珠江酒家

Open Now

Now Closed

上次就一行幾人嚟到珠江, 今日心血來潮同朋友兩丁友再嚟食過~心中已經諗定兩個人唔會食到好多嘢, 最多揀三個餸就算喇!由於撞正星期日,又冇BOOK位嘅情況下…結果要等位…足足等了30分鐘…苦等了肚仔喇。好彩門口位置有櫈留俾客人等位坐,都唔使企得太辛苦。肚餓餓,喺呢樣又想食嗰樣又想食的情況下…結果都係揀咗4個餸…呢次真係眼寬肚窄喇…負責招呼嘅姐姐真係好友善,呢個要即時讚一讚^^睇下今日叫咗咩餸先!有必叫嘅”潮州蠔爽”呢個真係食一次讚一次! 蠔仔肉漲卜卜, 麵粉沾得好薄,鎖住蠔汁之餘,食起上嚟好實在,特爽呀!!椒鹽魚腩全都係魚腩位置,冇夾雜到多餘嘅其他部位,所以冇乜魚骨!仲要啖啖肉!麵粉亦係沾得好薄,食起上嚟好香好酥!加上椒鹽嘅蒜香辣感!正到暈呀>_<咸魚土魷煎肉餅味道確係唔錯,肉質夠鬆唔會老,土魷份量多,唔會食唔出有土魷存在, 加上咸魚嘅咸咸香香, 味道相當夾, 用上煎嘅方法,將肉汁鎖實,拎嚟飯真係一流。唯一就係豬肉太肥喇, 而且仲見到有豬皮粒出現,感覺好油膩…明顯比其他遜色喇。九菜花大豆芽少咸肉純粹係想食九菜花加大豆芽,咸肉太肥的確唔會食…成個餸都少出咗農村菜嘅味道, 而

久聞珠江酒家麻甩格局 , 菜式挑戰健康而聞名 , 終於有機會比我試到了 ! 同家父兩人六點幾去到 , 一入門口有一女士就問有冇訂位 ? 我答冇呀 !咁佢就睇睇本訂位薄 , 之後就問我七點半交枱得唔得 , 我就話梗係得啦 ! 入到去已見有一家人在開飯中 , 女士安排一張樓梯底大枱比我地 , 坐低之後就睇牆上如揮春嘅菜式 , 好多都好吸引 , 例如金沙黃金魷魚啦 , 涼拌花甲啦 , 豉油皇鵝腸啦 , 椒鹽墨魚咀之類都好想食 , 奈何只有兩個人 ,同埋呢到碟頭頗大 , 所以只點了潮州蠔爽 , 勝瓜浸蝴蝶腩 , 豉油皇炒麵三樣 .潮州蠔爽隻隻都好大粒 , 蠔味足 , 得兩個人食的話略嫌有D漏 ,勝瓜浸蝴蝶腩 , 清清地 , 呢個時間食瓜好合時 , 蝴蝶腩家父好喜愛 , 密密食 , 帶點豬肺味嘅蝴蝶腩有D有筋膜位嘅地方煙煙韌韌 , 十分好味 !豉油皇炒麵係用粗麵黎炒 , 色澤較淡 , 味道適中 , 唔會過咸 ,因碟頭大好足料及蠔爽比較漏嘅關係 , 兩個人係食唔哂嘅 !   今次得兩個人食唔到太多野 , 下次一定約齊好友再戰珠江 !( 一路食時見到訂左枱嘅客人沿沿不絕咁黎到 , 可想而知此店係好受

