甘永泰魚蛋 (Closed)

別的不用多說，吃了很多家，這家魚蛋的肉感最佳。有些家的彈過頭像是加了些雜料，魚味又淡。雖然只有原味魚蛋，但是口感和味道都非常令人滿意。魚肉釀豆卜，第一次嘗試，被這種特別的口感驚艷到。非常值得嘗試的一間店！

每次到長洲，都係為了食食食！今次也不例外！都是為了吃！今次是食「甘永泰」！有好幾次沒食到了，因為沒有蝦丸！好彩地這次終於有蝦丸賣了！左手邊的就是蝦丸 HKD 30.00賣到30大元仍然大排長龍，可想而知，是有多受歡迎。蝦丸有五大粒，粒粒都好實料。熱辣辣炸出來，都幾有蝦味，有咬口！右手邊的是炸豆腐卜 HKD 15.00這個是必食吧！同樣是熱辣辣炸出來，外面的豆卜好脆！超好味！真的值得推介！這個炎熱的夏天，就算在烈日高溫底下，仍不減吃貨對美食的追求！食完這兩樣，又再戰其他美食check point!

週末放假去左長洲輕鬆一下當然就唔會放過揾美食既機會啦唔好睇長洲細細既一個島仔其實都幾多好野食因為呢度仲係保留左好多小店小店既好處就係用心而其中既呢間甘永泰魚旦檔係我每一次黎長洲既必食之選等唔切既我求其影左一張相已經急不及待擺入口由於男朋友唔係好中意食魚。。。但佢中意食香口野所以就試下買呢個魚肉豆卜叫佢試下睇下佢食唔食啦點知。。。連平日唔食魚既佢都話幾好味wor因為呢間的魚旦真係好鮮味而且唔腥所以可能甘樣佢就食啦😂哈哈，我無介紹錯架食左一串唔夠喉又想買比爸媽食所以追加多半斤回家我爸媽都話正其實，魚旦有鮮魚味已經好足夠。。

長洲一日遊平時大排長龍，見今日人少少就試一下。每串炸物即叫即炸！炸釀豆卜真係頂瓜瓜！脆而不膩！一連食左兩串！食得出，炸油唔係萬年油。豆卜脆加上蝦肉鮮甜，沒有任何醬汁或調味，但卻帶得出本身的鮮味！！炸鯪魚球今次試一試鯪魚球。髮菜，蔥粒、果皮等配料，十分足料！口感略嫌鬆散，沒有彈牙感。但勝在味道搭夠！鯪魚肉與配料配合得宜。店員雖則忙碌，卻十分有禮貌！而且每一串炸物都奉上廚房紙一張，吸一吸油，十分細心！

兩天一夜之旅•第二站 甘永泰魚蛋一落船，老公就衝左尼甘永泰魚蛋。上年只係試過最signature 唧魚蛋同蝦丸。今次竟然見到唔係成日見到嘅炸豆卜，仲叫左老公最愛嘅墨魚丸！(第二日尼又賣唒嚕真係可遇不可求架)首先呢，今次我地無叫魚蛋叫左墨丸，蝦丸同豆卜，呢啲成香港都有嘅食物，點解咁推介甘永泰呢？我地對所有"丸"都好有 研究同執着 。呢道嘅丸超彈牙,(但係彈牙呢就90%市面嘅店家間間都做到架啦)，我地贊不絕口既原因係彈得尼又會好散，夠足料又唔會整得太幼滑，令墨魚丸有咬口，仲有個種紮實感同足秤感！炸完因爲唔會好似台式炸丸咁有層厚粉，別有一番風味炸蝦丸好食彈牙不過無咩好特別形容。炸豆卜呢就真係超好食啦。佢係張豆卜剪一半。中間擺蝦膠定魚蛋咁既野。咬落去鬆脆又有豆香但又唔油。中間仲有完全唔同既口感！正

