Fortune House (Closed)

同老婆出去食晚飯，由於太肚餓，見呢間小菜館唔洗等位又見食評正面，所以入去食，叫左二人餐，要$298，有一小食及兩小菜，小食叫左四喜烤麩，我覺得幾好食主菜叫左葱油雞同椒鹽鮮魷，首先葱油雞上菜時已經唔熱，最估唔到係隻雞d汁竟然係蒸魚豉油，完全唔夾，隻雞完全唔好食而椒鹽鮮魷亦都係唔熱，d鮮魷同椒鹽味係分開的，好明顯係炸完先落椒鹽求其炒兩下就算最後，所有套餐唔包飯要另外叫😡😡總結，一定唔會再食（埋單要$401）…Read More

對於廣東菜嘅感覺就係：黎黎去去咪又係個啲啲！但偏偏屋企人傳統仍然鐘意周圍食唔同嘅廣東菜適逢新港城大裝修後開左唔小新餐廳其中就包括呢間盈福小館位置地方都好大，有啲位置有屏風，鐘意有自己空間嘅朋友就可以要求坐個啲位置喇！店員亦好熱情招待，有介紹番啲招牌菜再望望餐牌，竟然有啲特色菜式，出面係無食過嘅！即刻試試佢！芋茸香酥鴨婆婆好鐘意食芋頭，無論甜咸點整都愛，原本呢味菜係鴨上放上芋茸再炸，本身怕會好乾，但最後係好香芋頭味，鴨肉亦充滿肉汁，兩者份量岩岩好唔會搶味，配上酸酸甜甜嘅汁中和左熱氣嘅油膩感雜菌扒自家鮮製豆腐呢味最值得一讚真係啲豆腐，自製固然有心，但仲要整到咁滑，真係將呢個菜完全昇華左杏汁花膠墩白肺可以燉到個湯奶白色一定落咗好多功夫最重要係白肺洗得好乾淨一啲怪味都冇道滘花心肉丸手打肉丸令口感好彈牙，唔會一夾就散蘿蔔粒添加清新感，更突出肉丸味道銅盆蒸污糟雞一放底已聞到各位配料香味，雞件完全吸收到精華，配飯一流！落左菇類提昇不少！紅燒海參鮮淮山入味得來唔油膩仍然保持應有口感海參彈牙淮山爽口骨香原條海斑骨香完全唔馬虎足味足料，好香口炒海斑好軟最後叫咗杯百香果特飲結束美味嘅一餐…Read More

講起粵菜，好多人都會覺得老土，上左年紀既人先會鍾意食，其實粵菜無論烹調技巧、食材選擇、調味等等都千變萬化，唔識欣賞既人實在太年輕了最近發現左一間食店，致力令粵菜年輕化，即刻約埋家人一齊去試下。採用較時尚既設計，古老紅地毯，大吊燈都無出現，裝修可見心思放棄白枱布而取用雲石紋圓枱一般中茶都有提供，不過我都叫左杯咸檸蜜試下，咸咸甜甜的，菜蜜代替7up都幾特別，好潤喉。《荔芋香蘇鴨》芋頭夠粉，薄薄一層，沾得好實，唔會同鴨分離:)鴨肉厚得黎鬆軟，油脂唔多，食多幾舊都唔覺油膩。《杏汁花膠燉豬肺》愈來愈少機會飲到既湯，畢竟功夫非常煩多。洗豬肺非常用時間，而且洗得唔乾淨有陣好難頂既味道所以好多中菜店都唔會再做了。慶幸我今次飲到一碗非常出式既作品，原窩上枱，侍應會係旁邊幫客人分湯。奶白色既清甜湯汁，杏味好濃。豬肺完全無異味，柔軟嫩滑。大廚加入左新既原素，花膠同菜膽。花膠大大塊 ，同枱女士食得好開心。意想不到係個菜膽，令到個湯增加左一分特別既清甜好正好正《雜菌扒自家鮮製豆腐》豆腐好似玉子豆腐，不過蛋味更濃，好滑溜，外脆內軟豆腐其中一面舖左波菜蓉，波菜味非常濃郁，。《銅盆蒸污漕雞》養生食品，一枱一刻酒味四溢，女士不約而同問:會唔會醉架?由佢地慢慢思考吧。大量既既金針，木耳，杞子，好味補身之餘又增加左唔同既口感。雞肉肉質很滑，鮮味十足。《沙溪扣肉》扣肉肥瘦適中，非常入味。梅菜甜甜地，連汁撈飯應該可以食幾碗《道滘花心肉丸》呢個之前真係未試過，手打豬肉丸混合蘿蔔粒，再放係蛋白上面蒸熟。原來係道滘既一個名菜，果然名不虛傳，好味。豬肉味好夠，肉質彈牙。蛋白夠滑，蘿蔔蓉增添左一分清新菜既份量唔細，到呢一刻其實已經好飽，不過都係叫左個糖水，《鳳凰馬碲露》好多馬碲粒，好爽脆，糖水唔會太甜，感覺健康埋單每人約300左右，除左食到高質素食物外，仲品嘗到負責人同廚師對中菜既熱誠，實在超值…Read More