位於太子雷生門附近的珠江酒家，初到貴店便感受到強烈的懷舊古董味。設計好簡陋，地方也不算大，但卻感覺相當親切！好有回到過去的感覺哦～一行幾人入門後便直上二樓，樓梯好窄，相當難行下⋯牆上貼滿各色菜名，驟眼望都已經好多選擇，每道菜名都好吸引眼球，一下子都變了選擇困難了～好！直接介紹下以下幾款小菜先～涼拌花甲：好開胃嘅一個前菜，青瓜好爽口，花甲肉亦顯肥美，小小辣加上小小麻，超正！！再嚟多碟都可以ko佢^_^潮州蠔爽：唔好齋睇啲蠔以為細粒，其實啖啖肉，而且新鮮唔腥，麵粉用量適中偏薄，令到蠔仔炸出嚟更加酥香，漲卜卜肉汁保留得好好！而且完全不用沾醬共食，主角蠔仔已經可以獨當一面，味道可以用啱啱好嚟形容。黃金鮮魷：呢個鮮魷賣相好特別，正正方方，size如瑞士糖一般，麵粉沾到好薄，加上濃濃嘅蛋黃漿，包裹住一塊新鮮爽彈嘅魷魚塊，每口size都啱啱好，咸甜適中，好味！姜蔥魚雲煲：魚頭當然新鮮啦，用上鐵皿上菜，存溫較長～姜與蔥嘅味道，剛好辟去魚本身所帶嘅腥味，真係好魚魚魚呀！鱻！百花蜜京都骨：大大件，百花蜜重，甜甜的，味道也不錯吧～椒絲腐乳通菜：味道不錯，但略嫌煮得過熟，口感唔夠爽。蝴蝶腩：豬嘅一部分，但略為

記得以前有家吃小菜的很有風味，最近再約三五知己從聚舊日風味。可惜的是景色依舊人面全非，指的是以前不接受訂位但今日進去沒有訂位要等上好一段時間。除了人來人住非常多人等位外，小菜舊日味道以不再了。不過埋單每個人都係一百二十蚊，以這個價錢總括都算不錯了。四人點了五餸 ：-黃金墨魚咀： 外層蛋黃很香脆可是入面墨魚咀淡而無味。-辣子黃金九吐魚：很香脆可口，九吐魚辣味後勁很強但食多兩塊有點太喊。-水煮牛：整盤由辣油浸著牛肉的菜式，只有面是牛肉乙塊下面的全是牙菜，而且牛肉有點過韌，不過都尚算入味。-豬頸肉魚麵：豬頸肉有點過韌，魚麵就像魚蛋麵裡的魚片頭切成條狀，不過不失但亦没有驚喜。-花枝小炒王：頭兩啖很香口，但之後就越食越喊，往後整盤就一定要伴飯吃了。

舊式酒家越來越少。今次去左深水步酒家食飯。2人位等左30分鐘已經有了位。見到一張張手寫紙格外親切。最後叫了2個菜加一個湯。衛生程度大家都吾好介意係比較污糟。但幸好待應都快手快腳執野。等了30分鐘。餸菜總到晒：菜干豬肺湯（例$78）涼拌花甲（$108）潮洲蠔爽（$108）整體係失望。食品份量大。料都足。炸野係吾錯。但太太太咸了。蠔爽蠔都叫大粒。少少炸酥既感覺花甲叫了加辣而吾係加咸...湯係最後黎到。但原來都係味精湯。不過豬肺份量都夠同有煎一煎左總叫香口可能咸既原因係個個都要啤酒。所謂比較濃味吧

朋友介紹，話說餸菜好好味，依據地圖，由太子港鐵站行來，不算遠，店鋪，一句“ 好懷舊，應該是很殘舊 “，店面面積都不算大，有地下及閣樓，裝修平民化，我估店鋪開張，之後未曾維修過，真心感覺有些污糟，部份人會接受唔到，顯然是做街坊生意， 蝦干花枝小炒王，飲杯就最正 蠔珠，蠔味夠，細細隻，之前未食過 鵝腸，好味，但仍然差少許，豉油可以用更靚嘅蝴蝶腩，好味，外面舖頭好少做，非常美味，可能好多人唔知以為 蝴蝶腩是牛肉，其實 蝴蝶腩 是豬肉。如果接受到地方，真係可以試試，新識女友就千祈唔好帶她來。

