白布烏冬 (長盛豪苑) (Closed)

自從新店呢間開左之後，我就經常都會黎食～因為通常我都會同2個小朋友黎食～新舖個人覺得同小朋友一齊會好坐d, 排隊有門口位所以都排得舒服d~講返食物水準，我覺得佢地進步左好多～「🐤鴨肉入沾白布烏冬 」鴨肉薄切左之後，雖然冇厚切咁啖啖肉，但係反而入口啱啱好～湯底味道依舊充滿濃郁鴨香，同埋變熱左，唔會再係食1-2塊烏冬就已經凍曬～至於烏冬質地依舊水準，白白滑滑又好味😋「❄️冷汁天婦羅白布烏冬 」先講天婦羅、黎食咁多次，次次都保持到水準～全部炸物都外脆內軟，特別🍤炸蝦夠曬彈牙～至於個冷汁有2款，分別係一般麵汁，同芝麻醬汁～一般麵汁掛烏冬係正路好食，我2個小朋友最鐘意～但比較驚喜係掛芝麻醬汁，由於白布烏冬比較大塊，一塊就可以沾起好多麻醬！個芝麻味非常香濃又有粒粒芝麻嘅咬口～再加凍冰冰嘅烏冬，就係夏日嘅感覺😋😋另外，如果唔想黎舖頭食～都可以外賣生白布烏冬返屋企自己煮～基本配料都已經齊左～唔想出街食的話都係一個幾唔錯嘅選擇👍🏻

白布烏冬成日都見到其他食評有推介，今次終於黎一試！呢間鋪都比較細，但裝修好有日本既感覺！唔錯！嗌左2個熱沾麵，一個雞肉一個鴨肉，同埋一份炸物！沾麵雞肉同鴨肉既味道分別不大，湯入面都係茄子 蔥同其他配料！沾麵汁唔算太濃味，烏冬需要放一陣先會有味，味道淡淡的，都幾好食！不過可能因為沾麵關係，碗湯好快凍，如果可以保溫得更好就好了！雖然睇落好似得幾塊麵，但食曬都飽的！唔夠仲可以比錢加麵！炸物味道正常！粉漿都幾薄，唔錯！

鴨肉入沾白布烏冬鰹魚湯入面有大量京葱，飲落除咗有魚同醬油嘅甜味，仲有好香嘅葱味😚 鴨胸有3大嚿厚切嘅🦆 雖然表面有炙燒過🔥 但始終係現成雪藏質素，吸收唔到鰹魚湯味，淨係得佢原本嘅煙燻鹹味，有啲失望喇🥺 烏冬好滑，有咬口，配鰹魚湯好好食🥰冷汁天婦羅白布烏冬有胡麻醬同鰹魚汁兩款醬汁，配冷烏冬都好夾 ✨ 胡麻醬唔係現成一支嗰啲嘅味，芝麻味再重啲😍 味道清新啲，食落冇咁漏👍🏻 鰹魚汁好清甜，醬油味唔會濃到蓋過魚嘅香味🐟 冷白布烏冬更煙韌彈牙，好得小編歡心💕 另外天婦羅都好有驚喜🤩 炸醬外皮酥脆，厚薄適中😋 炸蝦爽口彈牙🦐 其他就全部都係蔬菜🍄🥕🍆🎃烏冬勁大塊，好難夾同夾起上手都幾重🥢 放完落碗湯或汁度，夾上嚟食又冇額外一個碗裝住，又唔想直接整污糟個竹籬，要好小心先唔會一路食啲湯/汁飛到周圍係😂 真係好難保持儀態🙈 尤其係唔識揸筷子嘅人，會食得仲”論盡“😅 總括嚟講如果唔洗排隊的話，試吓都無妨嘅😊

雞肉熱湯白布烏冬($86) - 味道唔錯, 湯幾清, 唔油膩, 只係雞肉得2舊有啲少😅 仲配埋茄子. 白布烏冬幾煙韌, 本身都冇乜點試白布烏冬, 覺得幾新奇, 價錢又唔貴, 可以一試☺️

叫左冷烏冬及湯鳥冬！食物質素好，價錢合理。但員工木冇表情，绝無笑容，好似我欠左佢錢甘😂。環境及衞生可以，好食過前面元州街間鳥冬店。可以回頭，因份量足，飽肚的。

之前見到有人ig po咗依間野，我就心郁郁想試下，終於畀我試到啦💓😋的確係唔錯嘅體驗。裝修同氣氛都好有日本feel，唔講會以為自己去咗日本🇯🇵，可能食飯時間早，所以唔係好多人，坐落都舒服，唔會太噪。另外每張櫈下面都有個箱黎放袋，好貼心🌸🌸原本以為會好貴，點知原來價錢都幾合理。我今次就叫咗一碗雞肉入熱湯白布烏冬😗賣相唔錯前菜有一小碟嘅酸蘿蔔，食完好開胃。湯底好濃郁，稍為有少少偏咸，整體味道不俗。烏冬真係好特別，真係一片片，好似一張白布，無改錯名。😂😂不過有d難夾成餐飯我都幾滿意，令我好掛住可以飛去日本旅行嘅時光。

