Shing Kee Noodles

盛記海鮮火鍋套餐——豪華海陸盛宴🫶🏻絕對是海鮮與肉食愛好者的天堂，從刺身到火鍋料，每一道食材都展現出餐廳對新鮮與品質的堅持開場的象拔蚌刺身，切片薄透，入口鮮甜爽脆，蘸上芥末醬油，海洋的鮮味瞬間爆發安格斯肥牛 油花均勻，涮至粉嫩時入口即化日本黑豚肉肉質緊實，帶有淡淡的甜味鮮墨魚滑和潮式魚皮餃也值得一讚，墨魚滑彈牙鮮美，魚皮餃外皮滑嫩，內餡飽滿肥鵝腸：脆嫩無腥味爽甜脆鯨魚片：口感獨特，好脆豆腐拼粟米為火鍋增添清爽平衡😉整體而言，盛記的套餐份量十足，食材新鮮多樣，且「不限時段、不設加一」的設定非常貼心，適合親友聚餐。若湯底選擇能再豐富些，體驗會更上一層樓！…查看更多

在沙田屋邨這個充滿人情味的地方，隨著時光流轉，依然屹立多年，這裡的美食就像是媽媽的味道，讓人感到溫暖和親切。無論你是一位老客戶還是第一次來訪，這裡的每一道菜都能讓你感受到家的氛圍。平日一至五，每天都有靚湯供應，都是用心熬製。而時魚和肉餅方面更是色香味俱全。新鮮的時魚肉鮮嫩，肉質滑口。肉餅用心調製，口感豐富，肉質鮮嫩，每一口都充滿了家庭的味道。至於潮式粉麵，這裡的選擇更是多樣化，無論是雲吞牛腩還是咖喱三寶，都能讓人驚喜。麵條彈牙，湯底清甜，牛腩軟嫩入味，雲吞內餡鮮嫩，讓人每一口都感受到滿滿的幸福。而咖喱三寶則是香氣四溢。如果你還沒有來過，不妨親自來試試，讓這些美味的食物為你的生活增添一份色彩。…查看更多

今次試咗土魷肉餅飯同豉油雞飯，兩個碟頭飯都係$100有找，份量足料夠晒抵食！ 要穿過新城市同好運中心再到近街市，係地下行入去，個餐廳都幾特別。土魷肉餅即叫即煎，肉餅厚身鬆軟，混入粒粒彈牙土魷，咬落鹹香帶嚼勁，豉油汁撈埋熱辣辣白飯，簡單但好滿足～ 豉油雞更驚喜，雞髀位嫩滑入味，醬汁甜香唔死鹹，連平時唔食雞皮嘅我都忍唔住食左！ 例湯每日唔同款，而且都好大碗，驚飲唔晒就嗌左個檸樂。環境就係典型街坊格局，有冷氣但唔會好凍…查看更多

最近我同朋友去咗沙田嘅盛記打邊爐，環境舒適，服務態度友好，感覺好親切。佢哋嘅氣氛有種傳統同現代混合嘅特色，適合朋友聚會。材料方面，盛記嘅肉類新鮮嫩滑，海鮮鮮甜，蔬菜脆口，質素非常高。佢哋有自家製嘅墨魚滑同餃子，墨魚滑滑溜溜，味道濃郁，特別適合加喺湯底入面。餃子方面，我最鍾意佢嘅蠔仔餃子，餃皮薄身，餡料鮮甜，咬落去有種爆漿嘅感覺，真的好開胃。湯底係蕃茄卜卜蜆，煮得好清甜，卜卜蜆嘅鮮味同蕃茄嘅酸甜完美融合，飲落好舒服，非常match所有材料。總括嚟講，盛記提供咗一個高質素嘅打邊爐體驗，價錢合理，食物同服務質素高，絕對值得一試。特別係鍾意打邊爐嘅朋友，盛記係一個唔錯嘅選擇，保證有個難忘嘅用餐體驗。…查看更多

椰子雞湯真係好得，鮮雞肥美，湯底帶有濃郁的椰香味同粟米味，愛上。響鈴出色，食過這麼多間打邊爐餐廳，這間絕對是我心目中最好味的，因為佢哋採用手工自製的，口感格外鮮美，脆口。令人回味無窮。牛肉方面也非常新鮮，肉質嫩滑，食起來好香。餐廳內的裝潢保留了傳統老港式的氣氛，熱鬧得黎又好chill。最緊要係佢地d服務態度好，都熱情周到。總之，呢到d湯底同食物絕對值得一試，無論係大班朋友聚會還是少人聚餐，都係唔錯既選擇。推介…查看更多

