Joy Cuisine

疫情過後，同朋友幫襯左兩次都覺得唔錯，今日仲要冇咩位（午市），上次去都好似聽d人講換左d人，感覺服務都唔錯啊，問矩地拎午市點餐紙態度都唔錯，今日點左南瓜^空心^煎堆，菜心蝦腸，燒賣，粟米魚餅，蘿蔔糕，全部勁好食（除左蘿蔔糕），真心推介一定係腸粉，好滑好滑！空心煎堆脆得利煙韌，空心真係好味好多，燒賣影相得三粒 因為太餓食左一粒先，好新鮮，蒸得岩岩好，肉既比例唔油膩，爽口 彈牙兩個人賣單 唔洗$140 都係收現金同8達通 過二百就可以碌卡 （匯豐係正格離）抵食既，下次會再去食 ！😋😋…查看更多

一家人外出食團年飯，一定要預早book 位，仲要落定金先得，不過食物就set 好圍餐，無得揀，不過無辦法，唔想煮又唔想行得遠，就叫左個團圓全包宴($3188+150由上湯龍蝦轉為芝士)1. 芝士珍菌焗龍蝦伊麵(3隻)，份量足夠，芝士同伊麵亦多，超級飽肚2. 鴻運吉祥乳豬全體，皮脆肉滑，上枱時仲暖暖地。3. 黑松露翡翠鳳凰蚌片，黑松露雖然唔算多，但聞落好香。4. 脆皮黃金海鮮卷，無特別的菜式。5. 紅燒雞絲生翅，翅同雞絲唔太多，少少失色。6. 發財好市大利，發菜略嫌太少，蠔豉夠入味。7. 清蒸大龍躉班，火喉剛剛好，魚肉唔鞋。8. 醬皇炸子雞，同樣外皮脆肉嫩，好味9. 生炒糯米飯，炒得夠乾身，唔會癡埋一舊。10. 芒果西米糕，唔太甜，好味…查看更多

黎食中秋飯，做節。最先黎嘅係雜菜海鮮鍋，雖然話係海鮮其實主要係魷魚，菜種類都算多嘅，有白菜菜心椰菜等等，最多嘅係粉絲，又唔可以話好夾嘅，不過都算多款式嘅！焗龍蝦伊麵，幾大盤，但龍蝦似煮過龍，無平時咁好味，但好多龍蝦，亦好多伊麵。可惜係叫咗四次個侍應先拎到個鉗黎...燒腩仔，正常味道。個湯都係正常味道。仲有叫燒鵝，話要等四個字，點知等足八個字先有，黎到無影到相就即食，係幾好食嘅，夠哂熱，都幾肥美，可惜等得耐咗少少...…查看更多

幾個月前去食過一次，等左好耐都無野食，之後又無人理，追單又話就快，原來一直無落單！今日同屋企人再次去食，等左45分鐘，一樣野食都無，問下咩情況，個阿姐答：［腸粉梗系耐啦，人手逐條拉出來嫁」，過左一陣又問，個女人就話張單有問題，要等等，跟住走左，但問系咩問題就無應你！再等左10分鐘，個阿姐走黎話呢樣無果樣無，全程等左成粒鐘，最後忍5住走人，茶位都收左幾十蚊，同個後生既男人經理講等左成粒鐘無野食都要收幾十蚊茶錢，距就扮聽5到5理你..千奇5好去食…查看更多

月尾出糧，食餐好少少，較之豐富一些既晚飯賞勵自己既毅力，四百四，唔算好過份，有半隻燒鵝，一碟豉椒炒蜆，兩個白飯，兩支blue girl, 大排檔style, 消遣中既消遣，晚飯中既排解心情，來個簡單而唔隆重既amazing dinner。本身係燒鵝控既話，對於這間分店既燒鵝，都會覺得好食，表皮鬆脆，暖身，肉厚柔軟，內裏充滿油分，但油分既味道係燒味既香味，好合時，唔老身，一個人食左大半隻撈埋一碗飯算係有啲過份既事，一啖燒鵝肉，再配埋一大啖blue girl, 好邪惡，好正。豉椒炒蜆既話好彩係夏天夠合時，合時新鮮既味道勝過醬汁，蜆肉size中，好奈無食過炒蜆今日點都要食，最後，都成碟清晒。…查看更多

屋企人煮咗咁多日都要抖下，於是就去酒樓食晚飯其實佢啲孖寶都正常嘅，我地今次揀上湯澳洲龍蝦伊麵加燒雞半隻叫咗孖寶再叫條沙巴仔只要五十幾蚊，叫做有雞有魚，連埋碟菜加個湯，埋單唔駛二百一個人，都算係咁啦值得一提係佢有得外賣一隻貴妃雞，免切六十八，都幾抵又好味，最重要係唔駛點整就食得…查看更多