最近社交媒體被白布烏冬洗版，深水埗店亦成日大排長龍。今日經過長沙灣，時間亦尙早，見冇人排隊，就入咗去食，揀咗：🦆鴨肉入沾白布烏冬 (沾麵) - 每個麵都跟有wasabi, 薑蓉同葱。沾麵係我想像中，個汁係會比較稠密，但呢碗就比較稀，個湯嘅味道係okay嘅，但可能同我所想嘅唔同，而且因為個湯較稀，以沾麵嘅方式食，個烏冬其實唔太入味。個湯本身就有幾塊大嘅鴨肉同加埋都七大塊嘅白布烏冬，其實都夠飽。不過因為上面講嘅原因，如果下次再黎，我會揀返熱湯白湯烏冬。

位於長沙灣既呢間白布烏冬店面極具日本風格，不過想食既朋友仔記得要注意下個營業時間，晚市係要17:30先至開，記得呢個時間打後先好黎呀😅😅一入到店鋪入面比人既第一個感覺真係好似返左日本京都咁，裝潢令人會覺得好寧靜，有種窗明几淨既感覺，而廚房位亦設左透明玻璃，等你可以睇到廚師煮麵既過程。餐牌上既選擇主要有三種；熱湯，沾麵同冷麵。今次就叫左個鴨肉入沾白布烏冬（$86），而另一碗就叫左雞肉入熱湯白布烏冬（$86）碗鴨肉入沾白布烏冬（$86），沾麵汁較濃，亦有山葵，薑蓉及切蔥佐料，而白布烏冬係第一次食，望落似包餃子既皮，食落口感煙韌，而白布烏冬配沾麵汁既好處係，可以令烏冬大幅度蘸滿沾麵汁，掛湯力較佳。不過可以我筷子功較差😅往往比較難一下夾起成片烏冬😂但味道係幾好食，烏冬以呢種食法亦係第一次👍🏻但鴨肉佢就提供左鴨胸，感覺上有啲出乎意料😂至於雞肉入熱湯白布烏冬（$86），湯底的確較清及湯頭較熱，配合白布烏冬食又有另一番風味，但個人認為雞肉比鴨肉更為好食，有興趣的話不妨試試總結以呢間店舖黎講用餐既環境的確一流，而白布烏冬係香港亦比較少食，尤其係而家無得去旅行既情況下，食一餐日本野就當左係去旅行架啦～

朋友專程約我到長沙灣， 今次午餐的餐廳是白布烏冬。 平時好少機會到長沙灣， 終於可以一試這裏的餐廳👏🏻。來自日本群馬縣的名物白布烏冬，由日本達人Meter Chen引入香港而大受歡迎。今次食鴨肉入沾白布烏冬$86， 賣相好特別，一塊塊烏冬，放在竹籮上，鴨肉熱湯放入白布烏冬，其吸盡湯汁精華， 湯味濃郁， 烏冬食落口感爽滑😃。整體來說餐廳環境不算大， 我坐的枱也較窄，白布烏冬幾特別可以一試。😁 白布烏冬 (長盛豪苑)地址: 長沙灣長沙灣道638號長盛豪苑地下C號舖

呢間人氣長龍店係長沙灣開咗新分店，我趁住人唔多就即刻黎朝聖下先餐廳門口已經比客人一種日本小攤檔既感覺，放住不少木系小傢俬同擺設，轉入門口仲見到一串燈籠，仿似街邊攤檔在招來客人。另外比較貼心的是入口採用一個小斜坡，呢類無障礙設施方便唔同人士出入並享受到佢地既美食方形既烏冬源自日本群馬縣，呢間餐廳係香港首次引入呢種烏冬，比較重身同埋特別煙韌。記得第一次食白布烏冬時，用筷子夾起都有種不能想像的重，十分有趣。所以今次食既時候我都切得細塊咗先，容易入口雞肉入熱湯 $86 8/10昆布湯底夠哂熱，入面有灼燒過既雞肉、茄子同大蔥，仲浮住幾塊紫蘇葉，如果唔鍾意既話記得拎開先。雞肉帶點煎香味，非常惹味同嫩滑。將白布浸入湯一陣，加返一陣鹹甜既風味，變得軟身。 冷汁天婦羅 $115 8.5/10冷汁共有二味，其一係冷麵汁，鰹魚香味好足，令麵身變得實同埋煙韌好多，咬多幾下感受鮮味。其二係胡麻汁，同坊間既胡麻醬好唔同，芝麻香氣更加足，同埋無咁鹹，同烏冬配搭起上黎有一流享受天婦羅有2隻蝦、茄子、南瓜等菜類，都好香脆可口，不過同烏冬就未能形成combo去進攻我既味蕾。

