牧牛冰室 (Closed)

this restaurant staied there almost 20year.with only their signature dishes, 1. scallion fries chicken / porkchop rice with scramble egg.2. wasabi chicken ricethis time tried the first one.all u can see from the pic is that hugh one inch thickness of chicken, it got excellent crispy texture, tender juicy meat. thats already above my expectation.plus, the scallion topping are mixed with sesame and cook oil, with little ginger juicy thats boost up your appetizing .the scrambled egg is in milk yell

2/5 (中英雙語，Chinese and English review)雞蛋無可否認是好吃的，蛋香牛油濃，滑嫩無比。不過其他就很普通，撈麵瑞士汁，味道不咸不淡不夠味，慶幸的是麵條每次也煮得恰到時間，彈牙爽口。雞翼也不太入味，顏色很夠，肉質也不會煮過淋。雞排外皮炸得有點乾硬，肉質有點乾。蔥油和店家的豉油配滑蛋白飯就很不錯。(Google translate) Others are just ordinary. The Swiss sauce of lo mein is not salty, not light and not enough. Fortunately, the noodles are cooked just in time every time and they are refreshing. The outer skin of the chicken cutlet is a bit dry and hard, and the meat is a bit dry. Scallion sauce and the store’s soy sauce with slippe

食過咁多茶餐廳呢間野可以令我想寫食評、我都第一次、呢間唔洗去服務差、食物又唔係話太好食最重要唔太衛生同區大把選擇試過一定後悔、絕對無下次，價格唔係話特別吸引所以三思

與家人一大清早黎呢頭附近，梗係去大酒店😭😭，食個豐富早餐先去。個沙嗲牛肉公仔麵，味道相當不錯，麵質亦都唔會太淋。炒蛋多士都正常，不過番茄湯午餐肉粒通粉就有少少失望，雖然個番茄湯好夠熱，但係個午餐肉粒就得外面熱，裏面係凍嘅，所以呢一點就扣咗分😞😞。

估唔到去到大角咀都有間咁既冰室但發現佢既開門時間都幾短要食真係趁早會好啲 不過中午啲時間去食都幾多人下我今次叫左佢個常餐，$40幾蚊 價位都算係咁諗住叫雪菜肉絲 但竟然去到中午就已經無曬所以就食肉丁麵加火腿 炒滑蛋 配個奶茶估唔到個滑蛋都真係幾好食滑得黎有少少奶香 趁熱好好食而個肉丁就有少少怪同鹹 不過味道都還好啦下次有機會試試個撈丁 都幾正雖然味道係偏重口味但好港式好啱香港人既口味！推介： /5

係大角咀，雖然係一個舊區，但好食既茶記唔多。呢間似乎睇落都好有懷舊氣色，見到門口都有人特登黎買外賣，就入去試一試。早餐款式都算多 （其實早午餐都係果啲野啦）今次試下特色早餐同醒晨全餐，分別似乎就係，特色早餐主打芝士滑蛋，醒晨全餐就係兩款餸自己揀。先黎咗個叉燒意粉。叉燒數量都算多。雖然浸咗湯，但啲叉燒都有少少蜜汁香味，有幾舊仲有少少燶邊，非常可口。意粉都唔錯，偏挺身。因為本身唔中意太䭃身既意粉，所以呢個意粉既軟硬度非常適合我。本身個滑蛋都炒得好好，好滑好夠味。當然蛋味唔係濃到好似某連鎖店既咁誇張。但食落去都幾舒服。芝士滑蛋。黎到既時候，見到一灘野，水汪汪咁。心諗係唔係中伏呢。但食落去，原來夠多芝士，好有芝士既香味，感覺同蛋差唔多一比一咁炒出黎。岩岩食果陣覺得好正，食到一半就開始有啲漏。同埋芝士味蓋咗個蛋味。如果未試過，值得一試，但可一不可再，除非你好中意食芝士啦。另外，牛油多士都幾出色，烘得剛剛好。而且牛油都好足料。非常香口。奶茶都真係幾滑。茶味都有。不過茶底唔夠厚身，感覺只係好輕好滑。最大敗筆係唔夠熱。黎咗無耐，落咗糖，一飲落去已經唔燙口。可以再熱啲⋯⋯如果唔係，食菠蘿油既朋友會比較坎

店舖的大大隻牛和藍天牆紙吸引到我試這間茶餐廳，大概是復興舊茶餐廳的視覺元素，卡位、地磚都是舊式的設計。下午茶-一丁叉燒炒滑蛋 $33本來以為滑蛋會另上，結果是放在麵上，一夾就散開，而且浸了湯，見到另一桌是叫蛋分開的餐，下次要注意吃滑蛋不要叫湯麵。叉燒只有幾片，整體來講，這價錢也差不多吧熱奶茶唯一要讚的是奶茶，香醇濃滑的味道，正宗港式風味。一丁叉燒炒滑蛋：2.5/5分 🌕🌕🌗 熱奶茶：4/5分 🌕🌕 🌕 🌕

雞扒配炒滑蛋 x 瑞士汁撈一丁 x 啡走咁啱經過呢間港式嘅茶記，睇落都幾有風味，就入去坐底試下。因為毒毒食中午，叫咗碟撈一丁加杯熱啡走，簡直係麻甩之最🤭😌總括來講，呢個味道都唔錯。雞扒煎得幾香，個 瑞士汁亦都幾好味。但係分量對於男士來講可能就少咗啲😂

