次嚟到已經冇咗原隻，但係佢裏面仲有好多嘅章魚粒，佢有好多味都好好食，而我嘅最愛一定係明太子章魚燒，粒粒都好飽滿，好多明太子醬好多木魚，每一啖都充滿明太子沙律醬味，鹹香鹹香，熱辣辣嘅章魚燒一啖接一啖，好快就食完，即叫即整，大概等15分鐘左右，嗌完去其他舖頭睇下，再返嚟攞就差唔多啦

假日想去「掃街」，心心念念地好掛住無雙章魚燒🤤一於就坐言起行去探訪「掃街」行街勝地葵廣✌🏿✌🏿雖然每次去到都會大排長龍 要等一陣但都係值得去排嘅🤭 可以去第度買定飲品等食之前試過佢嘅黑松露今次就試下雙拼 蜜糖芥末 加 蟹籽💖我覺得依個組合都幾正😍因為本身好鍾意食醬汁！mix哂蟹籽加蜜糖芥末度一齊食 又有蟹籽口感 又有甜甜的蜜糖芥末味道🤤🤤我宜家一路打文字 都回味緊🤭（餓了 下次會想試試佢哋嘅明太子章魚燒🫶🫶

成日lunch唔知食咩好我又唔係咁鍾意食飯葵廣呢間章魚無雙我諗好多人都識架喇最近就好鍾意食章魚燒當lunch咁食蛋沙律拼激多蔥章魚燒 各4粒 $40第一次食蛋沙律覺得幾好味wo，估唔到呢個配搭又幾襯，而且好多蛋沙律，仲有薯仔粒tim 食落都好飽肚下激多蔥真係多蔥到不得了，蔥愛好者一定要試下😂不過叫蛋沙律就有個問題，因為蛋沙律太多，會有濕濕地嘅感覺，咁另一款味會沾到d汁就會有咁香口喇🙈所以睇下大家介唔介意咁，我係當飯食先叫蛋沙律😂

叫左個黑松露章魚燒😝8粒41蚊，除翻開$5粒，雖然價錢可能比出面貴，但係佢咁足料，又有黑松露，價錢算係咁💯💯章魚燒面頭有好多黑松露沙律醬，然後最頂有啲黑松露😝😝，身為配角嘅木魚片同埋海苔粉都為章魚燒增加左日本嘅風味❤️❤️❤️ 最緊要啲章魚燒真係好足料，每一粒都有兩至三粒嘅章魚粒，可惜佢話因為疫情，本身佢哋用原隻章魚🐙，但係而家暫時改用章魚粒。不過都唔緊要，因為味道真係好😝😝不過可惜唔知係咪因為嗰日太多人，章魚燒有少少淋左🥹🥹🥹

-{葵廣人氣章魚燒🐙}依間野超人氣！但冇試過 終於黎到葵廣見識下🥳🤤黑松露/明太子章魚燒🤤 ($43)黑松露: 好多黑松露醬 食落都同啲醬成正比 一樣咁濃😂最出色嘅位係粒粒都好大嚿章魚咬落好爽彈😋明太子: 又係好多醬食倒有啲籽咁🤩大大嚿章魚個口感好豐富🥳👖褲評: 8/10性價比好高🥰一定會encore依間☺️性價比: 9/10服務: 8/10環境: nil🚩 真‧章魚無雙 🚩地址: 葵芳葵富路7號葵涌廣場2樓C07B號舖旺角彌敦道688號旺角中心1期2樓SB02號舖#fuudjai #fuudjai旺角 #fuudjai小食 #fuudjai日本菜 #fuudjai葵芳

夜晚8點幾黎到葵廣搵食一定要掃下街既😋好耐冇行葵廣 好多舖都唔同左.我一早上網做晒research諗住有機會黎掃街一定要食既小店未食正餐 就諗住搵啲小食食下先🤣.當中包括2樓既真。章魚無雙佢出名在章魚燒好食 多味道揀 又多木魚碎唔知多唔多人同我一樣 食章魚燒係為左啲木魚碎🤣🤣🤣.我就揀左明太子章魚燒明太子醬唔會太咸 反而好香口感creamy 同章魚燒勁match!!!!!!.食章魚燒 重點係木魚碎 痴住每粒章魚燒睇佢擺動幾下識食一定成粒啪入口(不過要小心熱🤣🤣🤣🤣🤣)粉漿係口內流出 又香又滑每粒章魚燒都有至少兩粒章魚粒勁大粒 有咬口 無敵👍🏻

🐙唔知有冇人同我一樣都好中意食章魚燒！！蜜糖芥末章魚燒 8粒（$37）章魚燒最重要嘅係入面彈牙嘅章魚，其次就係個汁，呢隻味甜甜地同章魚小丸子好夾啊，我超中意食，d小丸子外皮都幾焦脆，每粒入面都咬到有章魚，口感十足，木魚絲都比得幾足，有時食完都仲有。明太子章魚燒 8粒 （$38）鹹鹹地，我個人唔係特別中意呢隻味，明太子醬比左好多，雖然唔係我中意嘅味，但我依然覺得好好食😂另外原味同蟹膏味都試過，都好好食，我希望可以試混曬全部味🥰加$2可以雙拼架真·章魚無雙📍葵涌廣場2樓C07B號舖🚇葵芳地鐵站D出口（步行約2分鐘）📍旺角中心1期2樓SB02號舖🚇旺角地鐵站B1出口（步行約1分鐘）#葵涌廣場 #葵廣美食 #真章魚無雙 #章魚燒🐙 #章魚小丸子