今個母親節， 我帶咗阿媽去「盈福小館」食晚飯，因為貪佢嘅菜色夠特別， 平時自己好難煮到。 坐低之後， 叫返個頭盆小食。《鮮 ．嫩 ・爽 $138》， 冰鎮鮑魚仔，「鮮」味十足， 鮮甜可口。 水晶餚肉， 晶凝通透，肉色紅潤， 十分嫩「嫩」滑。 涼拌海蜇甘筍絲就「爽」口彈牙， 好好味！ 我次次都想食八寶鴨，但又怕二口子食唔晒， 今日見到廚師巧妙地將八寶鴨變成《松露醬菌香八寶鴿 $168》，咁就太好了，真係又神奇又美味！ 我自己好喜歡用松露做食材， 因為被佢嘅香味深深吸引住， 而乳鴿非常嫩滑， 仲要係無骨， 啖啖肉， 真爽！ 一切開， 香味四散， 不但有香噴噴嘅松露味， 而且仲有其他濃郁嘅菇味！ 八寶鴿係一味心機菜， 釀咗好多種餡料，有蓮子、百合、紅棗同什菌等等。 材料十足， 真係值得一試。我好鍾意呢個《杏汁花膠燉豬肺 $68位 /$288》， 因為平時自己好少煮，製作需時又繁複。 飲落好滋潤， 潤肺養顏， 女仕恩物， 仲加入花膠， 令口感更佳， 花膠吸收晒湯底嘅精華，真係令我回味無窮。 上枱靚靚嘅《壇子剁椒魚 $128》， 十分惹味， 有香濃嘅剁掓香味， 味道偏辣， 但魚肉非常鮮甜嫩滑，加埋多種香料同剁椒， 真係又「香」又「鮮」又「辣」！ 《沙溪扣肉 $98》用來拌飯食就一絕， 扣肉好好味，肥而不腻，入口融化， 梅菜咸中帶甜， 十分惹味！ 最後食番個《椰汁燕窩 $68》就更加完美啦！一上枱時已經椰香撲鼻， 味道香滑亦唔太甜。 椰汁燕窩又養顏又好味， 正！…Read More

