甘永泰魚蛋 (Closed)

來到長洲怎能不到「甘永泰魚蛋」吃上一串炸丸類。由於所有丸類也是即叫即炸，所以等候時間會較長，每次假日，舖前也會有10多人等候呢～幸好這天是閒日，只有3-4名食客等候，好快就買到啦～舖前放有一張大長枱，上面放上了林林總總的炸丸串，點選過後，姨姨就會取到身後的炸爐即炸，約1分鐘後就有得食～怕淨睇實物唔知咩丸打咩丸？唔洗怕～下方位置也大餐牌，圖文並茂，約有10款類別吧～以大魚蛋、白魚蛋、四寶丸及魚肉釀豆卜，較為多人選擇魚肉釀豆卜 （$15）［評分：8/10］食物夠新鮮，尤其是炸物，即叫即炸，永遠也是最好的。大魚蛋及各款丸串於其他地方也漸漸普及，不難吃到。但唯獨是魚肉釀豆卜，要炸得整件也香脆可口實在不易找到。豆卜炸至金黃色，一串6件，由於炸起後即時取起，所以油份較高。入口不但香脆而且非常豆卜部分非常鬆化，帶點豆香，而魚肉部分則富彈性，然而魚肉味不算太濃，整件放進口內，既有嚼感之餘又有鬆脆的感覺，非常過癮！甘永泰魚蛋 (長洲)長洲新興街106號地下～～～～～～～～～～～～～～～總消費：$ 15味道：8/10環境：6.5/10服務：7/10衛生 : 6/10抵食 : 6.5/10

要數長洲No.1的人氣小食店，一定非甘永泰魚蛋莫屬。眾多出名小食店中，只有一間無論任何時候都大排長龍，人氣"爆晒登"！剛步入廣場，遠遠經已望見人山人海，每次都要等10分鐘以上買炸丸。舖面其貎不揚，枱頭只見一個紅色招牌，另有黃色標語註明自家製魚旦，只此一家，一語道破最大賣點。排隊途中望見婆婆即做魚肉釀豆卜，手勢十分純熟，名符其實鮮製魚肉釀豆卜。旁邊大大盤招牌魚蛋，乒乓波大小望見已經覺得飽。海鮮丸丸種類很多，除招牌大魚蛋外，有自家製鯪魚球、魚肉釀豆卜和魚蛋，另有購入的蝦丸、星加玻白魚蛋、豬肉丸、三文魚丸、芝士丸、黑魚丸、四寶丸，選擇困難症即時發作，款款吸引，實在難以決定。面對長長人龍，檔主耐性實在有限，情急之下只好選擇四寶丸，一次滿足4個願望。兩位姐姐熟能生巧，極速用吸油紙包住一串又一串的丸丸，交到客人手上。始終用油炸，雖然香口但難免油膩，用吸油紙包住丸丸串，的確是聰明的做法。打開吸油紙，四寶丸有鯪魚球2粒、魚蛋、蝦丸、海膽丸各1粒，有3粒自家出品。剛炸起的丸丸十分香口，外脆內熱，但表面有點油膩，先用吸油紙印一印會有幫助。鯪魚球有混入豬肉，入口非常惹味，推薦大家試試。魚旦口感結實彈牙，的確

長洲人氣十分開既小食店, 主要係外賣關於魚蛋類既食物, 例如魚蛋, 魚片, 炸豆卜等排隊都幾耐, 由於太多人, 排左我10 分鐘!, 不過等閒都OK 既今次我就叫左10蚊兩蚊超大魚蛋, 魚蛋SIZE大慨有平時魚蛋既兩三倍大味道真係吾錯, 魚蛋皮有少少炸左比較香脆, 裏面係白色而且十分彈牙既魚蛋肉, 不得不堤係魚蛋肉係十分有魚味, 感覺到係用左好多新鮮魚肉整出黎, 所以以10蚊兩粒黎講都算物有所值, 值得推介

甘永泰好近碼頭好易搵，一落船就去左食啦雖然係星期日去，但係早少少既時間都未去到大排長龍，等一陣就買到，D呀姐做野超快手我買左一串墨魚丸，三文魚丸拼芝士同蝦丸墨魚丸($15)超好食其他鋪通常都係有汁，得甘永泰係用炸，真係好正！蝦丸($20)朋友話好好食，好似得星期6日有咋！三文魚丸好普通，我仲以為會好重三文魚味添總結：呢度既雜丸絕對吸引過d大魚蛋