第一次去沙田呢間隱世火鍋度食飯，眼見閑日都幾多人，環境一定唔算靚㗎啦，但係好似幾有創意電影拍戲嗰啲感覺叫咗個象拔蚌刺身唔差喎，而且幾新鮮有驚喜湯底略為遜色，冇乜味其他食材OK …查看更多

曾經試過冇book位諗住walk in 碰吓運氣，點知真係冇位。今次專登打電話book枱，終於食到大部份沙田友都識嘅盛記！如果第一次去，算係難搵🙂‍↔️🥘鹹菜豬肚湯 x 清湯牛腩鍋鹹菜豬肚內有粉腸，有驚喜，豬肚份量都好多。清湯牛腩煮到好腍，個人鍾意食淋嘅牛腩，所以覺得OK。可惜份量唔多。湯底味道方面，兩個鍋太似，揀錯咗😕🥢酥炸魚片頭一碟有八舊，即炸即食，作為餐前小食確實開胃。🥢手切鮮肥牛（大）友人上次嚟幫襯食安格斯，覺得今次嘅手切鮮肥牛唔夠肥美。不過，肉質依然鮮嫩和有牛味。如果與其他火鍋店的價目相比，這碟的性價比係高嘅。🥢牛胸爽濃濃的牛香味，爽口，好正！就算牛胸爽係整舊肥肉，但吃起來唔會覺得油膩。🥢烏冬（半）店員見我哋兩個人，善意提醒我哋嗌半份（即一個烏冬）。留意番，唔係稻庭烏冬嚟㗎。🥢墨魚丸拼蝦丸墨魚丸彈牙，可惜有魚腥味。至於蝦丸，有一大浸胡椒味，可能係用嚟辟腥味，好明顯係用嚟辟味重手咗少少。如果叫做「胡椒蝦丸」，更為合適🙂‍↔️不過，鍾意食胡椒味嘅我覺得可接受。要讚嘅係蝦丸都幾爽口！🥢桂花蚌鮮甜爽口，沒有腥味，份量正常🥢酥炸魚皮有點油膱味，不太推薦🥢響鈴不似來貨嘢，應該係自家炸，一碟嘅份量對於兩個人有點多。 上枱時唔係熱嘅，應該炸咗好耐。 雖然味道普通，但總覺得火鍋不能缺少響鈴。兩個人埋單要千幾蚊，依傢出去打爐人頭都要差唔多4-5舊水，唔怪得知咁多香港人北上。仍然，港式打邊爐係深圳取替唔到嘅，呢間值得更多支持，希望多啲人留港消費，保住呢啲小店✌🏻…查看更多

推薦：無骨豉油雞1. 味道：❤️❤️❤️❤️❤️2. 價錢：❤️❤️❤️❤️❤️3. 打卡：❤️❤️❤️❤️🤍4. 等候：❤️❤️❤️❤️❤️5. 位置：❤️❤️❤️❤️🤍食物：1. 無骨豉油雞｜凍奶茶評價：♡豉油雞很入味，很下飯；沒有骨頭，適合不愛啃骨頭的懶人♡健康點可以選中湯，但我愛喝廢水🙈；奶茶正常水準♡佈置很有心機♡效率滿分，有時候下單到上菜不到一分鐘◇每日午餐供應有限，一點多有的餐就賣完了◇只收現金…查看更多

美國同學難得返香港聚餐，今次推介咗呢間火鍋店，大家紛紛表示食材新鮮，湯底同食物款式選擇多。餐廳特色設計令人印象深刻，唔會坐得好迫，員工服務又親切，最值得一讚係用餐唔限時，好啱一班人暢談一番，唔使因限時而要轉場換餐廳。員工仲話如果有時間來食午餐，話要試下推介咸魚肉餅同埋蒸倉魚，原來冬至後仲有盤菜訂。同學們都話今次晚餐好滿意，有d 仲話想試好耐，果然係好多人讚嘅火鍋店。美國同學仲話下次要帶佢先生過來試多次。…查看更多

食物新鮮湯底叫咗椰子雞好味酸梅湯足料好飲環境寬敞佈置特別我哋坐有圖書位置，朋友攞咗本書睇，書名叫“中伏唔好喊”原來係漫畫內容搞笑員工有禮冇限時6點半坐到10點半啱晒朋友吹水聚餐…查看更多

食物質素同之前嚟食keep得一樣好一樣新鮮👍 大班朋友聚會選這裡真是不二次選😋一來價錢合理，坐位闊落，店員會醒目地會後面開張摺枱放未能放上枱的食物😊 最緊要無限時，唔洗追時間食嘢👍唔洗怕食得嘢嚟又傾唔到計😊我地點了椰子雞湯底，好多椰子條係煲到滾，配上半隻雞，紅棗紀子很清甜🤤安格斯肥牛有油花又有牛肉香👍 手打蝦滑內藏粒裝蝦肉，爽口之餘還很有咬口👍自家製響鈴是即炸的好厚身好鬆脆😋送上枱還是熱的，店員會提大家剛炸起快點食啊😊 鬼鬼馬馬是油炸鬼釀入蝦滑新鮮即炸出來香脆可口，可以就咁點汁食又得，滾一滾食都得，隨你歡喜🤤 冰凍酸梅湯是限量供應，朋友book位時一併留埋數量，大家才可以安心品賞美味又可口嘅酸梅湯😋…查看更多