珠江酒家環境就好似七十年代用細細粒既瓷磚鋪地鋪牆既酒家甘,夠哂舊式,家庭生意樓高兩層,下層細圓枱多, 上層六人以上枱多, 牆身側邊做一條條紙仔寫住吾同菜既名方便客人點菜由於家庭生意,所以在多人時間,好似星期五六7 8 點就上菜比較慢,食物十分正,我地點左糊蝶腩煲: 一個大大既瓷煲入面裝住胡椒湯,而入面放左好多舊蘿白,糊蝶腩(豬腩肉)上面鋪滿葱花,豬腩肉出面有層筋好爽口,而豬肉分開一層層十分有層次感, 湯底十分香既胡椒味, 而且蘿白十分軟林,下面用細明火保溫,呢味菜必點一字骨:用孜然等香料燒成既豬仔骨,出面爽脆香口得黎咬落好有趙口炒蠔爽,用吾同香料炸成既蠔爽,蠔仔好大粒,食落好香胡椒粉味,正,但比較熱氣黃金魷魚:呢味用咸蛋皇炒既鮮魷, 同出面吾同,佢係用魷魚最上面部位, 所以可以切成正方形,特別有咬口同有魷魚味避風塘餃子,用避風塘既香料黎煎餃子, 十分香口 正涼伴花甲凍食:以口水形式整成既花甲,首先花甲好大, 其次蒜蓉薑怱辣椒做成既醬汁口感複集配以下面既青瓜中和味道, 正!總括而言,食物味道夠風味鑊氣,而價錢平,鍾意食少炒既朋友一定要試

街坊飯店，裝潢簡單，間隔風格舊式，以為是開了幾十年的店，原來只有幾年，想必是頂手的，而且保留了上手食肆之原貎。距離地鐵尚要走數分鐘路程，想必以街坊生意為主。食物路綫方面，有創意而偏向重口味，喜用濃稠惹味醬料例如辣椒、蝦醬、麵醬、椒鹽、風沙等等，辣菜及炸物不少，皆是下啤酒之良伴，似乎是愛好大杯酒大塊肉男士之天地。也許水準不俗，亦吸引了區外人，例如我們，聞名而至。早一天致電訂位，限時六時至七時半，並無菜式需要預訂。六時到達，剛開始營業，安排在樓上方枱，另外已有客人在中枱，聽說亦是首次光顧，等着阿姐好介紹。環顧四週，牆上彩紙就是菜單，非常有創意，成功地令客人好奇想試，例如麵醬油渣魽魚、薑蔥豬排生菜、琼山紅炆野豬雞煲，出奇的組合，可能有意想不到的效果。想到近年飲食界，皆興起革命或創意料理，大多用上貴價上乘材料，絕對不平民化！珠江飯店勇氣可加，把街坊食材重新演繹，大膽嘗試，味道第一，脂肪萬歲！首次光顧，就試了三款招牌菜，碟頭份量不少，幸好我們二人皆是＂擦得＂之人，難不到我們！ 涼伴花甲幾乎是所有客人必選之前菜，賣價$108，以街坊菜來說，談不上便宜，但份量十足，以重疊式擺設，賣相有台型夠份量

珠江酒家此小店外觀陳舊﹑途經時完全不起眼，兩層的店內裡一樣裝修欠奉，但捧場客仍然甚多，不提前預訂不一定吃得到。手寫的小菜菜名貼滿店內的牆壁，感覺懷舊。此日點了涼拌花甲﹑美極鴨下巴﹑台灣三杯鷄﹑啫啫王鱔煲。涼拌花甲是很多食評推介之一，花甲不少，沒有沙且鮮甜，味道偏麻而不算太辣，葱香蒜味重，很有川菜風味且非常惹味，底下的青瓜也很清爽，絶對沒有令人失望。美極鴨下巴顧名思義，以美極醬油調味並炸過，香口但味道太鹹。三杯鷄味濃且鷄肉嫰滑，配飯一流。啫啫王鱔煲有驚喜，王鱔是大條的，非常爽口彈牙，味道也很好。總體十分滿意的一餐，價格也不高，確實值得推薦。

