珞桐冰室 (Closed)

當日去電聽電話的女人態度甚差，然後我等了很久再次去電，她居然拿起電話不發聲！等了十秒，我問是珞桐冰室呀？她居然說你不發聲我也不發聲，我心想這是什麼態度？本人覺得她們生意興隆應接不暇，所以想減少多D去吃飯或叫外賣的客人，妳成功了，我基本上每日叫兩次外賣，現在希望少了我這樣的客人可以幫助妳們不太忙碌。（想去經營店的聲譽是須要一段很長很長的時間，才得到好評！現在妳只須要一個電話就可以破壞你公司過年的聲譽和好評）

有時同區悶悶地唔知食乜，有次睇openrice發現到呢間野好多好評，因為知道係個街市入面，所以膽粗粗一試，之後都係一食愛上，而且經常幫襯。叫過pizza，多士，推介飯類，牛角包同常餐，每樣都好出息，而且平民食府黎講真係做得唔錯，只係焗野你真係要等，但切記如趕時間勿叫焗野！

如果去過寶湖街市，大家都會知道果度好似被棄置咁，十室九空，根本無可能會知道裏面呢埋左間茶餐廳雖然話開恆冷氣，但都唔係好涼，大熱天時真係要三思，講返食物，主要是價廉物美，個人推介牛筋腩，原味或選咖哩都一流，牛腩炆到入口即溶，出面真係唔係隨便食到。另外一個就是雞扒撈麵配照燒汁，雞扒煎到個皮好脆，加埋個秘製汁，公仔麵吸晒d味真係一流。還有其他茶餐都係唔錯，自家發明的比薩，用方包做，都係非常特別還有飲品，隨便一杯咖啡都已經非常好飲，奶味咖啡味濃，還有特飲的朱古力咖啡，足夠大家去幾次先試得晒

一口粒粒花生醬多士極重老油味。4：55叫個餐，我一早已講明飲品轉頭叫。到5：15我想叫杯熱奶茶，阿姐幫我落單，但廚房個男人燥底話5：10已截單。個阿姐叫我飲熱檸水。明知我未叫餐飲，為何截單冇通知？臨走時，個燥底男又扮好人話下次還我杯奶茶，難道仲有下次？！

難得一天公眾假期，當然第一個節目就是要瞓到自然醒，瞓到下午一點多，簡直是非常難得，第二個節目就是要尋食啦！今日我們選擇到大埔去尋食。。。第三站 –珞桐冰室一口粒粒花生奶醬多士好東西就是要等待，一個就像金字塔搭到三層高的多士，粒粒焗到金黃色，面層加上花生醬、煉奶、砂糖格格多士粗略估計有3cm厚，每邊的的格格多士都是香脆的，賣相絶對不比其他 café遜色，那就可知師傅耐心的製作！雖然多吃幾粒後就感覺有點兒乾，但沾多一點花生醬、煉奶就已解決了！凍阿華田冰冰凍凍阿華田，不太濃，也不太甜，是正常版本！

早前見到網上有人介紹大埔10美食...通常經網上瘋傳後…人流一定會比平時多...最怕排隊...唯有相隔一段時間先去試...難得早放工...一於食個下午茶...呢間冰室係寶湖街市裡面...電動/手推輪椅/bb車都去到...有齊斜道...店內都算鬆動...可能我平日去啦...無乜人...好快有位坐...份量比預期多～多士烘得太乾了～食落有少少𠝹口～朱古力醬味道唔算cheap～奶茶趁熱係好飲，凍左就奶味重咗d～

上次吃過珞桐pizza之從，我女兒念念不忘，所以今天又去了珞桐吃下午茶，一去到剛好有一張枱沒人，老闆娘就很熱情的叫我們裡面坐，原本想叫珞桐pizza 的，不過老闆娘問我女兒要不要點焗雪山試試，剛好有人在吃，我女兒一看見它的賣相，就立即說要試了！這個焗雪山，我覺得應該叫冰火山比較貼切，因為雪山外面是暖暖的焗蛋白，而中間藏了一粒芋頭雪米糍，底層應該是海棉蛋糕我女兒很喜歡，說又熱又冷好好玩焗蛋白本身不太甜，想甜一點就點碟上的朱古力醬一起吃，因為是甜的關係而且很大件，所以要我跟女兒兩個一起吃才吃的完，但感覺是漏不是飽，所以可以當是甜品來吃。至於我自己就點了牛角包配碎蛋沙律個牛角包看上去好像有點燶，但食落完全無燶味，而且仲很鬆化，味道也不錯，我女兒試了一口，就搶了我1/3件來吃，不過這件牛角包比起其他餐廳的牛角包略嫌細小了點，不太餓或吃不多的人可考慮點它！這是我第二次帶女兒來光顧，因為很多食物都適合小朋友吃，而且價錢真的很實惠，所以還會帶女兒再光顧的

