盛記盆菜&盛記麵家

Open Now

Now Closed

相信好多人去盛記都係食佢嘅火鍋，聽過佢嘅名好多次，同埋一直都未有機會去試吓！今次機緣巧合，有機會喺中午嘅時候試吓佢哋嘅菜式。豉油雞午市套餐 配 凍檸茶少甜少冰呢個望落好普通嘅豉油雞，食落去好有驚喜！雞肉好滑有雞味(雖然聽落好似好白痴但係香港好多雞都冇乜雞味)配菜嘅紅蘿蔔條有上海菜嘅風味，呢個點綴唔錯凍檸茶，正常香港水準 每次嗌少甜少冰都想試吓佢哋嘅茶底。呢個茶底香，味道都好唔錯！整體呢個午餐都非常滿意！有機會真係要試吓佢哋嘅火鍋

今次又跟火鍋達人去到 沙田瀝源熟食中心地下 打邊爐，佢話呢度有個好抵食嘅餐 $888， 有牛有丸有菜有鍋底，仲要有埋象拔蚌刺身。我哋五個人去，爹哋佢哋都幾大食，所以另外都點咗其他嘢，驚唔夠食，火鍋達人話， 唔好睇佢 只係喺熟食中心，其實係全港數一數二嘅火鍋。老細提醒呢個套餐一定要預訂，限量供應咁話。同埋呢度食嘢都係要記住訂位，長期爆滿。見到擺低個象拔蚌刺身我都係講返嘢食先，象拔蚌刺身鮮甜爽滑不在話下， 話晒都係新鮮即切。我都跟住食過好多間打邊爐， 但係講真好多間都係Hea住做，收你一個人頭費，無錯，係任食，不過全部都係有就算。但係今次就算係我都食得出有分別，食材係靚好多，絕對收得起～而且佢無限時限刻要幾點交枱，唔駛食得咁急，坐位寬廣，唔會同隔離枱背貼背。雖然對我嚟講還咗啲，但係我下次都一定要再嚟過

12個人打邊爐分開兩個鍋一個醉雞湯一個雪梨鯊魚骨湯鯊魚骨湯鮮甜好味但係醉雞湯唔記得咗一開波落變咗一開始齋食清湯😂好在所有配料都好新鮮首先食咗象拔蚌刺身鮮甜夠新鮮👍之後先至開始打邊爐叫左好多都係招牌推介炸響鈴手打墨魚膠油炸鬼釀蝦膠同墨魚膠鵝腸最出色都係碟牛灼一灼就食得牛味濃入口林好味食完晒所有嘢食最後先落醉雞變咗成個湯底都好甜唔淨止有醉雞味加埋其他配料嘅味道層次唔同咗👍🏻👍🏻最後碌埋菜吸晒所有精華 完全係完美嘅一餐😍😍

隱世打邊爐一定要提早訂座的打邊爐，感覺好似係屋企打邊爐咁，食材新鮮，湯底款類特別，湯料都好足料，不過只是夜晚先係邊爐，日頭時間係一間茶記。今次叫左酸菜豬肚湯做鍋底，湯底都好多野食，豬肚洗得又乾淨，胡椒粒仲用左魚骨袋去裝起，唔會食到D胡椒粒手切鮮牛肉、炸響玲、脆骨腩都是必點的，建議大家叫店員預先留份脆骨腩比你，因為好快會賣哂。今次仲試左桶蠔，超新鮮同大隻，鐘意食蠔的，不妨一試。呢間隱世邊爐食極都唔厭的，仲要價錢合理，仲要不限時。