今日來長洲ㄧ遊, 同老公乘快船ㄧ抵達長洲, 即前往甘永泰只此ㄧ家魚旦, 幸好天氣不佳及星期日關係, 人流不多, 等咗2分鐘, 就可買到大魚旦($10), 蝦丸($30)及墨魚丸($10), 我兩口子急不及待大口大口品嚐, 同对上ㄧ次比較(4月份曾來過長洲), 今次由於排隊客人不多, 好多種類魚旦擺放時間耐咗, 不是熱辣辣的, 咬落口感無咁皮脆肉滑, 不過味道仍保留鮮味, 雖然無对上ㄧ次好味, 但臨離開長洲都再買多ㄧ串蝦丸品嚐。希望甘永泰魚旦公司會考慮為客人翻炸各類魚旦(係客人少情况下), 能保持鮮味爽脆口感, 我相信是值得的

甘永泰應該是長洲唯一一家 會每天天未亮就開始用人手 將新鮮魚製作成為魚旦。 因為是我親眼看見一位叔叔坐在地上,然後不停用刀剁剁剁!!! 所以它們家的白色魚旦一定是用新鮮魚肉製成的! 但是可能隨著長洲遊客越來越多的關係, 白色魚旦的價格升幅也越來越快, 現在已經變成HKD15一串六粒。 今天吃到的白色魚旦依然彈牙, 依然有魚肉味道, 但鹽分太多了!!! 非常的咸!!! 希望下次再加價的時候, 水準也保持平均一點!!!

說到甘永泰, 那絕對是長洲的名物之一, 也是我每次來長洲也「點都會吉返一串」的小食。除了魚蛋, 他們的炸物串近年也愈出愈多, 當中魚肉豆卜的味道不俗, 但食到最後, 我還是鍾情他們的自家手打白魚蛋；多年以來, 美味依舊, 但價錢就愈加愈貴, 遊客區生意, 果然就是遊客區價錢了啊

一場黎到長洲，當然要黎呢個指定打卡地方啦，每次黎都要排好耐隊，但今次可能有點晚，所以就唔駛排，每次都係試佢既白魚旦同炸魚旦，今次就試佢地既三文魚旦併芝士丸，其實呢個配對係有點怪，但作為魚旦迷，當然會試下佢地既三文魚旦啦。我覺得三文魚旦既味係比其他普通既魚旦味有點濃、但唔算好彈牙。係食到有三文魚味，不過係幾得意。至於芝士丸跟外面買到既差不多。不過不失啦

就係貪佢地魚蛋有名 特登山長水遠跑到長州 點知佢哋服務極其惡劣 我哋成班人邊排隊邊諗食咩 全程都規規矩矩排隊 點知到咗我哋就鬼惡死咁要我哋重新排隊 仲話我哋頭先冇落單 大佬 前面有人拍隊啊 我哋點落單啊 以後都唔會去呢間 都唔會推薦朋友過嚟

13-5-2017(Sat)傍晚,同老公同班friends臨離開長洲前,o黎呢間買魚蛋,成班人得我一人買,我睇吓價錢,魚蛋一斤$100.00,蝦丸一斤$120.00,由於唔知一斤有幾多,我就問亞姐,半斤大概有幾多粒?佢答唔夠20粒,18,9粒o度.咁我要一斤啦.買完後,朋友研究買唔買魚片頭,因有親戚鍾意食,但眼見冇魚片頭,於是我問返亞姐,片頭點賣?佢態度幾惡劣咁問我,咩片頭?我答魚片頭.佢答冇魚片頭賣.我諗我o係佢o地冇人買o野傾o緊偈問o野,阻住佢o地吧,真係唔好意思,我唔應該問同買o野.我o地拎到返屋企就即刻雪住佢,到第二朝我打開睇,原來佢o地o係發泡膠盒內墊o左張廚房紙,粒粒大細都均勻,我又數吓佢有幾多粒,有45粒,磅吓係o岩o岩有一斤,咁半斤點會唔夠20粒?我拎5粒出o黎煮,煮好食得,口感係彈牙,呢種彈同其他第二o度食到o既唔同(就連我貪玩,將佢由高處掉落隻碟o度,真係會彈,重彈得幾高),亦食到有魚味,內裡係有啲氣孔.抵食係2.7分