星期日去大埔，原本一路都係食開"一樂"，去open rice 見到依間嘢就決定嚟試下，去到街市揾左一陣就揾到，星期日 lunch time,好多街坊一家大細嚟食，所以都等左一陣先有位，見到好多嘢都想叫，今次我叫左吉烈豬扒茶餐，有雖然味道可以但只有兩粒的吉烈豬扒，而個麵正正常常，個湯冇乜味！個餐仲有兩塊英式鬆餅"唔好食",午餐肉同炒蛋，依兩樣正常啲！最好就係我加$7轉朱古力咖啡，賣相已經好，味道仲好濃又香又滑，估唔到有咁嘅水準！炸蝦多士配薯條，依樣又係喜出望外地唔好食，多士太大，而料太少，根本唔係太食得出有咩料響裡面，我唔明點解有人話好食，而啲薯條水平係最差，又幼又冇味！炸雞肶，炸得幾香脆如果可以大隻啲就更好！因為太飽我試唔到佢嘅名物一口多士，但就係因為佢個凍朱古力咖啡，縱使其他嘢唔太好食我都會再返嚟！

係寶湖街市遊走左陣都未搵到，不過佢咁出名早知一早問個街坊去到已經見到排隊既人龍，驟眼見有2個用餐區，2邊都勉強坐到大約十幾二十人。街市環境大家都係為左美食先黎，都唔會話坐好耐都唔走，所以等左20分鐘到就輪到我地喇坐低唔洗諗咁多即刻叫個一口蜜糖多士（$24連咖啡/茶！今時今日真係抵到爛）。烘多士需時又另外等左15分鐘頸都長埋...登登登主角出場！嘩～D厚多士方形粒疊到3屠高，睇佢烘到咁金黃就知一定好香脆食落口真係quach一聲咁脆（略乾身）多士除左蜜糖仲灑左d杏仁碎片同糖霜，令多士更加香甜。十幾粒多士旋風式落左肚，得番條包邊。平時都好鐘意食包邊，不過依個真係烘得乾過頭，又唔似中間果d有蜜糖滋潤下，要送野飲一齊食先得...飲品＋$2要左凍咖啡，口乾得濟未影相就飲左...哈哈其實佢面頭有d咖啡粉嫁，飲落更重咖啡香～P.S. 第2次黎食左一口杏仁朱古力多士，本身個多士既配料唔似出面咁又有生果又有cream，所以配朱古力醬比起清甜既蜜糖好似多d味覺上既刺激

睇openrice食評才知道有這間冰室，還看到賣相很吸引的一口朱古力杏仁多士，於是昨天就帶女兒一起來吃下午茶。 我們點了一口朱古力多士同珞桐pizza，朱古力多士的賣相真的很好，而且也很多，$24還包一杯熱飲真的很超值多士烤得很脆，不過可能太脆的關係，所以也很乾而且有點硬，對於不太喜歡乾身食品的我來說，就算加了朱古力醬也覺得太乾了！還好這個不是我點的，不過味道也不錯，喜歡吃脆口食物的人不妨一試。 至於珞桐pizza$28包一杯熱飲，剛上枱的時候賣相一點也不吸引，只是在厚麵包上放了pizza的材料拿去焗吧，然後切成四件就算是pizza了！原本不打算影相的，但拿了一件想放落口才發現，嘩!好多芝士同配料呀！於是又幫它拍照了，不過還是對它沒太大期望，想不到吃了一口就愛上它了，我不知道要怎樣形容，但就是很好吃啦！原本只打算只吃有材料的部份，不吃麵包皮的，結果發現麵包皮烤得很脆，它的脆跟多士的不一樣，不會硬而且很鬆化也很好吃，最後就是整件也沒剩全吃了! 我那個原本不太愛吃pizza的女兒，聽到我說很好吃，也跟我要了一件試試，結果她吃了一口就立即說留多一件給

