真香蛋卷

來到元朗，我就要到訪那些傳說中的地方，這蛋卷檔就是其中一個。雖然我吃蛋卷時沒有留影，但我還記得到訪時看到的情景。在小巷內，依著牆上簡單的指示，憑著從店內傳出的蛋香味，就來到蛋卷檔。蛋卷檔前擺放了一盒盒小時候吃過的餅乾、糖果和糕點等。婆婆在收錢，另一邊就是年輕伙子在製作蛋卷，完成後便入盒。這是本港買少見少的即叫即做蛋卷。蛋卷有多個口味：原味、芫茜、肉鬆、燕麥、杏香卷和鳳凰卷等。本來打算完成單車行程後再來買，可是擔心到時已關門，那就只好買2盒作手信，同時展開單車之行。回家後再吃，蛋卷不太香，蛋味亦不濃，質素一般。唯值得欣賞的是那人手即做即賣的手工意義。不知道其他口味也是否有可取之處呢？…Read More

真香蛋卷和超香園應該是元朗區內少數蛋卷老店，兩鋪都打著元朗特產作招來，最近也吸引不少傳媒爭相採訪。早前曾品嚐真香的散裝蛋卷，雖然不算十分突出，但色香味比大餅家製作的蛋卷都來得有特色。因此在農曆年過後，特意到真香買一盒鐵盒裝蛋卷，希望再嚐那種味道，結果卻令人大失所望。一般的蛋卷都是黃色而帶鬆脆，一打開鐵盒卻發現一條條啡黃色的蛋卷，不是一兩條，而是大部份的蛋卷都是啡黃色，很明顯是過了火，嚴格來說是貨不對辦，沒有好好控制出品質素。蛋卷入口一點也不鬆化，十分硬，蛋味略有，但整體來說是不合格。有質素的小店或老店是需要支持，但如果打著地道特色去胡混食客，消費者的眼睛還是雪亮的，這樣的質素還敢加價，可能是自由行帶旺了生意，卻流失了本地客的支持。實物比相片更加啡色，完全過了火，火候沒有好好控制，令人十分失望。:(…Read More

男友新年買來俾我屋企食，話好好食，元朗特產。好失望！尤其是有比較之下。德成號真係好食十倍。蛋捲無蛋味，得個脆字，又薄，色又唔夠黃，無牛油香。完全唔明好食喺邊？錯晒。…Read More

雖然久唔久會去元朗，但一直都冇留意。直至最近先由朋友堆中得知呢間晌元朗大馬路旁邊小巷，有多年歷史嘅真香蛋卷。佈局就好似間細細嘅士多咁，門外擺放咗各式各樣嘅懷舊唐餅小食。當中以家鄉雞蛋卷最馳名，聽講係人手製作，去嗰日仲傳嚟陣陣烘烤蛋卷時發出嘅香氣。佢哋有分鐵盒裝同紙盒裝，鐵盒裝仲有大小之分，圖案同字體都充滿懷舊風味。我買咗盒家鄉雞蛋卷嚟食下。紙盒裝一盒八條，簡單咁用透明膠袋包住。佢哋嘅雞蛋卷主要用麵粉、雞蛋、油同糖製成，比較我之前晌其他地方食過嘅薄身，但都睇到捲咗大約五層左右。拎上手都算挺身，食起嚟脆卜卜兼有蛋香，只係食嗰陣嘅餅屑比較細碎。另外因為冇加牛油，味道上比其他地方嘅出品少一份酥香，但幾乎冇油份沾晌手中，感覺上就比較健康啲啲。呢種晌舖入面現製雞蛋卷嘅老店晌香港已經買少見少，佢哋賣嘅唐餅小食款式亦都幾齊全，晌而家嚟講已經幾難得。…Read More

