發記腸粉粥品

Open Now

Now Closed

今日冇胃口想食粥,就去左呢間發記,地方雖然細但係d粥熱辣辣都幾好味。叫左碟蝦腸(12元)同埋碎牛粥(13元),d蝦爽口腸粉又滑,粥都幾鮮甜,味道好啱我,我鍾意d粥夠綿,最緊要大大煲,,兩樣食埋超飽肚,好滿足我見好多人食豬潤雞粥,好似d人乜粥都加豬潤,肯定好正,連隔離抬個肥婆都連嚼兩碟豬潤腸仲要加豬紅粥,應該靠得住而且d樓面阿姐態度都幾nice...下次去一定要試吓豬潤雞粥

我都去過食,雖然我住kowloon,但我都成日專登去食, 因為有一次食完佢之後再無一間粥店令我心動.我食均香港九龍既粥店,但無一間令我愛上.很喜歡一邊食碗熱辣辣又新鮮既粥,一邊透過玻璃窗看清元朗的人和物.首推豬潤雞粥,好多好多料,大件又新鮮,真係好鮮味!! (豬潤真係一流,勁爽口)我又食唔出有味精. 有人話魚片太薄, 呢個當然la, 識食既人都知魚片如果切得太厚就會有骨, 所以一定要薄, 好欣賞師傅刀法.腸粉一流,鮮蝦腸好爽好鮮,雞絲腸好野味,而且好大碟.加埋碗粥,就算係地盤佬都會飽.服務態度亦很好^^

元朗的美食真的很多。食友寄一個元朗飲食網給我，一看，十居八九都沒試過。因此我計劃了一個遺珠行動，希望每星期都去找一些小小店來試!　行動第一天，目標是又新街的彪記牛腩。不太熟路，找了相當時間才到達，卻見小店爆滿。又餓又累，改變計劃來了發記試粥及腸粉。　兩個人點了碎牛粥、炸兩及炒米。美味的食物有樣認的，這裡的炸兩就是了；一口吃下去，腸粉極滑溜，口感一流，配合新鮮可口的油條，簡單卻非常美味。難怪每檯客都點了一客!　碎牛粥是即叫即製，用了造型特別的雙耳煲盛載，香噴噴的令人食慾大增。分了一半吃，粥底極棉，味道很純粹很鮮味，比國記出品水準更高。炒米也是即叫即炒，等待時間較長，米粉炒得不會太乾，加上大量芽菜幾爽口；味道可以再香口一點，珠玉在前吧，比起粥及炸兩略有不及，但都算不錯了。　埋單才$29，平到笑，絕對值得那麼多個笑臉!

搬o左入元朗都要揾粥食發現o左新B仔對面有間粥店都好多人食第一次去叫o左豬潤雞粥, 好似上環生記一樣, 先上一碟薑蔥豉油. o的雞好入味, 豬潤都好滑但真正要推介係地o既粉腸. 好鬼新鮮好多粉, 真係值得試試味精係有o的, 但可以接受

好多元朗人都話食粥一定要去發記，貪佢地啲嘢幾經濟抵食。我食晏時如果冇胃口，通常都會嚟發記食番碗粥清一清腸胃。到粥舖除咗食粥之外，我一定會叫埋炸兩。明明話清腸胃，仲要食啲咁肥膩嘅嘢，人有陣時就係咁茅盾。是日我叫咗肉片粥，其實呢度最好食嘅應該係豬潤粥。豬潤解甜爽滑，加上煲得綿綿嘅白粥，食起上嚟真係一大快事。粥係用金屬煲去滾嘅，咁當然冇用瓦煲滾咁綿啦。個人覺得呢度嘅腸粉麻麻地，較硬身，要食都係要食蝦米腸；炸兩中嘅油炸鬼仲係脆卜卜，但唔會炸過火變得太硬身，可惜甜醬味太清，需要落大量才可吊味；炒麵夠乾身，唔會有過多嘅芽菜同韮菜，唔會喧賓奪主。一碗肉片粥15蚊，炸兩10蚊，豬潤粥要貴啲，但印象中都係大約20蚊，十分抵食。少少題外話，每次嚟呢度食粥，老闆娘都笑容滿面，對住官仔骨骨如是，對住地盤老粗亦如是，服務態度值得一讚。