提起傳統粵菜，年輕一輩總覺得是不摩登甚至乎是土土的感覺。但年輕人，你們實在太年輕了！ 其實粵菜都可以用很新潮的方法去整，只是你們未見識過吧。今天來到馬鞍山新港城中心的<盈福小館>和家人一起晚膳，令我對傳統粵菜有一種新的體驗。聽說小館剛剛新裝修完畢，銳意革新，希望既能保持傳統亦能迎合年輕一輩的口味。<凍洛神花茶>含花青素、類黃酮素等，有助降血脂、減少發炎 ，而且還可以降血脂、增加皮膚保水性與紅潤度，絕對有益又美顏。帶有啖啖花香味的洛神花茶酸酸甜甜的，非常醒神開胃。<芋茸香酥鴨 > 典故起源自清朝康熙年間，每年歲末廣西桂林總會向朝廷進貢當地盛產的芋頭，芋頭菜餚也因而深受皇親國戚的喜愛，廣東順德一帶的廚師們靈機一動，將芋泥包裹滷製後的鴨肉再予以酥炸，研發出此道傳味不朽的佳餚。這道菜看似容易，卻很難做得好。先要選優質的芋頭，它絕對是整道菜的主角和靈魂，若芋頭不香，整道菜便如白做一樣。而且芋頭本身好飽滯，炸得不好可以半件也吃不下！若炸得過熱過久的話，芋蓉會吸油又易焦，吃下濕淋淋。要做得好必須把油溫掌控得宜，才能令外皮酥脆而零油膩。加上工序太繁複，先是蒸芋頭再磨蓉後加再調味，最後把蒸好的鴨肉釀入芋蓉再沾粉放入油鍋炸，所以坊間已經越來越少人製作這道菜式。飽實的芋泥香綿細密加上鴨肉香酥不過膩，堪稱吮指經典美味。<杏汁花膠燉豬肺>要數滋潤養顏湯水，這湯必定榜上有名！但由於做法複雜費時，單是要處理豬肺的血水和髒物，動輒花上數小時，麻煩致極！！還是請專人代勞吧湯中還有滑滑的大花膠！！花膠含豐富蛋白質、磷質及鈣質等營養，有滋陰，固益精，對肺腎虛弱，貧血等均有功效。適合男女老少食用，具相當的食療價值。更重要是花膠含有高黏性膠體蛋白和黏多糖物質，對女士的皮膚尤其重要，有養顏活血的功效。而且花膠不含膽固醇，可長期食用，是非常有益的養生食材。豬肺洗得非常乾淨，毫無異味或血塊等髒物。豬肺含有蛋白質、脂肪、碳水化合物、鈣、磷、鐵及維生素B1，維生素B2，維生素B3等B族維生素等，具有補虛損、健脾胃的功效，適用於氣血虛損、身體瘦弱者食用。杏汁花膠燉豬肺熱騰騰的端上來，陣陣杏香撲鼻而來，加上菜膽的清甜，呷一口暖入心扉，清熱潤肺。:):):)<紅燒海參鮮淮山>海參在市場上常常見到，但最常遇到的問題就是不入味和不知如何泡發海參的營養價值較高，高蛋白、低脂肪、低膽固醇食物。加上其肉質細嫩，易於消化，所以，非常適宜於老年人、兒童以及體質虛弱的人食用。海參經紅燒後很入味，而且還保持著爽口、富有彈性的口感。其實這種口感就說明了海參泡發的比較好，達到了高品質要求，所有才會擁有這種海參獨有的口感和味道。<骨香原條海斑>吃<斑>可說是中國人獨有的文化，身份的象徵。魚肉被切成海斑球腩，啖啖肉而且肉質鮮味嫩滑可口。最有趣的是師傅把斑腩球起出來炒好後，用剩餘的骨架和肉原條酥炸，除了可以美觀的地斑腩球盛起外，骨都可以食埋，香香脆脆，美觀又好吃。連加一和茶介後，三人各自300元左右就可以食到<鮑參翅肚>中的兩樣還有高質清朝菜式，價錢超值。…Read More

好耐冇嚟馬鞍山呢頭，今次約左朋友食飯專登搭馬鐵入嚟。因為新港城中心大翻新，好多舖頭都唔同晒，耳目一新。而呢間「褔盈小館」應該係新開冇耐，裝修好新，但就冇太多花巧裝修，普通小菜館咁，乾淨整齊。天氣咁熱先食個冷盤，【鮮‧嫩‧爽$138 】簡簡單單有鮑魚仔、海蜇、水晶餚肉，最好食係海蜇，粗身，特別爽口。再嚟燉湯【杏汁花膠燉白肺湯$288一盅】店員細心咁喺隔嚟枱分好左再俾我地，每碗都分到花膠同豬肺。做呢個燉湯好花心機時間，淨係發花膠、洗豬肺、磨杏汁都有排攪，燉完出嚟係濃濃奶白色，好香杏汁味，感覺好滋潤。【松露醬菌香八寶鴿 $168】價錢唔平，但朋友極力推介！上枱時一隻普通鴿咁，其貌不揚。店員即時剪開佢，原來裏面好多料，散發出陣陣松露香味。唔用鴨，改用鴿，釀滿八種養生材料，連百合都有。細細隻，肉汁更加鮮嫩，又唔會怕食唔晒。要一提係鴿身預先去左骨，好考功夫，食得方便。【脆皮牛坑腩 $118】炆牛坑腩需時，炆完仲要炸到脆皮更要多道工序。配上咖哩汁，食落冇咁乾。可惜今次個牛坑腩太瘦，冇乜油脂，食落唔夠滑，唔夠香。【壇子剁椒蒸魚 $128】自己少食辣，但朋友點左呢味餸我就試吓，都幾辣，最驚喜係啲花椒真係好香，加埋啲辣椒味滲左落魚肉到，令到成條魚都好惹味。【椰汁燕窩 $68】香濃椰汁味，少少偏甜，成盅都係燕窩，好足料。好多菜式都係心機菜，好花心思、時間，值得一試。…Read More