星期四傍晚六點幾經過，我行入去八下，掌櫃問我有冇定位，我話冇，佢話已經滿座⋯ WTH？唔忿氣，於是就話我兩個人咋喎，佢諗咗一陣，就話啱啱淨返最後一張枱，門口要唔要？好啦，就試吓你啲嘢得唔得。過多幾個字，我老婆過到嚟，開始嗌嘢食。安格斯牛肉⋯ 賣晒，脆肉鯇魚片⋯賣晒。WTF，啱啱過咗七點多啲，雖然真係全場滿座，你仲係頭輪用膳開始咋喎，啲嘢咁早賣晒，即係我叫咗第1碟想叫多次都冇，點做生意㗎～死死氣繼續叫其他嘢，但係食落啲食材、湯底都又真係幾有質素喎。買單，六小碟+1個冬瓜湯底，兩個人$610，已冇+1 。呢個價錢，係好多地方火鍋自助餐都可以食到，但係食材質素就差遠了。呢度亦都坐得舒服，地方夠闊落。估計都會有下次 😆

今日嚟到中學成日食已經做咗60幾年街坊生意嘅盛記，盛記最特別嘅地方係裝修好有藝術氣質，完全唔似一間餐廳，你話係一間藝術館都不為過，鍾意打卡嘅朋友仔一定要嚟啊，當日叫咗一個梅菜扣肉飯，佢嘅梅菜扣肉飯好足料，唔會太鹹，肥而不膩，入口即溶，唔係普通街邊檔嘅質素，嗰日姐姐見到我唔夠飯仲特登裝多碗俾我，之前都聽過佢哋嘅老闆好多時都會派飯比老人家食嘅傳聞，一間充滿住人情味、食物質素、環境、服務都係一間超級好嘅餐廳，絕對推介大家！😜

講到大排檔除左食小菜🤗當然唔少得打邊爐🤣今日我地就黎到位於沙田瀝源村入面呢間盛記打邊爐🥰懷舊裝修除咗可以比大家打卡📸呢度鍋底選擇超過10款🤗火鍋料都有幾十款咁多‼️胡椒豬骨鍋椒香味濃😊湯底以豬大骨慢燉熬而成😊豬骨煲到好淋😬連骨髓都充滿胡椒味道☺️天氣凍飲碗湯非常暖胃☺️配料有最鍾意既新鮮田雞🥰肉質嫩滑可口😋一碟真係唔夠喉要Encore🫢新鮮鵝腸唔係度度有🫢放入鍋焯10幾秒一縮即食🤤爽口且脂香十足👍手切牛肉油花比例平均🙌 肉質嫩滑牛肉味濃😉另外點了豬紅牛柏葉水餃、三色手打丸墨魚滑炸魚皮美國桶蠔🦪等等🙌提提今日平日都座無虛席🤣所以大家記得要book位及留自己喜愛既鍋料呀😉

無論係沙田街坊定其他區人對盛記都應該不太陌生，作為半個街坊嘅我都每星期至少去一次！但今日想講嘅唔單止係食物，而係點解咁值得去。盛記特別在有滿滿嘅愛心同人情味，伙記老闆對食客親切不在話下，閒時會閒聊關懷大家幾句。最令人窩心嘅係對獨居長者尤其關心，長期派飯派生活用品，嚟食飯又唔收佢哋錢！蒸魚日日都會留曬啲靚嘅部位去派比老人家食，而唔係留番嚟賣，真係Cls。用善堂嚟形容佢哋都不為過。午市食個蒸餸飯四五十蚊有齊飯菜餸野飲，好味又抵食。飯餐嘅味道調味偏老人向，會咸少少同淋少少。但食番粉麵一樣要彈牙有口感，係作為飯堂一流選擇！順帶一提，平時啲飯餐唔要白飯可以轉粉麵架，淋啲硬啲加底扣底全部出聲就會做比你，好人性化💛💛

放假就黎沙田陪下女朋友食lunch,女朋友係要見架，如果唔係耐冇見會變單身狗架😂😂😂女朋友帶路，黎左呢間好有特別既小店，環境佈置都充滿特色同心機，加分叫左個牛腩牛筋雙拼，雖然係常見車仔麵材料，但整得好有心機，炆得好林好入味，雖然叫咗幼麵但係鹼水味唔太存在咁，好食👍👍👍