調景嶺站人口唔少，但多年來一直只有兩間中式酒樓；早陣子因為彩明商場重新裝修，其中一間更加結業。等了又等，新酒樓終於開張，不過，舖位與原本的惠康超級市場對掉了。一直沒有刻意光顧，趁著今晚星期五，又係唔想煮飯嘅日子，即興看看是否有位，造就了這次在「百樂門囍宴」開餐的機會。百樂門飲食集團旗下有多間廣東菜中式酒樓，之前也曾經光顧其他分店，不過都是午市飲茶食點心，質素談不上出色，但總算是合格水平。這間「百樂門囍宴」與同集團另一系「百樂門宴會廳」比較，裝修格調明顯較為街坊。雖然今晚只是第一次光顧晚飯，原本也不打算記下這篇食評 ⋯⋯ 但是，質素實在慘不忍睹，不吐不快！與很多港式廣東酒樓相同，近門口就是封閉式燒味枱，見到了掛起的一隻隻燒鵝、切雞及一條條叉燒，賣相一般。今晚只是叫了三個小菜：薑蔥煎焗斑頭腩（$98）、錦江海皇豆腐煲（$88）及吊燒雞(半隻)（$88）。吊燒雞(半隻)（$88）雞皮脆、雞肉嫰滑，只是味道稍為偏鹹、雞肉欠彈性、雞味亦只是一般；以價錢論品質，已經算合格，本來對酒樓出品有點信心；但之後上菜的薑蔥煎焗斑頭腩（$98），立即推翻這點信心。第一，竟然變成煲仔菜；第二，斑頭多過斑腩；第三，很腥。最後送上來的錦江海皇豆腐煲（$88），更只能夠用非常難食去形容。所謂海皇，竟然只是迷你蚌，還要唔知道是新鮮抑或急凍貨，正常預期中的蝦球及帶子全部欠奉；亦不知道「錦江」二字意思何解，但那一個淡橙紅色的醬汁既非鹹、也非辣，味道非常奇怪，總之是難食。雖然三個大人一個小朋友埋單也不用 $400，但實在不能夠容忍、也不夠膽再來光顧。…查看更多

豆苗鮮蝦腸裡面的都唔係豆苗是翠肉爪來，違反商品說明條例。鮮蝦豆苗餃，餃無味道加蒜粒好難食搞到個口都臭埋。 蒸野等半個鐘尤其蒸腸要等成1個半鐘先來，食物等待得太耐。 …查看更多

員工態度超級差，好不知所謂，有一個後生比較年輕嘅男士 唔知係唔係經理 超級冇禮貌。超級超級冇家教！希望老闆睇到 培訓一下員工 咁嘅服務質素真係好少何由 真係好冇禮貌原本同屋企人食飯 都要走。 如果咁嘅服務質素落去 遲早嗌交。打電話過嚟問叫到幾多號 說不知道然後cut線。咁樣嘅服務真係非常好 去到先話要搭枱，但唔係問題點解唔一早講？小小嘅尊重禮貌都無 發現呢一間酒樓真係全部都係 都唔係問題，但係至少你一早講啦 屋企人唔鍾意仲要刻着面咁就真係比一個好嘅回憶…查看更多

彩明商場之前開嘅酒樓都係喺三樓，可能位置問題全部都結業，呢間新開嘅百樂門囍宴酒家終於可以避咗呢個位，開設嘅位置前身係一間超級市場。今日做完晒嘢同兩位同事嚟試吓飲下午茶，星期六嚟講攞位算容易，食物味道又唔錯，喺將軍澳區都算唔錯，搵次閒日收工可以試吓晚巿:)。懷舊春蛋燒賣，呢個點心我覺得周圍都差唔多，肉質食落質素比連鎖外賣點心店好啲，始終係即叫即蒸。陳皮牛肉球，食唔到陳皮味，不過牛肉球都可以，唔會太淋。鮮蝦娥姐粉果，平時對粉果一般嘅我都覺得唔錯，有蝦而且食落比平時嘅少油膩感。蜜汁叉燒包，餡都幾多:)。鳳凰千層糕，鬆軟嘅馬拉糕加上奶黃香，好味。蘿蔔千絲酥，做得好好，食得到層層酥脆，餡亦做得幾清淡，好味。豆苗鮮蝦腸，每段腸粉都見到有蝦，粒粒飽滿，皮亦幾滑。鹹菜豬肚，呢個一漏再漏單，落單大概45分鐘第一次追單話整緊，第二次係二十分鐘後話無落單，即刻落單，幾分鐘後到，滾住出嚟。我無食到朋友話好味，清曬底咁滯。燒汁珍菌帶子炆米，一般，太乾，同埋得幾粒帶子粒擺一邊。宮廷桂花糕，桂花糕入面加咗粟米粒，口感無豐富咗，甜味軟硬適中:)。…查看更多

屋邨酒樓搭枱就預左架喇，呢家酒樓都係新開一個月，一心諗住應該都好新，今日第一次試下去飲下茶，一埋去張台，10人枱計埋我地搭左4個家庭，這個並不是重點，重點就是搭枱是不是要卷起張枱布鋪塊新既。埋到去成枱茶積，因趕時間又想飲下茶沒有叫他們更換。但我們一路食點心的時候，中途隔離坐位不斷已食完，又有新的茶客來搭枱，我們是最遲來的，後來又有三家人後搭枱，張台布完全無換過，最多由下面摺一摺上黎，有冇懶到咁？再望下地下，成地污積，快子亦有飯痴住的。樓面已咁污嘈，唔洗諗廚房。食物質數尚可，但看環境已經不想再黎。…查看更多

