發記腸粉粥品

Open Now

Now Closed

下午茶提及過這裡的即拉腸粉,三姨似乎很有興趣,買完燒鵝後又跑來八卦一下;我們站在門前看著密密麻麻的腸粉種類,我們還沒有選定,三姨已經跟阿姐落單,真快手!回家打開盒子,當看到大人的蝦米腸粉時不期然"嘩"了出來!密密麻麻的蔥花和蝦米滿佈在腸粉之上,用料之充足真的少有!自己看到那密麻麻的蝦米真的頭皮發麻,但大人卻吃得相當愜意。腸粉不太厚,只是經過外賣盒焗過之後味道會稍遜,但還是有水準的;叉燒粒份量頗多,切得很幼細,但進食時卻會不斷跌下,有點不便;豬潤厚薄剛好,口感爽爽的,配合軟滑腸粉的確好吃,推介!!蘿蔔糕煎得金黃,蘿蔔絲份量不少的糕身頗軟滑,所以也很重蘿蔔香味,吃起來不會覺得粉雷雷,內裡也有不少臘腸片、冬菇絲,配料絕不欺場,這款自製蘿蔔糕是另一個推介!!醬油不用要求也用小膠袋另上,每碟一包不會吝嗇;店內冷氣不太足夠,還是等天氣再涼快一點,再來堂食好一點,畢竟新鮮出爐的才最好吃。

8月18日補完習病病地，所以去左發記食碎牛粥。第一次去食，粥好綿，材料比我想像中多好多=] 8月21日同男友買完電話，就決定再去發記食粥。我叫左碎牛粥同炸兩，男友叫左肉片粥同肉片腸粉。2個大食既人都食唔哂，哈…真係平靚正！

在這裏食粥十次有九次都是外賣,因現場環境不太好,這裏全是生滾粥,材料新鮮,份量又足.我每次都叫豬潤牛肉粥,豬潤好爽脆和滾到剛剛熟,唔見血又唔*鞋*,粥底也很香,另炒米粉是加入大量椰菜,你叫少油佢地真係落好少油,炒出來的米粉好乾身和爽口, 通常一份粥和一份米粉,巳足夠我和仔仔兩人食,一份粥有兩碗,也只是$22,非常低食.

回歸10週年果日一家人去了元朗叔公家順便又去試下呢度D粥同腸粉叫了---牛肉腸：好滑,又多料,幾好味炒麵：麻麻,好油而且冇咩味豬潤雞粥：又係好多料,而且夠大碗,冇咩味精,粥底又夠綿!P.S.由於唔識去,搞到叔公要特登"車"我地去,真係唔好意思=P

22-4-2007 1707聽聞這裡的粥不錯，係屯門食完麵後，搭輕鐵轉西鐵再轉輕鐵再行10分鐘，地方一的都唔難搵。本來想食雞粥，但又想食腸粉，粥已要索價30，銀兩有限，諗左5分鐘，退而求其次，叫了雞什粥多青加豬膶腸粉，阿姐話我咁樣叫好明智，跟住問腸粉使唔使加葱上去，我好自然地話要，不論是不是即整，服務一欄已滿分。粥首先上場，用瓦煲，份量十足，真係好多葱，粥係即滾，好綿，完全沒有任何師傅，雞什雖只有雞腎及雞肝，其份量也一點不少，種類比明記當然遜色，但同樣價錢，份量已經win 曬。至於腸粉，好明顯係即整，葱係皮內，整定必會變黃，粉皮有米香，豬膶剛剛熟，有一部份係黃沙膶，份量又多，12蚊絕對超值。埋單共27蚊，好少地方有料腸粉(除炸兩及蝦米腸) 的食店，會主動問你落唔落葱，完全明白客人心態，下次再來必要試佢既雞粥/飯及煎蘿蔔糕。

自己住元朗~ 不嬲食開呢間d野做宵夜加上番學果陣都有時去食lunch見咁小人比評語等我都幫下手先.哈首先d 粥真係好好味. 即叫即整無味精成盆熱辣辣咁上桌女仔可以同人share一煲再叫其他野食!粥方面我食開艇仔..碎牛都係$13~$15 兩份食$7都有..抵抵抵另外會再叫$7 既蝦米腸. 又平又抵食..真係好鬼多蝦米!!爽..~好似$8 既蘿白糕都好正!!炸兩都十分好味!!好鐘意食呢間野!!

睇價錢牌一個碎牛粥要13蚊好似偏貴但上檯時你就會覺得物有所值因為佢係大大煲即叫即滾碎牛份量亦多粥底又夠綿食完唔會口渴叉燒腸($10)唔算好滑同薄但勝在叉燒份量亦不少甜豉油味道好都食得過可惜食唔到脆炸兩朋友仔既及第粥($15)應該都唔差試左件豬潤夠厚又夠粉但咁o岩仲有少少根所以難咬d炒米粉($6)較差可以唔食油又無乜料服務良好至少隔離檯個阿姐不斷重複又重複話腸粉要少豉油講左至少五次阿姐都好有禮貌應佢

第一次黎食粥,本來想食豬潤雞粥,但$38咁貴唔好食就激氣,所以試下豬潤粥先($15),用個煲仔上,好大煲,好多好大塊的豬潤,無十塊都有八塊,豬潤剛熟,又爽又滑,D粥又香又綿,真係好抵食又好好味,不過鮮蝦肉片腸粉就普通D,粉皮較厚,蝦就真係好大隻,都算抵食既.