早上去食個早餐，要了雞粥+蘿蔔糕+腸粉，如果一個人食個粥真係食唔晒，真係幾大煲，蘿蔔糕好多油呀，真係超多果隻，因為表層好似多咗唇彩一樣，唔係誇張，真係未見過咁勁，諗諗吓，應該叫佢"走油"，不過就真係有冬菇腊腸，都OK，不過依家要$7，雞粥都OK，$30不過算多雞，之前試過晚上2-3點食過，早上8點又有得食，佢地唔通係"7-11"

d粥又平又好味~~大大窩~~我食唔到有味精喎~~可能好小~~d 腸粉都幾好味~~~不過老闆娘整會左好味d~~d 雞粥野味d~~~如果想食粥~去食下都幾好~~~得閒去食多次

十五蚊一大煲普通單併粥價格算ok,粥底都幾棉但唔覺好鮮味好普通,試過魚片肉片粥雙併,魚片切得太薄而且冇咩味道,應該係完全冇醃過直接酌熟。肉片又係冇乜經過化學物品製作,所以唔覺得滑並有少少鞋,但如果愛好健康朋友,食呢度肉片應該係較安全。我女友試左煲豬潤粥,豬潤起沙有淡淡黃油好新鮮,而且粥擺上檯煲粥入面豬潤酌得好滑好爽一都唔硬。我女友好鍾意食呢度蘿蔔糕,HK$5-有三件份量一都唔少,點埋甜及辣醬食確係唔錯,最正係佢腊味用料唔少好香,而且煎得好。腸粉方面就一般,略嫌腸粉較粉唔夠滑,但份量幾大碟。大致講算係抵食夾大件,但如果追求粥底正就一定會失望。

今日同女友,細老及老媽元朗冒住大雨專程去幫襯,要艇仔粥($15),豬紅碎牛粥($15)炸兩($10)豬潤腸($10)同蝦米腸($7),價錢都算平。粥係大大煲,料都好多,不過我就覺得粥就傑好假,味就ok但都伿係味精,腸粉都好滑豬潤好大塊起沙唔鞋,蝦米腸蝦米就多得滯變好似搶腸粉風頭咁唔似食腸粉似淨係食蝦米,呢度炒麵都伿係賣5蚊,不過係用油麵我唔鍾意所以無要.不過以57蚊四個人食得飽ok,但最失敗就係最尾由一個肥妹待應埋單,價錢一早已經寫哂張咭度啦,一睇都已經計倒係57蚊啦,比100蚊佢找番33蚊過我,咁梗係問佢張單幾錢啦！佢就住張單用計數機計,竟然計出話62蚊重話找番38蚊咪囉！哎！好彩錢未放番落袋,明明得33蚊咋！咁我就即場用口述計比佢睇同埋話比佢知應找番43蚊至不過佢不但無道歉重黑口黑面好似係我做錯咁,唉！佢真厲害機計都可以錯,就算你計都找錯錢啦,大姐！

元朗真係唔係咁多食粥品嘅地方,呢間算係又平又大碗..D粥係用食煲仔飯嘅煲上嘅..女仔真係食唔哂!腸粉又係即叫即造,蝦腸D蝦又大隻,唯一油炸鬼係攞番黎買,2個人食到飽都係30元有找..

我好鐘意食街邊檔..因為好有風味..發記係其中一間...佢果度D粥賣15 蚊一碗..但係大碗到兩個人食都夠架..而腸粉就更正..即拉..好耐未食過即拉腸..下次一定會再黎

星期六無聊,放工之後入元朗四圍行,順便見識下元朗新食街。見到呢間有即拉腸粉,我條腸粉癮又起,而且見到好多生滾粥同腸粉選擇,連雞雜粥都有!所以就試呢間。炸兩($10): 都幾大碟,腸粉熱辣辣,質感偏軟,只不過油炸鬼就唔係脆卜卜,美中不足。蝦腸($10):好大隻蝦!!!成碟腸粉應該有四隻蝦左右,好爽口!!!! 我鐘意!!食左兩碟,飽到上心口, 超滿足!!只不過豉油有唔少師父,食完好口乾!