元朗之行，同老婆搵車行行下，見到有間蛋捲店係小卷入面，好舊，好老，好細…見到50來歲老闆喺度卷蛋捲，都係手捲即整，喺香港都係已經越來越少呢一類型嘅小店，就支持下買嚟試下。本來佢有紙盒裝，唔洗一次過買咁多食，但係因為過年，唔做紙盒裝，佢得罐裝，咁冇辦法啦，咁遠水路黎到，都買嚟試下啦。傳統嘅鐵罐，無花巧包裝同Graphic，打開賣相就好一般，有少少散，入口都係麻麻地，唔多蛋，感覺上佢嘅油都唔多兼糖都唔多， 蛋捲有啲鬆散，未入口就碎左2-3成，如果佢能夠卷多幾多幾層，卷實淨少少咁就更加好啦。蛋捲我始終都係鍾意北角，好可惜，呢世都唔會買到因為實在太多人呀………Read More

一打開個盒就好大陣蛋香味飄出黎。果然無令人失望，好重蛋香味，食落無牛油味。唔滯，好香脆，脆到一咬就成條碎哂.....其實我已食得好小心...... 唔油膩，岩哂一家大細食用。價錢都好親民，64蚊一罐，食用期三個月，不過我相信幾日會食哂…Read More

我未幫襯元朗小店都唔知咁平，証明大財團吞左我幾多血汗錢?今日我幫襯元朗小店之一，真香蛋卷專家。店在一條小巷內，冇華麗裝修，鋪面有不同七，八十年代的零食，馬仔，炒米餅，米通，當然有佢地出名的蛋卷，鳳凰卷。我見到佢地蛋卷，鳳凰卷真係在舖面整，保証新鮮，保証香港製造。我就買左椰蓉鳳凰卷和馬仔，椰蓉卷($27/盒，有12件)，味道非常好味，椰蓉甜味不會搶左蛋香味，濃濃蛋香味，新鮮鬆脆，個人覺得好味過澳門貨。最特別佢地有莞荽味蛋卷同鳳凰卷。原味馬仔($10/4件)，非常鬆口，每件有手掌咁多抵食，一定好味過恒乜、榮乜、美乜個出產的馬仔。…Read More

又扭計喇我，木頭說過元朗有處旦卷好好食，說其老闆好有性格，時開時唔開，今天他托媽媽買來旦卷我吃。。。吃一口旦卷做早餐，黃色的顏色蠻美麗，引我垂延欲滴，味道香大過鬆化程度，旦味ok入口都其實好香脆。。。包裝相對簡單，卻包裹住一種老式的情懷在，感覺好懷舊又古色古香的。謝謝木頭做ya，記得我的話，說了有立做，真的內心一甜呀，嘻嘻……Read More

諗住支持下小店點知完全中伏百幾蚊買一盒大蛋卷，盒上冇食用日期。第日開黎食，呢度啲蛋卷都冇需要討論有冇蛋味，薄定厚！佢連最基本保持蛋卷香脆都做唔到！成盒蛋卷完全受潮，咬唔斷！離晒譜！…Read More

間野係橫行入面，買咗一罐蛋捲試下⋯價錢好似$64，一打開已經好香蛋香味湧出來，雖然佢嘅蛋卷係比較薄⋯但食落去係超級鬆脆，同出面好唔同⋯好味道。:)我買緊嗰陣時，我仲見到個老板喺度卷緊鳳凰卷⋯下次再去嘅時候一定要試吓鳳凰卷。…Read More

行過真香，買点手信給老爸做零食。這間橫巷小店，自產自銷，沒有恆香、榮华那麼街知巷聞，但平凡中有靈秀。鳳凰卷(小罐73元) :內有椰絲、砂搪。吃來香脆可口，濃濃的蛋香，椰絲和糖，口感簡單就是美，吃出了一份懷舊情壞，加添了幾分人情味。店內多款老式餅食，陳設懷舊鋪排，七八十年代風貌，彷彿回到那些年...物輕情隆，希望老爸吃出當中的心意啦！ps:我自已買了一罐食，我打開試食時家中隻為食貓，聞到香味即時撲上枱來搶食，可見此鳳凰卷的吸引力！…Read More