驚住星期日會落雨~所以提早星期六去「發記」「發記」最出名既係即拉腸粉~同埋出左名「遠...」, 入到元朗wow~ 真係幾遠好彩荃灣有巴士入~ 約半個鐘就到「發記」已經冇左門口0的檯仕全部搬番哂入去舖入面連0係門口拉腸粉既風味都冇埋我地叫左兩碗粥，蝦腸同牛腸佢既腸粉係比陳漢記平~不過0的蝦好明顯冇咁大隻牛腸就普普通通咁~冇咩特別~腸粉好似已經冇以前咁滑~ !?唔知係咪心理作用!?粥都ok! 不過不失咁啦!呢間野都算多人~晚市都咁多人食~

滑牛肉片粥- 粥很棉，很香滑，仲有好多牛肉片，味道很新鲜，好好吃！（15元）虾米肠粉- 粉都很滑，但虾米就少了点，没什么尝到吓米味。（7元）蘿蔔糕- 马上煎，热辣辣的，有香菇，腊肠片少许，值得一试，好吃！（8元）

1/30 7:30pm尋日早收工, 又凍凍地,返屋企前去了發記食個粥.自上幾期飲食男女介紹過後,嘩, 多左人呀!等左10分鐘先有位. 好多人仲外賣呀~bf要了"新鮮切雞飯"($30): 白飯認真大碟,至少有2大碗白飯既份量. 雞亦新鮮, 肉質鮮味唔un.我要了"碎牛皮蛋粥($15): 大大煲,碎牛無溝好多米粉, 真的用上鮮牛, 所以好有牛肉味, gd! 皮蛋仲見到有"松花", 驚喜!!!另加: 香蔥蝦米腸($7): 都幾多蝦米, 足料. 口感略林.

我雖然住西貢,但由於有親戚住元朗既關係,所以成日入去,都算係大半個元朗人來架~我食盡元朗,但人人唱到o甘行既發記都無去過,真係覺得自己幾失敗,今日一於睇下係咪o甘正.見人人留言都讚豬潤雞粥,當然要試,雖然成三四十元,但o甘遠來到,就豪一次la!可能繁忙時間關係,等了十幾分鐘...嘩嘩嘩,好香好有鮮雞味啊~~豬潤果然係好鮮好爽,起沙但好爽,直頭係\"索索聲\"!!一生人點都起碼要食一次,我重外賣多一個豬潤雞比老豆tim 算la,雖然係就係貴過其他粥,但難得食到o甘正既野,係好值得既!見佢\地重有蝦球粥,下次我一定要試下!

又嚟食粥la...今次出征去到元朗咁遠，女友都話我就嚟short short哋 自己以前經常响元朗出沒，近排就少咗。難得入到嚟，梗係食得唔好嘥la..頭炮就打唔響la，妙舒嘅燒賣令人失望至極...跟住再嚟呢度。自己作為半個地胆都唔知呢個地方，真係失敗之極...一去到，見到人山人海。元朗人不嬲好識食，咁多人食，呢處一定有D計...見到個個都食雞粥，就叫一個豬潤雞，再加個葱花蝦米炸両...件頭相當巨。粥以瓦煲上，氣勢十足。粥底並不算好綿，但卻十分鮮甜；雞用嘅係鮮貨，仲起晒黃油，掂；豬潤好爽口，一D都唔老，好新鮮...好大罉，食唔晒...炸両入面油條當然唔係現炸，差咗D；皮頗有米香，偏"膠口"；葱及蝦米份量足，配合甜豉油，滿足..好飽...飽到連名物蘿蔔糕都塞唔落...好遺憾...

5pm點先到呢度, 見個個都讚, 一於試試..蘿蔔糕: $8,即煎, 等左10分鐘, 但好香, 又有料, 唔會得舊粉, gd~香菇雞絲腸: $10, 即做. 好滑, d雞一d都唔鞋, 好!!!因太飽, 食唔到粥, 下次要試~~~

天氣冷作病唔舒服，男朋友陪我食粥，不過又心思思想食其他野，所以佢陪左我黎發記。碎牛粥，男朋友至愛，用雙耳煲載，粥底好綿好香，碎牛加粉仔，讚不絕口。炒米粉，即叫即炒，麻油味好香，椰菜+ 芽菜，雖然用料普通但味道好。炸兩，可能因為夜晚關係，唔夠熱and唔夠脆，麻麻地。不過阿姐服務好好，見你地一對黎食粥，會自動俾多一套碗and spoon俾你，食到好飽咁走都係hk$30，平到笑，又好食好平，仲唔滿意?