吃完午饭 游泳日光浴完毕 乘渡轮回家前再四处转一转突然在一个类似小广场的地方看到了有名的鱼蛋 而且没有排长龙哦自然是要一试的 以我贪心的性格 自然是要四宝丸了平时不爱吃炸物 因为油太大而它的四宝都是炸好在晾着的 油没有那么大能看出来的是虾丸、牛肉丸、鲮鱼球丸和鱼丸入口满嘴生香 而且味各不同  相比之下反而觉得鱼丸不够弹 其他几款都很弹~~卜卜~~~满不错的哦 连平时不吃各类丸的我都愿点个赞呢 名不虚传哦~PS 四宝15元

每次去親長洲，都總會見到舖外排長龍舖外放滿好多一串串不同種類既丸～由於即叫即炸，所以舖外傳出陣陣香味～有芝士龍蝦丸，蝦丸，魚蛋，墨丸，鮻魚球，魚肉豆卜等. . .由於朋友未試過，所以就2個人買咗4串食. . .所有丸都好彈牙～加上由於多人買，即炸即食～每粒都炸得漲卜卜～外皮有少少脆身～味道一定好d~自己比較喜墨丸同豆卜～墨丸好香～有點腍腍既感覺～而豆卜炸得好脆好香口～下次經過都一定會忍唔住買反串食～

農曆新年之前幾日,公司提早放農曆新年假期,去左長洲週圍行,除左去故鄉茶寮食紅豆餅及手卷,亦都去左新照記茶餐小食店買懷舊糕點因過年關係,允升甜品當日已經收爐,冇得食芒果糯米滋,另一間天然甜品我去到時候已經提早收舖,冇得食芒果水晶卷及芒果湯丸,至於洲啤工房又話食團年飯提早收舖,下午四點去到都冇得食巨薯棒 雖然好多野都冇得食,不過可以試下長洲大魚蛋 ,之前去工展會,見到有小食檔賣長洲大魚蛋,可見呢o的大魚蛋幾特別,工展會小食檔真係問長洲魚蛋檔拎貨黎賣其實島上好多檔都有得賣大魚蛋,個個都話自己先係正宗,有檔「時來食坊」有電視明星做代言人都幾多人幫襯,真係花多眼亂,梗係諗住搵間最好食啦 甘永泰魚蛋係最具規模,有四,五個舖位,見到舖外成枱都係魚蛋,真係好壯觀 仲有墨魚丸,白魚蛋,鯪魚球,蝦丸,魚肉釀豆卜等小食可供選擇,除左可以即場買黎食,客人亦可以外賣一斤斤返屋企自已煮平時冇乜買街邊魚蛋小食,今次難得黎到長洲不妨一試啦,當日大約 4pm去到只係得幾個人排隊,聽講假日人龍係好長架 呢o的長洲大魚蛋一串只係得兩粒, $10一串,話貴唔貴,話平唔平,同平時市區一串魚蛋份量差唔多由於不停有客人幫

16/5又黎到長洲啦，呢幾日又不停落大雨，落到好煩躁，因為考完試既關係所以唔洗反學，諗住去下街但又日日落咁大雨，黎到星期五，終於叫做好啲天氣啦，所以都按原定計劃去長洲。一落船就落毛毛細雨，唉真係咩心情都無哂。之前都去過幾次長洲，雖然沿路有一兩檔都係賣大魚蛋，不過首先一定係去甘永泰啦！10蚊一串，話貴唔貴，話平唔平，難得黎到都要捧下場既！一去到都有唔少人等緊，都唔少人買芝士丸拼三文魚丸，同埋普通細粒既魚蛋。咁我地就要左兩串大魚蛋啦，個到既姐姐好熟手，即刻拎起兩串落油鍋炸，確保食落去係熱辣辣。仲有張廚房紙可以印走多餘既油，呢層係好既，因為我諗好多人同我一樣好憎啲油溢味 ………其實大又唔係真係好大，相比其他店呢個都唔算大但炸完就夠熱，一咬落去，內面都夠嫩，同埋好彈牙，呢點好緊要魚蛋唔彈牙就唔叫魚蛋啦不過鮮味唔太明顯，但係係好食既，keep到水準 : )

去到長洲玩，不去去這一間魚蛋店食魚蛋好像有點兒那個，所以最先都要去一去「甘永泰魚蛋」去試試。可能時間尚早，還是十一時多，人龍不是太長，只有數人在排隊，就叫了魚蛋、墨魚丸和魚肉釀豆卜三種來食。魚蛋($15) 魚蛋是白色的魚肉丸而不是炸了外皮的這一種，食落少了香口的外表但多了原味魚肉的鮮味，而且非常彈牙，如果用來配粉麵來食應該都幾好。墨魚丸($15) 墨魚丸好像我們去燒烤時塗了一些的蜜糖在面然後再燒，所以外表有了一些金黃的顏色，味道上尤勝魚蛋，因為這食物上有了蜜糖的甜味和墨魚丸本身的味道也會比魚蛋重，單是比較味道這個比魚蛋重，我也比較喜歡這一個的甜香味。魚肉釀豆卜($15) 只是看外表就知道它是十分之脆口，食落果真如此，而入面的魚肉都十分之鮮味，不過就真是十分之熱氣，食完要立即飲一些水會解熱氣，味道上都是可以的。其實有些簡單的食物最能帶起人們的想起過去的情懷，尤其是這些以前街邊常見的食物，雖然這些都是平宜的食物，但都是香港人一些集體回憶。