聖誕節唔想同人逼，特登book 左間打邊爐食，本身都以為聖誕節打邊爐一定唔會好多人啦，點知全場爆滿，都要八點半先有位講番餐廳嘅位置都叫方便，係瀝源邨跟著指示牌，寫住熟食中心嘅位置行樓梯落去就會見到。講真一開始抱有好大期望，因為呢間餐廳係我喺打邊爐關注組睇咗半個鐘先搵到嘅，果然大家都冇介紹錯，呢餐飯食得好滿足！今日叫嘅嘢食有以下幾種，樣樣都好好味1️⃣特色蠔仔餃呢個餃數量唔多，勝在粒粒餃裏面都包住一隻細細地嘅蠔仔，蠔味十足，好適合女仔一啖食落肚🤩2️⃣本地手切肥牛本身想試吓安格斯肥牛，但係嚟到嘅時間太晏，已經冇晒，所以試吓本地手切肥牛，雖然價錢貴咗少少，但係真係好有牛味，如果一碟嘅數量多啲就更加好😚3️⃣蝦滑平時喺屋企打邊爐食嘅蝦滑都唔夠爽，唔夠蝦味，但係呢間打邊爐嘅蝦滑真係有粒粒蝦肉喺裏面，爽口彈牙4️⃣手打墨魚芝心丸第一次見到手打墨魚丸包芝心，果然每粒丸裏面都有爆漿嘅芝士餡，一口一滿足5️⃣老友鬼鬼見到OpenRice好多人推薦嘅老友鬼鬼，我哋梗係都要試吓，本身叫咗一份，但係老細見我哋得三個人就提議我哋叫半份，黎到發覺份量真係好大，而且味道都唔錯👍6️⃣黑柏葉爽口😎是次湯底選擇，牛腩清湯+四川麻辣湯，湯底好

最近天氣涼左好多，呢間食店第二次食，食完第一次心掛掛。大家如果去食記住要book枱呀❤️盛記麵家係朋友帶我黎食，地點有一點點隱蔽，在瀝源邨的小樓梯下去，老實講第一次我係要朋友帶我去，當然原來也有幾條小路可到達。在懷舊的公共屋村，竟然有著高質的打邊爐店😆環境舒適不算太擁擠，入座位置是分開三間店鋪，大家可以放心都是在左右的，另外看得出老闆在玻璃書房外，還利用了鐵梯做了裝飾，十分環保。其餘的地方也充滿了懷舊氣息，也是老闆的悉心裝飾吧。店鋪的姐姐勁好人，仲會介紹有咩好食。今次一行四人，總額埋單是$1662，每人都係$415左右，價錢合理。係朋友口中得知原來日間是麵店和餐廳，晚上就會轉換成火鍋店。用料上盛，每碟新鮮又大碟。四季時菜$45-老闆很貼心，聽個名都知係什錦菜，滿足哂有選擇困難症的客人。鯇魚片$65-夠晒爽口又彈牙，味道新鮮。盛記炸腐皮卷$44-（即炸手工響鈴）不得不提當然係盛記既響鈴，超大個夠哂脆口，一睇就知係自家製作，唔同一般包裝盒的響鈴。椰子鮮雞鍋（半隻）$188-濃濃椰子香，還有紅棗和椰子，養顏又潤肺，唔洗擔心打邊爐會熱氣。雞夠滑身淡淡肉，滿足了我喜歡吃雞肉的朋友。新鮮田雞$55-