有同事推介大角咀有間媲美佐敦嗰間又係牛既餐廳，所以要試一試！星期六過嚟食午餐 好多人 座無虛席識食一定會揀炒滑蛋試下，就對比下啦果然炒滑蛋好高質喎 又滑又香 而且食得出有奶香 煙肉公仔麵就正正常常啦 都冇咩特別所以冇影特寫比佢然後叫咗個自己好想食既蕃茄粒粒餐肉公仔麵點知好有驚喜餐肉好高質地 係一粒粒又大磚 而且個餐肉表面食得出係有煎過嘅 煎得好香口 十分好味加上蕃茄湯係有蕃茄粒 唔似用茄糕開出嚟嘅湯底 茄味十足整體食物都好好 而且冰室價錢平民 值得再試

住了大角咀幾年了，次次去吃早餐見到牧牛冰室好多人.唉，本人好驚要等位.每次一見到多人就走.一直聽到朋友贊這間冰室炒蛋好正.又大份好吃.今日去吃早餐見到唔使等位，立刻入去吃番個靚靚早餐先..無霖到.真係幾好吃.好吃得來又大份..服務又幾熱情喔..以後多D來吃.好適合我口味.炒蛋好滑，牛肉麵又大份好吃.無得輸 好味冰室，等下位係應該的，我真係錯了.近屋企咁近，次次行去遠地方吃早餐，加上無這間牧牛冰室好味.真係值得等下位..

大角咀有好多茶餐廳，牧牛冰室既裝修算係比較新派，今日得閒就試食左呢間。主要係比較多人叫外賣，堂食既可以直接入座。黎茶餐廳咁就梗係要點返常餐，午餐係比早餐貴少少，不過41蚊包咁多野食，都算幾平。牛油多士係即烘，食落熱熱地，配埋牛油，幾好我叫左少牛油，真係冇俾咁多，抵讚！午餐肉味道正正常常，冇乜特別。最好味係個滑蛋，好有奶味，有少少後悔冇加5蚊轉芝士炒滑蛋呢。沙嗲牛肉面個面煮到岩岩好，唔會過淋，但牛肉份量好似太少呢。

今次已經係第N次食, 見咁好彩冇人等, 幾大都入去食啦! 食物質素: 食過咁多次我最鍾意都係佢個蕃茄午餐肉磚通粉, 個午餐肉真係好正, 未食過其他咁厚咁足料! 我覺得佢俾0左半罐囉! 個餐連凍飲就$40, 佢俾返半個罐頭你其實都算係咁!   跟餐係多士, 其實都好正, 夠厚夠脆.  凍飲就正常.但其實更值得一提0既係個炒蛋  堅係好味, 好似有牛奶一齊炒0既! 可惜佢冇跟LEE個餐囉~ 環境: 正常茶記.  格局係懷舊0個種.  小小迫, 但可以接受.  都算乾淨企理. 服務:  伙記都好好, 坐低冇耐就0黎點餐, 雖然多人, 但出餐都叫快.  食後感:  水準保持到, 會再0黎食! 

牧牛經常入選做香港十大常餐的餐廳，所以幾乎每次去都係要等下位，但人流來去快，等唔太耐就入得。餐廳裝修就是典型的茶記風格🤣🤣⋯⋯除了常餐，個人都幾鍾意佢既蕃茄湯的餐。不過同常餐唔同既係，蕃茄湯餐係配多士類，所以想食奶多之類時就會揀蕃茄，而想配火腿/蛋/餐肉時就會揀常餐👈🏻同各大冰室同樣⋯都係落餐後就非常有效率，好快有野食送上。😆👍🏻👍🏻個人今日揀選了 火腿炒蛋。滑蛋確實有質素，夠嫩滑，而佢既多士係非常厚厚的！仲烘埋底，食落大滿足，夾埋火腿同炒蛋食，咁就係一份腿蛋治，已經塞滿了最少半個胃🤣常餐最多人揀就係叉燒意。內有乾坤⋯⋯啲叉燒係哂底到，自己發掘，份量都好多⋯⋯口感味道都係合格 同其他齊名既名冰室差不多。最喜歡係佢既烘底多士，烘完真係食落唔會寡，可以食哂整整一份😂⋯⋯不過⋯⋯食完係好飽好飽😆👍🏻👍🏻

很久沒到大角咀 今日經過去試過平民下午茶 大約下午5點左右炒蛋驚喜。又香又滑。味道重奶味。正腸仔無特別。腸仔一條火腿通粉好好味。本人覺得好味過澳xxxxx食落又不像好多味精。一口一口吃過不停另外叫了個沙甸魚包可惜賣哂。所以 try 唔到變咗個吞拿魚包 個包質地特別香甜杯凍咖啡就比較甜。所以我只喝了幾口下次必會再試。希望水準保持沙甸魚多入貨講完食物就講下環境。 要懷舊裝修但店內漂白水味道太強烈。希望會有改善I will be BacK

甚少去大角咀的我難得來到選了一直想試的茶記果然沒有令我失望！特別要讚多士 烘得超脆而且已經飛邊 加分炒蛋夠滑溜 真係非常不錯多士可以走油轉花生醬 但花生醬有點偏甜配泰辣雞公仔麵 麵煮得剛好 我鍾意雞微辣幾惹味不過有點乾奶茶厚滑不錯不錯整體好滿意😋