作為一個九龍人，每次去元朗都好似去旅行咁，總會左一袋右一袋，周圍尋寶，今次終於尋到黎真香。沿著蛋香味，黎到呢條窄巷，買左盒原味蛋卷。佢同恒香，德成號唔同，沒有牛油香，但有好重蛋香，每層都好薄好脆，但唔係蜂巢果隻鬆脆，有不一樣既感覺。原來，蛋卷都有好多款呢。…Read More

由於「胎水多」提早被收監留院安胎關係，屋企人當時會為我安排小吃係醫院過日晨啦，今次住醫院，我真係覺得自己似左公主，只係係whatsapp group話我係醫院既小吃開始無，屋企人就幫我買，又怕我食得悶，特登買啲我平時提過但無食過既比我，感覺特別窩心。媽咪買了兩款給我，傳統原味雞蛋卷，入口香脆，明顯和「恆香」那些有分別，「恆香」那些會較易飽肚，一條起兩條止，因它有牛油。而「真香」這些明顯較輕身點，有香濃雞蛋味，但少了傳統蛋卷的牛油香，同時亦少了牛油的膩，多了更香脆感覺，極容易一吃就停不了口，我就覺得各有各好，就看你喜不喜歡吃牛油了，我就兩間都喜歡，我最不喜歡是「榮華」，硬又不鬆化。另一盒是有鳳凰卷，質地同樣是鬆脆，有蛋香而沒牛油的膩，內裡清晰可見芝麻椰絲，若你嫌傳統那些圓形較單調，就買鳳凰卷啦。下次要試下肉鬆蛋卷先。…Read More

好姊妹托住元朗的朋友買給我, 其實之前未聽過呢個品牌, 不過一打開我驚歎咗一聲, 點解可以一D都無撞碎嘅? 因為盒蛋卷由元朗運到好姊妹手中, 佢由屋企攞到中環OFFICE再交俾我, 我又由中環攞到返屋企, 個罐全程打側一D都無小心輕放嘅意識, 開封時蛋卷竟然條條完整。我檢查清楚看看罐內有無特別裝置保護蛋卷, 答案係「無」! 蛋卷的抗碎能力實在令人讚歎。至於蛋卷的味道, 亦無令我失望。蛋卷好脆但唔會硬, 甜度剛好不過甜, 亦唔會有太重牛油味, 相對地無咁肥。蛋卷有蛋味但不算很重, 如果蛋味再提升一點會更好。一盒蛋卷一家人食貶吓眼就食完, 睇黎要再ENCORE多幾罐先夠喉。…Read More

上星期行過元朗大馬路，在實惠附近聞到陣陣蛋香，吸引了我用鼻子找尋來源，啊～原來是久遺了的「真香蛋卷」~在元朗開業至今已逾六十年歷史，由第二代的何氏夫婦經營，但由於他們年事已高，現在大都交由兒子做了，為保持質素，他們仍然堅持在幾十尺的小店內少量製作，一來新鮮度更有保証，二來香氣實在吸引人買呢！就像這天，見他不停加入蛋漿，不停地卷，客人不絕。店裡賣的除了招牌蛋卷之外，亦有多達六款味道的鳳凰卷，包括原味、花生、莞茜、椰絲 、燕麥、肉鬆 ，也有很多傳統小食：米餅、綠豆餅、馬仔、牛耳、米通、叮叮糖、花生糖、杏仁餅、光蘇餅、小蛋餅、雞仔餅、盲公餅，喜歡懷舊的你不要錯過啊！最後我買了紙盒裝，是店中最小的份量，$25/8條，另有細鐵罐及大鐵罐裝出售，不少遊客也買來做手信的。而包裝多年不變，懷蕭舊味濃，我反而喜歡這種樸實感覺，少了一份商業味。值得一提是，真香的食品都以健康為主，盡量少油少糖，蛋卷都不用牛油，以植物油代之，味道不太甜，膩感大減，吃落每層皆是超薄而脆鬆，只有新鮮出品才有這高質素。吃慣了老字號的，不妨來真香一試這種買少見少的手藝吧。…Read More