逢年初三， 都會去調景嶺果間豪*度食飯，但今年轉轉新口味去左呢間新開嘅百樂門囍宴， 食set. 當然， 我亦都無乜抱太大嘅期望 佢上菜個速度平均， 唔會話趕你走咁款將凳都坐得幾梳芙.佢個蝦伊面過水， 似湯面多d . 隻蝦調味適中， 都算彈牙佢個海味花膠燴生翅就根本係打左獻嘅雞湯， 花膠都無乜， 冬菇絲就有， 似碗仔翅多d. 但我話之佢， 重之佢唔係難食， 就算， 比個4 星佢 啦。 個乳豬拼盤， 好市發財同花枝螃片就平平穩穩， 無乜特別。 我反而想講下佢個燒鵝。 真係唔係幾好食。 佢個皮唔脆， 韌韌的， 個肉又鞋， 真係唔知食唔食好真係好失望囉。 佢個蝦球打得幾好， 好彈牙， 但同碟嘅南瓜餅就欠缺調味， 係炸左嘅bb糊仔upset::, 但食食下， 上菜嘅速度緩慢下來， 完全無菜o我家長輩等得不耐煩， 催了幾次也沒進展， 但等得來唔代表用心煮， 個臘味飯完全無驚:啲臘味有小又細粒, 真係失望。條魚都不過不失， 有龍躉應有嘅味。 個桂花糕都o:總括黎講， 成餐都有70 分， 但希望下次就唔好黎呢間:但我太後生， 絕不到我話:…查看更多

農暦新年，酒樓一定只提供特定的菜色，價錢都比平日貴得多! 唐餐真的不是我喜好，況且一般點的小菜都可以在家煮，根本不值花錢到外吃唐餐，除非是在家較難煮的款式，但老一輩的總喜歡這樣地花錢，令人費解。調景嶺本來只有一間出了名很骯髒的酒樓，近日百樂門開張，當然到百樂門試試。或者是新張，所以環境得乾淨企理，碗碟的乾淨程度還可接受。新年的餐版如下，基本上一個小菜都要過百。金瑤扒豆苗($138)瑤柱不多，但勝在豆苗洗得乾淨，沒有沙，可以大口大口地吃。發財蠔豉($168)蠔豉四隻，生菜份量少。粟米星斑塊($168)遇一般的粟米斑塊不同，粟米汁和斑塊是分開上的。另外，斑塊外型看似蘋果批。由於粟米汁和斑塊是分開上，沾上粟米汁的斑塊，只有表面的汁，兩都並沒有融合，而且斑塊沒有味，個人覺得一般的粟米斑塊較佳。…查看更多

我唔識寫食評，我只簡化講事源：訂左8點位同菜，初一去食晚飯，8點左右入座先讚：食物幾好食，好過調景嶺其他酒家，只係偏鹹左少少。另外想讚下蠟行頭個經理，處理方法好同速度快。以下方面我只想比百樂門集團睇！後彈：一，叫左兩個職員起菜，都重溜單，四十分鐘後先有第一菜乳豬食。二，初一職員忙我當然知，拎個盒都拎左二十分鐘都未有。三，糕點無曬！？糖水都無！？拎左五個芒果杯黎話就咁補（話：一個好貴嫁），我圍十二人，兩人一杯都唔夠啦！四、班part time職員開始hea答，咁我咪叫佢地搵經理過黎，又浪費我十幾分鐘，先有一個肥既經理過黎，話補壽包，等幾內？佢話立即蒸，十幾分鐘左右。我地話唔啦，扣番糕點錢算，然後佢走左，再接著我見到隔離枱上壽包（很定我地係黎先過隔離枱😦）再過一陣，蠟行頭個經理又再問我咩事，我再講一次事情，佢唔洗五分鐘扣番錢再係咁講sorry，我先睇得出咩叫有誠意！我地走果時都十點幾。所以我係想讚下果個經理（蠟行頭，我無問佢貴姓）先再用時間打依偏野～ …查看更多

今晚去到百樂門囍宴調景嶺分店食晚飯，我覺得最期待既係佢既燒鵝，因為我覺得燒鵝係一種非常好食既食物。之前食過太興既煙薰燒鵝，覺得唔錯，對之後食燒鵝都有美味既憧景，呢間既燒鵝，到目前為止都算係真材實料。入到去，因為多人既關係，被分配到偏遠既位置，叫左三個餸，兩個飯，有一碟半隻既燒鵝、苦瓜石班腩、粉絲炆蝦，我覺得佢既菜色幾好食，魚香，蝦入味、燒鵝皮脆肉厚，又夠飽，但成個晚餐有個問題，就係等餸等得太奈了，見到周邊的工作人員都忙個不停，個燒鵝都等左差唔多成個鐘了。但食物好味，總括來說都算無來錯。…查看更多