上兩個星期日，有朋友約我去長洲賞櫻花！ 我們跟著她的行山領隊，先走到關公忠義亭賞櫻花！遊人圍着兩棵櫻花爭相拍照！> 沙灘 > 行上山頂 > 看沉船 > 長洲市集等地方走走。 我們完全在長洲兜了一個圈，環境優美！長洲美景盡收眼底！令我大開眼界！ 當日每一個行程也是精彩！最精彩莫過於「食」！ 影過櫻花及經過沙灘，我們走到長洲小食店集中的市集！ 第四站：我們走到 <甘永泰魚蛋> 食魚蛋！ 聽講，<甘永泰魚蛋> 是長洲的人氣小食店！起碼佔有 4 個舖位！ 在店外，大約有 30人排隊！只見一條長龍！  可想而知其出品的魚蛋有幾吸引！ 店子供應：魚蛋、白魚蛋、鯪魚球、蝦丸、魚肉釀豆卜...等。 價錢大致上是 $15 ~ $20/串我們一共買了魚蛋及魚肉釀豆卜各兩串！每人分食2粒魚蛋及1件魚肉釀豆卜！ 付款後，店員阿姐以餐紙包裹魚蛋，保持衛生！ 魚蛋 $15/串魚蛋一串有5粒！味道鮮美質感彈牙！魚肉釀豆卜 $15/串表面炸至金黃色的豆卜，口感脆卜卜！ 釀入的魚肉也爽口味美！我覺得真是不夠喉啊！

長洲出名大魚蛋,都要試一試!見門口情況,一個招牌有成4,5個鋪,睇來發左喎!見到一大堆蛋蛋,好多選擇,正當向疑似老闆娘嘅女士查問除左相中選擇外,可有其他配搭時,佢用個鼻來回應我.真冇禮貌!說回:大魚蛋$10串,其實只是魚片做,味有小小鹹香味,口感同食炸魚片冇分別.又唔是真的好大粒,一般.三文魚拼芝士丸$15串,可以不吃!三文魚丸完全冇味,得個硬字,芝士丸好普通,好油,完全又貴又唔好味!今次真真中招!

排了大約30分鐘，本來唸住值得一試，點知如此不值！買了大約100蚊，有白魚蛋，蝦丸，豆卜，墨魚丸，不是熱辣辣！不是main point！魚蛋沒有魚蛋味，一點都不香甜！豆卜乾爭爭！蝦丸有少少少味，墨魚丸都還可以接受，總括，不值一排！！！

見天氣幾好，又放假，所以入長洲食下野。一落船就見到好多大大粒魚蛋，但係有上OPEN RICE做功課，就梗係知甘永泰先最正宗啦！大魚蛋真係好大粒呀，好似乒乓球咁大個，咬落都好彈牙，食一粒都已經好夠。三文魚丸拼芝士丸芝士丸係平時打邊爐果啲無咩特別，反而三文魚丸幾好食。佢用紙巾一串串包好又幾特別，拎住無咁熱同埋唔怕油淋淋。

二零一三年尾，休假中特意到長洲一遊，舒c服服去舊迎新！好好調理一下心情！下午兩点幾一落船，肚子已經打晒鼓！拿拿去這裡排隊食大粒魚旦！試左墨魚丸同大大粒魚旦，熱度ok, 但竟然墨魚丸出色得多，大大粒魚旦係夠彈，但只感覺到超强胡椒粉味，冇乜魚味！作為小食ok la! 價錢吾算貴。

放假入黎輕輕鬆鬆行下，雖然星期六嘅長洲都多人，但相比起成日係石屎森林中生活，已算係一處樂土。雖然係食左午餐先入去，但去到又點會唔食下小吃呢！黎到人氣小店甘永泰，必食魚蛋（但唔係大大粒魚蛋）左邊嗰串係叫《新加坡魚蛋》，一貫水準，彈牙，本身嘅味道已經好足夠，唔需要加乜醬乜醬！右邊嗰串係《豆卜魚肉》，呢個就炸得乾左啲！