沙田作為美食沙漠 難得搵到間又好食又藝術的店舖 性價比高店面裝修富滿藝術性 看似一間藝術㾿完全唔似一間餐廳🤭叫左碗牛腩雲吞麵 未食已經聞到一陣好濃郁的牛腩味 食落每舊牛腩整到好冧 入口即溶雲吞每粒都好大粒 而且餡料除咗滿滿的豬肉之外 仲加左啲蝦乾落去 食落口感好特別 好滿足店主仲好有人情味 問我系咪第一次去食 我話系啊 上網見到介紹 過嚟試下 之後佢話呢間鋪已經60幾年 最後又問我味道如何 仲無任歡迎隨便打卡 笑容滿面 值得回頭的店舖

天氣開始凍，就係打邊爐既季節🤤 今晚約左朋友一齊去打邊爐🥳 因為大家番工既地區都好唔同，所以約左去沙田區，方便大家番屋企。餐廳係我揀的，本身以為咁隱蔽嘅地方無乜人知，但原來朋友仔都知道盛記呢間餐廳，亦講得出呢間良心小店每個月都會免費送湯麵俾公公婆婆同有需要既人🫶🏻我哋2日前決定食呢間既時候Openrice已經book唔到位，好彩直接打電話去都仲book到。食飯當日仲會打電話confirm我添👍🏻呢間餐廳只係小店既位置雖然有啲隔攝，但係個裝修真係幾特別。驟眼睇以為好亂，但其實亂中有序，而且每個角落都充滿驚喜，書、雜誌📚、鐘🕰️☎️、擺設🏺🪆咩都有😂 另外，呢度既店員服務態度&水平簡直一流，對客人好友善，最impressed到我既一幕係我其中一位朋友唔小心整跌左隻筷子🥢，我舉手想叫店員拎過一對新既過嚟的時候，店員過嚟既時候已經拎左一對新筷子俾我地🤩 佢話咁岩聽到我地跌咗喎👍🏻 真係無得頂！同埋我地由7點半坐到11點鋪頭關門，除左差唔多關門前叫我哋埋單之外，全程都無催我地走，真係聚會好地方。椒醬豉油 $54落左單之後，店員就會俾一盤配料俾我哋撈豉油，有辣椒、蔥、蒜、炸蒜可以揀。每人收費$18，我

朋友介紹去試，驚喜滿滿幸好朋友book 位先講環境，佈置獨特，好舒服😌感覺，職員友善好彩朋友預先訂定呢碟老友鬼鬼，一定要食脆口而不油膩的油炸鬼包住滿滿的蝦膠和墨魚，兩款都好彈牙象拔蚌刺身好鮮甜，唔使點醬汁都已經好好食。好新鮮叫咗麻辣加蕃茄薯仔湯底，先講薯仔入口即溶，粟米🌽好甜麻辣湯底好多料，有枝竹、豆卜、豬皮、牛栢葉，好夠味牛質感適中，夠油花好食所有食材都好新鮮鵝腸新鮮肥美自製韭菜餃好香韭菜味👍手打蝦丸一定要食，好彈牙，入面仲有蟹籽黑豚肉都好靚同好食魷魚好爽口，仲界晒花紋魚標已整穿，好細心墨魚滑都好好食仲有黑栢葉好小地方有得食，仲好新鮮出色必點你睇下雜菜盤都擺到咁靚就知總結：好多嘢都好好食同好新鮮，一定會再繼續幫襯

午市套餐好多選擇，有粉麵，碟頭飯，蒸魚及蒸肉我就揀左👇🐠蒸時魚飯套餐＄45時日蒸魚係盲曹套餐包：蒸魚（當日時令），時菜及白飯，例湯或冷熱飲品需另加收＄7🥢自家醬料蒸盲曹魚醬料非常惹味，有豆豉、辣椒、蒜蓉等材料，盲曹竟然有九吋長，大大條，肉質正常，無腥味 🥢時菜生菜無油好健康，菜新鮮，點埋蒸魚嘅醬汁，正呀🥢白飯質地啱啱好，蝦仔飯此套餐屬於大件夾抵食此等良心特色小店，絕對可以一試👍魚堅總評性價比 4👍(以5👍為滿分)