住左馬鞍山廿幾年 自商場翻新 先有D似樣D既食肆今日人多 所以就揀左食中菜 唔洗等位直入小食嗌左「鮮.嫩.爽」最讚係冰鎮鮑魚，好入味，又唔難咬 海蜇好爽口 又唔會碎濕濕 👍🏻松露醬菌八寶鴿-雖然睇落佢唔靚，但係切開之後餡料充足！真係塞滿晒成隻鴿，同埋睇佢細細隻 但係鴿肉出奇地多 個汁撈飯一流脆皮牛坑腩-有咖喱汁配埋一齊食，肉質好嫩，如果大舊d應該會仲正。金華玉樹麒麟雞-有一大片金華火腿，菇🍄仲有無骨滑雞 一啖放哂入口正 如果反開哂黎食就會咸少少,所以一齊食哂,會係最好既效果。沙薑生煎雞-好入味 沙溪扣肉-無一般既梅菜扣肉咁甜 咁肥 罪惡咁即刻無咁大😂食多d都唔怕 杏汁花膠豬肺湯-真材實料！花膠唔會煲到溶哂，豬肺又新鮮，飲完一碗即刻要飲多碗熱柚子蜜壇子椒魚-上枱已經聞到陣辣味 鐘意食辣的人有福了媽媽食椰汁燕窩 佢話好鐘意 椰汁味夠多 燕窩又夠即席薑汁撞奶 差少少就成功💪🏼薑汁濃 夏天食一樣覺得正…Read More

盈福成日都出好多可愛點心。為左氹我嘅寶貝小姪女食野～就帶左佢黎食。我地叫左個玫瑰型曼頭～佢加入左紅菜頭汁所以先係粉紅色架！絕對無人工色素，玫瑰花曼頭上面仲有玫瑰花瓣做點綴，再配個練奶食～甜甜地幾好味，真系睇得又食得。至於個豬豬包入面系紫芋餡，食落清清地，豬豬包都整得好可愛。隔離果燈橙色嘅系蝦餃黎架～整到成粒柚子咁，但食落同普通蝦餃一樣味。盈福耐唔耐都會轉點心～有時去傳統酒樓去到悶都可以試下呢d新派野！瓣做點綴添，好靚架！…Read More

馬鞍山，印象中係咩都有得食，但係咩都唔好食。母親節，間間都排長龍，呢間竟然唔駛等，心諗中伏機會都好大！據說係新裝修，以前係乜，真係一滴記憶都冇，依家行點心小館格局，一入去係開放式廚房，睇到師傅做點心。有驚有喜，驚嘅係點心師傅個個嗰樣都係00後，唔知得唔得！喜嘅係食完都唔錯，可以再幫襯。order 咗嘅基本都OK，腸粉人手拉，夠滑；試埋縐布腸，一樣好味；蝦餃，正常；生煎包個頭唔大，一口啱啱好；乾炒牛河唔太油，都算有水準，最意外係即煎蘿蔔糕真係有蘿蔔條，好耐未見過，真係要畀個like！小館人手嚴重不足，叫嘢加水都要好幾次，但見佢哋人人都盡做，就👌啦！睇吓下次有冇改善。…Read More

5月3號中午同老婆喺呢間嘢飲茶，埋單215蚊(已經加咗一)，我直接攞張單行到cashier用現金埋單，我畀220蚊收銀條阿叔，等佢找番5蚊畀我，結果條友竟然木口木面咁收咗我錢之後當無嘢發生過咁，直接幫後面客人埋單，當我透明，我張單就當埋完deal done！？唉！算了費事為咗5蚊雞去同條收銀阿叔嘈！我想問下呢間盈福小館：依家係咩年代呀？加咗一仲屈D客人畀貼士？呢種咁嘅食店以後肯定唔會再去！…Read More

煮家的味道大抵如此。小食系蒜蓉炒青瓜木耳花，不噪而有香，好味。老火湯魚肉加豬肉組合，另有木瓜花生雪耳雞腳。足料，濃味，湯另用壺上。蘿蔔牛腩煲，味道很正常，然而牛腩份量不能算多。以價錢而言，算合理。重要的是油膩感不重，味道自然。…Read More

之前都有食過盈福28，感覺都ok la!不過餐牌唔係成日轉。知道依家變左盈福小館，驟眼睇冇咩變，但仔細睇餐牌係有d變。同多左圓檯當日點左紫薯喵星人同八寶鴿！依家價錢亦見到有回落…Read More