◭ 鴨肉入沾白布烏冬 $86鴨肉望落似鴨胸，口感是不錯的但沾湯入面只有兩片鴨肉，份量極少至於沾湯係暖暖地，湯底微甜但未到好出色白布烏冬質感夠為煙韌，份量都足而飽肚◭ 天婦羅熱湯白布烏冬 $115天婦羅有炸蝦、炸鮮菇、炸茄子及炸南瓜炸蝦係我史上食過最蚊型嘅尺寸🙈又無天婦羅醬汁....熱湯同沾烏冬湯底係一樣，帶少少微甜熱湯嘅白布烏冬較為軟身我哋試完呢次白布烏冬，只會試一次，但不會再食，因為烏冬湯底極為普通，白布烏冬食嘅時候有少少麻煩，好大塊又難夾🙈如果要排隊等位食，就不了🙈

所謂白布拉面, 其實只係gimmick , 一大塊皮代替一條條面. 口味選擇唔多, 但湯底唔錯. 奈何食塊布係有D麻煩既....好難夾 塊布同真正烏冬口感差太遠, 用"白布烏冬" 唔太合適 打下卡都可以, 要排隊就唔好了 

深水埗大熱既白布烏冬 而加係長沙灣都開左分店🧐似乎唔係好多人知所以冇咩人排隊 我地weekend夜晚去唔洗排隊就入得👍.🎈冷汁天婦羅白布烏冬 ($115)烏冬 一份有八片 口感非常煙韌 而且有少少麥香🤤唔好以為睇落咁少會唔夠飽 其實一塊都幾厚天婦羅就非常普通 而且得兩隻比較細既蝦 炸得亦唔夠脆 有少少失望🥲不過冷烏冬嚟講沾既汁就非常重要啦 呢到提供左一般冷麵汁同芝麻醬👉冷麵汁比較普通 同平時食冷麵既鰹魚汁差不多 咸味不錯👉芝麻醬就真係非常之有驚喜 麻香十足而且非常rich 配埋烏冬索晒啲汁 係味覺一大享受啊😋評分: 7.5/10.🎈雞肉入熱湯白布烏冬 ($86)由於湯係熱既關係 烏冬相對冷烏冬淋 冇左個種煙韌既口感😩令我最驚喜既係個湯底 有鰹魚昆布同埋一種炭燒味 個燒味係由灸燒過既雞肉到黎 非常香口 就咁飲都覺得唔錯😋雞肉都做到嫩滑 但就冇湯咁香口啦評分: 7.5/10.🎈總括而言冷烏冬比熱烏冬煙韌 但熱烏冬個湯汁都好有驚喜配菜就相對遜色 唔夠烏冬做得突出😕餐廳位置都算寬敞坐得幾舒服 整體感覺都幾良好係一間會回頭既烏冬店🥰評分: 7.5/10

朋友知道我鍾意食烏冬，佢就比咗呢個資料我，當晚放工即刻去試吓。日本群馬縣烏冬，煙韌滑溜口感出名，而且配以自家製方形烏冬，依家可以係香港吃到了。遠遠已經見到排長龍，等咗大概十五分鐘就可以入去了。餐牌簡單嘅設計，選擇不多，有熱湯、冷烏冬和沾烏冬，當中有鴨肉，湯底亦是鴨肉，頗為特別，所以叫了一個。另外叫了雞肉湯烏冬，雞肉用噴槍燒過雞皮，香脆美味，有大蔥及茄子，不過份量少了點，多加茄子更好吧。而鴨肉方面沒太特別，湯底有別如一般沾麵咁濃厚感。講到主角嘅方形烏冬，口感如千層麵般，和平常吃的烏冬好不一樣，喜愛就見仁見智了。

白布烏冬早已成為深水埗人氣食店，之前經過數次也大排長龍，無緣一試。得知白布烏冬近期已於長沙灣開設分店，所以急不及待來光顧，支持吓疫市創業的朋友。白布烏冬的Menu 很簡單，就是雞肉、鴨肉、茄子及天婦羅熱湯白布烏冬，專注做好一件事—白布烏冬！由拉麵起家的Kintaro Gourmet 社長Meter 與R&D 團隊花了半年時間研製出這一種極具技巧的白布烏冬，不能太厚，不能太薄，不能太濕，也不能太乾，要做到入口嫩滑，絕對不容易！我點的是鴨肉入熱湯白布烏冬，熱湯和烏冬分開上，可保持白布烏冬的彈滑口感。熱湯裡面有三片厚切烤鴨肉及一片茄子，鴨肉香口而不韌，而且熱湯散發著陣陣的鴨香，將一片片白布烏冬浸入濃郁的熱湯中，烏冬即時吸入熱湯的鴨香味，相當滑溜煙韌。每碟均有七片白布烏冬，厚薄濕度適中，夾到熱湯中也不容易破裂，口感特別，令人一試難忘。餐廳免加一兼包茶，但建議打卡的朋友要快手，否則食到最後兩三片白布烏冬已經開始黏在一起了。