Video
Above information is for reference only. Please check details with the restaurant.
Review (5)
呢個食評好簡短,珍寶樓在元朗老字號,呢次買了一客排骨飯....賣東西個位嬸嬸有的串..不過唔過份...飯粒.比較乾身..粒粒分明,而排骨有點肥....食到甘香的味道,不過份量較少...總括而言...無特別.不過合格......
continue reading
在尖咀甜漏完畢，又是時間回到元朗，繼續扮演師奶角色---到超市入貨。而逛超市前，雖然已經飽滯毫無胃口，還是先同老公到珍寶樓填肚，當然講的是填他的肚! 這間主打夜茶的珍寶樓開張至少十多年，門口滿是風霜的痕跡；而老店在附近一帶也幾受歡迎，愛在附近波樓督波的老公也曾多次幫襯，只得我是初次到訪。環境簡陋的舊茶館的點心每款$11-$12，蒸飯及金牌糯米雞一律$21，是晚由老公拍板點了： 普洱茶-當然不可與日間福茗堂的陳醇貨色可比啦!但這裡只收每位$1的茶錢，沒有怪味/苦味也算交足功課了。 滑雞札($12)-這家的腐皮很美味!!軟滑入味又不會被湯浸得過稔，單為這精粹部分來吃都值。然而中間的夾心不但沒有喜愛的芋頭，雪藏雞肉毫無吃頭，再者豬皮也太硬不太好吃，真的只吃腐皮就好了。 梅菜肉餅飯($21)-老公推介這裡的蒸飯，因為甜醬汁配以軟甜有致的飯粒頗討好，但這裡的肉餅竟是由雞肉所製?!第一次吃這口味蒸飯的老公也意外了，然而靠賴香甜有咬口的梅菜，這飯也是合格有餘。 黑椒蒸大腸($11)-一飯一點心本已夠填飽，但老公多心的再點個蒸大腸，就惹來惡果：大腸原來又老又微帶宿味，並與黑椒汁格格不入，味道久佳；及至其後老公半夜開始肚痛，咕嚕咕嚕了一整晚，此點心嫌疑甚大。 所以，雖當晚所見金牌糯米雞足料又吸引，本打算揀日再試，但後來也打消念頭。如大家有緣幫襯，也要盡量避開腸類為妙，祝好運!
continue reading
珍寶樓因為工作好耐冇寫食評，今日就寫一個短評。有日同亞爸亞媽係大陸做完野，因為要趕早機，所以就算晚上十二點幾都飛車返香港，突然好想食點心，的士大佬介紹大圍專做消夜點心嘅地方，結果食完亞媽勁話難食，心諗香港真係冇好食嘅消夜點心咩？所以今日食完晚飯，問女朋友邊度有好消夜點心，女朋友馬上提意元朗珍寶樓，話夠老字號，盡管好飽，都要試一試，加上自己減左十磅，可以有Quota食消夜，哈哈!!去度門口都有D驚，因為店面好舊光線又不足，感覺麻麻，簡單叫左外賣牛肉同燒賣，但係未返度屋企已經好想打開黎食，因為勁香。牛肉比一般酒樓好得比較鬆，有少少散嘅感覺，但係加左好多類似筍嘅野，口感唔錯，味道一流，非常多汁。燒賣硬度識中，豬油好香，同樣非常多汁。雖然用左豬油，但係食完唔覺好流，份量剛好。聽女朋友講，尼間點心店應該差不多有十五年，正如我個世叔伯話〝甘耐唔死得，應該有D料到〞，可以再試!!
continue reading
近期愛上食盅頭飯，一有食店有我就會去試。朋友介紹呢度唔錯，所以黎試下。珍寶樓唔係位於大街，新b仔再向前行右面就係，出面有個大蒸籠，$18盅頭飯有幾款，首推梅菜肉餅飯。肉餅肥瘦肉各一半，加埋梅菜，向來都係最佳拍檔，飯粒分明，偏少少硬身不過係小妹鍾愛既口感，連男朋友都讚好好味。點心類味道麻麻，不推介。服務，有時叫完阿姐佢就走左去，以為佢聽唔到，原來係聽完唔應你之後去整=_= 加上呢度開1830-0630，食飯期間仲有好多人黎買盅頭飯外賣，所以一定有吸引之處。
continue reading
我食勻全元朗最好食0既盅頭飯都算呢間,但飲中式茶要一元一位,同埋盅頭飯要十八蚊,點心都成十二蚊似乎貴左d ,如果盅頭飯十六蚊就差唔多啦!不過大致上都ok 0既!
continue reading