位於沙田瀝源邨嘅「盛記盆菜」，夜晚其實係一間火鍋店，細佬喺澳洲返嚟，仲帶埋女朋友見我哋，一於同佢哋去食好嘢。今次我哋一行9人，叫咗一個8人套餐+象拔蚌刺身+自家製酸梅湯+兩個湯底。🥢湯底湯底值得一讚，其中一個係椰子雞煲，好多料好好味🫶🏻，雞肉嫩滑。🥢象拔蚌刺身好爽好甜，大大盆，大家都忍唔住搶黎食，加少少Wasabi+豉油+檸檬汁，成盆好快就比人搶晒。🥢雪花肥牛牛魔王嘅家族例牌size點會夠食，加多一碟肥牛，牛味重，無雪藏味，紋路好靚，如果唔係有其他好野食，一定叫多幾碟！！🥢手打鮮墨魚滑彈牙，好鮮，有墨魚味，仲要有咬口，好好食！！🥢自家製酸梅湯限量供應，最後5支比我地叫埋！冰凍酸酸甜甜，好適合打邊爐嘅時候飲。🥢其他配料呢個餐當然唔少得有其他常見火鍋配料：蔬菜拼盤、響鈴、粟米、豆腐、餃子，等等。每樣都好好食，無失望。8人餐份量都好足夠，一張枱放唔晒，侍應搬左張摺檯過嚟比我地放野食。呢間盛記除咗食材新鮮，周圍嘅裝修到好吸睛，適合一種鍾意打卡嘅同路人，重點佢地冷氣夠強勁，一邊嘆冷氣一邊打邊爐真係人生一大樂事。…查看更多

好耐無嚟啦，今早路過，再次光顧，侍應推介左佢地自製嘅牛腩，菜肉雲吞同鮮蝦雲吞，我就叫咗菜肉雲吞同鮮蝦雲吞麵，熱咖啡，雲吞細粒好好味，麵餅煮得適中，啱啱好，好有口感，咖啡我唔落糖，味道調教得唔錯，侍應態度良好，俾個讚，知道店主一直幫助老人家，更加值得支持。…查看更多

極度失望，住沙田一定會知盛記火煱，中午做粉麵餐廳，晚上做火煱，由細到大口碑都唔差，價錢公道，以前唔早d訂位基本上都冇得食，但近年真係差左好多，可能疫情之後，好多人都唔留港消費，盛記晚上都唔會有2轉翻枱做，更加張關門時間改到11點，食物依家不過不失，海鮮唯一係性格比高，湯底冇乜選擇就大家應該知，但近幾次去都有心將平宜既湯底話賣晒，想你叫貴，真係好好笑，晚上7點半可以話番茄薯仔同香茜皮蛋冇啦，去到10點20分就精彩啦，成班阿姐就開始出晒黎，幫你收野呀，係不停來來回回咁行去你張枱，目的大家都知，想你快d走，到10點35分，仲犀利，直頭搵2個阿姐 左右門神咁企住係度眼金金望住你，打個邊爐，傾下計都咁唔舒服，好大壓力law, 我地大大聲話11點都未到 唔駛咁呀，趕客呀！！（之前對上食過1次都有咁既情況，10點50分關冷氣，但都ok啦，差不多到11點我明白）佢地先走開，仲要5個人我地都食左2千7蚊，唔係死霸爛霸又唔食野d衰客，係我地都知依家好靜，夜晚都冇幾枱客，最後2枱你地想快d趕走早收工，但真係好唔舒服law, 終於明白香港今時今日點解會攪到咁，個個唔想係度食野，消費，盛記帶俾沙田街坊好多回憶，希望你地真係做返好dd, 你講得11點關門，就唔好10點20分已經想趕客走，冇人會想返黎再幫襯…查看更多

今日返工lunch揀左去瀝源呢間盛記食飯。Lunch最驚一大班同事食飯揾位，但盛記有好多大枱，一大班同事坐就啱啱好啦。我叫左豉椒排骨飯，5分鐘唔洗就上左菜啦，超快手。 $54有湯或者飲品，凍飲仲唔洗加錢，另外仲有一碟菜，但咩菜就無得揀啦，多數都係菜心。排骨多汁，份量又多又好味，好快就清左一碗飯。🙊…查看更多