自從一位大埔友朋友帶過我過來一次, 我就久不久會自己來這裡雖不好坐, 大排檔格局.但食物高質抵食下午茶時間4:30左右到, 很幸運很快就有位了~餐牌選擇很多, 中西合壁, 平均$30樓下有找另外還有一個粉麵餐牌, 我就沒有拍了芝士火腿牛角包 - 平常茶餐廳絕對不會有的牛角包,賣相一般,有稍為熱過有一點牛油香味但不鬆化, 火腿是一般火腿但熔化了的芝士很出色,  想平平地過下口癮非常足夠蜜糖芥末豬扒包 - 推薦!!!這是我必叫之選!CP值超高豬扒厚度適中, 半煎炸成金黃色, 熟度剛好小juicy;麵包表面焗成微脆, 看連芝麻都是金黃色的;夾有蕃茄生菜, 再加上蜜糖芥末醬, 大愛!一口蜜糖多士 - 推薦所有一口多士~~~第一次食的話真的很難相信在街市裡有那麼精美漂亮的疊疊多士麵包有3CM厚！切成粒粒狀再烘成多士，所以每一粒都是香脆的上面洒上糖霜和蜜糖增加風味，墊在最低的是麵包皮也是烘過的！我們吃到一包都不剩呢大部份餐點均送飲品！飲品質素則一般，不會偷工減料但沒有特別出色～總結:環境很簡陋但食品物超所值！還會再來的

住了大埔多年，都不知道寶湖街市有這隱秘的冰室及美食上openrice睇過下食評都不錯，就來試一試下午4點多來到，人流不是太多人，可能過了高峰時間😆😆他們食物選擇都很多，對我來講有一點選擇困難，樣樣我都想食。隔先生的焗飯，前面那一家的pizza及一口多士，叫我如何選擇😦😦早知帶上媽媽一齊來因太肚餓關係叫了個 🐷士汁🐖軟骨撈面29元加杯凍奶茶加多2元😀撈面一上枱已經聞到香噴噴芝士味，個汁唔太杰，上面有一點炸蒜頭碎，而且都有4大舊豬軟骨😍😛配上他們的辣椒油(食的時候有點親切的味道，有點似國內的老干媽)正丫可惜杯凍奶茶差一點，就是奶太多了😑其實現在在外面食一個餐都要40-50元以上，在這裡最貴那個餐都是36元(以我見眼見)，真心覺得好...好...好抵💪💪💪下次一定要帶上爸爸及媽媽來！※※還值得一提，剛入到街市時，都有一點熱，當然比外邊一定有少少涼。心諗如果間野會唔會很熱呢？如果無冷氣就唔幫襯，幸好係有冷氣的😆😆

這冰室雖然位於街市最深處，但每天依然不乏顧客，全因冰室別樹一幟，其特色下午餐吸引了來五湖四海的人專程進街市品嚐。而我這天也不例，刻意前往為要一嚐它的招牌一口多士。一口杏仁朱古力多士 （$24）這個一口多士賣相十足，香味四溢，看起來絕不次於酒店自助餐。只是口感和味道俾起賣相始終略遜一籌。咬下去只有中間幾粒較入味和軟硬適宜。而外圍的就相反較為不好食。除了一口多士外，它還有蝦多士也較出名，各位也不妨一試

由於經常周圍行 所以好多隱世食物我都知邊度有 爭在有無人陪我去😅 呢類型多士唔係得甜品店同cafe先有既 街市都有! 一口朱古力醬多士 ($24 包熱飲) 其他選擇仲有蜜糖多士等 麵包邊位香脆 粒粒多士亦夠酥脆 但有少許乾身同硬 朱古力醬味道有點兒artificial 不過呢個價錢無得complain 啲咩既 而且份量唔算少 有十幾粒

早前在網上看到有關珞桐冰室的介紹，於是今天和女朋友一起到珞桐冰室尋寶。進入寶湖道街市只見店販，一個到街市買菜的人影都沒有，行到珞桐冰室的門口，卻見到所有坐位都坐滿了人，真是一大對比，可見珞桐冰室不只是一間普通冰室這麼簡單。我們很幸運，一來到就有人離開，不太需要等位。來到這裏，當然要試試這間冰室的推介—「一口杏仁朱古力多士」。我點了一個，另外再點了一個牛筋豬軟骨雙拼麵及兩隻蜜糖雞全翼。但點菜的那個仕應跟我們說因為太多人落單的關係，一口多士需時四十五分鐘，我呆了一呆，不過這麼山長水遠來到這裏，沒理由不試這個推介，所以最後還是點了。先說一說那個雞全翼，雞翼很香，熱烘烘的，但甜道就略為不足。接著是牛筋豬軟骨雙拼麵，麵的種類可選生麵或公仔麵，這個麵的湯底不太好吃，幸好牛筋和豬軟骨的味道不錯。最後，就是那個一口多士，我們真的等了約四十五分鐘就有得吃了，這個一口杏仁朱古力多士的賣相很好，吃出不出有杏仁的味道，但朱古力醬就很好吃而又不太甜，至於多士本身質感比較硬，若你吃慣普通冰室的多士，珞桐的多士可能未必適合你，至於我就覺得這質感算是這款多士的特式，感覺上不錯。整體而言，以這個價錢來說，珞桐冰室的食物