以往每每回家經過也未曾為意這小店，只見店外貼滿a4紙寫著各種各樣的菜式，雖然不時有人在門外等候，但也以為只是一家普通的懷舊菜館近日在家附近搜尋好地方吃飯時，竟然給我找到它，一家座落太子、大角咀及深水埗交界，位於荔枝角道，雷生春對面，平平無奇的珠江酒家機緣巧合地找了一次家庭聚會(媽及妹的生日飯)安排於此，爸爸對吃很有要求(應該是說沒有一家食肆他是覺得美味)，而爸爸亦從不喜歡等位，當然我必定做好功課預先訂座，也了解這兒有什麼好吃、推介的，點菜前也不忙看看貼滿在牆上的菜式 涼拌花甲果然是必選推介，賣相吸引，而且淋滿醬汁，醬汁微辣開胃刺激，而且甲肉鮮甜，連汁一起吃味道甚佳，而且每隻都非常入味，連不嗜辣的妹妹也愛不釋口，連青瓜也不想錯過 蠔爽雖冬天是會吃蠔餅，但一向對於不喜歡吃海鮮的我，以為與一般蠔餅無異，只存在一試無妨的心態，但此蠔卻令我很嘩然入口非常香口，外脆內軟，帶有少少蠔腥味，加上喼汁，味道更鮮，令我不禁也多吃幾件，果然名不虛傳，我也大力推介 美極鴨下巴自從吃過東莞的鴨舌後便愛上了，但連下巴一起吃還是第一次，以美極來命名，估計以此醬油煮製，味道香濃入味，下巴位亦帶有不少肉，可是吃多兩件，

如果問宅女, 最抵吃又最重口味的首選, 我必定亳不猶豫馬上就會說出''珠江酒家''四個字.身邊友人不乏重口味人仕, 所以這晚趁著天氣轉涼馬上又來一次珠江聚來到不能不點的當然有這裡的招牌肥鵝腸啦這晚的鵝腸水準似乎沒有上次那麼肥美, 但入口仍然非常甘香豐腴, 所以不一會仍會被眾人清光光.而另一重點就是這裡的羊腩煲了!!大大煲絕不欺場, 內裡的羊腩雖然大件但塊塊都炆至非常淋身, 每件均帶點肥脂不過又不會好膩而且腐竹亦吸盡了醬汁的精華, 吃起來非常入味亦夠軟淋最重要是羊腩煲內的汁越煮越入味, 此時放入一個一丁進去濃稠的醬汁滿滿的包裹著每條麵條, 濃香不絕, 雖然此時巳很飽但實在忍不住吃了兩大碗!! 最後我們一行七人不計其實菜色, 都居然幹掉了五包一丁!! 可想而知是有多美味了.

擁有古典意大利建築特色的唐樓雷生春斜對面，亦有一間經典香港特色的小食店珠江酒家。這街坊老店環境裝修欠奉，在舊區中本是完全不起眼，近年被發掘後深受各方老饕歡迎，不單是麻甩佬的聚腳點，而且更吸引不少 OL來大吃大喝，魅力非凡。這裡我到訪過十數次，每次來都是為了重口味。如果你要問有清淡一點的嗎？我會叫你還是不要來，因為這裡連炒菜炒豆也是重口味，炒通菜加豬油渣，四季豆也用上沙茶醬，而且還有不少高膽固醇及特色罪惡小菜，你有點心動嗎？心動不如行動，到來先吃一個涼拌花蛤，翠綠爽甜的青瓜跟鮮味的花蛤盡是麻辣酸汁，建議不要用筷子，掏手吃完再啜啜手指，滋味無比。邊吃邊喝是必要的，來支冰凍青島，吃過花蛤後再吃黃金墨魚咀，咸蛋黃香氣撲鼻，雖然每一粒都充斥罪惡感，美食當前，相信沒人會在意了！豉油王鵝腸不算是這裡特色，但沒有挑走肥脂，貨真價實的鵝腸，在珠江還是可以吃得到，加上襯托在底的芽菜爽甜，跟鵝腸纏綿在舌頭上實在興奮，到這裡來一客，少不了。想舌頭更興奮的話，蠔爽絕對是不能缺少的菜色，外脆內軟，蠔味濃惹，帶一點微辣，佐酒一流。冬天到來珠江酒家，還有一個不能不試的絕活，古法羊腩煲。好吃的羊腩，一定要夠羶，沒有羶香