🔸真·明太子章魚燒 $38 / 8粒章魚小丸子雖然比出面貴但係佢好大粒，好足料！😋每一粒入面都有章魚木魚碎俾超級多！好大方！章魚小丸子同木魚碎絕配即叫即燒，熱辣辣🔹環境：沒有座位，要企喺度食 落咗單之後要等一陣 大概行咗葵廣一個圈之後返嚟就有得拎現場等嘅人數都幾多-時段及等候時間：星期二 晚 ～15分鐘-味道：10/10性價比：8/10回頭率：5/5-#真·章魚無雙📍 葵芳葵富路7號葵涌廣場2樓C07B號舖

呢間嘅章魚無雙都係數一數二喺葵廣人頭湧湧嘅舖頭😮 雖然只係接受現金付款 但係都無阻大家對佢嘅熱情 俾完錢都要等返15至20分鐘先攞到章魚燒上手呀😂章魚燒嘅口味有好多款 真係花多眼亂 樣樣都想食🤣 不過因為排隊嘅人龍實在太長啦 所以其實都唔係好睇到餐牌就要揀啦 所以就食返上次食過嘅蟹膏章魚燒🫢 真蟹糕章魚燒一拎上手真係好熱辣辣㗎 果然係即叫即做 舖頭流轉咁快真係保證新鮮熱辣 賣相雖然唔係特別IG-able (利申上次食賣相好好多🥲) 我諗係因為實在太忙碌 所以就整得求其左 不過食物最重要就係味道吖嘛😬 章魚燒上面有橙色同綠色嘅蟹籽 外層烤到好香脆 入面就食到粉漿包住一粒章魚 都食到章魚嘅鮮味 再配埋面頭嘅蟹膏同埋蟹籽 真係口感好豐富呀🥰 最重要係面頭仲有木魚碎 個人覺得木魚碎配章魚燒真係一個好適合嘅配搭😆無論你食乜嘢味都好啦都要預大概15分鐘先有 可以買咗飛 再去睇吓其他嘢食 再返轉頭拎頭啱啱好啦😎

係葵廣行街成日見到好多人排隊，搞到好想一試，因為自己都好鐘意食章魚🐙燒～❤️今次試嘅係最原始嘅大阪風味，即叫即整，都係10分鐘內就有☺️食落係外脆內裏熱辣辣👍🏻😉

見冇咩人排隊就買黎食多數叫8粒雙併我就當一餐lunch食完岩岩好夠飽架喇不過熱辣辣即食係最好味次次拎琴返去淋哂已經差d平日冇咩人我都會企埋一邊食左先👍🏻大阪風味拼多蔥味 $38

帶親小朋友黎掃葵涌廣場次次都一定要食章魚小丸三樓有食但係章魚無雙，真係好食，次次都水準一樣原味，黑松露，明太子，蟹糕都食勻食黎食去都係翻兜明太子併蟹膏8粒＄44外面薄漿脆皮，入便料多，八爪魚粒都多，章魚粒係中size有咬口

個人認為係葵廣最好食嘅章魚小丸子  經常大排長龍 醬料份量十足  首先 每粒小丸子都包裹住2-3個嘅章魚粒  然後 表面上滿佈哂柴魚片同爆多醬（睇相就知）  最後 一定要一啖食左佢 嘩 ！各種 味道 香氣 口感 都衝擊著味覺 你話 能不愛上這店嗎 ？太喜歡了 ！我地食佢頻率高達8成 推薦：明太子 同 黑松露 （註意*gas味好重下🤤🤤）

一直都想去葵廣試吓章魚無雙 講咗咁耐都系冇去到 之前見觀塘裕民坊近近地開咗間 就即刻去咗 明太子鹹到阿媽都唔認得😖即刻blacklist咗佢 但見網上好多人推介呢間小丸子 冇理由會系咁嘅🤨所以睇下其他分店系點嘅今次嚟到葵廣決定再試一次!本身想食蟹膏但佢話冇貨😔最後食咗芝士味 佢唔單止冇令我失望 仲有驚喜添😳♥️ 芝士同沙律醬份量適中 唔會太漏又唔會太鹹 味道啱啱好😋每粒小丸子都有兩粒章魚粒🐙 個漿唔會太厚 真心好食!!🤤*雖然唔系食返明太子比較系有啲唔公平嘅🤣但我諗應該系觀塘分店個staff落醬落重手得滯 唯有想食都系去葵廣食啦😛*

一行葵涌廣場就會忍唔住想食野，見到真章魚無雙排哂隊真係忍唔住排埋一份真大阪風章魚燒真蜜糖芥末章魚燒6粒 ~ 雙拼加兩蚊 $33自備器皿減$1即叫即製等左接近20分鐘，一拎上手真係熱到爆大阪風章魚燒醬汁分量岩岩好，舖滿木魚碎，沙律醬紫菜好足，每一粒章魚小丸子的外皮係脆脆，入口唔會係一口麵粉漿，入面有粒大大粒章魚粒，好彈牙，唔係求其之作。蜜糖芥末章魚燒相比原味就濃味少少，蜜糖芥辣味食落好惹味，可以再encore.