吃过好多家鱼蛋，最爱的却是这个离岛上的一家自制鱼蛋！长洲岛出名的是超大颗鱼蛋，味道却比不上这家独有的自制鱼蛋，每一次上岛都要吃个够本！鱼味很重很鲜，一定要吃“自制”的哦，还可以打包

係長洲除左最出名係芒果糯米糍，仲有長洲大魚蛋！每次黎長洲，我都會食呢間甘永泰蛋糕！甘永泰魚蛋嘅魚蛋係標榜自家製嘅，我黎既時候正係復活節假期，所以好多人排隊買！條隊非常長，但係好快就買到，大概5-10分鐘左右！入面有好其實有好多款魚蛋，價錢大概由10-15一串左右，偏貴少少，但岀面好難搵到自家製嘅魚蛋，所以呢個價錢都值得咖！今次我買咗四串，有長洲大魚蛋、普通魚蛋、墨魚丸同埋五寶丸！長洲大魚蛋同普通魚蛋都好彈牙、有魚味（食落好似只係大粒同細粒嘅分別）而墨魚丸係我覺得甘多串入面好食，因為佢除左彈牙、仲好足料！唔會食到粉嘅感覺，冇雪藏味，唔會用蒜味去調味，同埋食落好實！五實丸可以試曬五隻味，五隻味各有特色，分別有：豬肉丸、魚蛋、海膽丸、八爪魚丸同錂魚丸，雖然賣面同出面賣嘅差唔多，但的確彈牙d，都好好味！係網上見到呢間鋪頭嘅老闆做埋呢代渣，如果佢退休就食唔到喇！推薦大家去試下！

復活節長假期第一天到長洲吃喝玩樂，第一站必試的魚蛋肯定是甘永泰，每次遊長州必試。雖然當天大排長龍，等了20分鐘才到，也是值得，一行九人叫了九串共4款不同的，非常滿足。值得推介是鲮魚豆卜，非常鬆化，熱辣辣新鮮炸起，而蝦丸又十分入味。

長洲搶包山活動背後有調和不同的族群原意。初時長洲不同祖籍的居民聚居於不同的街道，惠州、海陸豐（同屬福佬民系）、潮州族群居於北社街和新興街，廣府人（南海，順德……）居於大新、中興及興隆街，統稱為陸上居民，而蜑家人(水上人)則聚居西灣。在1960年以前，必須是惠海陸潮府籍的會員才可以在太平清醮擔任值理。另一證據是廟宇是分族群而建，故廟宇密度高。東灣路是分隔南北兩大族界線。甘永泰魚蛋位於分界線上，位置當眼，落船後轉左，入大街廣場靠左即見。店前空間廣，排龍有氣氛，大利招客。香港仔，筲箕灣與長洲是漁港，賣魚蛋最有江湖地位；長洲市集有立食區，故最受歡迎。此店魚蛋勝在種類多，即叫即炸。有著名的大魚蛋，外表討好的三文魚拼芝士魚丸，是日推介（當日是蝦丸）。有適當咸味，帶出鮮魚味道。用紙巾包著，十分衞生，但不方便映相。推薦食有特色的豆腐卜釀魚肉。有外賣，只須排較快的隊伍。建議賣是日推介的魚丸。當日蝦丸半斤，40元有14粒，每粒2.8元。近年迎頭趕上的是在百佳附近的時來食坊。是因電視臺有推介。此店炸食物技巧一向高，故推薦食椒鹽大魚蛋。最新戰況是在市集入口的東源大魚蛋風頭勁。因醬汁選擇多，辛辣度足夠。較多遊客