正是不識廬山真面目，只緣身在此山中。一路對珠江酒家也產生莫大興趣，固然坊間對其評價大致不俗，但最重要的，還是那古舊而帶點街坊風味的氣息，與及所供應的懷舊刁鑽菜式，才是精粹所在；也曾於途經荔枝角道時，見到門外大批等候的人群。原本還以為要多等一段時間，才能有幸一試乾坤，卻是於上月尾出糧之日，同事高呼要在此攪區，既然有人一聲令下，自然也樂於隨行。單看門外的環境而言，完全可以用「罨耷」兩個字來概括一切，除貼上了傳媒的貼金之言外，其餘的還是大量菜式名單。至於內裡的環境，亦完全是街坊的食肆格局，倒算來得乾淨企理。較為特色是用上五彩的菜名print out，好來去代替牆紙。期間也看過菜牌，最初還以為是主打懷舊的粵菜風味，期間亦發現不同的菜系風格，反正香港飲食文化也是百家匯聚，就作是一間擁有樓面的大牌檔好了。屬於樓高兩層的菜館格局，單以樓下而言，究竟檯數是四張還是五張，也不過是伯仲之間，反正五隻手指應該數得完。由於遲來關係的緣故，早已有同事預先取了檯，免除了等候之苦，卻是也老實不客氣地，預先點了兩個小炒，總算挾下了最後兩件的椒鹽花枝丸，期間再呷上大口啤酒，不禁高呼一句 --- "人生有個真正朋友的確好

呢味餸，還可以，算有特色，但因太多生蒜及洋蔥，口味較重，唔係個個受落。我食到有牙軟感覺。黃金鮮魷，做法正宗，其實一黃金就好食，無乜特別，中評。雜菜煲反而清清地，好食。蠔爽好食，炸粉不多不少，味道適中，入口夠香。炸豆腐又係好食，綜合以上菜式，珠江酒家嘅炸物係比較做得出色。一個中size嘅羊腩煲要$267，只夠三個人食，四個要叫大。質數未有驚喜，反而枝竹越硬，煮左成九個字都食唔到，啫係枝竹本身嘅問題。我地四個人食左$770蚊，有一個人重要無食肉，只係叫左兩碗飯，一罐可樂，一支獅威，每人約二百，價錢偏貴。食物質數十星為滿分，五分合格，我會比5.8。環境一般，重要吹我地比枱佢，但阿姐友善，有禮貌，樓面有問必問，無不耐煩，服務加分。

約好8人的回憶那些年，最後得返5人。有兩個病左，一個因OT來唔到。其實自己都病病地，但真係好想試。同埋同學仔話，預科嗰時係附近返學，我地已經食過喇。但本人對店名冇咩印象。7：30去到，好在唔使等位。牆上貼滿了菜單，眼花撩亂丫 而且少左會去，又唔可以叫咁多了。不過真係好多菜都想試丫，如魚尖（我唔知係咩）、冰梅骨、山葵豬腳仔、田雞煲、涼拌花甲等。未開餐已經想encore la。 差唔多8點鐘，等齊朋友仔就開餐喇！叫左4餸1湯，飽死了！先來兩個招牌菜，黃金鮮魷同蠔爽($98)。菜式份量都幾足，朋友仔話，食蠔爽好過蠔餅，起碼成碟都係蠔 黃金鮮魷就有啲遜色喇，可能係唔夠蛋黃的關係。走嗰時發現有黃金墨魚嘴，同朋友仔不約而同都話"早知叫呢個啦" 之後再來個芥末牛柳粒，芥末味好夠，用洋蔥炒，正丫！咁多肉，少不了一個青菜吧！叫左蒜蓉炒豆苗，幾大碟下，抵食。我同另一個朋友仔都鼻塞，所以叫左個胡椒豬肚湯。試左都幾辣，我比較喜歡用原粒胡椒煲的多啲 不過整體來講都幾滿意，上菜快，服務好，環境就麻麻喇！但都直得再Encore wor